AbdulRahman Ayyash
 

AbdelRahman Ayyash's Facebook profile

Friday, 5 December 2008
السيد ميت .. بعد التحية

صديقي ميت ..
لا أعرف ماذا أقول .. فقط أنا لم أفعل ما يجب علي تجاهك
لا أخفيك سرا .. فقد كنت أصارع ذاتي ... كيف أساعده ؟ ألم يتحر هو مواطن الأذى لكي يؤذى ؟ ألم يحاول أن يُعتقل قدر جهده ؟
صدقني يا سيد ميت ... لقد ظللت أصارع نفسي كثيرا للغاية .. أقول لقد نشر صوره بشكل يحاول فيه أن يقول اعتقلوني .. أنا مذنب .
رأيت صورك و أنت هناك .. في غزة .. كما رايت صورك و أنت تمسك بسلاحهم ، أيضا رأيتك في كل مظاهرة ... أيضا عرفتك عن قرب .. أعتقد ذلك بالفعل .. أنني عرفتك عن قرب .. كنت أعرف الكثير عنك .
صدقني يا سيد ميت ... ربما يبدو الأمر غريبا بعض الشيء .. إلا أني عندما أطلت التفكير في أفعالك... وجدت أن الطبيعي في دولة تحترم نفسها و من نظام يحترم ذاته ، ألا تُعتقل أنت ، لم تفعل شيئا ، هذه الصور كلنا نعرف أين صورت و كيف صورت ، ثم كيف تُعتقل ؟ ألأنك آمنت بقضية عادلة و دافعت عنها ؟
هذا قدر جميع أهل الإصلاح .. أو لنقل جميع المحترمين في هذه البلد .
كنت أتحدث مع صغيرتي هذه الليلة .. أقرا خبرا عن اعتقال صديق ... فأقول يااه ... دكتور يوسف اعتقل ؟ لا حول ولا قوة الا بالله ... تتحدث هي معي
تقول يعني ايه اعتقل ؟
اقول لها يعني راح السجن !
.. تقوللي ليه راح السجن ...
اقولها لأنه راجل محترم ...
تقولي لا بجد لييه ؟؟
اقولها و الله لأنه راجل محترم ..
تقوللي يعني هو عشان محترم دخل السجن ؟
قلتلها اه عشان محترم دخل السجن ..
قالتلي طيب مين اللي بيدخل المحترمين السجن ؟
قلتلها اكيد الناس اللي مش محترمين ؟
قالتلي يعني انت ممكن تدخل السجن ( هذا اطراء لي ... أنا محترم في نظرها على كل حال )
قلتلها اه ممكن أدخل السجن ...
قالتلي .. طيب قول لهم انك مش محترم و انك بتضرب اختك بالقلم على وشها ( و الله ده مش بيحصل يا ميت .) بس الطفلة قالت لي قول لهم انك مش محترم و بتضربني عشان يخرجوك من السجن ..
بتقولي يعني انا مبقاش محترمة عشان مدخلش السجن ..
قلتلها لا طبعا لازم تبقي محترمة حتى لو تدخلي السجن ...
هي مفهمتش ... و اخدت ورقة و قعدت ترسم ... مش عارف بترسم ايه هي دلوقتي .. لكن صدقني انا بسأل .. هو مين اللي بيودي المحترمين السجن ؟ وليه يوديهم السجن ؟ و مين عاوز واحد زيك يروح السجن ؟
انا اتمنى انك تكون بخير يا سيد ميت
صدقني اتمنى ذلك ... و اعتقد انك ستخرج سريعا .. لم تفعل شيئا على كل حال .. ربما كنت متهورا .. لا أستطيع أن أنفي تلك التهمة عنك ... لكن هل اعتقلوك هم بتهمة التهور ؟ لو كانت التهم تقاس بهذا المقياس .. ربما اطالب باعتقالهم جميعا بتهم تتعلق بالغباء و سوء الاخلاق و انعدام الضمير و الركون للمفسدين !
اعتذر كثيرا صديقي ميت .. أعتقد أنك تستحق المزيد .. لكنني ليس بوسعي شيء .. صدقني .. لم أستطع حتى المشاركة في مؤتمرك .... بل لم أستطع حتى الوقوف أمام النائب العام .. لكن بصدق .. يكفيك بلال .
ابن عمك راجل يابني... يكفي أنه ورث صوتك في وجه لواءات الشرطة و الأمن .. ربما يلحقك قريبا :D بعيد الشر يعني
على كل حال يا سيد ميت ... أعتقد أنك ستقرأ هذا قريبا .. و عندما تقرأه ... أقول لك صادقا ... ربما لم أفعل ما يكفي لمساعدتك في محنتك .. لكنني حتى في أشد أوقات صراعي العقلي .. لم أتصور مطلقا أنك تستحق ما "كنت" فيه .. فعندما تقرأ هذا ستكون قد خرجت .. بألف سلامة .
دمت بخير يا سيد ميت !
دمت بألف خير
و داموا هم كما هم ... و أشد إغراقا في الوحل

Labels: , , , , , , , ,

posted by AbdElRaHmaN Ayyash @ 23:19  
9 Comments:
  • At 6 December 2008 at 00:17:00 GMT, Blogger النجمة الصامدة said…

    كان الله

    لـه

    وعليهمـ

     
  • At 6 December 2008 at 10:07:00 GMT, Blogger محمود سعيد said…

    This comment has been removed by the author.

     
  • At 6 December 2008 at 10:07:00 GMT, Blogger محمود سعيد said…

    ثانى حاجة ، صغيرتك مين !

    أولاً بقى .....







    ..... يعنى صمت علشان مش عارف أقول حاجة
    مش علشان أى تردد ولا مصارعة ذاتية

     
  • At 6 December 2008 at 10:53:00 GMT, Blogger غلبان ... وليا لسان .... DeXTeR! said…

    اخر تعليق ليا قبل ما اقفل المدونه ..

    و الحمد لله انه تعليق لأخويا اللي بحترمه .. عبد الرحمن عياش ..

    بالنسبه لمحمد عادل تهمته الوحيده .. موش التهور

    نهمته الوحيده حبه

    اي محب لازم يدفع تمن حبه لأي شئ

    محمد عادل .. دفع تمن حبه لمصر ... و دفع تمن رجولته

    ربنا يفك اسره ..

    و اشوف وشكم بألف خير

     
  • At 6 December 2008 at 13:43:00 GMT, Blogger محمد الهيتمى said…

    عادل بجد اتهور بس اكيد اتهور علشان حب حاجه بجد وحب شىء له قيمه كبيره واتمنى انه يكون تهوره لهذا الشىء فقط وان يكون خالص لوجه الله ليفك الله كربه وهمه وحسبنا الله ونعم الوكيل

     
  • At 6 December 2008 at 17:24:00 GMT, Blogger Hosam Yahia حسام يحى said…

    معترض على الجزء الاول

    وربنا يبارك فى صغيرتك وتجيبلك ميه فى ماج ميكى دايما يارب :P

    ياشخص مش محترم :P

    عشان ميتقبض عليك متزعلش ياسيد عبد الرحمن

     
  • At 7 December 2008 at 12:22:00 GMT, Blogger قلم رصاص & فارس الإخوان said…

    السلام عليكم


    طبعا كما تعودنا منك عبدالرحم باشا الناس كلا في اتجاه وانت في اتجاه تاني خالص

    الظاهر انك واخد مبدأ خالف تعرف

    علي العموم

    أن أؤيد حسام في النقطة الأولي حتي لو كان أخطأ لا يجب علينا ان نشمت فيه بل الواجب ندعيله أن يفك الله كربه ثم بعد ذلك نعاتبه

    ثانيا ربنا يرزقك زيارة زيه قريب جايز دماغك تظبط وتبقي تمام

    تحياتي

     
  • At 7 December 2008 at 21:58:00 GMT, Blogger belal said…

    فعلا كنت أتمنى ألا تكتب

    تكاد كلماتك تضيق بنفسها من التكلف



    كل عام وأنت بخير ..سيد عبدالرحمن


    ..

     
  • At 11 December 2008 at 09:50:00 GMT, OpenID hmadani said…

    يظل ميت حرا وإن كان في المعتقل
    يظل حرا وإن نزيل السجن

    يظل شعبنا فاقدين الحرية، ولو كانوا يسيرون في الطرقات، ويسافرون بين البلاد

    فهو حر عندما مارس حريته، وإن دفع ثمنها
    ونحن لم نمارس حريتنا خوفا من دفع الثمن
    أو جهلا بها من الأساس

    تحياتي

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats