AbdulRahman Ayyash
 

AbdelRahman Ayyash's Facebook profile

Wednesday, 2 April 2008
حد يفهمني
ممكن حد يفهمني معنى بيان الاخوان الاخير بخصوص اضراب 6 ابريل؟؟؟
توضيحٌ لموقف الإخوان المسلمين من إضراب 6 أبريل
اعتقد ان الاخوان عادوا لمربع الرمادية من جديد
أنا شخصيا لا أعرف ، لماذا لم يحدد الإخوان لونا أوضح من هذا الرمادي ، ليقولوا سنشارك ، او لا نشارك .
لا أتحدث عن الأوامر التنظيمية التي ستصل للأعضاء عبر مسارها الطبيعي .
فقط لنرسل رسالة اطمئنان لكافة القوى السياسية التي ستشارك في الاضراب
و الاخوان بمشاركتهم في الاضراب او عدم مشاركتهم يضيفون قوة نوعية و زخما شعبيا غير مسبوق ، او يمنعونه كذلك .
ممكن بقى حد يفهمني ، ممكن اكون انا مش واخد بالي من ان الاخوان حددوا موقفهم صراحة في بيان الاستاذ المرشد !!!
-------
قناة الحوار تم اغلاقها ، لكنني وجدتها على قناة اخرى .. ياريت تعيدو برمجة الاجهزة و تشوفوا
و ترددها كما وصلني في رسالة من اخي الفاضل محمد المهندس ،

التردد الجديد لقناة الحوار على قمر الاتلنتيك بيرد 4 (نايل سات)
7درجات شرقا
10911 v
27500
3/4

-------
شكرا
دعواتكم الله يخلليكم
سلام

Labels: ,

posted by AbdElRaHmaN Ayyash @ 15:32  
20 Comments:
  • At 2 April 2008 at 17:37:00 GMT, Blogger محمود سعيد said…

    إيه ده ياه
    فى بيان نزل

    بص يا سيدى
    فى فرق بين العمل السياسى والعمل الاجتماعى

    الإضراب ده دعا ليه عمال المحلة وهو عمل إجتماعى
    ومقدمة للعصيان المدنى
    لكن مطالبه إجتماعية

    وأنا شايف إن اللى عملته حركات سياسية إنها خطفته لصالح السياسة
    لصالح أهدافها السياسية اللى يمكن أنا متفق معاهم فيها

    بمعنى إن الناس عاوزة تاكل عيش ومش مهم اللى هيجيب لهم العيش مبارك ولا ابنه :-)

    وفى الأول وفى الآخر الإضراب قوته هتكون من إستجابة الشعب له
    مش من تحركها مع جماعة حركتهم

     
  • At 2 April 2008 at 21:58:00 GMT, Anonymous Courtney said…

    Interesting post. I linked to it on my blog, let me know if I got your interpretation right. Will you be participating in the strike on Sunday?

     
  • At 3 April 2008 at 01:24:00 GMT, Blogger وضـّاح said…

    البيان موضوع بدقة .. ويمكننا أن نخرج منه

    أولا : الجماعة مع الإضراب , لأنه عمل لا يتعارض مع الشريعة أو الدستور

    ثانيا : وهذا هو الأهم .. أن الجماعة لا تريد أن تظهر في مظهر من أعد وجهز وحفز الناس للإضراب , وأنها لو شاركت فيه فستشارك كإحدى قوى المعارضة ليس إلا .. وتجد هذا العنصر ربما هو الفكرة الأساسية للبيان

    بالنسبة لك .. أصلح الله حالك
    :)

     
  • At 3 April 2008 at 14:53:00 GMT, OpenID عمرو غربية said…

    ردا على تعليق محمود سعيد: لو شلت فايدة السياسة للمجتمع مش هيبقى فاضل غير تسلط قلة على العالم. الحاجات ال من نوع السياسة و الديمقراطية هدفها الوحيد هو جودة حياة الناس، و العلاقة بين انتخابات حرة و نزيهة و رغيف عيش يؤكل علاقة مباشرة، و لو حد قال غير كدا يبقى كل غرضه إنه يبقى من الطبقة السياسية علشان يعيش أحسن من بقية الناس.

    الخلاصة أن السياسي هو الاجتماعي بعينه. لو شغل مبارك أو الإخوان أو غيرهم خلى حياة الناس أكثر جودة يبقى الغرض اتحقق--أنا طبعا أشك في الاثنين، و إن كان بدرجات مختلفة--الفرق بقى في تمييز الناس ال بيشتغلوا علشان يبقوا في السلطة و الناس ال بيشتغلوا علشان ياكلوا عيش و يعيشوا مطمئنين.

     
  • At 3 April 2008 at 17:04:00 GMT, Blogger محمود سعيد said…

    @عمرو غربية

    أنا مبأدعوش إلى إننا نشيل السياسة
    هو العمل السياسى نوع من العمل الإجتماعى وهو بخصوص السلطة وإدارة المجتمع وما إلى ذلك
    وله وسائله اللى منها الإنتخابات ، والعلاقة بين إنتخابات حرة ورغيف العيش علاقة مباشرة
    ده كلام صحيح تماماً
    ...

    لكن كلامى إن فى فرق بين عمل سياسى إحتجاجى زى مظاهرة ضد التوريث أو أى عمل سياسى آخر

    وبين عمل إجتماعى إحتجاجى زى إضراب علشان مرتبات ورغيف عيش

    وأظنه أنه من الخطأ الخلط بينهم
    وأنا شخصياً أفضل لو بقى إضراب مستقلاً عن الحركات السياسية كلها

    وأنا مشارك فيه كعمل شعبى إحتجاجى على النيلة اللى إحنا شايفينها بصفتى مواطن مصرى عاوز آكل عيش

    ومش عمل سياسى بصفتى إخوان مسلمين

    خلى العمل السياسى فى مناسبة تانية

     
  • At 3 April 2008 at 18:08:00 GMT, OpenID عمرو غربية said…

    متفقين يا محمود.

    لكن عمل الإخوان المسلمين ضد التوريث--لو كانوا ضده، و الأمر طبعا ينطبق على أي حزب آخر--هدفه هو الآخر رغيف العيش و ماء الشرب و التأمين و التعليم و الصحة. هذه هي مقاصد السياسة، أو ما ينبغي أن يكون.

    أنا فعلا لا أهتم بمن يحكم--و أفضل أن لا يحكم أحد--إلا لمقاصد معيشية مباشرة، و أظنك توافق أن الحركات السياسية التي لا تدور حول مقاصد معيشية للمجتمع الواسع في الأساس هي شلل مصلحة.

     
  • At 3 April 2008 at 19:07:00 GMT, Blogger Ahmed Nasr said…

    طيب..هو أول نقطة ثالثا: "نحن مع اﻻضراب"
    يعني مؤيدين بوضوح..أنا شايف انه كونك تعلن انتماءك للجماعة ده كان ﻻزم يخليك "لو انت مؤيد للإضراب يعني" تاخد الكلمة وتعتبرها تصريح واضح :)

    على فكرة الكﻻم عن طمأنة التيارات اﻷخرى أنا شايف انه يعني انت بتهتم بحاجات غريبة قوي..تيارات أخرى مين ياعم؟ :)))

    انت مشفتش الناس اللي عارضوا اﻻضراب لما افتكروا انه اﻻخوان هم من دعوا إليه؟..

     
  • At 3 April 2008 at 21:14:00 GMT, Blogger محمود سعيد said…

    مش عاجبك ومكنتش فاهم
    طيب خد ياعم

    مش فاهم أنا إيه لازمة الحوار ده بقى
    ما له الرمادى يا عبد الرحمن
    مش كان أحسن من السواد ده


    ده كلامه متناقض مع بيان المرشد أصلاً
    هاتجنن !
    :-D

     
  • At 3 April 2008 at 21:29:00 GMT, Blogger Ahmed Nasr said…

    مش متناقض وﻻ حاجة..ده كلام المرشد:
    http://www.ikhwanonline.com/Article.asp?ArtID=36052&SecID=210

    "موقف الجماعة من إضراب أي فئةٍ من فئات الشعب للمطالبة بحقوقها، وترى فيه هذه الفئة مصالحها ومصلحة مصر، فإنه لا مانعَ من أن يشارك في هذا الإضراب أفراد هذه الفئة فقط"

    ممكن آه نعتبره متناقض مع البيان :)

     
  • At 4 April 2008 at 00:01:00 GMT, Blogger فزلوكة said…

    أنا كمان عايزة أفهم

    مش أفهم البيان

    أفهم ليه الغموض فيه؟؟؟

     
  • At 4 April 2008 at 03:13:00 GMT, Blogger إسلام ناجح said…

    http://www.ikhwanonline.com/Article.asp?ArtID=36099&SecID=270
    أهي بقت أسود خالص
    لا رمادي ولا غيره
    ...
    وقال الإخوان هما اللي داعيين ليه!!!!!
    لا واضح
    حاجة تفلق

     
  • At 4 April 2008 at 08:28:00 GMT, Blogger چــِنـيـن ... عيلة و عايزة أفهم said…

    تصدق حضرتك كنت لسة باتكلم في الموضوع ده حالاً ...

    لحد دلوقتي مش مستوعبة البيان ده عايز يقول إيه بالظبط ...

    و أفتكر إن منطلق الغموض ده ماينفعش في فترة سياسية زي اللي احنا فيها



    ياريت لو حد فهم يفهمني

    :D

    بالنسبة لقناة الحوار ... هادور عليها دلوقتي ...

    الغريبة إن قناة اقرأ ذهبت برضة بلا مقدمات و مفيش أي تردد راضي يجيبها

    الظاهر النايل سات يعاني من ظاهرة المد و الجزر اليومين دول .....

     
  • At 4 April 2008 at 23:32:00 GMT, Blogger other_things said…

    معك
    ؟؟؟؟
    ..

     
  • At 5 April 2008 at 02:06:00 GMT, Blogger فليعد للدين مجده said…

    يا شباب الموضوع واضح

    جماعة الاخوان مع فكرة الاضراب كوسيلة ضغط لاسترداد الحقوق ولا تمانع من مشاركة افرادها

    لكن ليس من منهج الاخوان كجماعة التغيير عن طريق الاضرابات والعصيان المدني والثورات وما أشبه

    تفصيل ذلك في هذه التدوينة
    http://drihabibrahim.blogspot.com/2008/04/blog-post.html
    يا ريت تقرؤها وتقولوا لي آراءكم

     
  • At 5 April 2008 at 09:35:00 GMT, Anonymous أنس الشامي said…

    أنا بجد نفسي أفهم التناقض بين

    البيان و الحوار ؟؟؟

    حد فاهم حاجة يا جماعة ؟؟؟

    لو حد فاهم يا ريت يفهمني

    http://www.anaselshamy.com/arabic/?p=57

     
  • At 5 April 2008 at 14:00:00 GMT, Blogger AbdElRaHmaN Ayyash said…

    يا باشمهندس محمود و يا استاذي عمرو و يا مهندس احمد
    الوضع شكله معقد جدا
    الحوار اتشال من على اخوان اونلاين
    دي الكلمة اللي مكتوبة

    --------
    ADODB.Field error '80020009'

    Either BOF or EOF is True, or the current record has been deleted. Requested operation requires a current record.

    /Article.asp, line 0

    -------
    اذا ,, ممكن نعتبر ان الاخوان تراجعوا عن كلام الدكتور عزت اللي انا مقرأتهوش
    لكن واضح انه كان محدد جدا
    على كل حال ، الاستاذ المرشد لم ينفي المشاركةالفردية
    لكن بقوة الاخوان ، يجب وجود اعلان ، زي انتخابات الرئاسة حتى ، يقول احنا هنشارك ، لكن مش بتكليف ، اللي عاوز و اللي مش عاوز ، الامر سيان
    انا مش مقتنع بصراحة بالبيان ، و اتمنى بيان اكثر تحديدا ، او على الاقل مشاركة فعالة .
    و ليه يا محمود منستغلش الحركة الاجتماعية دي و نحولها لتحرك سياسي ؟؟؟؟
    ده هدف رائع ، و ممكن جدا ، و مش ضروري يصب في مصلحة الاخوان بشكل كلي ، لكن في النهاية مصر هتتحرك
    و تتحول المشكلة الاقتصادية في عقول الناس الى مشكلة سياسية بالدرجة الاولى ، و من هنا ..... يبدأ التغيير الشعبي .
    الكثير من الباحثين يعتقد في نجاح ما أقول .
    على كل حال ، اتمنى ان سيناريو بكره يكون افضل مما نتوقع
    خصوصا بعد بيان الداخلية
    http://www.masrawy.com/News/Egypt/Politics/2008/april/5/strikewarning.aspx
    ----
    دكتور فليعد للدين مجده :)
    اعتقد ان الحل مش في الانقلابات العسكرية اكيد
    الحل عندنا .. في الثورة الشعبية ، اوكرانيا و جورجيا و قيرغيزيا امثلة
    الثورة التي تثبت ان الشعب لم يعد يرضى عن التغيير بديلا
    وقتها .. يكون التغيير صار واجبا .. وممكنا اكثر من اي وقت اخر

     
  • At 5 April 2008 at 17:01:00 GMT, Blogger Hosam Yahia حسام يحى said…

    انا معاك بجد

    يا عبد الرحمن ومش عارف اعمل ايه


    اضرب واسمع صوت نفسى

    ولا مش اضرب واسمع صوت الجماعه

    معتدش فاهم حاجه

     
  • At 6 April 2008 at 15:31:00 GMT, Anonymous Alaa said…

    بيتهيألى مفروض تعلق على التدوينه دى لأنها جابت سيرتك يا عبده
    http://bloggers-times.blogspot.com/

     
  • At 8 April 2008 at 03:05:00 GMT, Blogger tamooh said…

    هو انا بالفعل اتلخبطت وامى لامتنى انى فهمت البيان غلط وان الكل أضرب بناءا
    على انى قرات بيان يوم 2/4
    واتفقنا على الاضراب
    الاقى أمى بتصحينى أمس تقولى ..مافيش اضراب والاخوان مش هيضربوا وانتى فهمتى غلط
    بس لما قرات وسمعت وقرات مقال للدكتور جمال حشمت
    فهمت
    هم هيضربوا كقوة من الشعب مش كجهة تنظيمية
    و الحمد لله ..اختيارهم موفق

    .. ربنا يوفقك أخى ويعينك...
    يارب أعمال السنة تكون كويسة
    وجزاكم الله خيرا..
    هجيب قناة الحوار باذن الله
    واضمن دعوة من أمى وأبى لحضرتك ولصاحب مدونة اخوانى

     
  • At 19 November 2012 at 09:44:00 GMT, Anonymous Anonymous said…

    phentermine no prescription needed phentermine online overnight - phentermine no prescription needed

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats