AbdulRahman Ayyash
 

AbdelRahman Ayyash's Facebook profile

Sunday, 20 June 2010
خالد دياب

سلامو عليكم
ازيك يا مستر خالد ايه الاخبار :)
بداية انا اسمي عبدالرحمن و انا بدرس هندسة كمبيوتر و مهتم كتير بالسياسة و الاعلام
حقيقي كنت عاوز احييك على الفيلمين الروعة اللي اظن ان كلنا كنا محتاجينهم من احمد حلمي عشان ينقل من القضية اللي بتدور حوالين الكوميديا، للكوميديا اللي بتدور حوالين القضية .. خصوصا لما تكون القضية اجتماعية زي الف مبروك و عسل اسود
انا شفت عسل اسود في الايام الاولى ، و اظن انه فيلم متميز جدا، لكن ممكن يكون عليه ملاحظات كتير.
انا مش ناقد و مش متخصص، و الكلام اللي ممكن اقوله يكون سهل يترد عليه، و ممكن يكون فعلا نقط مهمة بالنسبة لك و ساعتها يهمني جدا اعرف رأيك فيها .
انا نقطتي النقدية الوحيدة ، هي نقطة واحدة لكن انا شايفها فارقة حقيقي .
انا اظن انه الفيلم كان "مش ممسوك" .. انت فعلا قدرت توجع قلب الناس على مصر، لكن القصة مش ممسوكة ابدا، انا اقصد انك ممكن تشيل اجزاء كتير من الفيلم و مش هيتأثر، كأن الفيلم عبارة عن مشاهد متركبة على التوالي ، لو شلت حاجة منها هيكمل الباقي بعضه.
عموما الفيلم خطوة مش عادية في السينما اللي ممكن تخللي مصر احسن
اللي انت بتعمله يا باشمهندس هيأثر في تاريخ جيل جديد، و انت فعلا بتقدر تأثر كما يجب ان يكون .
ربنا يوفقك .. و ان شاء الله كل اللي جاي احسن و احسن
:) شكرا
عبدالرحمن

Labels: ,

posted by AbdElRaHmaN Ayyash @ 00:08  
2 Comments:
  • At 21 June 2010 at 01:40:00 GMT, Blogger عاشقة الأقصى)walaa rizk( said…

    دى رسالة بعتهالوا ولا إيه؟

    اللى انا متوقعاه
    رد رائع منه

    لأنه فعلا شخصية من الشخصيات اللى عرفتها فى حياتى وساعات قليلة معاها
    علمتنى حاجات حلوة
    أكثر شئ رائع فيه
    ان بجد عارف هو بيعمل إيه وحاطط هدفه ومحدده جدا
    نفس كلامه عن الفن وانه المفروض يؤثر بشكل تربوى على الناس بدون ما يكون رسالة مباشرة لما كنا بنحاوره
    هو نفس كلامه فى برنامج مجددون فى آخر حلقة
    حسيت ساعتها إنه متشرب الهدف وعارفه كويس
    ربنا يوفقه بجد

    نفسى اخلص امتحانات عشان عاوزه اتفرج ع الفيلم
    :(
    لما يرد بقى يابشمهندس
    حط الرد هنا
    :)

     
  • At 8 April 2011 at 00:04:00 GMT, Anonymous Anonymous said…

    يعنى انت طلعت بتاع سينما وامال اية اللى دخل امك فى السباسة زى بقيت الفانين المغمورين والذين انطفئت عنهم الاضواء وراغبى الشهرة ..يعنى انت تبع الهوجة وعاوز يبقى لك فيها منظر وشهرة يا وسخ ..انت يا واطى تقول للجيش رصيدكم نفذ لدينا . بماذا تقصد لدينا هل انت ممثل الشعب واحنا مانعرفش هل الشعب الذى تقصدة هو شوية الصيع اللى فى التحرير اللى ما عدش ليهم لازمة بعد الاخوان ما تركوا الميدان ولسة عايشين فى الدور وبيحسبوا انهم ابطال ..عمر من مارس تعاطى الخدرات ومارس الجنس فى التحرير ان يكون بطل هو انت مين فيهم

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats