AbdulRahman Ayyash
 

AbdelRahman Ayyash's Facebook profile

Monday, 16 July 2007
Yvonne Ridley .. incredible woman من وحي العسكرية


بسم الله الرحمن الرحيم
ازيكم يا اخواننا
يارب تكونوا بخير
خلال تلك الفترة وجدنا حقوقيين أجانب و صحفيين أجانب , قاموا بالحضور إلى مصر , فقط من أجل مساعدة الحق .
لمساندة الإخوان المسلمين
الإخوان المضطهدين
الإخوان المغلقة شركاتهم
الإخوان المبكاة نسائهم و بناتهم
الإخوان الميتمة أطفالهم و آباؤهم أحياء .. لكنهم في قيود السجن و حديد المعتقل
لقد جاء وزير العدل الأمريكي السابق في وقت لم يقم فيه شيخ الأزهر ,, إذا من أحترم أكثر ؟ شيخ الأزهر أم وزير العدل الأمريكي .. طبعا رامسي كلارك أكثر احتراما من شيخ باع دينه بدنياه
لقد جاء ايفان لورانس في وقت لم يجرم فيه المفتي ما يحدث للشعب المصري و هو يفتي ببركة بول رسول الله صلى الله عليه و سلم , هل هذه من الأولويات , إذا من أحترم أكثر . إيفان لورانس , أم شيخنا علي جمعة , إنني أحترم , و أقولها و أنا متردد ألف مرة , أنا أحترم إيفان لورانس مستشار الملكة البريطانية السابق , أكثر من مفتي الديار المصرية .
لقد جاءت الصحفية البريطانية الرائعة , إيفون ريدلي ,, و حديثي عنها هذه المرة , و لم تخش في الله لومة لائم , لم تخش إلا الله , تتحدث بحرية لندن , و عقلية قرطبة , و إيمان القدس , و ثبات كابول , و عراقة اسلام آباد , و أصالة بغداد , و إنها إيفون ريدلي ., في وقت نجد فيه شخصية مثل إقبال بركة , ولا فيها من إسمها نصيب , نجدها تقاوم كل ما هو إسلامي , لأنه تأخر , لأنها رجعية , طيب , بعد إذنك يا مدام إقبال , لما توصلي لربع ما وصلت إليه إيفون في مهنيتها , و هي الفتاة البريطانية المحجبة التي جابت الدنيا صحافة , ابقي تعالي كلمينا عن الحجاب و التأخر , هل أنا في حاجة لكي أقارن بين إحترامي لإيفون , و بين احتقاري لإقبال ؟ بالتأكيد لا , فلو قارنت فسأظلم أستاذتي إيفون بوضعها في مقارنة مع إقبال بركة .
لكن أنا لو مكانك سأتساءل , لماذا إيفون بالذات ؟
إيفون لمن لا يعرفها هي صحفية بريطانية , عملت في صحف مثل السن داي تايمز , الاندبندنت , الأوبزيرفر , و الدايلي ميرور .
إيفون ليست كذلك فحسب , لكنها أيضا و كما هو مكتوب في موقعها الشخصي , عملت في إنتاج و تقديم عدة برامج على شبكات مثل البي بي سي , السي ان ان , الكارلتون تي في , و آي تي إن و غيرها .
إيفون و كما هو مكتوب في سيرتها الذاتية تحولت إلى الإسلام بعد ثلاثين شهرا من خطفها على أيدي شباب طالبان في أفغانستان .
السيدة إيفون نشطة من اجل السلام
فهي تحاضر في جامعات بريطانيا و نقاباتها عن فلسطين و العراق و اوزباكستان و كشمير و أفغانستان .
كما تقول فهي تحاول أن تفهم الغرب الاسلام بصورة حقيقية .
---------------------
إيفون جاءت من لندن خاصة للمشاركة في دعم الإخوان المسلمين المحالين للمحكمة العسكرية .. و كما ترون فقد نفد العون من الداخل , و ها هم يمنعون العون من الخارج , و لم يبق لنا إلا الله .
--------------------
شاركت إيفون هذا اليوم , الاثنين 17 تموز يوليو في مؤتمر صحفي و جلسة استماع بخصوص المعتقلين .
إيفون كان من توصياتها مقاطعة الاحتلال الصهيوني
كان من توصياتها دعم حماس
كان من توصياتها اعتقال حسني مبارك لأنه يعمل على الاخلال بالوحدة الوطنية
---- لما قالت الكلمة دي بالانجليزي القاعة كلها صفقت , فدهشت المترجمة و قالت يعني انتم فاهمين , امال انا بعمل ايه ؟ :):):) ---
كان من توصياتها كذلك الوحدة من أجل القضاء على الديكتاتورية المتمثلة في الانظمة القمعية مثل نظام مبارك
و ضربت مثلا بذلك , نظام الشاه في إيران
طبعا هذا ليس منهج الاخوان , لكنها تتحدث بصفة عامة , عن العصيان المدني السلمي , و بالتأكيد هذا ليس وقته في مصر .
---------------------
أما إيفون
للأمانة العلمية , فقد ضاعت مني الورقة , (A) , التي كنت أسجل فيها النقاط الهامة من حوارها كي استرجعها
لكني سأحاول تذكرها
,, و فقط
---------------------
السيدة إيفون في التعارف , عرفت لها نفسي .
و عندما قلت أنني مدون من الإخوان المسلمين , أشادت بتجربة التدوين , و قالت أنه من الجيد حركة المقاومة الإلكترونية الموجوده حاليا في مصر .
أيضا أشادت بمواقع الإخوان المسلمين , طبعا هي لا تعرف غير إخوان ويب , لذلك فقد أشادت بموقع إخوان ويب أو ikhwanweb network كما نقول .
تحدثنا في البداية عن شخصيتها , و رحبنا بها و تحدثنا عن إسلامها .
تحدثنا عن حماس , و تعتب هي كثيرا على القادة العرب و على النظام المصري .
تحدثنا عن الإخوان المسلمين , و تحدثت هي عن المرأة في الحركة الاسلامية و استشهدت بتجربة زينب الغزالي !!!!
تحدثت هي عن شيخ الازهر و اعتبرته أداة حكومية .
تحدثت هي عن فاروق حسني و استغربت كيف لم يستقل حتى الان .
تحدثت أيضا عن الامام البنا و الشهيد سيد قطب , و هذا ما لم أفهمه في حوارها , حيث لم أفهم و لم أتابع , ربما كنت قد أرهقت ذهنيا .
تحدثنا أيضا عن الغرب و نظرته للإسلام و كيف نحدث هذه النظرة .
و عتبت هي على الاخوان المسلمين استخدامهم بعض التعبيرات التي توحي بتحول الفكرة إلى فكره أخرى , مع أن المقصود كان التقرب من الغرب , لكنها أحست في تلك التعبيرات بنوع من الخنوع .
قابلتها هذا الصباح في المؤتمر الصحفي
تحدثت بروعة كعادتها
و في نهاية حديثها و قبل خروجها
نظرت لها و حنيت رأسي قائلا :
" Mrs Ridley , I'm so proud to meet you in cairo , I hope we can meet each other in a better occasion "
و أنا أقول لها الآن .
كم أتمنى أن أرى في بناتنا من يستطيع أن يفعل مثلما تفعل إيفون ريدلي
كانت أروى تتساءل عن قدوة من الأخوات ,, لم أستطع أن أقدم مثالا على الأرض حقيقة لكنني الآن أقول و بعلو صوتي : أروى ,, لو استطعتي أن تتعرفي على هذه الأخت , فأدركي جيدا أنها ليست قدوة فحسب , و لكنها عالم كامل , من الصحافة , التفكير , الإيمان و العلم بداخل جسد ,, امرأة ,, و أخت .

Labels: , , , ,

posted by AbdElRaHmaN Ayyash @ 19:44  
27 Comments:
  • At 16 July 2007 at 22:14:00 GMT, Anonymous اسماء العريان said…

    جميل..ياريت فعلا نقتدى ببعض ما تفعل

     
  • At 17 July 2007 at 00:58:00 GMT, Anonymous عمر الشرقاوى said…

    الاخ العزيز عبد الرحمن الاخوان يدفعون الضريبه ضريبه الجنه لان الجنه مش بالساهل وهولاء الابطال الذين حرمهم نظام الدكتاتور من اطفالهم واموالهم سوف يكون حسابهم عسير
    واعتقد معظم هولاء الاجانب لا ياتون هنا الا للتلميع والبهرجه


    وموضوع صناع الحياه ياريت لو ليك اتصال بهم توضح الصوره لهم وانطباعى السىء عن اول لقاء بهم لم يتجاوز الساعه

     
  • At 17 July 2007 at 10:47:00 GMT, Blogger mo'men mohamed said…

    أخى العزيز عبد الرحمن
    فعلا تلك السيدة سيده عظيمة بحق
    رأيتها فى المحاكمة وسجلت لها حديث شيق
    وانا عارف ان اللى بيحصل هنا ده مهزلة
    بس انا عندى اعتراض على شىء صغير
    ليس من حقك انك تفضل ذلك الأمريكى على شيخ الأزهر
    حتى وان كان شيخ الأزهر رجل على باطل
    فمهما كان فهو ينطق بأنه لا اله الا الله
    والأخر كافر
    اذا فشيخ الأزهر والمفتى أفضل منه
    السلام عليكم

     
  • At 17 July 2007 at 12:29:00 GMT, Blogger MoHaMmAd said…

    الله ينور يا عبد الحمن ...جزاك الله خير على تعريفنا بتلك السيدة...أنا بصراحة ماكنتش أعرف عنها غير اسمها ومهنتها بس...ربنا يجازيك على ما تنفعنا به...قول آمين يا بنى مش عايز بركة منى ولا ايه؟؟:) فعلاً يا عبد الرحمن الست دى خير قدوة للأخوات...ربنا ينفهم بيها ويتعلموا منها ويوصلوا للى هيا وصلتلو...سلاموووز

     
  • At 17 July 2007 at 20:55:00 GMT, Blogger belal said…

    كنت جاي أمضي حضور ..بس

    سلامات

     
  • At 17 July 2007 at 20:57:00 GMT, Blogger belal said…

    اه بالحق..أنا لو كنت مكانهم
    ماكنتش هاسمح لوزير العدل الأمريكي يحضر المحاكمة
    ...
    سواء كنت في مكان الحكومة أو الأهالي

     
  • At 17 July 2007 at 22:15:00 GMT, Anonymous عبدالرحمن عياش said…

    أسماء العريان
    جزاكم الله خيرا على تعليقك
    فعلا هي قدوة
    و ياريت اخواتنا كلهم يفهموا كده
    وسلام

     
  • At 17 July 2007 at 22:21:00 GMT, Anonymous عبدالرحمن عياش said…

    عمر الشرقاوي
    منور المدونة
    و نحن متأكدون أن تلك هي الضريبة
    و الحمد لله بندفعها بنفوس راضية
    أما بالنسبة لصناع
    وعدي أن يصل
    و ان شاء الله يصل
    بوركت
    و سلام

     
  • At 17 July 2007 at 23:01:00 GMT, Blogger elfagreya said…

    عدت الى البيت بعد مقابلتها وعلى لسانى

    اعجاب بها غرييييب

    اثرت فيه جدا عندما قالت انه عند دخولها الاسلام عرفت انها قد اصبحت فردا فى عائلة كبيرة يتأثر كل فرد فيها بما يحدث للباقى

    تأثرت لانى الان وفى هذه الايام بالذات يزداد ادراكى بان الاخوة هى نعمة لا تعادلها نعمة

    ان تشعر ان هناك دوما من يحمل همك واحيانا اكثر منك فهذا يكفيك

    جزاها الله عنا خيرا

    الحقيها يا اروى قبل متسافر
    :)

     
  • At 17 July 2007 at 23:05:00 GMT, Blogger ** white rose ** said…

    إعتراااااااف صغير
    أنا أول مرة أسمع عن إيفون


    و أكيد شيخ الأزهر أحسن من الأمريكي ده لإنه في النهاية مسلم


    و جزاك الله كل خير و أنا مثله ههههههه


    سلااااااااااااااااااام

     
  • At 17 July 2007 at 23:58:00 GMT, Anonymous عبدالرحمن عياش .. غريب said…

    مؤمن باشا
    السلام عليكم
    كلامك جميل جدا
    و أنا أتفق معاك انه ده طنطاوي مسلم و الباقيين كفار
    لكن انا هنا لا أتحدث عن الولاء والبراء بين مسلم و كافر
    أنا أتحدث عن انسان و انسان
    انسان محترم رفض الظلم و عبر محيطات كي يدفعه عن المظلومين
    و بين رجل شاهد الظلم بأم عينه و لم يفعل شيئا
    هذا ما أعنيه
    فقط

     
  • At 17 July 2007 at 23:59:00 GMT, Anonymous عبدالرحمن عياش .. غريب said…

    عم محمد
    جزاكم الله خيرا على ردك الجميل
    و انا و الله قبل زيارتها للقاهره مكنتش اعرفها
    لكن لما عرفتها .. لم أتمكن إلا من أن أعجب بها و أقدرها .. بالفعل تستحق التحية

     
  • At 18 July 2007 at 00:01:00 GMT, Anonymous عبدالرحمن عياش .. غريب said…

    حاج بلال
    شرفتنا يا سيدي
    أما بالنسبة للكلام اللي سعادتك كاتبه ده
    نتفاهم فيه بعدين
    لأني مش فاهمك بصراحة

     
  • At 18 July 2007 at 00:03:00 GMT, Anonymous عبدالرحمن عياش .. غريب said…

    باشمهندسة أسماء
    و الله و لو قعدتي معاها اكتر هتذهلي من قوتها في الحق
    مش زي اللي عندنا
    بس و الله فعلا لازم يا اخواتنا تتواصلوا معاها اثناء سفرها
    و ان شاء الله ممكن نجيبلكم الايميل الشخصي بتاعها
    لأنها مش قليلة عشان علاقتنا بيها تكون علاقة محكمة و تنتهي
    بجد لازم تعملوا أكتر من كده
    ربنا يبارك فيكم
    وسلام

     
  • At 18 July 2007 at 00:05:00 GMT, Anonymous عبدالرحمن عياش .. غريب said…

    :D دكتورة سارة
    ( متتعوديش على دكتورة دي (
    انا كمان مكنتش اعرفها قبل الزيارة
    لكن لما عرفتها بجد اتأكدت ان في ناس لازم نعرفهم
    أكتر من هاري بوتر و سيليذررين بتوعك دول :@
    أما بالنسبة لموضوع شيخ الازهر
    انا لا احترمه لأنه لم يقف في وجه الظلم
    و لو كان طبق الاسلام صح
    فهو على عيني و على راسي
    لكن أخشى انه يكون بسكوته ده
    شيطان أخرس
    ربنا يعافيه من كده و يهديه للحق
    بس
    سلام

     
  • At 18 July 2007 at 06:12:00 GMT, Blogger belal said…

    أكيد مش فاهمني..نعمل ايه في واحد مخه تخين زيك

     
  • At 18 July 2007 at 09:38:00 GMT, Blogger صاحب البوابــة said…

    اعجبني مقالك عن تلك الصحفية الرائعة

    تحياتي عزيزي

    وتحية لكل شريف حر في اى بقعة من بقاع العالم

     
  • At 18 July 2007 at 13:17:00 GMT, Blogger اسلام رفاعى said…

    فعلا فى ناس ياما محترمة محتاجين نتواصل معاهم
    ................
    على فكرة تم الافراج بالامس عن الجيزواى

     
  • At 18 July 2007 at 15:21:00 GMT, Blogger عيلة و عايزة افهم said…

    باشمهندس عبد الرحمن

    جميل قوي البوست ده

    فعلاً إيفون شخصية جميلة جداً

    يا ريت يبقى عندنا شباب و بنات بالهمة دي

    بس المرة الجاية يا باشمهندس ابقى خد معاك كاسيت و لا MP3

    عدة الصحافة زي ما الباشمهندس علاء بيقول


    مش فاهمة رأي الباشمهندس بلال

    مش وزير العدل ده علاقته بالشئون الداخلة بتاعة بلاده بس ؟؟ و لا يتحمل جزء من السياسة الخارجية الامريكية ؟؟

     
  • At 18 July 2007 at 17:43:00 GMT, Blogger عاشقة الرحمن...سميه العريان said…

    انا قرات البوست ده اول ما نزل قبل اى حد ما يعلق

    لكن بجد مقدرتش اعلق عليه فى ساعتها كل ما اكتب تعليق امسحه لانى مش لاقيه كلام حقيقى اعبر بيه عن اعجابى وتاثرى بشخصيه زى دى

    ماذا فعلنا انا بالمقارنه؟؟؟؟؟؟؟؟

     
  • At 18 July 2007 at 18:14:00 GMT, Blogger AbdElRaHmaN Ayyash said…

    :D مش انا لوحدي يا بليلة
    و ما تغلطش :P

     
  • At 18 July 2007 at 18:15:00 GMT, Blogger AbdElRaHmaN Ayyash said…

    مهندسنا صاحب البوابة
    أهلا بك معنا :)
    فعلا ايفون شخصية خارقة للعادة بالنسبة للمجتمع اللي احنا عايشين فيه
    ياريت نتعلم
    ياريت

     
  • At 18 July 2007 at 18:16:00 GMT, Blogger AbdElRaHmaN Ayyash said…

    أخ اسلام
    جزاكم الله خيرا على تعليقك
    و أحمد الجيزاوي انا قابلته امبارح في المؤتمر بتاع الصحفيين
    الحمد لله كله تمام
    ربنا يكرمكم يارب
    سلام

     
  • At 18 July 2007 at 18:17:00 GMT, Blogger AbdElRaHmaN Ayyash said…

    أختي الكبيرة عيلة و عايزة تفهمي :)
    فعلا ايفون شخصية جميلة جدا
    أما بالنسبة للعدة الصحفية فهي نقصتني فعلا
    و ربنا ييسر و نجيب الحاجه المرة الجاية
    عموما شرفتينا بتعليقك
    وسلام

     
  • At 18 July 2007 at 18:19:00 GMT, Blogger AbdElRaHmaN Ayyash said…

    أخت سمية
    فعلا احنا معملناش حاجه
    و المشكلة ان كتير مننا بيحاول يظهر نفسه انه هو كل حاجه لأنه عمل أقل حاجه ممكن اي حد يعملها
    جزاكم الله خيرا على التعليق
    وسلام

     
  • At 7 October 2012 at 14:15:00 GMT, Anonymous Räumung said…

    موفقيييييييييين .... اختيار موفق :)

    Räumung
    Räumung Wien
    entsorgung wien

     
  • At 1 September 2015 at 10:17:00 GMT, Blogger 文章 said…

Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats