AbdulRahman Ayyash
 

AbdelRahman Ayyash's Facebook profile

Thursday, 22 November 2007
في سبيل التاج / و أشياء
يا اخواننا انا وصلني تاجين محترمين من أخين محترمين جدا
التاج الاول من الاستاذ الفاضل المحترم الفلسطيني الرائع الدمث الخلوق اللطيف بتاع الاناشيد : بهاااااء يوسف
(تصفيق حاد )
التاج الاخر كان من الفاضل- اللي معادش غيره يعني - البني سويفي المتميز جدا المصمم المبدع و صاحب الفوتوشوب و الفلاش و حاجات تانية كتير : محمد جلال
(تصفيق حاد كمان )
نبدأ بتاج العم بهاء
===-------------===

لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟

و الله زي ما تقول كده اني هشوف شعب بيكره الدولة بتاعته .. زي الشعب الموريتاني مثلا في مرحلة ما ، او الشعب المغربي او الفلسطيني او غيره ، لأن حالنا كله من بعضه ، لكن انا هبص لمصر على انها مثال سيء لصعف المعارضة و ضعف جميع التيارات ، مقارنة بلبنان مثلا .


لوكنت أوروبي أو غير مسلم بردو إيه نظرتك للعرب والمسلمين؟

بصراحة ... لو ربنا مهدانيش ، من حال المسلمين اللي شايفه .. مكنتش هفكر في الاسلام اصلا ، لكن الحمد لله انا مسلم ، و عارف ان العيب في المسلمين مش في الاسلام ، لكن نظرتي كانت هتبقى نظرة شفقة مشوبة بالازدراء .

لوقالولك إنت بقيت رئيس جمهورية هتعمل إيه؟

اعتقد اني هعدل الدستور ، اه و الله هعدله ، بس بما يتناسب مع طموحات الشعب الغلبان ده ، هعمل زي غاندي و يبقى المصري بصناعته مصري مش باسمه ، و هعمل زي امريكا لما بتحارب اقتصاد الصين لأنه بيحاربها و هحارب اي اقتصاد يأثر سلبا على اقتصادي ، هأمم قناة السويس بجد و فلوسها تروح للأمة و تبقى بالجنيه المصري مش بالدولار ، هغير الوزارة و هعمل انتخابات رئاسية و اتنحى عن الحكم و اروح اشتغل في جوجل لو كان ليا مكان او في المانيا او استقر في اي حته غير مصر .

لو كان ينفع ترجع طفل تاني وتخليك طفل علطول هترجع؟ وليه؟

و الله زي ما تقول كده انا بالنسبة لكتير من الناس طفل ، وللأسف بخسر نفسي لما بحس اني كبرت ، على كل حال انا مش عاوز ارجع طفل ، إلا لو هموت لما ارجع ، انا بس عاوز اعيش كل لحظة لوحدها ، من غيرنظرة سوداوية للماضي بآلامه و مساوئه و من غير نظرة استشرافية بقلق للمستقبل .

لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الاخر ولا تغرس فيه الامل لغاية لما يموت؟


أعتقد اني مش هقدر اصارحة بأي حال من الأحوال ، لكن انا هديله الامل مع اليقين ان كل شيء بقدر ربنا و قضاءه ، و انا مقتنع ان مفيش اي حاجه في الدنيا ميئوس منها .

لوسمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟

أعتقد اني هقول له عليه الصلاة و السلام ، يا رسول الله هل يرضيك أنا ، إخوة في الله للإسلام قمنا ، أو ممكن أسأله عن الطريق الأصح ، أو أترجاه يدعيلي ، وقتها ممكن اسكت خالص من الصدمة اصلا ، يارب اجمعنا برسولك عند الحوض .

لوخطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون تصرفك إيه؟

أعتقد ان بالنسبة لي الأمر هيكون سيان لو انا فعلا مختارها عن قناعة و حب ، و هي مختاراني على نفس الاساس ، انا كنت قلت للعم بهاء اني ممكن افكر في الزواج التاني ، لكن لا اعتقد اني من هذا النوع ، اعتقد اني مش هقدر ازعلها اصلا ، لأني مش هرضى انها تفكر بالشكل ده لو كان بايديها انها تتزوج تاني ، و متأكد ان حياتنا هتكون اسعد حياة بين اتنين في الدنيا .. فقط لو أردنا .

لوطلعت القمرهتكتب إيه عليه؟

هرسم عليه شعار الاخوان و اكتب الله اكبر و لله الحمد وإسمي .. و لو في "هي" هكتب كمان اسمها .

لوكنا في عصر ازدهار الأندلس كنت تتخيل نفسك إزاي؟

اعتقد اني كنت هبقى طالب في مكتبه ، أقرأ و لا اكتب ، ده تخيلي لنفسي حاليا ، و أتعلم ولا أدرس الطلاب ، أعتقد اني هكون مصاحب ابن رشد لو كنت في زمن


لوأنا مررت التاج ده لحد وما جاوبش عليه أعمل فيه إيه؟

اعتقد انك تقيم عليه حد الحرابة ، تقطع يديه و قدميه و تعلقه في جذوع النخل حتى يموت

لوحد عنده أسئلة تانية بتبدأ بلو يضيفها ويجاوبها

اه انا عندي :
لو هتسافر في أي مكان في الدنيا تعيش فيه هتروح فين ؟

انجلترا بس ، أدرس في ليدز أو في اوكسفورد

===-------------===

التاج التاني بتاع الحاج محمد جلال


قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟

لو هختار عصر ، مش هغير المكان اللي انا فيه ولا الزمان اللي انا فيه ، مشكلتي اني بحب اتكلم كتير و بقول اني عاوز اغير الدنيا ، و انا دلوقتي لو قالولي اسافر زي ما قلت انجلترا او المانيا او فرنسا انا سافر ادرس بدون تردد

أول أولوية فى حياتك عيلتك ولا شغلك ولا اصحابك؟

و الله لو لازم من التلاته دول ، فأعتقد انه شغلي ، لأني لما كنت بشتغل في الاجازه كنت مستعد افقد حاجات كتير جدا لمجرد اني افضل في الشغل او ان الشغل يستمر كما يجب أن يكون .

ايه أكتر حاجة بتحبها فى رمضان ؟

أعتقد لياليه ، بكل ما فيها ، و مش هقول لكم اني بكره في رمضان اللمه اللي اوقات كتير بحسها مش مناسبة لطبعي .

اوصف أجمل فطار ممكن تفطره؟

بسكوت و شاي ، او سمبوسه بالجبنة ، او ساندوتش شوكلاته و كوباية نسكافيه

لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟

انا مش بحب اكون حاكم ولا قيادي ، و حتى لو بقيت فانا مش باخد قرار لوحدي مطلقا ، و هعرف من مجرد انطباعاتهم و كلامهم مع بعضهم عني ، و ممكن ابقى اعمل استفتاءات حقيقية على اكتر من مستوى لمعرفة رأي المرؤوسين .

مين أكتر اعلامى مصرى بتحترمه ؟

و الله انا بحب يسري فودة و أحمد منصور و منى الشاذلي جدا ، و بالذات الأخيرة ، بس انا نفسي اكون زي احمد منصور في كذا حاجه ، و كفايه انه زيي .. من المنصورة يعني .

لو ممكن تشتغل شغلانة تانية كنت تتمنى تبقى ايه ؟؟

اعلامي مش صحفي ، أو رائد فضاء ، او مهندس كمبيوتر حقيقي مش مبرمج يعني .

ايه تانى بلد تتمنى تعيش فيها بعد مصر ؟؟

حقيقي حقيقي .. انجلترا ، ألمانيا ، كندا ، تركيا.

اوصف ترتيبات اجمل فرح ممكن تحضره ؟

انه يكون موسيقى هاديه و جلسات عائلية صغيره ، و هدايا بسيطة ، و اصحاب كتار من غير دوشه ولا زحمه .

بتراعى كلام الناس والقيل والقال ؟؟ ولو اه او لا قول ليه ؟

براعيه جدا في معظم الأحوال ، لأني بحسه انه بيعكس صورتي بشكل ما ، خصوصا لو من شخص بحترمه أو بحترم عقليته .. ادعولي بقى عشان انا بعاني بسبب الموضوع ده .. و الله .. بعاني بجد

صحيت من النوم ملقتش الموبايل ولا الكمبيوتر ولا الكاميرا الديجيتال ورجعنا لعصر الحمام الزاجل والحصنة هتكون سعيد ؟

طبعا لااا .. بس أكيد هتأقلم .. لكن حتى هذه اللحظة .. انا ادمنت كمبيوتر فعلا ، و بنيت عليه حياتي كلها ، فلو فقدته .. بعد الشر بقى

السعادة هى ..؟

الحب .. القناعة .. الهدف .. الأمل

عندك أمل ؟ اسبابك ؟

اه طبعا .. لاني مسلم و المسلم مينفعش ييأس ، لأني موقن ان كل ليل بعده نهار ، لأني مدرك ان كل انسان ممكن يعمل كل حاجه .. فقط لو أراد .

لما بتحب تهرب من كل شئ بتروح فين ؟؟

على السرير او قدام اي كتاب .. أقفل الموبايل و النت و ممكن اتفرج على فيلم

امتى اول مرة خدت فيها نفس طويل وقلت ياااه انا فعلا كبرت ؟؟

اول امبارح

بتشرب سجاير ؟؟ وايه شعورك اما ست او راجل بيشرب سجاير ؟ ليه ؟

مش بشرب لا و بكرهها .. بصراحة بشفق عليه و بتخنق من الرائحة بشكل ما .. و لو بنت بستغرب .. بس بستغرب مش اي حاجه تانية

بتعرف ايدك اليمين من الشمال ازاى ؟؟

بفتكر شريط الرسول القدوة ( الفيديو) لوجدي غنيم لما نزل المنصورة ، و بعرف ان اليمين هي اللي باكل بيها و هي اللي بسلم بيها و هي اللي بمسك بيها القلم .

ايه اكتر الة موسيقية بتحبها ؟

الكمان

فى رأيك ليه الذوق والنخوة اتعدموا ؟

أكره التعميم .. طبعا منعدموش .. لكن في غالبية بقت بتعتبر ان الذوق و النخوة موروث ثقافي يجب التخلص منه ، و بيس مان .

ايه الحاجة اللى لو حصلت لك حتبقى سعيد اوى ؟

أعتقد ان ربنا يجمعني باللي انا احبها ، و اني الاقي كتاب كنت بدور عليه ، و اني اكل شوكلاته او اكون لوحدي في البيت و اتصل بكوك دور اجيب دليفري ، و اني بشكل عام اكون لوحدي مع الكمبيوتر و الكتاب .

تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟

أنا أحب يكون عندي فلوس و أسافر أدرس و أتفسح .

البحر ولا النيل ؟

النيل

مركب ولا طيارة ؟

نفسي اركب طيارة

مجنون ولا عاقل ؟

مجنون

تقرا كتاب ولا تتفرج على فيلم ؟

حسب الفيلم ، او حسب الكتاب ، لكن المتعة عندي بتبقى اكتر في الكتاب ، لكن في افلام لا اعتقد ان في كتاب ممكن يوازيها متعة

تمرر التاج ده لمين ؟

ايه ده ؟؟؟
انا خلصت ؟؟؟؟
احمدك يااارب
التاجين دول يا فندم يروحوا مثلا للآتي
بلال علاء
التاج التاني للعم بهاء
شمس الدين ربة السي و القلم
الزهراء امير .. فذلوكة
أسماء ياسر
ابراهيم ابو سيف
دكتورة شذا .. مولوتوف
دكتورة نهى .. حتة سكر
جنين .. عايزة تفهم
استاذ وضاح
محمود سعيد
براء الاناضولي
أحمد نصر

بس خلاص

----================----

انا عملت اختبارين على مدار كذا يوم ، و معظم النتائج كانت بتقول نفس المحتوى
انا بس عاوز اقول اني بيعجبني الحاجات اللي بتشجعني .. زي النتيجة دي مثلا



Temperament
Flexible

Nothing seems to bother you - you sail through life crisis free. It's not that your life doesn't have its ups and downs, it's just that you handle everything without unnecessary drama and antics. You approach each day fresh, not worrying about yesterday or tomorrow. You are confident that you can handle anything that comes your way and experience has shown that you are absolutely right about this.

Interests
Simple

You are continually pursuing a simpler and less complicated life - you don't allow yourself to fall victim to all of the "should do's" that society continually bombards you with. You are thoughtful about your life choices and think in terms of yourself, others and the world in which we live. You have a great sense that we are part of something much bigger and we must be good to others, if we want others and the world to be good to us.

Amusement
Thoughtful

You are easily stressed out and overwhelmed - you need to take care of yourself first and foremost. Because you tend to be self reflective, you know your limits quite well and must remember to not exceed those limits. When you overwhelm your life with obligations and responsibilities, you tend to shut down and go into yourself even further. Take some time to find your serenity and kick back your feet.

Passion
Traditional

Your notions about romance are viewed as unrealistic by many, but don't let that stop you. When you think of romance, you think of huge gestures of commitment, sacrifice and love like we see in the movies. Flowers, chocolate, and wine are just some of the ways to your heart. You want to feel loved and treasured by your partner and you expect to be courted, admired and hotly pursued. You long for old fashioned dating.
----================----

ادعوا لأمنا أم الزهراء الشاطر ، والدتنا "عزة" بالشفاء العاجل ، صبرا آل الشاطر .. إن موعدكم الجنة ان شاء الله
و الله لا تعلمون كم يؤلمني ما يحدث ، لكن هذا طريقنا الذي اخترناه ، و هذا الابتلاء على قدر دينكم
أنتم أهل لهذه الدعوة .. أهل لهذا الابتلاء .. أهل لهذا الدين
دمتم ذخرا لنا آل الشاطر
لكم سلام ..

Labels: , , , ,

posted by AbdElRaHmaN Ayyash @ 18:56  
11 Comments:
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats