AbdulRahman Ayyash
 

AbdelRahman Ayyash's Facebook profile

Thursday, 23 August 2007
أنا نمت في المحكمة

اه و الله نمت في المحكمة
نمت في المحكمة لأني مكنتش نمت قبلها بستة و تلاتين ساعة
نمت في المحكمة لأن القاضي ظالم
نمت في المحكمة لأن مقدم امن الدولة الله يجحمه كداب
نمت في المحكمة لأن المسرحية مملة اوي
نمت في المحكمة لأني مكنتش عاوز اشوف الشرطة العسكرية
نمت في المحكمة لأني مكنتش عاوز اسمع قرار التأجيل كمان مرة
نمت في المحكمة بعد اما شفت عمو عبدالرحمن سعودي نايم
نمت في المحكمة بعد اما شفت الباشمهندس أيمن نايم
نمت في المحكمة لما لقيت اخوان معرفتش الاحظ هم مين نايمين
نمت في المحكمة عشان اعاند القاضي اللي طرد مخبر من قاعة المحكمة عشان كان نايم
و كمان نمت في المحكمة و انا كلي أمل اني اصحي ألاقي اخواننا خدوا إفراج و شاهد الزور خد حبس مع الشغل
أنا نمت في المحكمة ساعتين .. و صحيت في المحكمة ست ساعات
صحيت في المحكمة عشان فضول صحفي
صحيت في المحكمة عشان اكون مع سعد الشاطر و عمر عز الدين و عاصم المرسي و حسن الشاطر و عمر أبو العلا و عبدالله الشرقاوي
صحيت في المحكمة عشان ابص في وش دكتور ضياء و هو في القفص
صحيت في المحكمة عشان افضل اكلم عاصم محمود المرسي
صحيت في المحكمة عشان اضحك و انا بتفرج على المسرحية السخيفة
صحيت في المحكمة لأني كنت منتظر كلمة المهندس خيرت
صحيت في المحكمة عشان ادعي مع استاذ امير بسام
صحيت في المحكمة عشان اشوف فصل من فصول الظلم لأني عارف ان الظلم هيروح قريب اوي
صحيت في المحكمة عشان اتفرج على قفا عاطف الحسيني اللي عارف انه هيتهان و هيتعزل و هيتمنى الموت مش هيلاقيه و بيننا الأيام
صحيت كمان عشان احكي و اقول انا شفت المهزلة و فصولها الرابع و الخامس و السادس
صحيت في المحكمة لأني اخدت ايميل مهدي براي و بروس نستور و قلت لهم اني هبعت لهم تقرير مفصل عن اللي هيحصل جوه و في الاخر اعتذرت للشيخ مهدي
صحيت في المحكمة عشان احكي لولادي اني كنت مع المهندس خيرت في قاعة واحده في وقت مفيش لينا نصير غير ربنا
صحيت في المحكمة عشان اشوف بسمة الأطفال .. عائشة مالك و سلمان أيمن و الولد الشقي اللي معرفوش و عاصم المرسي و أروى علاء فرحات و أحمد ضياء ابن عمها و كل الأطفال اللي كانوا هناك
صحيت في المحكمة عشان اخرج اقول لبتاع رويترز على اللي حصل .. و مقلتلوش
صحيت في المحكمة و انا بتمنى انام .. عشان احس بنشوة الانتصار على نفسي
بس

Labels: , ,

posted by AbdElRaHmaN Ayyash @ 00:02  
39 Comments:
  • At 23 August 2007 at 03:25:00 GMT, Blogger عصفور المدينة said…

    النوم أوقات اللقاء من علامات الثبات ورباطة الجأش

     
  • At 23 August 2007 at 08:34:00 GMT, Blogger جمعاوى روش طحن said…

    أخى الكريم عبد الرحمن


    انا مش عارف أقوللك ايه

    بس أنا معاك 100%
    فى الحتة بتاعه

    الحسينى و قفاه دى

     
  • At 23 August 2007 at 09:39:00 GMT, Anonymous العميد ميت said…

    أه
    طيب
    بس لما أصحيك عشان عايز أخرج
    أقعد في الكفتريا تبقي تقوم من غير ما تقول لي ليه
    بالمناسبه ، الجلسه الجايه الغدا هيكون عند حد من الشرطة العسكريه
    هيعزمنا عنده في الوحده
    يلا ياعم هنأكلك في الجيش أهوه

     
  • At 23 August 2007 at 13:10:00 GMT, Blogger فاروتا المصرى said…

    hmed789ازاى تروح المحكمه وتنام
    كفايه انك تشوف الفارس الهمام
    اللى اسمه الشاطر ابن الكرام
    اللى علمنا الصبر وحسن الكلام
    كفايه انك تشوف حسن مالك وامير بسام
    وعبد الجواد اللى علمنى الصلاه والصيام
    اللى وقفوا فى الظالم وقالوا كفايه حررام
    اللى فضحوا امن الدوله واساليبهم فى الاجرام
    واللى عرفوا الناس مين هما ولاد العم سام
    واللى قضيتهم الاولى فلسطين وحماس والقسام
    فاروتا المصرى شاعر اليمن والشام

     
  • At 23 August 2007 at 19:33:00 GMT, Anonymous sondos said…

    الحمد لله اني مدخلتش معاك قاعة المحكمة
    مكنتش اتصور ان الحكاية كلها نوم كده :)
    عندك حق لما الواحد بيتفرج على مسرحية مملة بيبقى عاوز ينام ما بالك بقى وانتى بتتفرج على قفا عاطف!! عامة الوقوف في كافيتيريا الهايكستب حاجة تانية!! هو شكل تاني من أشكال الملل النابع من الزهق النابع من فقدان الامل في اصدار تصاريح لمهدي و بروس . تخيل شعور مثلا انك ذاهب الي مسرحية بعد ماشتريت تذكرة الدخول درجة أولى وبعد ماوصلت امنعت من الدخول بحجة ان المسرح ممتليء و ليس لك كرسي تقعد عليه, تخيل الظلم اللي هتحس بيه و التناقض الي موجود في الموقف ده. و تخيل نفس الموقف حصل معاك مرتين!! اصدار التصاريح مهزلة لوحده.. في المرة الاولى يوم الحد لم نستطيع الحصول على تراخيص بلا سبب واضح, اخدوا مننا كل اوراق تحقيق الشخصية و التفويض التابع للمنظمات الحقوقية التي ينتمي اليها مهدي و بروس و لم يكن هناك رد . فضلنا واقفين و انت عارف ان (مفيش كراسي في المنطقة) لحد ما فقدنا الامل في الدخول. المهم في المرة التانية كان فيه معلومة جديدة لم اسمع بها من قبل فقد قال لنا المقدم (و لا مش عارفة رتبته ايه) اننا لازم نجيب تصريح من المخابرات المصرية بدخول المحكمة!! مال المخابرات و مال الموضوع دول ناس حقوقيين و منظماتهم معترف بيها دوليا, و بعدين كان فين الكلام ده من زماااااااااااااااان كل مرة بيخترعوا حجة علشان يمنعوا المراقبين الدوليين من الدخول... عامة مافيش حاجة بتستخبى و ربنا فضحهم قدام العالم كله و انا اتوقع ان شاء الله في المستقبل القريب ان ارى حملة دولية ضخمة ضد هذا الظلم (و يمكرون و يمكر الله و الله خير الماكرين)

     
  • At 23 August 2007 at 20:34:00 GMT, Blogger هاني جابر said…

    شارك معنا وانضم الينا في لجنة الدفاع عن سجناء الرأي وحقوق الإنسان
    شارك معنا بارسال حدث وتفاصيله لكي نفضح الظالمين ونفضح مهازلهم
    انضم إلينا في يالا نفضحهم
    www.dahayaa.com

     
  • At 24 August 2007 at 08:40:00 GMT, Blogger alqassam said…

    عبد الرحمن معاك حق فى كل الى ذكرته
    فعلا والله حاجه تخنق واكيد الحال هيتغيير وهيجى يوم هدخل على مدونتك وهلاقيك كاتب انك روحت المحكمه وكنت فرحان جدا لانك مشفتش ظلم ولا اهانه ولا مهزله وشفت كل المعتقلين الشرفاء خارج السجن ان شاء الله هيتحقق وهتكتب عن الموضوع ده قريب
    اخوك القسام

     
  • At 25 August 2007 at 02:52:00 GMT, Blogger صاحب البوابــة said…

    افتقدت عبير مدونتك

    فمررت لألقي السلام

    فوجدتك نائم

    :)

    تحياتي عزيزي

     
  • At 25 August 2007 at 11:32:00 GMT, Blogger other_things said…

    ازيك ياض
    :D
    :D
    خرجت من الحبسة ولا لسه

     
  • At 25 August 2007 at 12:31:00 GMT, Blogger ابو مفراح said…

    ههههههههه
    فكرتنى و الله يا عبد الرحمن لما كنا فى محكمه امن الدوله طوارىء فى قضيه تفجيرات الازهر عندما كنا نستمع الى مرافعه النيابه رحت حطيت نظاره الشمس على عنيا و اديتها نوم بس طبعا كانت فصول القضيه دى اكثر مليون مره من المحاكمه العسكريه

    تقبل تحياتى
    ابو مفراح

     
  • At 25 August 2007 at 16:29:00 GMT, Blogger تجمع المدونين الطامحين في وطن عربي بدون سجين رأي واحد said…

    عذرا للتحليق خارج السرب
    نتشرف بدعوة سيادتكم للانضمام الى تجمع المدونين الطاتمحين الى وطن عربى بدون سجين رأى واحد
    محمد عبد القدوس
    ابراهيم الزعفرانى

     
  • At 26 August 2007 at 07:57:00 GMT, Blogger چـِنين ...عيلة و عايزة افهم said…

    هل يأتي اليوم حين يصبح النوم و اليقظة ... سواء ؟؟

     
  • At 26 August 2007 at 13:31:00 GMT, Blogger وضـّاح said…

    قال تعالى {(( إذ يغشيكم النعاس أمنة منه ... وليربط على قلوبكم ويثبت به الأقدام )) : 11 )

     
  • At 26 August 2007 at 17:26:00 GMT, Blogger sharkawoo said…

    المشكلة في إلي بينام وبيصحي ولكأنه عمل حاجة ...

    علي الأقل انت نمت وكنت حاسس بحاجة في ناس صاحية ومش حاسة بحاجة ...

    أحمد ربنا إنك شفت وعرفت وحسبت ...

     
  • At 26 August 2007 at 20:23:00 GMT, Blogger أميرة محمد محمد محمد said…

    لا لازم تصحي وتعمل اللي كنت رايح عشانه وكان المفروض تكلم بتاع الرويترز بس انا معرفش ظروفك وقتها كانت ايه.هما عايزينا نايمين ومنهكين ومش قادرين نعمل حاجه بس احنا بقي مش هنسيبهم في حالهم وهنشوف مين هيسلم الاول الحمدلله تاريخ الاخوان طويل ومشرف وكله صبر وتضحيه اما هم فنظام اعلن افلاسه وفشل ومستحيل يستمر.الكلام اللى قلته علي عاطف الحسينى سليم وهيحصل لان دى سنة الحياه.ربنا يزيدك ايمان ويثيبك على ذهابك ثوابا عظيما انت وكل اللى راحوا معاك

     
  • At 27 August 2007 at 12:01:00 GMT, Blogger Medo Magdy said…

    طب كويس انك نمت وصحيت
    صح النوم يا بطل

     
  • At 27 August 2007 at 20:32:00 GMT, Blogger اصرار أمل said…

    فى المرة القادمة حينما تذهب ؛ لاتنم ؛ انقل للجميع سلامنا ؛؛؛
    ولا تنظر لعاطف الحسينى ...
    علشان سلامنا بس يبقى ....نقيا ...

     
  • At 28 August 2007 at 12:14:00 GMT, Blogger A L A B D E L R H M A N . said…

    مساء الخير

    الافل تنام على طول او تصحا على طول لية كدا بس !!؟؟



    تحياتى
    .العَبدِالرَحَمن

     
  • At 29 August 2007 at 03:40:00 GMT, Blogger ! Eslam ! said…

    لو محتاج اى حاجه يا باشا

    ياريت تشرفنى فى مدونتى

    يا هندسه حتعجبك ان شاء الله

    وتعمله بنره عندك كمان

    http://ya-handasa.blogspot.com

    اه نصيت

    انت نمت فى المحكمه صحيح :D

     
  • At 29 August 2007 at 09:00:00 GMT, Blogger FadFadA said…

    أصل المسرحية لما تبقى بايخة و الممثلين فاشلين و الأدوار سيئة
    لازم الواحد ينام
    و مافيش أفشل و لا أسوأ و لا أبوخ من مسرحية المحكمة
    فلازم تنام

    و يمكرون و يمكر الله و الله خير الماكرين

    محمد

     
  • At 30 August 2007 at 09:22:00 GMT, Blogger تجمع المدونين الطامحين في وطن عربي بدون سجين رأي واحد said…

    يلا نفضحهم
    مدونه تمثل بدايه عمل جرىء و قوى
    عن طريق لجنه بدأها و يرئسها الأستاذ / "محمد عبد القدوس" بالقاهره
    والدكتور / " إبراهيم الزعفرانى" بالاسكندريه
    هدفها فضح جرائم هذا النظام
    من تعذيب و هتك أعراض و تزوير و و و و و
    شارك معنا بمدونتك
    عن طريق وضع رابط لنا على الاقل
    لوضع الرابط برجاء الدخول على المدونه و نقل الكود الموجود بداخلها
    Yallanefdahom.blogspot.com
    نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
    أن يفكر الف مره قبل الأقدام على ذلك
    نرحب بأى مشاركه على بريد المدونه
    efdah@yahoo.com
    إفضحوهم

     
  • At 3 September 2007 at 19:52:00 GMT, Anonymous عبدالرحمن عياش said…

    أخي عصفور المدينة
    و الله أسعد لما أرى تعليقك :)
    جزاكم الله خيرا
    لك سلام

     
  • At 3 September 2007 at 19:57:00 GMT, Anonymous عبدالرحمن عياش said…

    عم هيثم
    و الله انا مقتنع جدا بان عاطف ده عايز الحرق
    ربنا ياخده

     
  • At 3 September 2007 at 20:20:00 GMT, Anonymous عبدالرحمن عياش said…

    هههههههه
    ماشي يا ميت
    بكره نتقابل و يارب نعرف ندخل بس
    دعواتك يا حبي
    سلامو

     
  • At 3 September 2007 at 20:20:00 GMT, Anonymous عبدالرحمن عياش said…

    هههههههههه
    ماشي يا عريس :D
    ربنا يباركلك يارب
    بس و الله فعلا كلهم وشهم منور

     
  • At 3 September 2007 at 20:23:00 GMT, Anonymous عبدالرحمن عياش said…

    سندس .. شخصيا هنا
    ما شاء الله :):)
    بس بجد اه و الله المسرحية ممله و بايخه و الممثلين فاشلين
    يا مس سندس انتي عاوزاهم يعملوا ايه
    هم لاهم ماشيين بقانون ولا ماشيين بأي حاجه
    ممكن يعملوا اكتر من كده و محدش يمنعهم
    بس لازم ان شاء الله الحملة تتعمل
    بجد لازم
    تحياتي
    و نورتي المدونة :)
    ------
    دورة علوم سياسية بجد ناقصاكي :)

     
  • At 3 September 2007 at 20:24:00 GMT, Anonymous عبدالرحمن عياش said…

    عم اشرف
    هي من ناحية تخنق فهي تخنق
    و يااااارب يااارب اللي انت بتقول عليه يتحقق
    سلام يا سيدي

     
  • At 3 September 2007 at 20:32:00 GMT, Anonymous عبدالرحمن عياش said…

    باشمهندس مصطفى
    أسعدتني بزيارتك
    :D و أحرجتك بنومي
    لك سلام

     
  • At 3 September 2007 at 20:37:00 GMT, Anonymous عبدالرحمن عياش said…

    خرجت يا بلابيلو :D
    بالعند فيك انت و منصور :P

     
  • At 3 September 2007 at 20:38:00 GMT, Anonymous عبدالرحمن عياش said…

    أستاذي الحبيب احمد
    و الله النوم هو الحل في وسط الضغط اللي عاوزين يحطونا فيه
    المهم نكون فايقين للي هم بيعملوه
    لك تحياتي
    المدونة منورة :)

     
  • At 3 September 2007 at 20:39:00 GMT, Anonymous عبدالرحمن عياش said…

    أخت جنين
    خايف جدا جدا .. لو جه اليوم ده
    بجد ربنا يستر
    بس دلوقتي .. النوم عمره ما كان زي الصحيان

     
  • At 3 September 2007 at 20:40:00 GMT, Anonymous عبدالرحمن عياش said…

    أستاذ وضاح
    :) هو احنا وصلنا للدرجة دي؟
    ربنا يغفر لنا و يرحمنا

     
  • At 3 September 2007 at 20:43:00 GMT, Anonymous عبدالرحمن عياش said…

    ابراهيم باشا
    نقطة مهمة اوي
    اننا ننام
    و منعملش حاجة
    و نصحى
    و منعملش حاجه
    بجد .. وقتها ننسى

     
  • At 3 September 2007 at 20:55:00 GMT, Anonymous عبدالرحمن عياش said…

    أخت أميرة
    جزاكم الله خيرا
    و الله النوم ده مجرد تفريغ ضغط
    لأن الضغط مش قليل في الفترة دي
    و ربنا يستر
    بجد ربنا يستر

     
  • At 3 September 2007 at 21:04:00 GMT, Blogger AbdElRaHmaN Ayyash said…

    أخ ميدو
    نورت المدونة
    :D و الحمد لله صحيت اه

     
  • At 3 September 2007 at 21:05:00 GMT, Blogger AbdElRaHmaN Ayyash said…

    مش هحاول ابص له تاني يا دكتورة
    و ان شاء الله سلامكم يوصل
    لك تحياتي
    و اعتذار من هنا للسنة الجاية
    و سلام

     
  • At 3 September 2007 at 21:06:00 GMT, Blogger AbdElRaHmaN Ayyash said…

    :D
    اهلا العبدالرحمن
    نورت المدونة
    تحياتي جدا

     
  • At 3 September 2007 at 21:07:00 GMT, Blogger AbdElRaHmaN Ayyash said…

    شكرا يا سُلُم
    المهم تكونو كويسين
    المدونة حلوة و الله عديت عليها
    سلام

     
  • At 3 September 2007 at 21:07:00 GMT, Blogger AbdElRaHmaN Ayyash said…

    يااارب يا أخ محمد الموضوع ميتكررش
    و ان شاء الله لازم الغلبة لدينه
    بس هو احنا نستاهل ؟
    بس سؤال :)
    يارب نكون

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats