AbdulRahman Ayyash
 

AbdelRahman Ayyash's Facebook profile

Tuesday, 6 May 2008
مش عارف ليه فرحان فينا !!
سلامو عليكم
بجد انا فرحان في الشعب المصري الطيب اللي على نياته
سيادتو بعد اما زود العلاوة
و العلاوة طبعا من صافي المرتب
يعني زود المرتب من 30 جنيه ، عند اصغر موظف ، لغاية 180 جنيه عند موظف الدرجة الاولى
المهم
بعد اما زود الفلوس ، طبعا هو زودها على الورق
قررت الحكومة انها تاخد من الشعب العلاوة اللي هتديهالة
و مش هتاخدها بس
ده الحكومة ليها (سبوبتها ) في الموضوع
الوقود غلى
البنزين و السولار
اللي عاوز اقوله
ان سيادتو قرر يوم 1/5 انه يزود المرتبات
(( اضراب 4 مايو ))
و سيادتو قرر يوم 5/5 انه يغلى الاسعار
ربنا ينتقم من سيادتو
و من اللي بيكتب يأيد سيادتو
و من اللي في يوم من الايام هيأيد سيادتو في عملته السوده دي
اللي عاوز اقوله
ان الاخوان مش هيفضلوا اوصياء على الشعب المصري ، و لا شوية ( عيال الفيس بوك ) مع احترامي ليهم هيبقوا ضحايا صمت الشعب المصري
الشعب ساكت
و لو فضل ساكت هيفضل ياكل (( بيفوتس )) من أخمص قدميه إلى قمة رأسه
علاوة ايه اللي متجيبش وجبة من كوك دور ؟؟؟
و شعب ايه اللي يغلا اهم شيء عنده بنسبة 50 % عشان يعوض التلاتين جنيه اللي ميجيبوش وجبة من كوك دور !!!
على فكرة يا شعب مصر الساكت
الغاز بيوصل تل ابيب من القاهرة دايركت ، و بتراب الفلوس
و احنا هنا مش لاقيينه !!!
و لسه
و الله انا مستبعدش ان هم ياكلوا القمح اللي بنزرعه و احنا هنا نموت على طوابير العيش
يا شعب مصر
الاخوان مش قاعدين لكم ، الاخوان بيموتوا في السجون عشانكم ، و للأسف انتو مش عاوزين تفوقوا
و لسه هتاخدو كمان و كمان و كمان
و مش عارف هتفوقوا امتى !!!
اتمنى يكون بسرعة
حكومتنا دلوقتي بتتبع خطى حماس .. و رفعت اسعار الدخان و السجاير
و حكومتنا في نفس الوقت بتتبع خطى اسرائيل .. و بتجوع الشعب و بتحاصره
و عجبي

Labels: ,

posted by AbdElRaHmaN Ayyash @ 16:30  
14 Comments:
  • At 6 May 2008 at 17:39:00 GMT, Blogger Hosam Yahia حسام يحى said…

    ماشاء الله ماشاء الله

    بقيت بتشتم فى الريس كدا قدام الناس يا عبدو

    راديكالى ولا ايه

    :D

    اول مره اعلق عندك اول تعليق

    اى خدمه

     
  • At 6 May 2008 at 18:14:00 GMT, Blogger شــــمـس الديـن said…

    انت بتكلم مين

    ههههههههههههههههههههههه

    شعب مصر اجهل من انه يفهم او يستوعب
    و الله لو اتجرق بالحيا ما هيتحرك

    اغلب الناس تحولت لمجموعة من الاصنام التي تثقل المركب علي الفاضي ولا لزوم لها

    انا فعلا حزينة

     
  • At 6 May 2008 at 18:52:00 GMT, Blogger إخوانى مخربش said…

    مش مهم تفرحنا فينا او فيهم

    المهم الفرح ده هيجيب نتيجه ولا لأ

    هيعود عليك بالنفع ولا بالنكد والغم

     
  • At 6 May 2008 at 19:19:00 GMT, Anonymous علوش said…

    هذه سياسة الانظمة العربية بلا استثناء

    اعطيهم خمسة بالمية وخذ منهم عشرة بالمية !

    ولا من شاف ولا من دري !

    الله معاكم

     
  • At 6 May 2008 at 22:25:00 GMT, Blogger dr_romaisaa said…

    السلام عليكم
    دايما بلاحظ لهجة سخرية وانتقاد من المثقفين المصريين المتربعين على عرش السياسة الشعبية " دي أت الأكلات الشعبية بس من أم تانية " مع إننا لو نظرنا نظرة موضوعية هنلاقي اننا السبب في الوضع المتردي ده للثقافة المصرية ... اصبحت السياسة لعبة تمزقت بين ايادي الصغار الفاهمين والكبار المكبرين " دماغهم طبعا "والضايع في الوسط هو الطبقة البسيطة واللتي تمثل النسبة العظمى من الشعب .. احنا اخرتنا بس نقعد خلف الشاشة ونعبر عن مكنونات نفسنا بكل طلاقة ... مش عاوزة اطول عليكم .. لكن يا مثقفين يا فاهمين يا واعيين من تواضع لله رفعه

     
  • At 7 May 2008 at 07:50:00 GMT, Blogger Ahmed Nasr said…

    وجبة إيه ياض؟
    باقول لك ايه انا عملت مدونة خاصة للفلقطة..غمتخلينيش آجر أفلقطلك هنا!

    وبطل بقى قلة أدب وكلام قبيح..أنا باقول لك اهوه..

    وبعدين متجيبش سيرة حماس في موضوع فيه كلام قبيح زي (...)استغفر الله العظيم..

     
  • At 7 May 2008 at 09:09:00 GMT, Blogger ام يحيي said…

    الحق عليه يعني؟؟
    كوك دور مش مطابق للمواصفات.. وهو بيخاف علي صحة المصريين
    شعبه برضه
    وبعدين ماهي مصر عاشت كام قرن من غير كوك دور .. هنموت عليه يعني؟؟ مالم مؤمن؟

     
  • At 7 May 2008 at 09:14:00 GMT, Blogger چــِنـيـن ... عيلة و عايزة أفهم said…

    دلوقتي بقيت اسأل نفسي احنا ليه فعلاً لسة قاعدين في البلد دي ؟؟ !!

    يعني كنا بنقول فيه ظلم من الحكومة ... نصبر و نتحمل عشان نصلح البلد ...

    إنما لما يبقى نسبة كبيرة من الشعب نفسه مش بيتحرك عشان يصلح ... يبقى معنى كل اللي احنا بنعمله ده ايه ؟؟

    ما هو مش ممكن الناس القليلة اللي بتتحرك عشان تغير في البلد هتقدر تعمل حاجة طول ما الأغلبية مش بتتصرف

    يبقى لازمة ده كله ايه !!! ما نشوف حتة تانية نصلح فيها !

     
  • At 7 May 2008 at 23:03:00 GMT, Blogger mohammed alsha3r said…

    بص ياغريب

    لو مسكت ميكروفون عمنا عبد القدوس

    وللصبح تتكلم فيه وتقول ياشعب فوووووووووووووق

    ولا حياه لمن تنادى

    ياعم عياش الشعب من كثر الظلم اللى بيشوفه

    لا أتخيل انه يتكلم

     
  • At 11 May 2008 at 15:39:00 GMT, Blogger tamooh said…

    والله مش شماتة اوى ..بس بجد نستاهل
    احنا اللى بعنا كرامتنا .. وحريتنا
    وجايين دلوقتى عايزين ناخدها
    وببلاش..من غير حتى ما نرفع صوتنا
    ..
    ويقولوا بس الاخوان يشدوا حيلهم ويقوموا الشعب
    !
    !
    والشعب ليه مش يقوم الاخوان ..
    هو مين الاكتر

    بس برده مش شماتة ..
    لانهم اخواتنا وابائنا وامهاتنا

     
  • At 13 May 2008 at 16:02:00 GMT, Anonymous معتصم said…


    لو ممكن بس توضحلي .. انا مش فاهم جزئية انو حكومتك ماشية على خطى حماس و رفعت اسعار الدخان و السجاير ؟!
    كيف يعني !؟
    اولا كلامك مش صحيح بالمرة .. السجاير او الدخان متلها متل باقي السلع في غزة ثمنها ارتفع بفعل الحصار اللي حكومتك جزء منو
    احنا في غزة لما بنتجه بأنظارنا للحدود الجنوبية بنشوف ان الجندي المصري اللي طول عمرنا بنتغنى بانتصاراتو و تضحياتو هو نفسو اللي مسكر علينا الحدود و مانع عنا السكر و الطحين ..
    بالضبط في نفس الدور اللي بقوم فيه الجندي الاسرئيلي
    بحكي هالكلام و بشعر بحسرة كبيرة لانو بعرف انو هدا الجندي "المصري" ما في ايدو شي و بطبق سياسة الحكومة
    حسبنا الله و نعم الوكيل

     
  • At 13 May 2008 at 22:13:00 GMT, Anonymous عبدالرحمن عياش said…

    جزاكم الله خيرا على التعليق
    للأخ معتصم :)
    هل تعتقد أننا نوافق حكومتنا على ما تفعله ؟؟؟
    انا كنت بمسخر بحكومتنا الموقرة و انا اقول انها اتبعت خطى حماس و اسرائيل بنفس الوقت
    لكن في كل الاحوال ، الحكومة المصرية تتجه بالمصريين الان إلى الهاوية

     
  • At 14 May 2008 at 07:41:00 GMT, Blogger عاليا حليم said…

    الله يسامح سيادته ربنا يهديه باه عشانا احنا على الاقل

    بس انا عايزة احط خط تحت حكاية ان الاخوان حيبقوا ضحايا الشعب الصامت ما هو مع احترامى ليك و ليهم يا عزيزى فيه كتير منهم اصلا صامتين زيى بقيت الشعب و لا انت شايف ايه ؟

     
  • At 14 May 2008 at 08:30:00 GMT, Blogger فزلوكة said…

    الاخوان مش قاعدين لكم ، الاخوان بيموتوا في السجون عشانكم ، و للأسف انتو مش عاوزين تفوقوا

    دا على أساس إن هما مش عارفين
    والله عارفين , لكن يجي يقولك طب ليه مش يخليه مع ولاده ويسيبه من السياسة دى بقى !!!!!!!!!!!!!؟

    كانت عندى قناعة إن التغيير لن يأتى من القواعد الشعبية , يأتى من النخبة وبعد ذلك يتحرك الشعب على أساس أن مشكلتنا كمصريين "القيادة "
    و6\4 جاء على العكس
    لكن 4\5 أكدلى أن مصر ليس بها شعب يتحرك ولا نخبة تقود

    أنا مشكلتى الآن بقت مع المجتمع
    تقدر تقول فقدت ثقتى فيه

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats