AbdulRahman Ayyash
 

AbdelRahman Ayyash's Facebook profile

Thursday, 10 June 2010
يوم تاسع: التعذيب في مصر
اللينكات دي لصورتين ، لشاب اسمه خالد، من اسكندرية
دخل القسم و خرج منه
الصورة قبل ما يدخل:
و دي صورته بعد خروجه من قسم الشرطة ميت (تحذير شديد جدا ، لأن الصورة لا يمكن توقعها)
انا مش هقول ان الكلام ده اكيد صح
لكن لو الصور دي صح، و تم التأكد منها
و الموضوع ده اتسكت عليه
و العساكر و الظباط و مأمور القسم اللي حصل فيه كده متفصلوش من وظايفهم و اتحاكموا بتهم القتل العمد مع سبق الاصرار و الترصد و الجرايم التانية اللي تستدعيها الحالة دي
ده لو متحركش عشانه نواب الحزب الوطني قبل المعارضة
و لو نواب اسكندرية مرفعوش قضايا على اللي عملوا كده
يبقى مصر ساعتها مش بلد يتعاش فيها
و يبقى حق كل شاب مش لاقي وظيفة وللا اتضرب على قفاه من عسكري وللا اتهان من ظابط ، حق كل واحد فيهم انه يعمل اللي هو شايفه عشان ينتقم من اللي عمل فيه كده
لأن بلد يحصل فيها ده من غير محاسبة للمجرمين .. متبقاش بلد، دي تبقى خرابة، و اللي يعيش فيها لازم ياخد حقه بدراعه، او يموت عشان حقه ده
انا مش عاوز ابرر لأي حد لبس حزام ناسف و فجر نفسه في قسم شرطة، و مش عاوز ابرر اي اعمال عنف ممكن ناس يرتكبوها بسبب غياب العدل
لكن عاوز اقول اني هكون متفهم جدا، لو شخص قرر انه ينتقم من المجتمع كله، بسبب موقف زي اللي في الصور ده

Labels: , , ,

posted by AbdElRaHmaN Ayyash @ 05:43  
5 Comments:
  • At 10 June 2010 at 06:55:00 GMT, Blogger MR.PRESIDENT said…

    الله يرحمه
    انا لله وانا اليه راجعون
    وحسبي الله ونعم الوكيل .

     
  • At 10 June 2010 at 06:55:00 GMT, Blogger MR.PRESIDENT said…

    مسير يجي يوم
    ومصر هيتاخد فيها كل حق من ظالم
    ويترد لكل مظلوم

     
  • At 10 June 2010 at 07:00:00 GMT, Anonymous zeina midhat said…

    SPEECHLESS...
    إمبارح باليل بعد الصلاة.. جه معنى التعذيب ده على بالي...
    وأقعدت أطلب من ربنا إنه يرحمنا
    ..
    ويكثر الرحمة بينا عشان الناس ما يعذبوش الأبرياء و لا حتى الجناة
    ..
    !!
    بجد ماعنديش كلام... غير إني برئ مما أجرموا

     
  • At 10 June 2010 at 07:08:00 GMT, Anonymous zeina midhat said…

    سبحان الله.. تأمل سورة البروج و قصة أصحاب الأخدود
    فيها كل المعاني
    :)

     
  • At 11 June 2010 at 19:25:00 GMT, Blogger عاشقة الأقصى)walaa rizk( said…

    هى لسه هتبقى خرابه
    ماهى فعلا خرابه
    للآسف
    بس المشكلة بجد
    إن توصيف المرحلة يتقال عليها
    مرحلة ماقبل الحيوانية بسنة بسيطة
    يعنى خلاص البشر مبقوش بشر بقوا حيوانات متوحشة
    لاتعليق بجد

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats