|
| Tuesday, 25 March 2008 |
| اضطرار |
مضطر ألا أذهب لمؤتمر الحوار المصري الدانماركي في منتصف ابريل القادم
..
مضطر ألا أشارك في مؤتمر القاهرة السادس يوم الخميس القادم
..
مضطر ألا أسافر لحضور جلسة المحكمة العسكرية ، المؤجلة لثالث مرة
..
مضطر ألا أدون بتلك القوة ، و ألا أتابع كما كنت أفعل ، و ألا أنتظر بشغف الردود
..
مضطر ألا أرد على المهندس الرائع أحمد نصر ، و بلال و حسام و كل المعلقين على موضوعي السابق
..
مضطر أن أستمع لكل أناشيد الحماسة و الأمل في المستقبل
..
مضطر أن أقرأ كل ما أملك من كتب لإبراهيم الفقي و صلاح الراشد و طارق السويدان
..
مضطر ألا أسافر القاهرة لزيارة المهندس خالد يوم السبت القادم كما كنت قد قررت
..
مضطر أن أكمل ما أحفظ من القرآن ، و أن أكف عن الاعتذار المتكرر
..
مضطر أن أستيقظ في التاسعة صباحا ، كأنني في كلية !!
..
مضطر أن أنظر للأمور بنظرة أكثر تفاؤلا و إيجابية
..
بعد نتيجة الترم الأول ...
أعتقد أني مضطر لأعيد ترتيب أولوياتي ، أن أصنع تاريخي بدلا من أن أشارك في صناعة تاريخ الآخرين
--------
ألا تعتقدون أنه من أصعب ما يمكن ، أن تفقد لقبا كنت قد منحته لنفسك منذ أن أدركت معنى الألقاب !
--------
لكم أحتاج إلى دعائكم
لكم أشتاق إلى رؤياكم
لكم أجد في فقدكم معنى الضياع
كم أتمنى أن ينتهي كل هذا سريعا
كم أتمنى أن أعود إلى دنياي Labels: خاص |
posted by AbdElRaHmaN Ayyash @ 14:38   |
|
| 11 Comments: |
-
-
ربنا يعينك
هو ممكن تكون النتيجة ليست كما كنت تتمنى او أسوأ مما توقعت لنفسك
وفعلا ممكن يكون ده مؤشر لاهمية اعادة ترتيب الاولويات وتحديد اتجاهات العمل بشكل اكثر تركيز وان قلت المجالات واعادة تنيظم الحياة بدقة بعيدا عن مبررات الكسل
واستعانة حقيقية بالله
كل ده صح
لكن بس هيه نقطة واحدة اللى متمناش يكون معناها عندك
الجملة دى
أصنع تاريخي بدلا من أن أشارك في صناعة تاريخ الآخرين
هيه الفكرة انك لو كنت بتشارك فى كل اللى أصبحت ناوى متشاركش فيه كخطوات فى صناعة تاريخ الاخرين
فيبقى فيه حاجة مش مظبوطة
او يمكن انا مش فاهمة
كل الحاجات دى اللى بيشارك فيها _باخلاص_بيصنع تاريخ خاص بفكرته وبالتالى خاص به يفخر به اولاده من بعده ويترك به اثر فيمن ياتى بعده وبياثر فى وعيه وثقافته وقدرته على احداث تغيير
هيه الفكرة انى معيشش الحياة من اجل فكرة بشكل عام وواسع دون تحديد دورى وانجازى الشخصى فيها
عموما يعنى النتيجة مش اخر الدنيا لكن هيه مؤشر على حاجات وبتخلينا ناخد بالنا شوية..
ربنا يعينكم ان شاء الله
وامتياز الترم الجاى
واكثر من دعاء
ياحى يا قيوم برحمتك استغيث..اصلح لى شانى كله ولا تكلنى الى نفسى طرفة عين
-
ايه ياعم
عملت ايه
جبت جيد جدا بس
وكنت عايز تجيب امتياز
هههههههههههههه
ربنا يوفقك ياعبد الرحمن
انصحك بقراءه كتاب لاتحزن كمان كتاب رائع بجد
..................
بجد احبك فى الله
تحياتى
-
:):)
بدوري اشجعك على هذه الاضطرارات .. وقفه هدوء مع النفس واعاده ترتيب الاوراق والاولويات مهمه جدا ..
اردت ان اقول لك شيئا بخصوص النتيحه وتوابعها .. وبالتالي يا بشمهندس :) لقبك لايزال بانتظارك لكل جواد كبوة المهم الا يسلم الرايه عند كبوته عافانا الله من ذلك ..
استعن بالله ولا تعجز وخذ قسطا من الانعزال لاعاده النشاط
تماما كما ذكرت .. انت جئت للدنيا لتصنع مجدك- لله طبعا- .. وليس لصناعه امجاد الاخرين على الاقل الاولويه عندك لك وليس لهم .. كلمة خطيره اعمل بها ..
وفقك الله
-
-
ننتظرك يا عبد الرحمن باشا
ربنا يوفقك
-
مضطر أسلم عليك وأدعي لك بظهر الغيب
-
طب حضرتك هترتب اولوياتك بناءا علي ايه..
الوقت؟؟
ولا التركيز
..
ممكن حضرتك تفضى نفسك خالص وتكون محصلة المذاكرة قليلة
لذلك أخى ..اقترح تنظم وقتك وتعمل كل حاجة بس برده تذاااااااااااكر
ربنا يكرمك .. يارب ويوفقك
وشد حسلك فى اعمال السنة الجاية وكل حاجة هتكون تمام
-
خطوة جيدة
إعادة النظر وترتيب الأولويات
عظيم
بالتوفيق
على فكرة أنا مش شمتان
لكن اعتبرها قرصة أذن
-
أعانك الله
الأمر يستحق المراجعة
-
بص يا باشمهندس
جايز كمرحلة أولى تبعد خالص
وكمرحلة تانية تبتدى تتابع قليل
وكمرحلة تالتة تبدى توازن
والمرحلة دى هتيجى إن شاء الله ..متقلقش
و الإضطرارات الكتير دى هتبقى إختيارات
عجبتنى جدا كلمة أن أصنع تاريخى
شعرت ببعض الأنانية فى بدلا من أن أشارك فى صناعة تاريخ الآخرين
لأنه كماتضيف إلى غيرك , فأكيد هناك من يضيف لك
أما لطلب الدعاء
فطلبات حضرتك كترت أوى كدا
وعايزين الحساب
يلا
ربنا يكرمك يارب ويرضيك وتحقق كلللللللل إللى إنت عايزه
|
| |
| << Home |
| |
|
|
|
My Name Is : AbdelRahman AyYash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face......
أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط
|
|
|
|
|
|
|
|