AbdulRahman Ayyash
 

AbdelRahman Ayyash's Facebook profile

Monday, 2 February 2009
القاهرة
أحب القاهرة
اكتشفت هذه الحقيقة منذ أعوام ، و يزداد يقيني بذلك في كل مرة أسافر فيها إلى القاهرة .
نعم .. القاهرة رائعة ، أحيانا تكون "خنيقة " و خنقتها الوحيدة في كونها زحمة بشكل لا يمكن تحمله .
الزحام و الضوضاء و التلوث .. هم عناوين القاهرة ، و هم أيضا مشكلاتها !
على كل حال ، فقد كنت في القاهرة على مدار الثلاثة أيام الماضية ، حاولت أن أفعل فيها شيئا ما :)
بداية كانت زيارتي للجرحى في أحد مستشفيات القاهرة ، التي سأتحدث عنهم فيما بعد بكل تأكيد ، فتجربة الجرحى الفلسطينيين تحتاج لمن يوثقها ، و بالطبع تحتاج لمن يدونها .
اليوم الثالث كان يوم الرجوع ، و فيه قابلت الأستاذ خليل العناني ، الباحث بمركز الاهرام ، و مدير تحرير السياسة الدولية ، و مؤلف " الإخوان المسلمون .. شيخوخة تصارع الزمن " .. كان لقاء رائعا كما كنت أتوقع .
أما اليوم الثاني ، فقد كان حافلا .
لا أريد حقيقة أن أسهب في وصف زيارتي لمعرض الكتاب ، لكنني فقط أريد أن أقول أنني استمتعت كثيرا ، و سأستمتع في كل مرة أزور فيها معرض القاهرة الدولي للكتاب .
المعرض هذه السنة لم يكن مختلفا كثيرا عن سابقيه ، لكنني في هذه السنة اشتريت العديد من الكتب التي كنت أريد شراءها ، في نفس الوقت لم يكن لدي متسع من الجهد ولا من الفلوس لشراء كل ما أريد.
كنت أريد شراء كتب للجابري ، و بقية مجموعة مالك بن نبي ، و كتاب برهان غليون ، و رحلة المسيري الفكرية ، و غيرها و غيرها ، لكن ما اشتريته أعتبره كافيا لي في هذه المرحلة ، على الاقل لأربعة شهور قادمة .
عموما بإمكاني القول أن الرحلة كانت ممتعة للغاية ، اشتريت فيها العديد مما أريده ،
اشتريت :
لمالك بن نبي :
فكرة كومنويلث إسلامي
من أجل التغيير
الظاهرة القرآنية
و ميلاد مجتمع
و للدكتور القرضاوي :
كيف نتعامل مع القرآن العظيم ؟!
و للشيخ محمد الغزالي :
من هنا نعلم !
و للدكتور يونان لبيب رزق :
العيب في ذات أفندينا
و للدكتور المسيري :
الصهيونية و النازية و نهاية التاريخ
و العلمانية الجزئية و الشاملة
و للسيد تيودور هرتزل :
الدولة اليهودية
و للدكتور محمد عمارة :
الغرب و الإسلام .
و لفريق داليا زيادة البحثي :
مصر .. إلى أين ؟
و لرفاعة الطهطاوي :
تخليص الإبريز في تلخيص باريز
و للدكتور رشدي سعيد :
الحقيقة و الوهم في الواقع المصري
و للدكتور جمال حمدان :
شخصية مصر (الوسيط) .
و للأستاذ الدكتور ريموند ويليام بيكر :
إسلام بلا خوف : مصر و الإسلاميون الجدد
و للصحفي محمود فوزي
كيف قتلت الملك فاروق ؟!
و لروبين ميريديث :
صعود الهند و الصين و دلالة ذلك لنا جميعا .
و
كتاب لابن تيمية عن السياسة الشرعية ، لا أتذكر اسمه ، لأن صديقي خالد استعاره مني :D
أصدقاء بقى
و بعض الكتب الصغيرة .
هذا بخلاف الكتب التي "استعرتها " من صديقي حنظلة ، الذي استضافني طوال فترة إقامتي في القاهرة .
و كنت أريد شراء كتاب راشد الغنوشي ، الحريات العامة في الإسلام ، و من مركز الزيتونة كنت أود شراء تقريرهم الأخير .
على كل حال ، الزيارة هذه المرة كانت مرهقة جدا ، لكنها أيضا كانت رائعة جدا .
:D و أحب أن أؤيد و أبايع .. لا بجد .. عاوز أشكر كل اللي ساهموا في إنجاح مهمتي المقدسة .
على رأسهم السيد حنظلة و استضافته الجميلة لي .
و آية الفقي اللي رتبت زيارة الجرحى الفلسطينيين .. و بجد كانت زيارة غير اعتيادية و بكل الأشكال
و صديقي أمين .. من السويد :)
و الأستاذ خليل العناني بالطبع .
قابلت في الزيارة .. جوزيف مايتون ، صحفي و باحث بيكتب في الميدل ايست تايمز ، و قابلت معاذ مالك ، اللي فرحت جدا بيه ، و قابلت دكتورة نغم مصطفى ، و لمن لا يعرف د نغم ، دكتورة في طب أسيوط ، و إحدى العلامات الانسانية الفارقة في أفكار الكثيرين من تلاميذها .
طبعا قابلت بلال علاء و حسام يحيي ، و دول مش لازم اقول اني قابلتهم لأنهم في وشي على طول :)
قابلت أحمد عبدالجواد ، و احفظوا الاسم ده كويس :)
كنت عاوز اقابل عمرو مجدي بس محاولتش !
و كنت عاوز اشوف سعد خيرت ، و برده محاولتش
و كنت عاوز اسلم على ناس كتير زي عبدو بن خلدون و عمرو طموح و أحمد أشرف ، بس معرفتش احاول اصلا :)
لأن فعلا التلات ايام كانوا مرهقين ليا جدااا
دمتم بخير

Labels: , , ,

posted by AbdElRaHmaN Ayyash @ 15:24  
7 Comments:
  • At 2 February 2009 at 20:13:00 GMT, Blogger Hosam Yahia حسام يحى said…

    :@

    :@

    :@

    كفايه دولت ...مش انت كنت قولتيلى انك هتتصل بيا فى المعرض

    انا كنت مستنيك جوه وخالد اتصل بيك :@

    اما اشوفك
    ..............
    :D:D:D:D:D
    بس ايه الكتب دى

    مفيش مذاكره خلاص :D
    :D

    ربنا يوفقك يابنى :)

     
  • At 3 February 2009 at 08:18:00 GMT, Blogger اصحى يا نايم said…

    من الحاجات الغريبة فعلاً ان أهم كتاب انت اشتريته وستستمتع به جداً هو كتاب السياسة الشرعية فى اصلاح الراعى والرعية لا بن تيمية .. حاول تسترده بقى لو عرفت

    الحاجة التانية ان مستر أمين بولجريفيك السويدى ( والافضل اننا نقول انه بوسنى ) كان بيسلم عليك الاسبوع اللى فات لكنى لم أقابلك حتى الآن حتى أبلغك سلامه .. أمين فعلاً شخصية متميزة

    الحاجة التالتة ان انا عرفت ليه حسام عاوز يروح لطبيب نفسى .. انت ذكرت السبب فى آخر البوست

    تقبل مرورى .. ودمت فى رعاية الله

     
  • At 4 February 2009 at 10:45:00 GMT, Blogger عمر عاشق القرآن said…

    جميل والله كلامك على المدونة عموما .. وكمان جميل انك بتقرا كتير


    على فكرة
    انا كمان بحب القاهرة :)

     
  • At 4 February 2009 at 12:07:00 GMT, Blogger anas3laa said…

    ايه ده , هو فيه واحد من عيلتنا بيشتغل ف الأهرام .. هأفكر فعليا من دلوقتي أني أغير عيلتي . و كمان كاتب عن الإخوان أنهم شيخوخة بتصارع التاريخ .. لا ده أنا هغير خلاص

     
  • At 7 February 2009 at 12:59:00 GMT, Blogger القلم السكندري said…

    أحيانا أشعر بحنين إلي القاهرة.. لماذا لا اعلم.. ولكن لولا زحامها كما قلت

    رحلة موفقة .. ونفعك الله بما اشتريت


    تحياتي

     
  • At 8 February 2009 at 16:04:00 GMT, Blogger فلسطينية الهوى said…

    عفوا يا عياش

    لا شكر على واجب

    انا معملتش حاجة اصلا انت كده كده كنت بتزورهم

    انا عندي تعليق على تعليق على عانس :D


    هو انا عندي سؤال ؟

    هل في أمر مستحيل تحقيقه لو كان عندك الارادة والعزيمة

    ليه دايما معترض على الاحلام بتاعتي


    اول شرط فالحلم انه عاطفي

    عايش جوا خيالنا

    بنحاول ننقله لواقعنا

    فليه تكسير المجاديف ده

    كل حاجة مجرد حلم

    بكرة أحققهم وتشوف

     
  • At 22 February 2009 at 17:02:00 GMT, Blogger إخوانى مخربش said…

    لا استنى كده

    استاذ امين البوسنى ده من اين فى السويد بالضبط حضرتك

    ازاى ينزل برمصر من غير مايخود اذن منى

    هو انا قاعد هنا منظر ولا ايه

    قله

    دين برور هيلسا ديي

    وقله كمان

    يورا ديت ايجن نار دو فيل كوما تيل ايجبتن دو موستا برتا ميد احمد فورشتا

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats