AbdulRahman Ayyash
 

AbdelRahman Ayyash's Facebook profile

Saturday, 25 October 2008
يوم

النهاردة بعد العصر كده كنت ماشي انا و بلال في مكان ما .. فجأة فجأة كده .. لقيتني بدات أتعب ، قلبي بيدق جامد .. تعبت فعلا .. رجلي مش قادرة تشيلني . كأني شفت عفريت !! .. حاجة غريبة اوي .. ليه .. مش عارف .. لا انا عارف بس بستهبل .. مش هقول يعني .. بس

النهاردة في حفلة اس او اس SOS اللي بيلفوا مصر دول .. بتوع فودافون و كده .. انا حضرتها و كان موجود وسط البلد و نغم مصري و بشير ، نغم مصري دول تحفة ، شربيني ده فعلا يستحق تحية .. قال اغنيتين روعة ... الاولى اسمها رحت القلعة قابلت ياسين .. حواليه عسكر و الزنازين .. او حاجة زي كده يعني .. و الاغنية التانية المشهورة اوي .. غريبة البلد دي .. او قل أعوذو .. مد بوزو .. الجبان ابن الجبانة كل غدانا .. قام لقانا شعب طيب ... كل عشانا .

النهاردة انا ضيعت كورس الجافا .. بس فعلا حفلة الاس او اس كانت تستاهل

النهاردة انا رجعت قرأت بقية كتاب الدكتور يوسف بتاع خطابنا الاسلامي في عصر العولمة .. و عجبتني اوي كلمة له عن الظاهرية الجدد و من يتمسكون بحرفية النص ، بلا أي اعتبار للمقاصد الكلية من نزول النص اصلا .. ربنا يحميه و يحفظه و يرزقنا مثله الدكتور يوسف .. و يرحمنا من علماء النصوص و الظاهرية الجدد .

النهاردة انا بعد اما خلصت الكتاب قعدت اشتغل شوية .. الا صحيح .. انتو ايه رأيكو في كريم عامر و قضيته ؟

النهاردة انا بكتب الكلام ده و انا مستني الفجر .. عشان اصلي و انام .. اصل بكره الحد ريست .. هع هع

Labels:

posted by AbdElRaHmaN Ayyash @ 23:18  
7 Comments:
  • At 26 October 2008 at 08:03:00 GMT, Anonymous Anonymous said…

    انا باعلق من موبايل عشان خاطرك اهو اي خدمه,,,, طبعا مش عايز اعمل نفسي باباك واقولك ده فقه الاولويات اللي الاخوان علمهولك,, النقطه التانيه مادمت قرات الكتاب باصيه زي اللي فات:‎ ...‎ حسام يحيd

     
  • At 27 October 2008 at 01:55:00 GMT, Anonymous razor said…

    بمناسبة ذكر الدكتور يوسف فقد غير من وجهة نظره فى قضية الشيعه مؤخراً ووافقه على ذلك الشيخ عبد الله المصلح رغم أن موقفه قوبل بالنقد من كثير من المفكرين الإسلاميين مثل محمد سليم العوا ...

    هل تعتبر أنه بالفعل خسر فى هذه المعركه كما يرى إبراهيم عيسى أم أنك توافقه الرأى فى موقفه الأخير ؟؟؟

     
  • At 27 October 2008 at 14:47:00 GMT, Blogger الحلم العربي said…

    أولا : تقبل الله
    ثانيا : ربنا يرزقنا بكثيرين مثل الشيخ القرضاوي
    ثالثا: أنا أول مرة اسمع عن اس أو اس دول
    :)))
    رابعا : بقالى كثير ما علقتش عدك ... آسفة على التأخير لكن حاسة انك في تطور مستمر و ده شئ جميل في رأيي
    تحياتي

     
  • At 28 October 2008 at 14:53:00 GMT, Blogger محمود سعيد said…

    إيه ده هو فى واحد أسمه كريم عامر دخل السجن علشان غلط فى الريس !

    ماله رأينا بقى

     
  • At 31 October 2008 at 22:09:00 GMT, Anonymous فجر المنصورة said…

    السلام عليكم يا عبد الرحمن
    دي أول مره اعلق عند سيادتك ممكن ؟؟ ممكن ...
    انت كنت ماشي من امام بيت بلال اكيد وتعبت من كتر المناظر الرائعه زي الخضره الممتده وجداول الماء الرقاق اللي قدام بيتهم
    متنساش تدعيلي وانت بتصلي الفجر

     
  • At 3 November 2008 at 23:24:00 GMT, Blogger فلسطينية الهوى said…

    شفت ايه عايزة أعرف :D

    انا بردوا بحب نغم مصري

    هيجوا القاهره امتى :)

     
  • At 4 November 2008 at 07:52:00 GMT, Blogger م/ الحسيني لزومي said…

    شارك في الحملة الشعبية للقيد بالجداول الانتخابية
    ضع بنر الحملة علي مدونتك
    البنر موجود علي مدونتي

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats