AbdulRahman Ayyash
 

AbdelRahman Ayyash's Facebook profile

Thursday, 30 August 2007
The nameless Soldier
Today :

He is a prisoner of war,
inside a prison called Gaza
where he was , himself , a Jailer .


Last week :
He
was in his military base
activating the detonators on the cannon shells
falling on Gaza homes


Last month:
He
was testing the deleted-uranium- bullets
on the civilians of Hebron


Last year :
He
was harassing the pregnant-women
on the check-points



He did not take part
in the Sabra-Chatilla massacres ,
but , his father did.

He did not take part
in the Deir Yassin massacres ,
but , his grand-father did.


So why do we not give this soldier a name ?
shall we call him Monster,
invader, robber, thief , occupier,
pirate,settler? ?
or simply : a Zionist



Raja Chemayel
July 11th 2006

Labels: ,

posted by AbdElRaHmaN Ayyash @ 13:47   13 comments
Thursday, 23 August 2007
أنا نمت في المحكمة

اه و الله نمت في المحكمة
نمت في المحكمة لأني مكنتش نمت قبلها بستة و تلاتين ساعة
نمت في المحكمة لأن القاضي ظالم
نمت في المحكمة لأن مقدم امن الدولة الله يجحمه كداب
نمت في المحكمة لأن المسرحية مملة اوي
نمت في المحكمة لأني مكنتش عاوز اشوف الشرطة العسكرية
نمت في المحكمة لأني مكنتش عاوز اسمع قرار التأجيل كمان مرة
نمت في المحكمة بعد اما شفت عمو عبدالرحمن سعودي نايم
نمت في المحكمة بعد اما شفت الباشمهندس أيمن نايم
نمت في المحكمة لما لقيت اخوان معرفتش الاحظ هم مين نايمين
نمت في المحكمة عشان اعاند القاضي اللي طرد مخبر من قاعة المحكمة عشان كان نايم
و كمان نمت في المحكمة و انا كلي أمل اني اصحي ألاقي اخواننا خدوا إفراج و شاهد الزور خد حبس مع الشغل
أنا نمت في المحكمة ساعتين .. و صحيت في المحكمة ست ساعات
صحيت في المحكمة عشان فضول صحفي
صحيت في المحكمة عشان اكون مع سعد الشاطر و عمر عز الدين و عاصم المرسي و حسن الشاطر و عمر أبو العلا و عبدالله الشرقاوي
صحيت في المحكمة عشان ابص في وش دكتور ضياء و هو في القفص
صحيت في المحكمة عشان افضل اكلم عاصم محمود المرسي
صحيت في المحكمة عشان اضحك و انا بتفرج على المسرحية السخيفة
صحيت في المحكمة لأني كنت منتظر كلمة المهندس خيرت
صحيت في المحكمة عشان ادعي مع استاذ امير بسام
صحيت في المحكمة عشان اشوف فصل من فصول الظلم لأني عارف ان الظلم هيروح قريب اوي
صحيت في المحكمة عشان اتفرج على قفا عاطف الحسيني اللي عارف انه هيتهان و هيتعزل و هيتمنى الموت مش هيلاقيه و بيننا الأيام
صحيت كمان عشان احكي و اقول انا شفت المهزلة و فصولها الرابع و الخامس و السادس
صحيت في المحكمة لأني اخدت ايميل مهدي براي و بروس نستور و قلت لهم اني هبعت لهم تقرير مفصل عن اللي هيحصل جوه و في الاخر اعتذرت للشيخ مهدي
صحيت في المحكمة عشان احكي لولادي اني كنت مع المهندس خيرت في قاعة واحده في وقت مفيش لينا نصير غير ربنا
صحيت في المحكمة عشان اشوف بسمة الأطفال .. عائشة مالك و سلمان أيمن و الولد الشقي اللي معرفوش و عاصم المرسي و أروى علاء فرحات و أحمد ضياء ابن عمها و كل الأطفال اللي كانوا هناك
صحيت في المحكمة عشان اخرج اقول لبتاع رويترز على اللي حصل .. و مقلتلوش
صحيت في المحكمة و انا بتمنى انام .. عشان احس بنشوة الانتصار على نفسي
بس

Labels: , ,

posted by AbdElRaHmaN Ayyash @ 00:02   39 comments
Wednesday, 22 August 2007
تاجين
The first tag was from mirage and it was sent by mail :
-----------=======---------=========------------
1. What is your occupation? Engineering student

2. What color are your socks right now? black

3. What are you listening to right now? nothing

4. What is the last thing that you ate? mango & grape

6. Favorite Color? blue, orange

7. Music Preference? classic ad jazz ( and yanni )

8. Last person you spoke to on the phone? My Director of Labor

9. Do you like the person who sent this to you? of course

11. Favorite drink(s)? fresh juice

12. What is your favorite sport(s) to watch? football & Volleyball

13. Have you ever dyed your hair?NO

14. Do you wear contacts or glasses? yes, glasses

15. Pets? I haven't , but I like small cats

16. What will you stay home to watch? good programme, nice movie or any documentary material

17. What is the best movie you have seen? Omar almokhtar, beautiful mind, you've got a mail

18. What is your favorite day of the year? perhaps Eid,

19. What do you do to vent your anger? deeply breath, walk, working on the net

20. What was your favorite toy as a child? guess the toy of train

21. Fall or spring? Fall

22. Hugs or kisses? kisses

23. Vanilla or Chocolate? vanilla

24. Do you want your friends to email you back? yeah

25. Who is most likely to respond? belal, ali, meit i think

26. Who is least likely to respond? Most of them

27. Living arrangements? msh fahem elma6loob , howa by2ool eltarteebat elma3eshya, الترتيبات المعيشية ,

28. When was the last time you cried? 19.8.2007

29. What is on the floor of your closet? nothing

30. Who is the friend you have had the longest? no one , with regret

31. What did you do last night? worked on the net

32. Favorite smell(s)? Phil, fullymaster colors :)

33. What inspires you? kids' talking

34. What are you most afraid of? negative criticism, state-security and falling in love

35. Favorite Food? Pizza , chocolate and junk food (A)

36. Favorite car? Toyota, BMW

37. Favorite dog breed? I hate them

38. Who is your least favorite person right now? now , 3atef el-Hosseny :@ the state-security officer that made up the case of Muslim Brotherhood

39. How many years at your current job? as a student 15 years, in my summer holiday i'm working

40. Favorite day of the week? friday

41. Where do you WANT to live? London

42. Who is your favorite performer/artist? marwan khory, Mohammed monir, Emad Ramy, ...

43. What is your favorite feature of yourself? Fat with glasses :)

49. Who's your favorite person in the world? I can't fix some one , but I think that I'll choose that person who I haven't known yet

50. What do you want to accomplish before you die? I wanna to leave something useful in this world, in Electronics & media fields.


p.s: did you notice there are no 5,10,44,45,46,47,48 !!., ACCORDInG TO ME I'VE NOTICE THEM
-----------=======---------=========------------
بسم الله
التاج التاني وصل من أختنا شذى .. لساني مولوتوفي
--------======---------
اسم مدونتك؟؟
خربشة غريب
لماذا اخترته ..وماهي نيتك من وراء اختياره؟
بصراحة وقت ما اخترته كنت في حالة نفسية مش ممتازه :) زي أي وقت تاني , الفكرة ان احنا كمسلمين و كعرب و كإسلاميين على وجه الخصوص ( او المفترض ان احنا هكذا ) فاحنا قليلين اوي , بمعنى آخر .. غرباء
كان عندي قبلها مدونة خربشة بس من غير غريب
و التفكير حاليا اني اغير الاسم مع الاحتفاظ بالدومين
هل فكرت في إغلاق مدونتك؟ والسبب؟
لا ما فكرتش
السبب ان حتى الان ملقيتش ضغط يخلليني افكر اني اقفلها
صورتك في المدونة ورمزيتها ؟؟
حاليا مفيش صورة
لكن مرة كنت حاطط صورتي و مرة تانية صورة قلم و مرة تالته صورة شمس غروب و مرة كنت حاطط صورة مسجد و علم فلسطين و غيره
الرمز بيختلف كل مرة
لكن انا لقيت ان الاريح لينا كلنا اني اشيل كود الصورة من اساسه :)
لماذا دخلت عالم التدوين من الاساس؟
انا دخلت عالم التدوين أولا من دافع التقليد , تقليد عمرو مجدي و البراء اشرف و مصعب أحمد و آية علاء و دعاء الشامي اعتقد , و بعدها فكرت انه يكون زي اي عمل تاني نعمله يكون منظم و محدد و له قواعده و كده , لكن ما قدرتش احقق ده و تخلليت عن الفكرة , بعدها أنا أدون الآن من أجل التدوين , من أجل التعبير ممكن تسموها , أو من أجل التجربة الانسانية بكل ما تحتويه .
جمله قيلت لك فى وصف مدونتك؟
:) مشكلتك أنك تخاف من النقد , يعني تضع قيود و انت تدون , و ده مش معنى التدوين
في ناس قالوا ان المدونة كويسة و لسه استاذي محمد عبدالغفار قايل ضمنيا في تعليقه على البوست اللي قبل اللي فات ان المدونة كويسة
التعليقات بالنسبه لك ,اهميتها؟
ساعات بتكون هي اساس التدوينة و ساعات بعتبرها مجرد اضافة
لكن في كل الأوقات بنتظرها على أحر من الجمر
و كل اما توصلني رسالة على الايميل بتمنى انها تكون allert بتعليق جديد
احلى بوست كتبته ...ضع اللينك , ثم اذكر لماذا؟
انا بعتبر ان احسن بوستات انا كتبتها كانت في شهر اربعه
أما الذي اعتبره بلال نقله نوعية في حياتي التدوينية فهو بوست عائشة مالك بوست تكتب و تبكي أنا نموذجا
و اللي انا شايفة حلو مش وحش هي تدوينة ألقوا إليها بكلمة .. و قبلة
أفضل مدونة قرأتها؟
:) و الله على الرغم ان في مدونات كتير كويسة
الا ان مدونات معينة بعتبرها الافضل على الاطلاق
المدونات بالنسبة لي و الترتيب لا يعني شيئا الا أن المؤرخ هو الأول في نظري و بلا منازع :)
حد قل أدبه فى التعليق إيه رد فعلك؟
مفتكرش انه حد عملها
و رد فعلي هيكون عادي يعني
لو لقيته مزودها اوي همسح التعليق
ولو كان قلة ادب عادية فعادي يعني .. بسيطة
أسوأ بوست أسوأ مدون؟
ممممممممممممم
فعلا مش في بالي حد
بس لو جه في بالي حد هبقى اكتبه ان شاء الله
هيحصل ايه لإيميلك لما تموت ؟؟
هيموت هو كمان
ممكن ابقى ادي الباسوورد لحد يفتحه يمسح الفايلات اللي فيه و يبعت الرسايل المهمه للناس اللي في الشغل و عادي يعني
اديت الباسورد لمين؟
كتير اوي
بس الباسوورد المهم مش مع حد غير اتنين
بلال و سارة بنت خالي
سارة أكيد نسيته و بلال ما شاء الله عليه زمانه فاكره و زمانه فاكر الباسوردات اللي قبلها
كانت إيه طبيعة علاقتك بيه؟
بلال صاحبي
و سارة بنت خالي و كنت بظبط لها مدونتها فعشان تديني الباسوورد بتاعها قالتلي لازم اخد الباسوورد بتاعك عشان انا موثوق فيا جدا
اسمك؟
عبدالرحمن
المشهور بيه وسط اصحابك؟
بودي , عياش , و اسم كمان هو لقب العيله
و في اسم جديد دلوقتي بيقولوا عوبا :D
شخصيتك نوعها إيه؟
انا شخصيتي لكزس كحلي
ساعات بتهنج مني و ساعات تانية بيبقى الباند ويندث عالي
هو سؤال لطيف فعلا
شخصيتي عادية
ممكن حساس شوية و ده عيب
ممكن غير قيادية و ده عيب تاني
الصفات اللي شايفها في نفسي حلوة اني مش بزعل من حد , و مش بتعصب الحمد لله نهائي
السفر بالنسبة لك؟
لو السفر هو المتعة الوحيدة في الدنيا .. بجد هيكون كفاية علينا
أجمل حاجه بحب اعملها في حياتي هي السفر
وقت فراغك بتعمل فيه إيه؟
هو قبل كده كنت ببقى اعد على الكمبيوتر
لكن حاليا الكمبيوتر هو شغلي
فوقت فراغي بستريح شوية
اخرج اعمل اي حاجه
ممكن اقرا شوية
او اتكلم في التليفون
اي حاجه يعني غير الكمبيوتر , او اعمل حاجات تانية غير الشغل على الكمبيوتر
يعني اصمم مثلا او كده
المود بتاعك؟
هو انا مرح
بس مش اوي
ساعات ببقى منكد و بنكد على اللي حواليا
الصفات اللي أخدتها من بابا؟
أنا شبه بابا شكلا
و في صفاته ممكن في عدم العصبية
و ما اخدتش منه موضوع الرياضة :@
او الحركة او الرشاقة بشكل عام
الصفات التي أخدتها من ماما ؟
ممكن اني طيب شوية
ممكن في موضوع اني بتضايق لما ببعد عن البيت لكن دي سلبية و انا بتجاوزها الحمد لله
حاجات تانية انا مش عارفها بقى
اكتر ست حاجات بكرهها؟
الدلع الزايد
الكدب
الحمق
الظلم
الحقد
و الشخصية المريضة
اكتر ست حاجات بحبها؟
حماس و خصوصا قادتها و المهندس يحيي اولهم الله يرحمه
الأخوه
الكمبيوتر و الهندسة عموما
و اصحابي
العيله بتاعتي مش كلها
و الشخصاية اللي انا مش عارفها
الانترنت بالنسبه لك؟
كل حاجه
يعني كل حاجه
امرره لمين ؟
للمؤرخ محمد الهامي
و لبلال علاء
لعلي عادل
دكتورة نهى
دكتورة ولاء
جنين اللي عايزة تفهم
و سارة ان شاء الله لما ترجع من السعودية بالسلامة تبقى تجاوب عليه
-----------=======---------=========------------
بجد جزاكم الله خيرا على التاجات دي
وان شاء الله تتعوض :)
سلام

Labels:

posted by AbdElRaHmaN Ayyash @ 05:37   7 comments
Saturday, 18 August 2007
أولى الخطوات
كتب يقول : حبيبتي .. لقد قررت أن أتغير

ثم ما لبث أن وضع القلم

نظر إلى الورقة و ابتسم بسخرية مريرة

مزق الورقة

و ....

كانت أولى خطوات التغيير





-----------------------
من وحي قصة محمد سليمان عبدالملك
في العدد الاول من سلسلته المتوقفه .. ترانزيت

Labels: , , ,

posted by AbdElRaHmaN Ayyash @ 15:44   12 comments
Thursday, 16 August 2007
من غير عنوان


هو ليه ناس كتير لسه مش فاهمين معنى التدوين ؟


سؤال فعلا بسأله لنفسي و لغيري كتير اوي


اقوللكم ازاي مش فاهمين معنى التدوين


انا مكنتش فاهم معنى التدوين لحد وقت قريب اوي


لكن هسألكم سؤال من بعيد


هو ممكن نعمل رابطة مستخدمي ميل الياهو ؟


أو ممكن نعمل رابطة اللي عندهم موبايل نوكيا ؟


:) اذا مش ممكن نعمل رابطة اللي عندهم مدونات


اه ممكن نتجمع ضمن اطار ايديولوجي معين لكن مش في اطار رابطة


لكن لأننا شرقيين عقليتنا تحترم المجموع و تطحن الفرد , عاوزين نجمع بعضنا في اطار ضيق يكون فيه فرض و أمر


أو يكون فيه رئيس و مرؤوس


أو يكون فيه نظام ومسؤول و مكتب إداري و مسؤولين :)


هو ممكن ؟


لا مش ممكن


التدوين غير قابل لكده فعلا


و الساحة التدوينية مش مستعده لتقبل فكرة تجمعات بمختلف مسمياتها


انا اقترحت فكرة رابطة مدوني الإخوان فعلا و عملت جاهدا في وقت ما لحد وقت قريب اوي انها تتحقق بالشكل المطلوب


دلوقتي انا فعلا تأكدت ان مش هينفع نعمل رابطة بتصوري السابق


دلوقتي احنا كفاية اننا نعرف بعض :)


كفاية اننا نشاور و نقول ده اخوان


مش عارف حد منكم لاحظ وللا لا .. انا شلت شعار الإخوان من مدونتي


لأني لقيت حد بيضيف ايميلي , و بعد شوية كلام لقيته بيقول بس انا مكنتش متخيل انك كده


ده انت اخوان :)


يعني الراجل او البنت خدوا فكرة مسبقة عني لمجرد اني حاطط شعار الإخوان .. لا نشيله أحسن :)


نفس الموضوع اللي حصل من تلات او اربع ايام .. كنت جنب عبدالرحمن منصور على جهازه و لقيت مبعوت له رسالة على الفيس بوك بتقول له هو انت عبدالرحمن عياش بتاع الإخوان ؟


من شاب محترم اسمه مينا ذكري


أنا مش عارف مينا بس أعتقد انه هو صاحب مدونة مراقب مصري


او شخص غيره


عموما أنا اتضايقت و فرحت من كلمة عبدالرحمن عياش بتاع الإخوان دي


يعني عبدالرحمن عياش دلوقتي كأنه أصبح متسجل عند الجماعه , :) و انا اول واحد عارف ان ده مش صح


و عبدالرحمن عياش دلوقتي كلمته بتتحسب على الإخوان لأنه حسب تعبير مينا .. بتاع الإخوان


و فرحت اني اتحطيت في إطار أشرف اني انتمي له فكريا .. هو الإطار الإسلامي بتوجهه المعتدل اللي بنسميه الإخوان المسلمين


لكن زي ما قلت أنا شلت شعار الإخوان من عندي


هذا لا يعني تنصل من الفكرة او انسلاخ من الهوية او تساقط على طريق الدعوة


لا و الله ابدا


ده يعني مجرد نظرة قريبة لوضع ممكن يتصلح لأفضل ما يكون


فانا لن أشترك كمدون في أي تجمع تدويني من أي نوع


لأن هذا ليس الغرض من التدوين


نحن هنا .. شخصيات تتحدث .. شخصيات تتكلم بنفسها .. و سأحاول أن أكون مدونا بهذا الشكل .


- لا يمكن تعميم ذلك على دعوات التوعية او دعوات اغتنام رمضان او غيرها .. لكني أعتقد أنه من الممكن أن نضع في هذا الاطار المدون خانه مثلا أو رابطة مدوني الإخوان بشكلها الجامد القديم المقترح طبعا أو غيرها .. و أجد شيئا ما يدفعني كي أستثني منها تجمعات صغيرة مثل مدونين من أجل التغيير .. فقد أحسست أنه توجه عام من جميع المدونين , كل يكتب فيه برأيه ولا يكون ضمن اتجاه فكري أو تنظيمي معين -


هذا بخصوص تلك النقطة :)


------------------------





نقطة تانية هي موضوع الانترنت المحدود الذي صاح الجميع ضده رافعين أصواتهم و مذبهلين وووو

:) من الواضح أننا جميعا فهمنا الأمر خطأ

روحوا عند
علاء و اقروا اللي كاتبه بخصوص الموضوع ده

فعلا هتفهموا كتير اوي

و انا بناء على نصيحة سابقة من أخ عزيز لم أشارك في الحملات الوقتية التي دعت لتدمير شركات الاتصالات او مقاطعتها او حتى التوقيع ضدها

انا ارسلت رسالة بسيطة لم يتم الرد عليها كالعادة

لكن علاء اجاب عن كل التساؤلات بالفعل

على كل حال .. لا أعتقد بجدوى الحديث " بالعربية " أي أن نوجه حديثنا للداخل المصري في موضوع النت او المواضيع الاصلاحية

و أعتقد بأن اي ضغوط لابد أن تأتي على النظام من الخارج .
--------------------

دي نقطة تانية كنت عاوز اتكلم عنها
تالت حاجه وصلتني رسالة اعتقد انها وصلت لكتير مننا اسمها أريد أبي


[dad.png]

فعلا رسالة تحسسك بالعجز
انت مش قادر تعمل لأبناء المحالين لمحاكمة العسكرية حاجه
ولا عارف تعمل لأهاليهم و آباءهم حاجه
و برضه نايمين و ساكتين
بجد .. لازم نحاول نعمل اي حاجه عشان نساعدهم
أخدوا فلوسهم
و أخدوا آباءهم
مصر نايمة و شعبها سلبي
و احنا في طليعة هذا الشعب السلبي :(
عموما تحية لشعب مصر
********
في كلمة كانت مضايقاني و عاوز اقولها ان بنت جورج بوش اللي اسمها "جينا" اتخطبت و بالمناسبة السعيدة دي اقدر اقول له و لها عقبال كده لما تحصل جيشك اللي في العراق و تبقى الفرحة فرحتين
و لبنته جينا نقدر نقول في خطوبتها .. جينا جينا نهنيكي .. و نهني أبوكي بيكي
ولا عزاء ل750 ألف قتيل عراقي منهم 500 ماتوا اول امبارح
********
كنت عاوز اتكلم عن حاجات تانية
ممممم
اهااا
دول حاجتين مهمين
الحاجه الاولى بالنسبة لشخصيتي اني عاوز اتغير فعلا في حاجات كتير و ان شاء الله ده الوقت المناسب :)
و اللي يزعل يبقى يزعل :)
لكن هو انا حساس فعلا ؟
اه
طيب هو انا بزعل من حد ؟
اه
طيب هو انا ليه مش بقول اني زعلان و بشيل في نفسي ؟
لأني مش عاوز حد يزعل مني
طيب هو انا ممكن اتغير ؟
اكيد ممكن
ازاي ؟
ده اللي انا عاوز اعرفه منكم
اوكيشن؟
---------------------

مفيش مشاكل خالص
لأن التدوين تعبير عن الذات فاحنا بندون
و لأن التدوين حرية فإحنا بندون
وإن كانت الحرية في التدوين بلا قيود اسمها ليبرالية فأنا اسلامي ليبرالي :)
دي نقطة كنت عاوز اقولها لأستاذي و حبيبي الدكتور :)
لك مني سلام يا دكتور

----------------------
سأفتقدك بالفعل .. سأفتقدك
----------------------
كلمة أخيرة ياريت كل اللي يحب يعلق على التدوينة يعلق عليها و هي سؤالين
هل ترى ان مؤتمر الحزب الوطني الحاكم بداية و تمهيد لتوريث جمال مبارك ؟
إن كانت الإجابة بنعم , فما العيب في أن يتولى جمال مبارك الحكم , و نحن نرى ممالك اقتصادها أفضل منا و كل حياتهم نعيم ؟
أو ما العيب في جمال و هو اقتصادي ناجح يدير شركات ناجحة مع شركاء ناجحين ؟
وللا ايه :)

عموما طولت عليكم
و سلام

Labels: , , , ,

posted by AbdElRaHmaN Ayyash @ 17:22   20 comments
Wednesday, 8 August 2007
صدمات
الصدمة الأولى
عندما تتمرجح كطفل و تنسى أنك أنت
الخميس 2/8
أول مره أروح عند خالي في مزرعته مع العائلة
كان نفسي أروح من زمن
لكن لم تكن الفرصة مواتية
و في ظل ضغط العمل اللي كنت موجود فيه وقتها و قبلها كان لازم اريح شوية
و قررت اني انزل المنصورة عشان نروح المزرعة مع العائلة كلها
مش هتكلم عن اللي حصل هناك بالظبط
لكن كانو يومين من أجمل الايام اللي قضيتهم بجد
من فترة طويلة اوي مفرحتش كده
فعلا كانو يومين حلوين
خصوصا ان اليوم اللي قبله كان فرح عباده ثروت و سارة الشاطر
محضرتوش للأسف لكن الحمد لله كنت مركز اوي معاهم :)
ربنا يبارك لهم يارب
لكن لو اليومين دول حلوين كده ؟
ايه اللي خللاهم صدمة
ممكن الصدمة ان نضارتي اتكسرت و لسه مصلحها امبارح
ممكن الصدمة ان انا فرحت اوي بشكل غير اعتيادي
المهم انها تمثل تغيير مرحلي في حياتي
يارب تتكرر بشكل أفضل
ومن غير ما اتبهدل و اقع من المرجيحه
و النضارة تتكسر تاني
----
مش عاوز حد يعلق على المرجيحه لأنها كانت روعه و لو انتو كنتو هناك كنتو هتتمرجحوا و هتنسوا انكو كبار او حتى محترمين :D:D
يجد يومين حلوين اوي
------------------
------------------
الصدمة الثانية
عندما ترى عائلتك .. من بين الأسلاك
الأحد 5/8
يوم المحاكمة العسكرية
الإعلان عن باص متوجه للهايكستب لحضور الجلسة الرابعة للمحاكمات العسكرية للإخوان المسلمين
قبلها وصلتني على هاتفي رسالة قصيرة كما وصلت للكثيرين
تقول أفرجوا عن مصر , أريد أبي
و مذيلة بتوقيع مدونة إنسى
كانت رائعة الفكرة
بصراحة لم أعمل forward للرسالة
لكني اعتقد أن الكثيرين ممن وصلتهم الرسالة فعلوا
على كل حال , ذهبت للتحرير فلم أستطع أن أركب الباص المزعوم
و قدرا قابلت منعم و علمت أنه ذاهب للمحاكمة بطبيعة الحال و ركبت معه :):)
هناك كنت أود لو استطعت الدخول كوني من أحد أهالي المعتقلين
و قدرا أيضا علمت أن بلال ضياء فرحات لن يحضر
فأنا اتذاكيت فيها و قلت ان دكتور ضياء يبقى خالي و انا عاوز احضر
و انا من المنصورة ووووو
و رحت للراجل و اقولله ده ابنه قاللي انه مش جاي و ...
الاربعه ولاده وصلوا و دخلوا يا فندم
اوبس
طيب شكرا يا استاذ
طبعا الحمد لله بتوفيق ربنا قدرت ادخل و متسألوش ازاي
اللي جوه بقى
طبعا انا عارف معظم الشباب اللي جوه
سعد الشاطر و عبدالرحمن شوشه و عبدالرحمن الحسيني و اتعرفت على مصطفى عصام عبدالمحسن و عباده ثروت العريس و الباشمهندس عبدالله الشرقاوي
طبعا شفت تاني عاصم محمود المرسي , و ده بجد و الله ربنا يحميه
من أعسل الناس اللي شفتها في حياتي
عاصم كان شكله جميل جدا و القاضي بيهرتل لوحده و بيقول على الاحراز وعاصم بيحفظ قرآن
عاصم كان في سورة الدخان
ربنا يبارك في عاصم و في كل اخواته و في كل الاطفال اللي زيه
صدمتي لما دخلت المحاكمه كانت في اني اشوف اكتر من تلاتين اخ في القفص
يااااااه
بجد ربنا يبارك فيهم
المهندس خيرت و الاستاذ حسن و الدكتور ضياء اللي وشه كان منور و الله و دكتور محمود المرسي و أحمد النحاس و الشاب الرائع ربنا يحميه محمد مهنى
و اساتذتنا سيد معروف و جمال شعبان و أحمد شوشه
و استاذنا اللي فعلا كان نفسي اشوفه لأني مقدرتش اشوفه استاذ ياسر عبده و دكتور عصام حشيش ربنا يشفيه
و الدعاء بتاع استاذنا محمود عبدالجواد و الصلاة اللي صلى إمامنا الدكتور محمد بشر و أذان أحمد النحاس
بجد لو هم دول طليعة الإخوان .. يبقى هننتصر ان شاء الله
صدمتي اني اشوف الوجوه دي كلها وهي خلف القضبان
صدمتي و انا بشوف استاذ حسن زلط مش قادر ييجي المحكمه لأنه على سرير في مستشفى
صدمتي و انا بشوف القاضي بيضحك بسخرية لما اخ من هيئة الدفاع يقولله اتق الله
صدمتي و انا بشوف عائشة مالك بتستسمح الراجل اللي واقف على القفص انه يخلليها تسلم على والدها
صدمتي و انا بشوف استاذنا ايمن عبدالغني بيكلم زوجته و في بينهم سد
بجد ... صدمتي يوم المحاكمة العسكرية لا توازيها صدمة تانية
و ان شاء الله لو الدخول اتكرر تاني
هيكون الوضع بالنسبة لي مختلف
و يارب .. نقدر نعمل حاجه
------------------
------------------
الصدمة التالته
أن ترى موتك أمام عينيك
الاثنين 6/8
رحت عشان اقابل فيوليت داغر
اعتقد لو حد تابع المحاكمات العسكرية هيعرف ان فيوليت داغر هي فرنسية من اصل لبناني و هي رئيسة الهيئة العربية لحقوق الانسان و التي مقرها باريس و كانت في مصر للرقابة على سير المحاكمة العسكرية
بالطبع لم يسمحوا لها بالدخول لقاعة المحكمة
انا حاورتها و كل شيء تم حلو اوي
لن ألتفت لكونهم عملوا حاجات غريبة بحجة تأمين زوار
و لن ألتفت لكونهم حاولوا أن يخرجوني و ألا أحاورها في الفندق
و لن ألتفت لكوني تأكدت من أن ضيوف مصر مراقبين أمنيا من مخبر شاطر جدا
لكنني سأبتعد تماما عن ذلك الموضوع
وسأتكلم عن شخص لا أعرفه
شخص وجدته ملقى في الشارع
الدم على الأرض
الرأس مهشمة
في الأمام سيارة بي ام بليو من الفئة الخامسة و أمامها سيارة بيجو مش متذكر نوعها
اعتقد 307
ايه اللي حصل يا اخوانا
ده شاب عنده 25 سنة عربيتين ماشيين بسرعته و هو بيعدي الطريق و وقع في النص
يعني العربيتين خبطوا في بعض لكن الولد في النص
المشكلة مش في كده
المشكلة انه الاخ ده توفى بعدها
المشكلة الاكبر ان بتوع الامن الي في الفنادق و ميدان التحرير و قتها حطوه على الرصيف و سابوه ربع ساعه
ربع ساعه الأخ ده ميت على الرصيف
انا جيت و شفته طبعا بالنسبة لي أول مره أشوف بني آدم ميت , ربنا يرحمه يارب , لكن ازاي التعامل المهين من الناس كده
عربية الاسعاف مجاتش الا بعد وقوفنا بعشر دقايق
يعني نص ساعه
و في ميدان التحرير
انتو عاوزين تفهموني ان مفيش في ميدان التحرير نقط اسعاف قريبه ؟؟؟
و يتغطى بورق جرايد
بجد يا بلد
لو مش هترحموا الحي ... فبالله عليكم ارحموا الميت
صدمة .. أثرت فيا اوي
مش لأن المنظر كان صعب بس
لأ
لأن أنا كنت طول عمري بخاف من كده
و أنا عندي اربع سنين كان عندي عجله ( دراجة يعني )
كنت بحلم و ما زلت بحلم اني انا راكبها و بقع بين عربيتين و ... اصحى مفزوع
فلما اشوف الموت ده بالشكل ده قدامي
كان فعلا صعب
يارب يعافينا و يعافيكم
و يحسن ختامنا جميعا
-------
بلال حالا بعت لي لينك أخت مدونة توفت ليلة 15 رجب
ربنا يرحمها يارب و يرزقها الفردوس الأعلى من الجنة
المدونة اسمها شيكو اونلاين
http://www.shikoonline.blogspot.com/
و صاحبتها شيماء صفوت
بالله عليكو ادعولها هنا و هناك في مدونتها
------------------
------------------
الصدمة الرابعة
أن تصبح الحقيقة حلما .. و أن يغدو الأمل مستحيلا
الاثنين و الثلاثاء و الأربعاء و الخميس
6.7.8.9 / 8


welcome to my block list

كنت كاتب هنا كلام كتير اوي
لكن بلال علق كتير اتصل بيا خد الباسوورد و حط البوست درافت عشان امسح الصدمة دي
عموما الصدمة دي كانت عشان شخص واحد بس
و البوست و الله كانت مكتوبة من امبارح
لكن اتعدلت مرتين
مرة عشاني و مره عشان بلال
عموما كان نفسي اكتب كلام اكتر
لكن رأي بلال ان انا كده بظلم نفسي و بظلم ناس تانيين و ان ده حرام
و انا بحترم رأي بلال
روح موت يا بلال :@
سلام :$
------------------
------------------
الصدمة الخامسة
أن تعتقد أنك فاشل .. و قد نجحت
هي مش صدمة بالمعنى المفهوم لصدمة
لكن الحمد لله انا نجحت
و بلال نجح
و حسن نجح
و أسامه جاب امتياز
بلال جاب جيد
احمد و محمد و اسلام نجحو
محمد و خالد و محمد نجحوا
محمد عادل و حسام الهندي نجحوا
سولدجر باشا بتاع فن الحياة نجح
بلال باشا بتاع مزاجات نجح
اسلام العدل بتاع منفي نجح
اخويا نجح
كريم صاحب اخويا و احمد محفوظ نجحوا
أروى الطويل بتاعة أنا كده و أسماء ياسربتاعة الفجرية نجحوا
أحمد ابن عمتي
أحمد التاني ابن عمتي برضه
نجحوا
ألف ألف ألف مبروك لكل اللي نجحوا السنة دي
و ربنا يتمم بخير يارب
و الأناشيد دي انا رافعهم مخصوص من عشر ايام عشان لما اجي اكتب عن الموضوع ده







-----------------------
-----------------------

Labels: , , , , ,

posted by AbdElRaHmaN Ayyash @ 22:28   33 comments
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats