AbdulRahman Ayyash
 

AbdelRahman Ayyash's Facebook profile

Saturday, 12 June 2010
يوم عاشر: التعذيب في مصر 2
التدوينة منقولة عن ميت:

وأخيرا ظهرت الحقيقه وسقطت أكاذيب الداخلية اللعينه مره أخري ، الشاب خالد محمد سعيد إلي إتقتل في الإسكندرية ﻷنه كان ناوي يفضح مافيا الأمن والإتجار في المخدرات ، مساعدا الشرطة : “خالد احمد عثمان” و”احمد منيسى” والمخبران:محمود الفلاح و حقير يدعى “عوض” ، همه دول المجرمين الحقيقين ، ودول العصابه الأمنية إلي قتلت خالد ، وإلي بتتاجر في المخدرات وبتضيع شباب البلد

خالد وصل له الفيديو ، وكان عايز يفضحه في كل حته ، ولكن للأسف قتلوه ، وإغتالوه قبل ما يتم المهمه بتاعته ﻷجل مايحافظ علي كل شباب البلد ، ويفضح العصابه الأمنية دي .

أنا هنشر الفيديو تكميلا لمسيره خالد وكل المدونين زمايلي نشروا الفيديو أو هنيشروه ، وكلنا هنبقي موجود يوم الأحد أمام وزاره الداخلية



الفيديو عباره عن ضبطية أحراز “مخدرات” قوه القسم وقوه المباحث بتقوم بتقسيمها عليها ، ﻷجل ما كل واحد ياخد حته يبيعها لحسابه والباقي يتحط في المحضر للشخص المضبوط

الفيديو يوضح إن الظابط بيعد الفلوس المظبوطه
و بيعد أمناء الشرطة و المخبرين الي ف الاوضه عشان يقسم عليهم و الاحراز مفتوحه
و في واحد مخبر دخل اخد حتة حشيش من الحرز و طلع

الفيديو مصور داخل أحد المكاتب يعتقد أنه مكتب مباحث قسم شرطة، يظهر مجموعة من الأشخاص بعضهم يرتدي الملابس العسكرية المميزة لأمناء الشرطة، وهم يتحدثون مع شخص يجلس خلف المكتب يظن أنه رئيس المكتب، حول ضبطية كبيرة نجحوا في ضبطها وهي عبارة عن كمية كبيرة من مخدر الحشيش ومبالغ مالية. كما يظهر في الفيديو والذي من الواضح أنه تم تصويره بمعرفة رئيس المكتب والقسم، مزاح أفراد المكتب مع بعضهم البعض ومع رئيسهم، ويتبادلون اقتطاع أجزاء صغيرة من مخدر الحشيش “لزوم المزاج” حسب قول أحدهم، ويظهر أيضاً صوت يقول “مبروك عليك ياباشا” مخاطبا رئيس المكتب والذي يرد عليه عارضا أخذ قطعة من الحشيش فيرفضها.

ويظهر المتهم الذي يعترف بأن معه السيارة التي ضبطت بها المخدرات، أمام القسم، ردا على سؤال عن بطاقته فيقول إنها في السيارة، ويعترف على شخص آخر يدعوه “صاحب الشغل”.

دم خالد مش هنسيبه ، ومطالبنا في ده هي رحيل العادلي وعصابته المجرمه

شاركوا معانا في صفحه خالد علي الفيس بوك ، إضغط هنا

Labels: , , , ,

posted by AbdElRaHmaN Ayyash @ 11:32  
1 Comments:
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats