AbdulRahman Ayyash
 

AbdelRahman Ayyash's Facebook profile

Monday, 12 November 2007
في البحث عنها


بعد معاناة مريرة


و بعد فترات تتراوح بين الذروة و الفتور


و بعد إلحاح من فوق و من تحت و عن اليمين و ذات الشمال


قررت أخيرا .. أن أبحث عنها


كنت أحاول البحث بطرق غير تقليدية نوعا ما .. قد تكون طرقا لا تصلح لهذا المجتمع أو لهذا العصر


لكن لم يكن أمامي إلا أن أقول للملحين .. " اعرضوا كل الاسماء" .. و كنت أسجل ، العنوان ، المهنة ، الصورة ، لم أترك شيئا إلا سجلته ، كانوا يتعجبون من حرصي على تسجيل كل الصغائر ، لكنني كنت أجمع الصورة .


أخبرتهم أنني عندما أصل للألف اسم ، للألف اقتراح ، للألف عرض


فسأبدأ الفرز


ما أجمل أن تكون رجلا .. لا تكون صورتك مع أحد إلا تلك التي تريد أن تكون صورتك معها


أما الفتيات .. فقد يوقعهن القدرفي براثن من لا يرغبون ، و تتهاوى أحلام اليقظة و ترهات فارس الأحلام أمام الحقيقة البشعة .. ذلك "المتقدم"


و في غالب الأحوال هن يقبلن المتقدم الأول.. لا لشيء إلا الخوف المبهم من عدم تكرار الفرصة ، أو عدم مجيء آخر


-----


وصل العدد لألف


فيهن كل ما يمكن أن تتصوره


و بدأ الفرز


الشكل


المهنة


الهيئة


العائلة


التوافق


.. لم يعد هناك غير خمسين .. خمسين فتاة يصلحن تماما أن يكن عرائس المستقبل


خمسون فتاة هن كل الاحتمالات الممكنة ..


لم أخبركم أنني قد أضفت واحدة فقط .. أضفتها لأنني أريد .. لا لأنهم أرادوا
اسما واحدا فقط أضفته
و أضافوا ألف اسم

لم أرد أن أجعلهم يفقدون ذلك الاحساس بالمشاركة العائلية و المجتمعية للشاب الذي يقبل على أهم خطوة في حياته على الإطلاق


وضعت ذلك الاسم الذي أريد .. صرن الآن واحدة و خمسين


---------


بعد أسبوع


----------


أسبوع آخر


--------------


كمان أسبوع


----------------


عدت إلى منزلي مبللا من أثر المطر الشديد الذي يتساقط بالخارج


كانت زخات المطر تخفي العرق الذي يتصبب مني عقب إنهاء مهمتي الأخيرة


أخيرا .. اخترت الفتاة التي أريد


أهم بالدخول إلى غرفتي عندما رأيت جريدة الغد على المنضدة المقابلة ، تحمل عنوانا توقعه
في صفحتها الأولى


"أول قاتل متسلسل في مصر يقتل ضحيته الخمسين خلال أقل من شهر ، و السلطات تؤكد أن المختل لن يفلت من العقاب"

Labels: ,

posted by AbdElRaHmaN Ayyash @ 15:05  
40 Comments:
  • At 15 November 2007 at 00:17:00 GMT, Blogger خالد أبوالفضل said…

    مرة أخري أنا أول من يعلق علي موضوعك
    بس مش عارف أقول إيه والله
    آآآآه .. ممكن دي
    يا جااااااااااااااااااامد
    فكرتني بمجلة (أو حاجة زي المجلة كده ) كان اسمها مجانييييييييين
    ويشرف عليه العبقري نبيل فاروق
    بس صحيح إيه الموهبة دي يا ولد
    إنجنيرينج إيه وبتنجان إيه
    يا عم روح شوفلك عقد عمل في مجلة فلاش وريحنا

    سلام

    آه صحيح نسيت أقولك
    أنا كتبت بوست علي مدونتي عايزك تقراه وتقوللي رأيك فيه

    يلا سلام

    إيه بتفكر في إيه
    المرة دي سلام بجد
    سلاااااااااااااام

     
  • At 15 November 2007 at 05:27:00 GMT, Blogger چــِنـيـن ... عيلة و عايزة أفهم said…

    : D

    جامدة !

    يعني يقتل خمسين عشان يتجوز اللي هو عايزها ؟!!

    طب بنات الناس مالها و مال رغباته المكبوتة ؟!


    بس أحلى حاجة موضوع المختل اللي في الاخر ده !

    : D

     
  • At 15 November 2007 at 10:56:00 GMT, Anonymous Anonymous said…

    هههههه

    الف سلامة على المختل

    عجبتنى اوى ياعياش تسلم ايدك

    انا قلت الاول اهلا عياش نوى ياجدعاااان بس طلع واحد انى ومختل كمان :D

    عايزين من التهييس ده كتير

     
  • At 15 November 2007 at 11:35:00 GMT, Blogger بهاء said…

    بس خمسين؟؟
    كان مفروض ضاف اسمها على الألف مش آخر خمسين
    بس كويس انه ما نسيها أساسا
    بما انه مختل يعني

     
  • At 15 November 2007 at 13:32:00 GMT, Blogger فزلوكة said…

    بص يا عبد الرحمن
    أنا قرأت التدوينة أول مرة
    .
    مافهمتش
    تانى مرة

    .
    الحمدلله فهمت
    بجد بجد يعنى أسلوبك
    جميييل جدا لدرجة إنى مفهمتش من أول مرة والله مش هزار أنا لما الكلام بيكون حلو بحتاج أقرأه كتييير عشان أفهم
    ده أنا بحارب مع الرافعى
    بس عايزين نعرف الواحد وخمسين

     
  • At 15 November 2007 at 16:09:00 GMT, Blogger other_things said…

    يقطعك

     
  • At 15 November 2007 at 18:35:00 GMT, Anonymous Anonymous said…

    بجد ما شاء الله على أسلوبك أنا لما قرأت القصة أنبهرت و كمان أسلوب كتباتك لبوستات عموما ، ماما بتقول أنك ما شاء الله عديت ربنا يباركلك و يرفع بيك أنت و بلال و كل الأخوات و أخوة آمييين
    تسنيم نصر

     
  • At 15 November 2007 at 19:41:00 GMT, Blogger عبدالرحمن ياسين said…

    على فكرة أنا من أول ما قرأت إتخضيت
    وبالذات بعد الحركة إلي إنت وسعبودة عملتوها
    قلت إنت لسة كنت معايا ليه مقلتليش كنت هزعل قوي
    بس بعد ما كملت قلت أنا إلي هزعلك
    بس ما شاء الله ،إيه الحلاوة دي، إيه الفن ده
    (ده طبعا مش مجاملة)
    بس ربنا يوفقك وتلاقي بنت الحلال
    وتسعدك وتسعدها

    شكرا على المزحة الثقيلة

     
  • At 15 November 2007 at 19:42:00 GMT, Blogger عبدالرحمن ياسين said…

    ممكن سؤال.؟.؟.؟.؟
    هي فعلا القصة حقيقية؟!؟!؟!؟!!!!!!!!؟

     
  • At 15 November 2007 at 20:00:00 GMT, Blogger أميرة محمد محمد محمد said…

    والله
    اسلوبها غريب شويه
    عايزه اعمل حملة تبرعات عشان اللي غرقوا في البحر باذن الله نرجو من حضرتك المشاركه لسه هندرس الكيفيه و هنبقي نبلغ الجميع

     
  • At 16 November 2007 at 01:00:00 GMT, Blogger محمود سعيد said…

    وساكت على نفسك ليه لحد دلوقتى
    إلحق شوف لك دكتور قبل ما تحقق الحلم التهييسى الفظيع ده

     
  • At 16 November 2007 at 02:42:00 GMT, Blogger noha said…

    رااااااااائع
    اسلوبك بجد ملوش حل
    من اروع البوستات اللى قراتها لك

    ..

    يا سلام يقتل خمسين عشان يا خد واحدة
    عارف المشكلة ايه ان الوحدة دى ترفضة !!
    او تبقى الظروف كلها - وفجاة - ضد اتمام الزيجة !!

    لاء بس بجد ربنا يهنيهم
    ده فى حالة انه يفلت من حبل المشنقة :d

     
  • At 16 November 2007 at 21:53:00 GMT, Blogger كده وبتاع ... said…

    انا من زمان يا بيدو بقول الواد يدخل المسنجر يفضل مشغول بيعمل ايه :)

    ربنا معاك يبنى شكلك هتقع زي عمو مجدي بالظبط بس هتقع على جدور رقبتك عدل

    سلام

     
  • At 17 November 2007 at 22:58:00 GMT, Blogger وضـّاح said…

    ربما هي من كانت تبحث

     
  • At 18 November 2007 at 05:50:00 GMT, Blogger إبراهيم أبوسيف said…

    في الحقيقة كنت عزمت التعليق لأسجل إعجابي بعد أن عرفت مدونتك من إيمان سعد لكني لم أجد ما أقوله بعد هذا السيل من المديح الذي تلقيته
    حتى خلتني أرمي إليك بمثل ما يلقونه عليك لكن في النهاية هذه القطعة

    ما أجمل أن تكون رجلا .. لا تكون صورتك مع أحد إلا تلك التي تريد أن تكون صورتك معها



    أما الفتيات .. فقد يوقعهن القدرفي براثن من لا يرغبون ، و تتهاوى أحلام اليقظة و ترهات فارس الأحلام أمام الحقيقة البشعة .. ذلك "المتقدم"



    و في غالب الأحوال هن يقبلن المتقدم الأول.. لا لشيء إلا الخوف المبهم من عدم تكرار الفرصة ، أو عدم مجيء آخر

    تثبت بها عبقريتك
    انت مفكر وأديب أو هكذا تبدو

     
  • At 20 November 2007 at 22:36:00 GMT, Blogger FadFadA said…

    جميلة قوي
    و نهاية حلوة و لذيذة
    جمييييييل

    محمد

     
  • At 21 November 2007 at 08:20:00 GMT, Blogger اصرار أمل said…

    هههههههههههههههه
    مش عارفة أقول ايه ؟
    بجد ؛ كالعادة موهبتك الأدبية رهيييبة ؛؛؛
    جعل الله لك قلمك مفتاحا للخير ....

     
  • At 21 November 2007 at 22:46:00 GMT, Blogger آن الأوان said…

    جميله

    بس مين قال ان البنت بتقبل اول متقدم خوفا من ان يكون الاخير

    الحمد لله لسه فى بنات بتصبر

     
  • At 22 November 2007 at 15:46:00 GMT, Anonymous Anonymous said…

    msa gamda mooot



    wasla



    no



    m3dya




    any way




    salam

     
  • At 22 November 2007 at 18:51:00 GMT, Blogger AbdElRaHmaN Ayyash said…

    طبعا لكل اخواننا اللي علقوا جزاكم الله خيرا
    انا سعدت جدا جدا جدا بالتعليقات كلها
    و اسف اني اتأخرت في الرد .. لكن هي الدراسة
    دعواتكم
    ----------
    دكتور خالد
    :D يا باشا و الله انا لما شفت تعليقك قلت بتجاملني
    خصوصا بعد تعليق الاخت جنين
    بس و الله جزاكم الله خيرا بجد
    طبعا انا رحت عندك و شفت البوست و كل حاجه
    سلامو

     
  • At 22 November 2007 at 18:53:00 GMT, Blogger AbdElRaHmaN Ayyash said…

    ايه يا دكتورة
    رغبات مكبوتة و مختل
    ههههههههههه ربنا يخلليكي يعني شكرا

     
  • At 22 November 2007 at 18:54:00 GMT, Blogger AbdElRaHmaN Ayyash said…

    :] الكابتن غير المعرف
    اهلا اهلا
    انا نويت اه طبعا
    نويت اقتلهن كلهن :D
    سلام يا أخ

     
  • At 22 November 2007 at 18:56:00 GMT, Blogger AbdElRaHmaN Ayyash said…

    عمو بهاء
    صدقني هو منساها .. اللي حصل انه يفضل ينافسها بالافضل ، لأنها بالتأكيد كانت هتتجاوز اي اختبارات قبلا .. فلو نافسها بالعوام و الدهماء .. قد تفقد بريقها في عينيه ، لكنها دوما ثريا .. لا تهبط لتنال من الثرى
    :D صدقني هو عمره ما كان هينساها
    شكرا يا كبيرا على تعليقك
    سلامو

     
  • At 22 November 2007 at 18:58:00 GMT, Blogger AbdElRaHmaN Ayyash said…

    الاخت زهراء
    :D و الله انا حسيت اني حاجه لما شفت تعليقك
    بجد ربنا يخليكي
    بس الرافعي كلنا بنحارب معاه
    و في النهاية بحس اني مش فاهم حاجه لما اسمع شرح العم بهاء اللي معلق فوقك ده
    لم أر فهما للرافعي كفهم فداء الوطن
    طبعا و في الملتقى الكثيرين ممن ينقلون عن الرافعي
    أكتبهم فقط للتذكرة .. فاتن و رحيل و عاشقة الجوزاء و سأظل صامدة و رفيدة ... كلهن أخوات .. كلهن مبدعات

    سلام

     
  • At 22 November 2007 at 18:59:00 GMT, Blogger AbdElRaHmaN Ayyash said…

    :D بلال
    الله يخلليك يا ذوق
    طبعا ضحكت لما شفت تعليقك
    بس يللا .. و الله ما تستاهل تعليق الاخت تسنيم
    هيييييه
    دونيا
    سلام يابني

     
  • At 22 November 2007 at 19:01:00 GMT, Blogger AbdElRaHmaN Ayyash said…

    الاخت تسنيم
    و الله انا مش اول من شفت تعليقك
    واحد هو اللي قاللي ده في تعليق جديد
    انا فعلا ذهلت
    ربنا يكرمك يارب و يوفقك
    لك سلام .. و للوالدة طبعا

     
  • At 22 November 2007 at 19:03:00 GMT, Blogger AbdElRaHmaN Ayyash said…

    عبدالرحمن
    :D انت غريب يابني و الله
    فعلا غريب
    ربنا يخلليك يابني و يكرمك
    بس و الله العيال هم اللي كانوا بيهرجوا معاك
    --------
    انا مش هرد على تعليقك التاني عشان متنرفزش عليك و متودينيش في داهية

     
  • At 22 November 2007 at 19:05:00 GMT, Blogger AbdElRaHmaN Ayyash said…

    اخت اميرة
    شكرا يا فندم لتعليقك
    و منتطرين المبادرة
    هي فكرتها كويسة .. و ان كنت لا أرى لها جدوى حاليا .. لكن ندعمها بالطبع ان شاء الله
    سلام

     
  • At 22 November 2007 at 19:06:00 GMT, Blogger AbdElRaHmaN Ayyash said…

    ههههههههههههه
    ايه يا محمود
    يا عم ده انا اخري امسك الكي بورد و اكتب
    مش حتى القلم
    متخافش على بنات الناس يابني
    خاف على نفسك انت احسن تقلب معايا بجد (6)
    هههههههه
    سلاام

     
  • At 22 November 2007 at 19:08:00 GMT, Blogger AbdElRaHmaN Ayyash said…

    دكتورة نهى
    و الله فرحت بتعليقك
    جزاكم الله خيرا بجد
    صحيح كنت عاوز اسألك سؤال
    هو حضرتك جبتي منين الصورة الفظيعه بتاعة البوست اللي عنوانه لا تبك على اللبن المسكوب ؟
    اصلها عاجباني اوي
    :d:d:d
    سلام

     
  • At 22 November 2007 at 19:11:00 GMT, Blogger AbdElRaHmaN Ayyash said…

    محمد باشا جلال
    :d و الله باشا
    في سبيلي للرد على تاجك يا فتى
    و سعدت بتعليقك المعلق
    ههههههههههه
    بس عمو مجدي موقعش
    ده خطب ياخويا
    اما انا قاتل
    لو شفت الاسد الملك سمبا .. هتلاقيه بيقول لسكار في اخر الجزء الأول
    قاااااتل
    اهه كان يقصدني بقى
    :d سلام يا كبير

     
  • At 22 November 2007 at 19:17:00 GMT, Blogger AbdElRaHmaN Ayyash said…

    أستاذي وضاح
    كل التعليقات حاجه و تعليق حضرتك حاجه تانية خالص
    ليس على الاشخاص اتكلم
    لكن على الفكرة التي وصلتني
    هل تعتقد فعلا انها التي تبحث ؟؟؟؟
    كم أتمنى
    حقا كم أتمنى
    لك ألف سلام

     
  • At 22 November 2007 at 19:19:00 GMT, Blogger AbdElRaHmaN Ayyash said…

    استاذي ابراهيم
    اشرف بتعليقك فعلا
    كفاية انك من اصحاب الاقلام طليعة النقد الذاتي
    عرفت ايضا مدونتك من نفس المصدر :D
    بنت السعد
    لكن امواج التغيير معروفة للجميع يا استاذي
    على كل حال .. لست أديبا .. و أمامي الكثير لأصبح مثلكم
    لك سلام

     
  • At 22 November 2007 at 19:25:00 GMT, Blogger AbdElRaHmaN Ayyash said…

    عم محمد صاحب الفضفضات من الراجل العاقل
    :D مش بحب اقول عليك مجنون و الله
    بس ربنا يخلليك
    سلام يا فندم

     
  • At 22 November 2007 at 19:26:00 GMT, Blogger AbdElRaHmaN Ayyash said…

    دكتورة أمل
    :D و الله انا اللي فعلا فرحت بتعليق واحدة مبدعة زي حضرتك
    على الاقل قرأت كتير يعني
    و أزهرية كمان
    سلاام

     
  • At 22 November 2007 at 19:30:00 GMT, Blogger AbdElRaHmaN Ayyash said…

    أختي آن الأوان
    ربنا يكرمك على تعليقك الجميل
    طبعا انا مش بعمم
    انا بقول في الغالب
    لكن اللي بقوله فعلا صحيح . بنسبة كبيرة جدا
    و كم من الزيجات بتفشل لمجرد ان البنت شايفة ان اللي اتقدم ده احسن واحد ممكن ييجي او ممكن ميجيش غيره
    او انها بتتبطر على النعمة اللي نزلت لها من السما
    في حين ممكن يكون اللي هييجي بعده احسن منه مليون مرة
    فقط هو رأيي بناء على شواهد شخصية
    جزاكم الله خيرا مرة تانية على تعليقك
    سلام

     
  • At 22 November 2007 at 19:50:00 GMT, Blogger شقاوة شعب said…

    والله انا حاولت افهم المقصود من اخر حتة بس يعنى مش جاية معاية قوى

    أكيد العيب فيا

    على اى حال هى دمها خفيف

    تحياتى
    شيماء

     
  • At 25 November 2007 at 05:43:00 GMT, Anonymous hamza said…

    تعرف يا عياش .... اكتر حاجة بحبها فيك اسلوبك لمتميز بجد .. واللى بلاقيه احيانا بينطق باللى فى نفسى ..
    بجد يا حاج الموضوع ده جامد
    لألأ مش كفاية جاااااااااااااامد اوى
    بصراحة الموضوع عجبنى اوى ...
    يعنى حتة نفسي على حتة سيكو

    تسلم يا سيد الناس

     
  • At 16 December 2007 at 17:12:00 GMT, Anonymous يوسف said…

    على فكره انتا من احسن المونات الى شفتها ومواضيعك حلوه وليها معنه ودى حاجه كويسه وانا بشجعك لاكن انا نفسى اتعلم منك حاجات كتبر لان انتا مثل كبير اوى والمفروض تفتخر بنفس وانا هحاول اتعلممنك وربنا يوقك

     
  • At 24 December 2007 at 15:50:00 GMT, Anonymous همساية said…

    حملتنى قدماى قدرا الى هنا

    لأرى أروع ما كتبت

    بوركت أناملك

    صدقا بهرتنى

    لم أعلق على الموضوع لأن من عادتى تلجمنى الكلمات العظيمة





    ملحوظة:
    حاولت أعلق بإسمى .. مش راضى بتاتا..
    همس

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats