AbdulRahman Ayyash
 

AbdelRahman Ayyash's Facebook profile

Tuesday, 30 October 2007
نقد بدرجة ض ج
أنا بعتذر في البداية يا اخواننا عن أي كلمة ضايقت اي حد مني
لكن بالفعل الوضع لم يكن يحتمل الكثير
و أنا مسؤول عن الكلام اللي قلته بغض النظر عن صغر سني أخي الكاتب
انت و الله ما تعرفش انا بقدرك اد ايه .. في نفس الوقت متعرفش انا بتضايق من الاسلوب اللي اتكتب بيه المقال اد ايه
و انا مش عارف انت بتتكلم عن مين
لأن انت بتتكلم عن شخص قد لا يكون هو من أتكلم عنه
و العكس صحيح
أنا شلت البوست مؤقتا حتى أعدل فيه ما يستوجب التعديل
و انا بعتذر مرة تانية عن الخطأ
و أصر على موقفي من الموضوع
و جزاكم الله خيرا يا اخواننا اللي علقوا
ان شاء الله هرجع البوست ممكن النهارده أو بكره الصبح ان شاء الله
و بعتذر للكاتب مرة تانية عن نقطة العقل الشرق أوسطي .. ان شاء الله هشيلها من التعديل
و بعتذر كمان عن عدم تأكدي من موضوع الصور في اخوان اونلاين و ان كان لا يهمني كثيرا
و بقول للكاتب .. متزعلش يا باشا :)
و طبعا الكلام العاطفي اللي في الاخر وجوده في الموضوع واضح انه تم فهمه على غير هدفه و تم تحميله أكثر مما يحتمل
فلازم يتمسح في التعديل
و أي كلام تاني ممكن يسبب ضرر لأي شخص من قريب أو بعيد طبعا هيتمسح
اعذروني
دعواتكم
لكم سلام

Labels:

posted by AbdElRaHmaN Ayyash @ 08:22  
9 Comments:
  • At 30 October 2007 at 11:21:00 GMT, Blogger أحمد عبد العاطي said…

    أخي العزيز عبد الرحمن عياش
    السلام عليكم
    سمعت عنك ولم أتشرف بلقياك
    ولكن قراءتي لأول تدوينة عندك أعجبتني
    قد لا يعلق عليها أحد
    لكني تأثرت بها
    لمست فيك نضج وصدق مشاعر وادراك للأولويات
    أصعب شيئ علي الانسان أن يعتذر أو يعدل موقفه خاصة إن كان مقتنع به كما ذكرت
    رغم أني لم أر التدوينة المزالة لكن فعلا مجب بالتصرف
    وسأحاول قراءتها بعد التعديل
    جزاك الله خيرا

     
  • At 30 October 2007 at 12:48:00 GMT, Blogger Abdulrahman Mansour said…

    نضج كبير في الكلمات وفي الأفكار عزيزي عبدالرحمن

    ننتظر تدوينتك المشوقة

    وكلمات د-أحمدأوفي من أي كلمة أقولها

     
  • At 30 October 2007 at 14:48:00 GMT, Anonymous اروي الطويل said…

    امممممممم
    المفروض تبقي راجل وماتتنزلش عن كلمة قلتها ادام انت ماغلطتش في حد
    خلي عندك صمود ادام مش غلطان

     
  • At 30 October 2007 at 15:16:00 GMT, Blogger محمود سعيد said…

    طول عمرك كده يا عبدو

    صاحبنا بيقولى قالوله إمسحها

    قلت له عبدو أصلاً رجاع

     
  • At 30 October 2007 at 16:32:00 GMT, Blogger Abdulrahman Mansour said…

    أروي!

    توقفي عن هذا التحريض!
    الغير مبرر!!

    وإلا.....

    محمود يا ابن اونكل سعيد
    هدوا الموضوع يا جماعه!

    مفيش حاجه حصلت اساسا

    وعلي فكره عياش مش رجاع!

    عياش لما يشعر انه أخطأ لا يتردد ان يعتذر او يخبر بذلك

    الباقي علي ناس بتغلط ولا تهتم بالآخر!
    ولا ايه يا أروي

     
  • At 30 October 2007 at 16:36:00 GMT, Anonymous اروي الطويل said…

    لأ لازم يكون راجل ويتعلم يبقي راجل لأنه ماكتبش حاجه غلط
    وعامة انا مابحرضش حد علي حاجه
    والحمد لله انا ماغلطتش في حد
    وكل واحد يكلم نفسه
    وقبل ماينصح الآخرين ينصح نفسه

     
  • At 30 October 2007 at 19:22:00 GMT, Blogger الـفجـريـــة said…

    لسه داخلة دلوقتى

    فطبعا مقرأتش التدوينة اللى اتمسحت
    وبتتعدل

    لكن لمست من اسلوب الكتابة ومن التعليقات
    ان ده حل كويس

    جزاكم الله خيرا
    قليل من يفعلها الأيامدى

     
  • At 30 October 2007 at 20:14:00 GMT, Blogger فزلوكة said…

    يا أ\ عبد الرحمن دى تانى مرة تحذف الأولى كانت (يا أنت ) والمرة دى فى (نقد بدرجة ض ج ) بس المرة دى أنا لحقت وقريت التدوينة قبل ما تتحذف وبجد يا عبد الرحمن مكنش فيها أى تجريح فى حد
    يبقى نزلها تانى صحيح لو كان فيه بعض الأمور إللى إتضحتلك وبعض التغييرات وضحه ومافيش فى كده أى عيب بالعكس دى شجاعة بس تنزل التدوينة وترفق معاها التغيير
    وبكده تكون أرضيت نفسك أولا وإحترمت عقولنا جميعا
    وسلالام
    زهراء

     
  • At 3 November 2007 at 21:03:00 GMT, Blogger AbdElRaHmaN Ayyash said…

    أستاذي الدكتور أحمد
    شرفت بتعليقك كثيرا
    جزاكم الله خيرا
    -----
    عبدالرحمن منصور
    تحياتي
    -------
    أروى
    :D حاضر
    -------
    محمود
    و الله ابدا :D
    بس و الله ما حدش قاللي امسح حاجه
    -------
    منصور
    :D يا سيدي خييييير
    بيحصل
    -------
    أروى
    و الله انا ما مسحتهاش
    و عبدالرحمن مقالش انك غلطتي
    :D وللا ايه ؟
    --------
    أسماء
    جزاكم الله خيرا على تعليقك
    و ان شاء الله يارب تعجبك التدوينة
    -----
    زهراء
    التدوينة فعلا كان لازم تتعدل
    و الباقي ابقى اكتبه في تدوينة تانية
    لأنها اتفهمت على عكس ما انا عاوز
    و التعليق وصلني بشكل مش كويس
    بالتالي ان شاء الله اللي اتمسح هيتكتب
    في وقت تاني
    أحييكي
    وسلام

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats