AbdulRahman Ayyash
 

AbdelRahman Ayyash's Facebook profile

Thursday, 6 March 2008
ربنا يشفي
سلامو عليكم
وصلتني رسالة على الميل من ايميل لا أعرفه
اسمها ::
أغنية جامدة جدا لرد اعتبارنا امام اسرائيل
بصراحة انا ضحكت
و رحت كلمت ناس كتير على الايميل
شوفوا الهنا اللي احنا فيه
اغنية جامدة
عشان كده هترد اعتبارنا
الاغنية وصلتني من تلات ايام
انا فتحتها النهارده ، لاني بصراحة مكنتش فايق اسمع حاجة يعني ، او اتفرج على حاجة .. لأن الاغنية اكتشفت انها كليب
على كل حال ..
و فتحتها عشان احطها في المدونة بصراحة ، و اعلق على عنوانها
انا فتحتها و بدايتها كانت لطيقة
هي مكتوب انها لفرقة راب مصرية ، ايجي راب اسمها ،
فانا فتحت الاغنية ، استنيت لما تحمل كاملة ، و فتحتها
كان نفسي اعرف فيها ايه الاغنية اللي هترد اعتبارنا امام اسرائيل
شيء جميل جدا اننا نرد اعتبارنا بأغنية
على كل حال .. بداية الاغنية كانت كويسة جدا ، لحد لما بدأوا اللي بيغنوا يشتموا
انا مرضيتش اكملها للآخر ، لكن فعلا .. اتأكدت اد ايه احنا ولا حاجة
لما يكون رد اعتبار النس اللي اتقتلوا و بيتقتلوا و شهداءنا من سنة 48 لحد دلوقتي
اغنية بيتشتم فيها الأمريكان و الاسرائيليين
انا معتقدش ابدا ان اللي غنى الاغنية دي مكانش هيشرب كولا وللا يدخن مارلبورو لما يخلص
اقصد يعني .. انه مش هيقاطع ، لأن مفيش واحد هيقول الكلمات دي و يفكر في مقاطعة
انا مرضيتش ابعت رسالة للأخ اللي بعت لي الاغنية
لأنه ده شايف انه بجهده ده بيرد اعتبارنا قدام اسرائيل
كان نفسي فننا يكون موجه أحسن من كده
و كان نفسي فننا يكون هادف اكتر من كده
انا رأيي ان اغنية هادية و كلماتها ( متردش اعتبارنا ) و اللي يغنوها يكونوا محترمين في كلامهم و نقدهم
و انهم يعملوا حاجة عملية مفيدة
يقاطعوا
يتبرعوا
يغنوا بشكل افضل
هيكون دعم للقضية أكتر كتيييير من دعمها بشتايم !!!
---
على فكره .. اغنية الضمير العربي عاجباني جدا ..بس شايف انها اقل من الحلم العربي ، ممكن الجهد المبذول فيها اكتر .. لكن رأيي البسيط يعني .. ان الحلم العربي كانت افضل
اهه جهد مشكور :)
--------
ردا على أغنية بهذا الشكل ..
كتبت تلك الكلمة كمفتاحا للتدوينة .. لكني أفضلها في نهايتها
أتمثل ابراهيم نصر في فيلم شمس الزناتي عندما سأل شخصا من الواحة عن اسمه ، فقال له دعدور ، و كان رد ابراهيم نصر بكل بساطة .. رابنا يشفي

Labels:

posted by AbdElRaHmaN Ayyash @ 16:42  
11 Comments:
  • At 6 March 2008 at 21:57:00 GMT, Blogger فلسطينية الهوى said…

    فعلا شر البلية ما يضحك


    وبعدين مش فننا حاليا اللي هيكون راقي وهادف وماالى ذلك

    لان ببساطة واقعنا مش كده

     
  • At 7 March 2008 at 01:00:00 GMT, Blogger other_things said…

    اهدا يا عبدو
    صحتك بالدنيا
    ..
    قال ايه الأغنية هترد اعتبارنا
    شكله متقل صاحبك ده
    إلا لو قصده
    هتجدد عبطنا
    ..

     
  • At 7 March 2008 at 20:12:00 GMT, Blogger Hosam Yahia حسام يحى said…

    الاغنيه انا سمعتها

    اغنيه جامده بس لو حشنا الشتايم

    ...

    ايه رايك لو تسمعهالنا عندك فى المدونه
    عشان الناس تحكم عليها

    هههههههههههه

     
  • At 9 March 2008 at 05:51:00 GMT, Blogger عبدالرحمن ياسين said…

    هههه
    ربنا يشفي...
    أنا لما قرأت إسم الموضوع قلت إنك تعبان ولا حاجة ..إتخضيت عليك والله
    ههه بس طلعت في النهاية أغنية ...ربنا يشفيك إنت ..دا إسم تحطه تخض بيه الناس

    أنا عاوز أسمع الأغنية...
    هبقى أخذها منك ..
    تحياتي لك

     
  • At 9 March 2008 at 18:23:00 GMT, Blogger أحمد أبو خليل said…

    أريد أن أعلق على شيء واحد

    أظن أن أغنية الضمير العربي سيئة للغاية

    ببساطة لأتها تكرس لشيئين يسعى العدو دائما لتكريسهما ينا : حالة الانهزام .. وحالة التشرزم

    وهذا واضح في تجاهل صور ومقاطع للمقاومة وهي تقتل عشرات الأمريكان في العراق .. أو حزب الله وهو ينتصر على إسرائيل في لبنان .. أو حماس وهي تقصف مستوطنات الكيان الصهيوني

    وفي المقابل نجد رصد لكل حالات الانقسام والاقتتال الداخلي !

    ولا نجد في الكلمات أي بارقة أمل ولا روشتة عمل .ز كلها بكاء ثكالى .. ونياح ضعفاء

    وربنا يشفي

     
  • At 10 March 2008 at 08:32:00 GMT, Blogger وضـّاح said…

    ربنا يشفي

    إيه أخبارك يا عبدالرحمن ؟؟
    أين أنت يا بني؟؟

     
  • At 10 March 2008 at 10:16:00 GMT, Blogger mohammed alsha3r said…

    ربنا يشفى ياغريب

    يما هتعيش وتشووووووف

     
  • At 11 March 2008 at 06:46:00 GMT, Blogger Ahmed Nasr said…

    لا وحشين..الضمير العربي والحلم العربي وحشين!!
    ومش مقنعين!
    ودمهم يلطش كمان..
    وعندنا فن بديل برموز ونجوم بديلة برقبة كل الربش ده!
    مش عارف احنا إيه يحوجنا ليهم بس!!

     
  • At 11 March 2008 at 14:20:00 GMT, Blogger أنا إنسان said…

    ولا ضمير ولا حلم
    هوه ده يعني اللي قدرنا نعمله
    بدل ماكل واحد من المغنيين دول يفتح كيس نقوده بأجر حفله من حفلاته لفلسطين
    لا
    اكتفى بفتح حنجرته

    ؟!!!!!!!!!!!!!!!

     
  • At 12 March 2008 at 20:30:00 GMT, Blogger عاليا حليم said…

    هو انا مش ضد ان الغانى او الفن عموما ليه تاثيره فى المحن و الحث على الاتحاد و الوطنية و الكلام ده كله بدليل اغانى عبد الحليم الوطنية التاريخ يذكر قد ايه هى اثرت فى الشعب و الحكومة على حد سواء و عبد الرحمن الابنودى قال انه بيحترم فى بعض البلاد فقط لانه مؤلف اغنية موال النهار

    لكن اننا نسيب كل حاجة و نفضى نفسنا للاغانى و تبقى هى سلاحنا الوحيد و كمان فيها شتيما يبقى انت عندك حق فى كلمتك احنا فعلا و لا حاجة

     
  • At 12 March 2008 at 23:40:00 GMT, Blogger abo malek said…

    السلام عليكم
    أنا معك أخي في القول انو هادي الايشى مسخرة عالاخر لانو اذا كان بدو يرد على اسرائيل بالاغاني ممكن ولكن ليس بشتمهم وتحقيرهم لان ذلك لن يخرج اليهود من أرض الاسلام
    ولكن بالاناشيد التي تربي المسلمين على مبادئ الاسلام وتدعوا الى الاعداد وتعبئة الشباب للجهاد ومثال ذلك مثلا أناشيد فضائية الاقصى وأناشيد قناة طيور الجنة الاردنية التى تساهم فى بناء جيل العقيدة
    عندما تترجم الاناشيد مبادئ الاسلام وتربى المستمع والمشاهد على افكار الاسلام والعقيدة يكون بذلك رد عى الاسرائيليين لان هذه الاناشيد ستترجم الى افعال مستقبلا..
    حياك الله أخي .. ودمت عزا للإسلام
    الأخ أبو مالك من غزة القسام

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats