AbdulRahman Ayyash
 

AbdelRahman Ayyash's Facebook profile

Friday, 27 July 2007
سنة أولى تدوين
من سنة تماما بدأت تدوين
و حتى نكون أكثر دقة
من سنة و يومين تماما بدأت تدوين
خلال تلك السنة اكتسبت الكثير و عرفت الكثير
و في سلسلة المقالات التالية سأذكر جانبا في كل مقال لتجربتي التدوينية خلال سنة
أما هذا الموضوع
فقد كان اول موضوع لي بتاريخ 25/7/2006
على مدونتي القديمة
التي كانت باسم خربشة
ثم غيرتها الان
و لعلي اغيرها فيما بعد
عموما
هذا هو المقال

بنفس الخط
بنفس الصورة
بنفس كل حاجه
وسلام
---------------------------

بداية القصيدة .. ثانوية عامة




~*¤ô§ô¤*~ ~*¤ô§ô¤*~
السبت 10/6/2006
الثانية والنصف بعد الظهر
خروج طلاب الثانوية العامه من أول امتاحاناتهم "اللغه العربيه والتربية الدينية "
----------------------------------------------------------------
ارتفعت رنات التليفونات المحموله ومعها ارتفعت آهات أكثر من 400 ألف مظلوم في ثانوي
ولكننا بعد ذلك أدركنا أن هذه لم تكن إلا البداية .. وأن ما اعتقدنا أنه سهل في ذاته عرفنا أن تصحيحه لن يكون كما نعرف .
بل سيستعينوا علي ما يبدو بخبراء من الكونغو في التصحيح .
ولكن أيضا .. هذه لم تكن النهاية.
~*¤ô§ô¤*~ ~*¤ô§ô¤*~
الأثنين 12/6/2006
الحادية عشرة صباحا
خروج طلاب الثانوية العامه شعبة علمي رياضيات من امتحان "التفاضل والتكامل"
----------------------------------------------------------------
لم ترتفع رنات الهواتف هذه المره .. لأن معظم الطلاب قرروا إغلاق هواتفهم لسبب بسيط للغايه .
إن امتحان التفاضل الذي وعدونا أنه لن يكون إلا نسخة من "هيافة"الرياضه .. بل سيكون امتحانا للطالب الأقل من المتوسط .
وللأسف .. فلم نكن نعرف أن الحكومه بتكدب .. أو علي الأقل .. لم نكن قد جربنا عليهم كذبا .
وخرجنا من امتحانات أسهل فرع في موادنا ننوح ونبكي .. ونقول: " بالتأكيد .. ما دام هذا هو حال الامتحان الأول فسوف يعوضونها بسهولة الامتاحانات القادمه "
ولكن .. يا ربنا علي طيبة شباب وبنات ثانوية عامه .!!
~*¤ô§ô¤*~ ~*¤ô§ô¤*~
الأربعاء 14/6/2006
الثانية عشرة ظهرا
خروج طلاب الثانوية العامه كل الشعب من امتحان "اللغة الانجليزية"
----------------------------------------------------------------
"إيه ده .. ده أكيد ميقصدوش يجيبوه كده "
كن هذا لسان حال نفس العدد اللي مكتوب فوق وهم يخرجون من امتحان الانجليزي الهايف فعلا .
حقيقة كان امتحان هايف .
لكننا جميعا كنا نتساءل : " يعني ايه ان مفيش اتنين بيحللوا زي بعض ..!!؟؟ ده برضه من السهوله ؟؟؟ !!! "
~*¤ô§ô¤*~ ~*¤ô§ô¤*~
الأحد 18/6/2006
الثانية عشرة ظهرا
خروج طلاب الثانوية العامه من امتحان عقدة العلمي و الماده التي جدعلت طلاب أدبي يدخلوا أدبي .. وحش الثانوية .."الفيزيااء"
----------------------------------------------------------------
والله الوزاره دي وزاره محترمه ..
امتحان هايف .. ولا يا أحمد .. انت حلليت السؤال التالت ألف بكام .. أحمد يقول ب 10 وخالد يقول والله ب 9 والتالت يقول ب 11
لكن أجمع الكل أيضا علي سهولة الإمتحان ...
والذي من سهولته لم نستطع التوفيق بين اجابات اثنين .. اثنين فقط .. من كل من دخل الثانوية العامه
~*¤ô§ô¤*~ ~*¤ô§ô¤*~
الثلاثاء20/6/2006
الحادية عشرة صباحا
خروج طلاب الثانوي من امتحان الجبر شعبة رياضه 2 ومعهم خرجت دفعه من معتقلي طره
----------------------------------------------------------------
"احنا قلنا هيعوضوا لشباب رياضه اللي حصل في امتحان التفاضل "
الحمد للــه ..
يللا يا رجاله ..
انسوا كده بقي اللي فات .. والاسبوع الجاي ده اسبوع التقفييل
وخرجنا كلنا علي مواد التقفيل .. اقتصاد واحصاء ومستوي رفيع .. وقمة المتعه في الرياضه .. الميكانيكا .
لكن واضح ان الوزاره كانت بتقول في سرها .. " من يضحك أخيرا .. يضحك كثيرا " وقد حدث.
~*¤ô§ô¤*~ ~*¤ô§ô¤*~
الجمعه 23/6/2006
العاشره مساء - مش بتاع مني الشاذلي -
مفيش حاجه مهمه
----------------------------------------------------------------
" قوم ارتاح شوية يا عبدالرحمن .. - والله لسه كتير اوي .. طيب يا حبيبي .. أعمللك كوباية شاي ؟؟ - لاا شكرا
مااما .. أنا هنام الساعه 3.30 وهصحي 5 .. والله لو صحيت بعد 5 مش رايح الامتحان .. حاضر يا ابني هصحيك ..
شكرا يا ماما :)"
واد مخلص وصايع ومش عاوز حاجه تانية من الاحصاء ولا الاقتصاد ..
~*¤ô§ô¤*~ ~*¤ô§ô¤*~
السبت24/6/2006
الثانية عشرة والنصف ظهرا
خرجنا من الاقتصاد بنعيط
----------------------------------------------------------------
من غير كلام كتير
الناس خارجه ساكته
وللي خارج بيضحك جدا جدا وبهستيريه
وللي خارجه راسها مفتوحه علشان كانت بتسلم علي الحيطه بعد الامتحان
وعرفنا فعلا ان مهمتنا في الثانوية العامه متقلش عن مهمة أي مارينزاوي واقع لشوشته في العراق
لكن اتأكدنا من حاجه مهمه اوي ..
اننا كان لازم نفهم ان الجماعه اللي اتسحلوا دول كان لازم يصحوا من أيام ما كانوا بيمتحنوا في الثانوي
وعموما .. فأسبوع التقفيل .. بقي أسبوع تقفيل الأمخاخ والأدمغه
وكله نسي حلمه وبدأ يفكر في اللي فات واللي جاي
واللي بدأ يفكر في مستقبله في الورشه اللي تحت بيتهم أو في محل الفراخ اللي جنبهم
باختصار شديد .. دي كانت نهاية يوم الاقتصاد والاحصاء
~*¤ô§ô¤*~ ~*¤ô§ô¤*~
الأحد25/6/2006
الثانية عشرة ظهرا
خروج المساجين من سجون الجغرافيا
----------------------------------------------------------------
" أنا والله كنت داخل الجغرافيا مستوي علشان بيقولوا سهله وأقفلها "
وأيضا بلا كلام كثير ..
كان الامتحان بسيطا لدرجة أنهم جابولنا خريطة نيويورك سيتي وعاوزين عليها أماكن الأحياء بتاعتها
والله العظيم انا ما عارف أسماء أحياء المنصورة ولا عرفت أجيبها من الجوجل ايرث ..
هجيبلهم نيويورك وأحياءها

- كلمات حذفتها أنا - وسلملي علي بروكلين و وول ستريت.
~*¤ô§ô¤*~ ~*¤ô§ô¤*~
الأربعاء28/6/2006
الحادية عشرة صباحا
انتهاء امتحانات شعبة الرياضيات بالميكانيكا
----------------------------------------------------------------
ولد صايع 1-":@ :##:@:#:#$:#::#:@::@::##:#"
ولد صايع 2-"@#::@:#:@:!:@:#:!::!:!:!$$#@!"
ولد مؤدب مفيش غيره - " انا والله كان نفسي أدخل هندسه وكان عندي أمل لحد لما امتحنت الميكانيكا "
~*¤ô§ô¤*~ ~*¤ô§ô¤*~ ~*¤ô§ô¤*~ ~*¤ô§ô¤*~
كانت هذه أول تدويناتي في أول مدونه لي علي النت
وكانت بخصوص الحاجه اللي بسأل ربنا اني مشوفهاش تااني في حياتي
وهي امتحانات الثانوية العامه
وسلااااااااام
ع ب د ا ل ر ح م ن



------------

كانت هذه أول تدوينة
بحروفها
بلا تعديل
هل تغيرت ؟ هل تغير أسلوبي ؟
لا أعلم
و لكني اعتقد أنكم لستم كذلك

Labels: ,

posted by AbdElRaHmaN Ayyash @ 02:47  
22 Comments:
  • At 27 July 2007 at 03:43:00 GMT, Blogger other_things said…

    نحجز أول تعليق كالعادة

     
  • At 27 July 2007 at 03:51:00 GMT, Blogger other_things said…

    أنا طبعان قريت المقال قبل كده
    ..
    بس ذكرتموني بالذي مضى
    ..
    بأيام الثانوية..كنت دائما في هدوء أحسد عليه لم أكن مثلك أشتكي من صعوبة الامتحان..كنت أرى أنه من العيب أن يشتكي مثلي..من مسألة صعبة شوية..أو من سؤال محور..كنت مغرورا لا شك في هذا..كانت أيام امتحانات مادة الرياضة بالذات قصة وحدها...التفاضل كان..سهل أوي يا عبدو..أنا فاكر إني حليته كله..وافتكر برضك..اني فضلت أول نص ساعة ميكانيكا قاعد أضحك وما اكتبش أي حاجة..ماكنتش بحضر أصلا دروس الرياضة..لم أحضر في الميكانيكا..إلا حصتين طوال العام ..كنت معتمدا على نفسي لأقصى حد..مقتنعا تماما بأن الرياضة كلها تتشرح في يومين قبل الامتحان ..وحتى يومين كتير..كفايةنص يوم..ألم أقل كنت مغرورا قليلا
    .....

     
  • At 27 July 2007 at 04:00:00 GMT, Blogger other_things said…

    ماهو بص..انت تقصد إن امتحان الاقتصاد والاحصاء كان صعب..والله انتا ظالم جداااااااااااااااااااااااااااا
    ..
    كان امتحان تافه هايف ..استطاع من هو مثلي ولم يكن يحضر درس الاحصاء..أن يحله كله بدون مسألة محتاجة تفكير
    ....
    بس عل العموم أسلوبك كان حلو..ولسه أسلوبك زي العسل
    ..
    وإن حدث له تطور..فهو تطور طبيعي للحاجة الساقعة
    ...

     
  • At 27 July 2007 at 05:09:00 GMT, Blogger noha said…

    جميل جداً ان لكل انسان يبقى فى تاريخ
    مميزة فى حياته
    يمثل له شئ
    وأظن تاريخ بداية التدوين لك
    من اهم التواريخ
    :)

    ربنا يجعل جميع ما دونت خلال السنة فى ميزان حسناتك
    :)
    وتذكر النية دايماً
    :)


    بخصوص تغيرك فاكيد انت التغير
    لان عدم التغير من علامات الجوامد
    واكيد التغير كان للافضل
    مش مجاملة
    :)

    وده لسبب بسيط جداً
    كون ان دائرة معارف الانسان تكبر
    كون انه يبدأ فى تكين فكر معين وطريقة تفكير معينة
    كون انه يبدأ فى تدوين ملاحظات على اى حدث
    أظن ان ده كافى ان طريقة التفكير ترتقى
    وبالتالى طريقة مناقشة الموضوعات ترتقى
    :)

    استمر فمدونتك ليها مركزها
    وكل سنة ومدونتك بخير ومش غريبة :D

     
  • At 27 July 2007 at 17:22:00 GMT, Blogger ** white rose ** said…

    انت خليتني احس ان الثانوية العامية دي فيلم رعب بس انا هذاكر و اللي يحصل يحصل انا مش عايزه لا طب ولا صيدلة ولا هندسه قلت لبابا اللي عاجبني يا اعلام يا فنون تطبيقيه و هو قال لي انسي ف هذاكر و اللي يجيبه ربنا كويس و في كل الاحوال شكلها تجاره انجلش او ادارة اعمال و ربنا يسهل


    على فكرة انا عايزه اعمل مدونة انت قلت لي لما تحبي تعملي قوليلي و انا قلت بس انا و صاحبتي مع بعض من الاخر هتبقى مدونة أطفال


    على فكره غالبنا هنروح المزرعه يوم التلات




    سلام

     
  • At 28 July 2007 at 02:34:00 GMT, Blogger اصرار أمل said…

    سنة كاملة مرت ؟!
    حقا .. يجب أن تتوقف مع نفسك لتسألها : ماذا قدمت ؟
    وهل أفدت حقا ؟!!!
    هذا السؤال لا يمكننا أن نجيب عليه .. أنت وحدك من يقرر ماذا قدمت ؟ وما الذى أضافه لك التدوين ...
    لكن : رأيى الخاص :
    قدمت الكثير ؛
    كانت بدايتك موفقة للغاية ؛
    لكن ما بعدها أفضل ...
    وما أنت قادر على تقديمه أفضل بكثيييير ....
    لاحرمك الله الأجر ياعبد الرحمن ؛
    وجعل كلماتك التى كتبتها فى موازين حسناتك يوم لاينفع مال ولا بنون الا من أتى الله بقلب سليم ...
    ولا تنســـــى :
    تجديد النية ....

     
  • At 28 July 2007 at 13:55:00 GMT, Blogger MoHaMmAd said…

    كل سنة وانت طيب يا باشمهندس...عقبال مليون سنة ...عايزك تبص على مدونتى و شوف لقائنا بدكتور ابراهيم الزعفرانى

     
  • At 28 July 2007 at 23:16:00 GMT, Blogger خالد أبوالفضل said…

    ما هذا أيها المبتدع المارق الذي يدخل علي التدوين ما ليس فيه
    أما تخشي الله يارجل
    أتحتفل بعيد ميلادك التدويني الأول .. ذلك العيد الذي سميته أنت ورفقائك وما أنزل الله به من سلطان
    ثكلتك أمك أيها الوغد (: (:
    معلش أصلي مفقوع من شوية ناس شوية فبفرقعها فيك انت بأه يا صاحبي
    كل سنة وانت مطرقع ومخربش ولا تنس أن تقف مع نفسك وقفة في بداية سنتك التدوينية الجديدة تراجع فيها نفسك زتجدد نيتك ونسأل الله أن يتقبل منك هذا العمل خالصا لوجهه الكريم ولا يجعل للشيطان ولا للنفس فيه نصيب
    بحبك يا صاحبي ونفسي أشوفك يا ندل

    خالد أبوالفضل
    el-aseef.blogspot.com

     
  • At 30 July 2007 at 02:11:00 GMT, Blogger Medo Magdy said…

    كل سنة وانت طيب يا باشمهندس
    عقبال مليون سنة

     
  • At 30 July 2007 at 11:08:00 GMT, Blogger عيلة و عايزة افهم said…

    على فكرة التدونية هايلة يا باشمهندس


    :D

    أكيد فيه حاجات اتغيرت يا باشمهندس

    لو مش في الاسلوب

    اكيد في التفكير

    بدليل التدوينةاللي قبل اللي فاتت
    اللي ماعرفتش ارد عليها اقول ايه
    متفقة مع حاجات و مختلفة مع حاجات
    بس اكيد
    بتتغير

    و عقبال كمان 100 سنة تدوين

     
  • At 30 July 2007 at 14:55:00 GMT, Blogger other_things said…

    أنا عاوز أكلمك عل الإيميل..بس كل ما اكلملك الماسنجر يقفل..انتا ملغم ايميلك

     
  • At 30 July 2007 at 17:05:00 GMT, Blogger AbdElRaHmaN Ayyash said…

    بلال باشا علاء
    بداية ألف مبروك على النجاح
    ثانيا شكرا على الحجز و اول تلات تعليقات
    يا اخي المغرور
    قد تبدو للعوام و الدهماء أنك مغرور
    لكنك لست مغرورا فحسب
    انت اكثر كثيرا من مجرد مغرور
    عموما
    مش موضوعنا
    انا مش فاكر الامتحانات كانت عامله ازاي عشان تناقشني كانت سهله وللا صعبه
    يارب المهم انت تكون بخير
    salaam,

     
  • At 30 July 2007 at 17:08:00 GMT, Blogger AbdElRaHmaN Ayyash said…

    دكتورة نهى
    اهلا وسهلا بيكي هنا
    ربنا يكرمك يارب
    و يارب التدوين ده يكون بفايدة
    بجد كلام حضرتك مشجع جدا
    جزااااكم الله خيرا
    سلام

     
  • At 30 July 2007 at 17:11:00 GMT, Blogger AbdElRaHmaN Ayyash said…

    ياسارة ياريتو فيلم رعب
    مش انتي رايحه ثانوي برضه
    ربنا يعينك يابنتي
    ياااااه على اللي هتشوفيه
    المدونة لما تيجي تعمليها كلميني على الايميل هعملها معاكي
    abd-elra7man@hotmail.com
    أظن ان الايميل مع سعادتك يعني
    موضوع السفر ده شكله مش هيتظبط معايا
    انا شكلي مش هروح في اي حته
    ربنا ييسر ياارب
    سلااام

     
  • At 30 July 2007 at 17:12:00 GMT, Blogger AbdElRaHmaN Ayyash said…

    دكتورة أمل
    جزاكم الله خيرا على التعليق
    و ياارب يكرمك على الكلمات دي
    ان شاء الله نقدر نعمل حاجه او نغير حاجه
    ان شاء الله مننساش
    سلاام

     
  • At 30 July 2007 at 17:12:00 GMT, Blogger AbdElRaHmaN Ayyash said…

    محمد باشا
    ربنا يخلليك يا سيدي
    ان شاء الله اشوفه
    اوكي
    سلااام

     
  • At 30 July 2007 at 17:14:00 GMT, Blogger AbdElRaHmaN Ayyash said…

    دكتور خالد
    :D:D شايف اللي انا عملته :D
    هضيعكم في التدوين
    ههههههههههههههههههه
    وربنا يخلليك يارب يا دكتور
    انا نفسي اشوفك اكتر و الله
    و ربنا يتقبل مننا كل حاجه
    ياارب
    يللا يا حبي
    سلااام

     
  • At 30 July 2007 at 17:14:00 GMT, Blogger AbdElRaHmaN Ayyash said…

    عم ميدو
    ربنا يكرمك ياسيدي
    و عقبالك يارب انت كمان
    (F)
    سلاام

     
  • At 30 July 2007 at 17:19:00 GMT, Blogger AbdElRaHmaN Ayyash said…

    أختي الكبيرة عيلة
    :)
    اكيد طبعا كلنا بنتحرك
    بس يارب كلنا نتحرك للأفضل
    بالنسبة للتدوينة اللي قبل اللي فاتت
    انا لو قريتها عند حد مش هعرف ارد عليها !
    بس عادي :):)
    اهه حصل
    و ربنا يبارك فيكي يارب و عقبالك :)

     
  • At 30 July 2007 at 17:20:00 GMT, Blogger AbdElRaHmaN Ayyash said…

    سارة
    ايميلي معاكي
    وايميلك مش معايا
    اواعتقد انه معايا
    مش عارف
    :):) بس اكيد الايميل مش متلغم
    يللا سلااام
    ----
    المشكلة دي بتبقى مشكلة ماسنجر
    النسخة بتاعة الماسنجر

     
  • At 30 July 2007 at 17:52:00 GMT, Anonymous الفجرية said…

    أخ عبدالرحمن

    اكيد الاسلوب اتغير
    واراه لافضل

    فى اى عمل بنعمله غالبا مع الوقت بننضج فيه
    لكن نحن احيانا للايام الاولى

    للتجربة الاولى
    للكلمات الاولى
    للنوايا الاولى
    للاندهاش الاول
    للرغبة فى المعرفة الاولى

    وفى رايى يبلغ الانسان النجاح حينما يستطيع الجمع بين نضج المرحلة الحالية وما يحن له من جمال البدايات

    ربنا ييسرلك ان شاء الله
    ويعينك على الاستمرار والتطور للافضل

     
  • At 7 October 2012 at 14:16:00 GMT, Anonymous Räumung said…

    موفقيييييييييين .... اختيار موفق :)

    Räumung
    Räumung Wien
    entsorgung wien

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats