AbdulRahman Ayyash
 

AbdelRahman Ayyash's Facebook profile

Wednesday, 20 August 2008
كلمتين


الاول احب اقدم تعازي الحارة لمصر في الفقيد " الشورى " يعني مصر دلوقتي من غير شورى ، و موريتانيا من غير ديمقراطية ، و باكستان من غير ريس !
- مش قادر معلقش على كلمة موريتانيا من غير ديمقراطية ، أصلي كنت بتفرج على التليفزيون المصري قريب ، فكان بيقول المذيع في الاخبار ، الاتحاد الافريقي يعلق عضوية موريتانيا في الاتحاد لحين عودة الديمقراطية ... هي مصر مش عضو وللا ايه ؟؟؟ -
ياترى لو فرقت في موريتانيا انها من غير ديمقراطية ، ولو باكستان معرفتش تمشي من غير ريس ، مصر هتفرق معاها تمشي من غير شورى ؟؟؟ !
و بالمناسبة السعيدة دي .. احب اهني احمد عز اللي هيطلعله بسبوبة حلوة في موضوع الترميم ده ، و الخبر من عند اخوان اونلاين .


التاني .. كنت بتفرج وقت العصر ، على النيل للاخبار متابعة لموضوع الحريق ، فكان اتصال مع المراسل احمد نجيب ، احمد و هو بيتكلم لقيت صوته اتغير و بعدها ، فضل يكرر جملة ، "ننقل لكم هذا البث المباشر من تليفزيون مصر ، من قناة النيل للاخبار ، من تليفزيون جمهورية مصر العربية " ، ثم صرخ فجأة :"اعتقلني .. اعتقلني " ثم أعاد جملته " ننقل لكم ..."
أتصور أن هذا كان أحد شباب الامن ممن لا يعرفون الالف من كوز الدرة ، رأى الرجل بيقوله انا ورايا حكومة ، انا قناة حكومية ، مش الجزيرة ، يعني حسين عبدالغني مش هيقول اعتقلوني ، لأنه عارف انه لو قالها مش هيبات في بيتهم ، و عندنا بيسعدهم تلبية رغبات العاملين في شبكة الجزيرة على وجه الخصوص ، المهم ، تذكرت وقتها كلمة ياسر أبو هلالة ، في تفجيرات العقبة ، عندما كان يتحدث في الهاتف مع جمال ريان أو عبد الصمد ، لا اتذكر و قال "على ما يبدو أنني سأعتقل جمال .. من الواضح بالفعل انني سأعتقل .. جمال .. أنا اعتقلت فعلا " .

قرينة السيد كانت في المنصورة النهاردة ، انا في القاهرة بقى و هي في المنصورة ، المهم ، لفت لفة كده عشان كذا موضوع و منهم موضوع المليون كتاب ، الفكرة انهم بيوزعوا مليون كتاب مجاني ، ضمن فعاليات المشروع بتاع القراءة للجميع ، هو تساؤل .. كنت شفت من زمان على الجزيرة تقرير للأمم المتحدة بيقول ان 49% من سكان مصر جاهلين ، أميين يعني ، يعني لا يعرفوا يقرأوا ولا يكتبوا ، التساؤل بقى .. انتو شايفين ان الاولى ان نص مصر يتعلموا القراية و الكتابة ، و للا نقرا مجلة قطر الندى ، اصل انا رحت هناك ، لقيت كتب اطفال كتير اوي ، و كانت غالبيتها الساحقة من مجلات قطر الندى . ، نفس الموضوع يثبت ان في مصر الاولويات مضروبة ، كان علق الاستاذ هويدي مرة على مشروع كمبيوتر لكل مواطن ، و كان بيقول المفروض نقول كهرباء و مياة لكل مواطن الاول !!!

Labels: ,

posted by AbdElRaHmaN Ayyash @ 02:11  
34 Comments:
  • At 20 August 2008 at 06:55:00 GMT, Anonymous حسام يحى said…

    مش عاجبك طنط سوزان انها كانت عندنا

    يخس عليك

    ده البلد نضفت ياراجل

    :d'

    تعالى بسرعه عشان تلحق كتاب

     
  • At 20 August 2008 at 08:00:00 GMT, Blogger اصحى يا نايم said…

    ياريت الحاجة سوزان تيجى فعلًا كل يوم .. الشوارع نظيفة , والارصفة مدهونة ,, والامن مستتب ,, والتلفزيون بيصور ,, والزرع والرود فى كل حتة ..والدنيا ربيع , والجو بديع

    احنا شعب يستاهل اللى بيجراله , احنا اللى ما بنعرفش نعيش


    تقبل مرورى
    ودمتم

     
  • At 20 August 2008 at 08:59:00 GMT, Blogger حسن حنفى said…

    مممممممم

    ايه يعني اما نانا تيجي

    انت اللي مش في المنصوره ومش شوفت

    البلد وهي نظيفه

    وبعدين قطر الندي مش وحشه

    ههههههههههههههه

     
  • At 20 August 2008 at 10:04:00 GMT, Blogger احمد اشرف said…

    انت اتأخرت فى تعزية الشورى علشان الشورى مات من سنين طويله وعلى العموم هما لسه بيعزو فيه بعمر مكرم
    تقبل مرورى
    تحياتى

     
  • At 20 August 2008 at 21:25:00 GMT, Anonymous انا مصرى ورافض صمتى said…

    مش عارف بس

    الاولويات كهربا ولا ميه ولا ايه

    ولا عيش كترت الاولويات

    ربنا يكون فى عون الشعب

    والبقاء لله فى مجلس الشورى

    خالص تحياتى

     
  • At 20 August 2008 at 21:42:00 GMT, Blogger فزلوكة said…

    حسيت بانتمائى العالى وأنا بتابع حريق الشورى دا

    كنت فرحانة جداا
    مش عارفة ليه؟؟؟

    وبعدين أصلا إيه إللى خلى حضرتك تتفرج على القنوات دى
    يعنى حتى من باب "ولاتلقوا بأيديكم إلى التهلكة"
    دى قنوات تحرق الدم

    أما طنط سوزان وموضوع الأولويات
    فاكر حضرتك لما قالوا مفيش عيش
    قالوا
    بس فى بسكوت

    نفس العقلية

     
  • At 20 August 2008 at 22:55:00 GMT, Blogger بــــهــاء said…

    إذا كنت بتسأل عن الديمقراطية
    فعادي يعني
    لما يحصل انقلاب ويعتقل حسني مبارك
    أكيد العالم رح يتحرك عشان ترجع الديمقراطية
    زي ما نسوا عندنا كل البلاوي اللي بتعملها السلطة وقالوا حماس انقلبت على الشرعية في غزة
    هذي هي الديمقراطية

    عجبتني جدا جملة ياسر أبو هلالة:D

     
  • At 21 August 2008 at 11:05:00 GMT, Blogger محمود سعيد said…

    المليون كتاب دول

    طبعات كتب بايرة
    من أربعينات القرن الماضى غالباً

    وقطر الندى والأطفال ديه أكيد للبيع

    ثم يا أخى طه حسين قال التعليم كالماء والهواء
    مكانش يعرف إن فى ناس معندهاش ماء وأن الهواء مليان دخان

     
  • At 21 August 2008 at 13:26:00 GMT, Blogger Zanooba (Zeinab sab9n) said…

    أولاً أنا أحييك على مدونتك الرائعة يا عبد الرحمن و والله أنا أول ما عرفت أن الإتحاد الإفريقي علق عضوية مورتنيا لحين عودة الديمقراطية قلت اللي أنت قلته بظبط : هي مصر مش في الإتحاد الإفريقي...و ماشاء الله في مصر كل حاجة و كل الحرايق سببها الماس الكهربائي أنا أقترح أنهم يلغوا الكهرباء دي خالص لأنهم مش عارفين يسيطروا عليها ...أما بخصوص الأوليات المضروبة ...فحقلك حاجة في منطقتي حصل إنهيار أرضي في شارع رئيسي و بقى مايل و العربيات راحة جاية عليها ...و المحافظ بتعنا بينلوا أختفى !!!يعني من الآخر مرحباً بك في المحروسة


    السلام عليك

     
  • At 22 August 2008 at 16:01:00 GMT, Blogger belal said…

    هيا في المنصورة وانت في القاهرة

    أكيد القاهرة ..كانت مقلوبة والأمن والحرس والمرور والبطيخ والنعناع والبتنجان والبطيخ أحمر عالسكين

    مش كده
    ..

     
  • At 22 August 2008 at 19:13:00 GMT, Blogger رضوى said…

    عجبنتنى اوى اول جميلة فى البوست

    المسلمين فى كل حته بقى حالهم حال

    مش غريب اننا محلك سر

     
  • At 24 August 2008 at 13:56:00 GMT, Anonymous Anonymous said…

    hey :)

     
  • At 24 August 2008 at 13:57:00 GMT, Anonymous Anonymous said…

    hey :)

     
  • At 24 August 2008 at 16:49:00 GMT, Blogger أمن دولة said…

    الأمن أعتقد عمل اللي عليه في موضوع احراسة والنظافة . الحمد لله الرجالة أدوا اللي عليهم و زيادة بس المنصورة كانت فلة والله . نظافة ايه ونفاق ايه وكدب ايه . طب ع الأقل هي هتقعد شوية وتمشي . احنا بقى قاعدين على طول . مين الأولى بالنظافة دي . هيا ولا احنا
    و أحب أسلم على رجال أمن

     
  • At 24 August 2008 at 16:50:00 GMT, Blogger anas3laa said…

    مجلس الشورى اتحرق . فعلا مصر مش امي دي مرات أبويا

     
  • At 25 August 2008 at 05:42:00 GMT, Blogger AbdElRaHmaN Ayyash said…

    ايه يلا يا حسام
    :D
    هي المفروض تنضف فعلا من أمثالــــ وللا بلاش
    :D
    المهم انا بقولك شفت الكتب .. و الله كتب عقيمة فعلا
    ربنا يشفيهم

     
  • At 25 August 2008 at 05:45:00 GMT, Blogger AbdElRaHmaN Ayyash said…

    باشمهندس محمود
    :D ياباشا انا كنت لسه بسمع لحد راح ماليزيا ، فبيحكي انه دخل الفندق . فشاف واحد قاعد في القاعة الرئيسية لوحده
    فهو مشبه عليه :D
    سأله بيقول له بعد اذنك .. هو حضرتك وزير الخارجية عبدالله بدوي؟؟؟
    قالله ايوا :)
    و قعدوا مع بعض و شربوا شاي
    :D عبدالله بدوي دلوقتي رئيس الوزرا بعد مهاتير محمد في ماليزيا
    كانت حد قريبتي بتقابل سوزان في المرة اللي فاتت .. المنسقين و الامن .. قالولها و انتي بتتكلمي متحركيش ايدك .. ايدك تكون جنبك .. و تحافظي على مسافة متر و نص لاتنين متر بينك و بينها
    :D و من هنا نعرف مين اللي المفروض يعيش

     
  • At 25 August 2008 at 05:46:00 GMT, Blogger AbdElRaHmaN Ayyash said…

    يا حسن باشا
    :D قطر الندى على رأي واحد صاحبك .. مجلة معمولة لتمجيد قرينة السيد راعية البتاع و راعي البتاع

     
  • At 25 August 2008 at 05:47:00 GMT, Blogger AbdElRaHmaN Ayyash said…

    أحمد أشرف
    يا فندم الشورى لما يموت من ورانا غير لما الجنازة تتعمل
    موته المرة دي اعتراف رسمي

     
  • At 25 August 2008 at 05:50:00 GMT, Blogger AbdElRaHmaN Ayyash said…

    :D مصري رافض صمته
    ياباشا الاولويات هي اللي الناس متقدرش تعيش من غيرها
    و دلوقتي الحكومة فعلا بتموت الناس
    فكتير اوي الاولويات اللي احنا عاوزين ناخد بيها الحد الادنى من حياة !

     
  • At 25 August 2008 at 05:51:00 GMT, Blogger AbdElRaHmaN Ayyash said…

    فزلوكة
    :D
    هههههههههههههههه
    مش عارفه ليه ؟
    عشان انتي مصرية صميمة
    :D
    انا بقى بعيد عنك على سفر .. فمفيش قدامي اي تليفزيون غير الجزيرة و بشوفها على الكمبيوتر ، و التليفزيون المصري
    :D حاجة تشل يعني الحمد لله

     
  • At 25 August 2008 at 05:52:00 GMT, Blogger AbdElRaHmaN Ayyash said…

    :D ياباشا ناس كتير بتقول ان دي مرحلة الثورة او الانقلاب
    بس اشمعنى باكستان ؟؟؟
    بجد اشمعنى هم ؟؟؟
    و الله نقدر !!!!
    :D و انا ضحكت جدا على جملة ياسر ابو هلالة مع ان الموقف كان على العكس :D

     
  • At 25 August 2008 at 05:57:00 GMT, Blogger AbdElRaHmaN Ayyash said…

    :D
    محمود باشا
    يا عم و الله انا مش عارف ايه ده
    هههههههههههههههه طه حسين لو كان هنا كان انتحر

     
  • At 25 August 2008 at 05:58:00 GMT, Blogger AbdElRaHmaN Ayyash said…

    زينب سابقا
    شكرا يا فندم على زيارتك
    :D ده انتو كده كويسين اوي على فكرة
    في ناس بيوتهم بتتهد و المحافظه متعرفش يعني !
    احمدي ربنا انك في مصر !

     
  • At 25 August 2008 at 06:00:00 GMT, Blogger AbdElRaHmaN Ayyash said…

    بلال صديقي
    :D انا لامح في كلامك سخرية و استهزاء بشخصنا الموقر
    هههههههههههههههههههه
    بس حلوة :P
    :D انا كل اما اعدي على كوبري ستة اكتوبر .. يقفلوه
    :D فمبعرفش اعدي هههههه

     
  • At 25 August 2008 at 06:00:00 GMT, Blogger AbdElRaHmaN Ayyash said…

    رضوى
    :) شكرا على تعليقك يا فندم

     
  • At 25 August 2008 at 06:01:00 GMT, Blogger AbdElRaHmaN Ayyash said…

    :(
    :)
    hey gedan !!!!!!!!
    thx for remembering to come

     
  • At 25 August 2008 at 06:03:00 GMT, Blogger AbdElRaHmaN Ayyash said…

    أمن دولة
    :D ياباشا الله يخلليك .. الموضوع دلوقتي تعدى اهمية الشعب المصري لاهمية مالكة الشعب المصري
    و انت عارف بقى !!!

     
  • At 25 August 2008 at 06:03:00 GMT, Blogger AbdElRaHmaN Ayyash said…

    :D انس باشا
    انا عاوز اقرا الكتاب ده فعلا
    نورت يا فندم

     
  • At 25 August 2008 at 16:50:00 GMT, Anonymous حسام يحى said…

    مستنينك بوستك يامزوغاتى

    :d

    رحت القاهره حفل التوقيع بحسب هلاقيك هناك

    :P

     
  • At 28 August 2008 at 05:01:00 GMT, Blogger زرزور said…

    ("_")(,_,)
    حرمونا منها ....منهم لله

    حرمونا من بلدنا

     
  • At 28 August 2008 at 07:23:00 GMT, Anonymous حسام يحى said…

    طريق الجنه يمر عبر انقره

    فييييييين


    يخخخسسس

    مسحته

    ههههههههههه

    :d

     
  • At 31 August 2008 at 14:11:00 GMT, Anonymous Anonymous said…

    قطر الندى ولا قطر الصعيد ؟

     
  • At 6 September 2008 at 10:57:00 GMT, Anonymous Anonymous said…

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats