AbdulRahman Ayyash
 

AbdelRahman Ayyash's Facebook profile

Tuesday, 24 July 2007
تركيا , مرة أخرى

فصل جديد من فصول صراع الهوية التركي بين العلمانية و الإسلام , بدأ بحملة انتخابية شرسة بين حزب الشعب العلماني , و حزب العدالة و التنمية الاسلامي .

و ها هي النهاية لتلك الجولة من الصراع , و يكتسح حزب العدالة و التنمية الانتخابات التركية بأغلبية 341 مقعدا ( 46.7% ) من أصل 550 ، فيما حصل حزب الشعب الجمهوري على 112 مقعدا (20.9 % ) ، وحصل حزب الحركة القومية على 70 مقعدا (14.3 % ) ، بينما فاز المستقلون ب27 مقعدا .

و تعد تلك الانتخابات أهم انتخابات جرت منذ عقود , حيث تعتبر من أكثر الانتخابات شراسة من خلال تنافس حزب العدالة و التنمية الاسلامي مع الأحزاب القومية و اليسارية الأخرى و على رأسها حزب الشعب الجمهوري .

و تعتبر تلك الانتخابات كذلك استفتاء حيا على شعبية حزب العدالة و التنمية خاصة أمام علامات الاستفهام التي يضعها أعداء الحزب في إشارة إلى عدم اعتراف الحزب بقيم أتاتورك العلمانية التي وضعها لتركيا منذ ما يقرب من القرن .

و شهدت صناديق الاقتراع في تركيا اقبالا شديدا للغاية , حدده بعض المراقبون بما نسبته 80 % ممن لهم حق التصويت في الانتخابات البرلمانية , و الذين يقترب عددهم من 42 مليونا من أصل 74 مليونا هم تعداد الشعب التركي .

و في أول تعليق له على الفوز الساحق لحزبه أكد رجب طيب أردوغان زعيم حزب العدالة و التنمية أنه سيحافظ على هوية تركيا العلمانية , و سيعمل على إشراك جميع القوى الممثلة برلمانيا في الحكم .

يذكر أنه كانت قد اندلعت مظاهرات مليونية في تركيا خاصة بعض المناطق ذات النفوذ القومي العلماني مثل مقاطعة ( أزمير ) بعد إعلان عبدالله غول ترشحه للإنتخابات الرئاسية التركية , و التي لم تتم بسبب عدم اكتمال النصاب , حيث انسحب أعضاء البرلمان من الأحزاب القومية و اليسارية , خشية منهم في أن يكون على رأس الدولة حزب إسلامي يغير هوية تركيا العلمانية .

تركيا التي تدخل فيها الجيش في السياسة عام 1997 حينما أطاح بحكومة حزب الرفاة بقيادة المهندس نجم الدين أربكان , في انقلاب عسكري بلا رصاص بحجة أن الحكومة إسلامية أكثر مما يجب , ما يؤثر على العلمنة في تركيا , حسب قرار المحكمة الدستورية الذي أقر بحل حزب الرفاة و منع زعيمه و مؤسسه أربكان من ممارسة العمل السياسي , بل وسجن معظم قادته و على رأسهم أربكان نفسه لمدة أربع سنوات و نصف العام .

السؤال الآن , إلى أي حد سيقبل الجيش بوجود حكومة يرأسها حزب اسلامي , و توقعات بوجود مرشح من حزب العدالة سيفوز برئاسة الجمهورية التركية بحكم تمثيل حزبه البرلماني و الشعبي , لفترة رئاسية قادمة , هل سيقبل الجيش القرار الديمقراطي للشعب التركي , أم سيحاول الجيش الانقلاب على الديمقراطية مرة أخرى كما حدث منذ عقد من الزمان ؟

Labels: , ,

posted by AbdElRaHmaN Ayyash @ 02:21  
19 Comments:
  • At 24 July 2007 at 04:37:00 GMT, Anonymous Mo3Az said…

    اكيد كلنا فرحنا لهذا الانتصار ونتمنى ان ربنا يكملها لهم ولنا على خير وتعود تركيا حصن الاسلام المنيع من تانى


    بس مش ملاحظ ان ما حدش مات فى الانتخابات
    !! غريـــبة

    لا وكمان مفيش بلطجية بسيوف وسنج و مطاوى
    !! غريــــبة برده


    ناس ما لهاش فى الانتخابات صحيح :d:d


    اوعدنا ياااااااااااا رب

    نسأل الله لهم العون "والله غالب على امره ولكن اكثر الناس لا يعلمون "

     
  • At 24 July 2007 at 08:55:00 GMT, Blogger عصفور المدينة said…

    رأيي في الموضوع
    أن الجيش بعد قرص الودن خلال الفترة الماضية
    وقد أرسل إنذارات لكل الجهات إنهم مش حيسكتوا على التنفيذ الفعلي
    وعلمهم (معلش) عن استعداد جماعتنا لتقديم تنازلات وحلول وسط ناحية الشمال
    فبالتالي مفيش مانع وضع من يتحمل الأزمات الفعلية (الاقتصادية)في الواجهة
    مع ضمان عدم الانحراف التنفيذي ناحية اليمين
    ولو حصل يبقى الحل ما حصل مع حماس
    وفي نفس الوقت يبقى بعد عن منصب الراس الكبيرة اللي هو شرفي آه بس المفحوم في تربته ما حدش إسلاميست يقعد مكانه أبدا

     
  • At 24 July 2007 at 09:25:00 GMT, Blogger امام الجيل said…

    يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

     
  • At 24 July 2007 at 12:19:00 GMT, Blogger ** white rose ** said…

    والله انا بحس إني جاهله مووت و ماليش في أي حاجه حتى إني أعرف أقرأ لما بدخل مدونتك هو انت عامل لي عمل يخليني احس بالجهل ولا إيه ؟

    ماشاء الله على ثقافتك أدي واحد نفع في العيله و يا رب يكون في كمان كام واحد أحسن منك في العيله دي آمييين
    !!

    بس كويس إن الحزب الاسلامي هو اللي انتصر و بجد فرحانه لتركيا على انتخابتها اللي من غير جماجم ..



    سلاااااااام

     
  • At 24 July 2007 at 12:54:00 GMT, Blogger other_things said…

    خطوة طويلة .. في طريق أطول منها عشرت المرات
    ...
    لست متفائلا

     
  • At 24 July 2007 at 22:27:00 GMT, Blogger AbdElRaHmaN Ayyash said…

    :D مش عارف ليه حاسس اننا لازم نصدر لهم معرفتنا الوهمية دي يا أخ معاذ
    على الاقل يدخلو الاتحاد الاوروبي مرتاحين
    :D ربنا يستر علينا و منعرفش ندخل الاتحاد الافريقي احنا كمان

     
  • At 24 July 2007 at 22:29:00 GMT, Blogger AbdElRaHmaN Ayyash said…

    عمي عصفور باشا المدينة :):)
    بص يا سيدي
    انا مش فاهم ليه انت بتقول انهم على علم ان الحزب او الاخوان هناك ممكن يقدمو تنازلات
    هل عشان الاحتفاظ بالسلطة ولا عشان يصلحوا ؟
    الحزب معه الشرعية الكاملة في الحكومة و البرلمان
    و اللي حصل ايام مهندسنا أربكان مش هيتكرر ان شاء الله
    كنت بكلم صحفي تركي .. بيقولي لو فيه مشكلة هتحصل هتكون بعد فتره
    مش دلوقتي خالص
    عموما تعليقك شرفني يا فندم
    لك سلام

     
  • At 24 July 2007 at 22:32:00 GMT, Blogger AbdElRaHmaN Ayyash said…

    عمي امام :)
    قلت رأيي في التدوينة السابقة
    و أعتذر منك سيدي

     
  • At 24 July 2007 at 22:34:00 GMT, Blogger AbdElRaHmaN Ayyash said…

    ههههههههههههههههههه
    و الله يا ساره انتي فظيعه
    في ايه يابنتي
    ثقافة مين
    امال لو شفتي الناس اللي معايا
    :D عموما المدونة منورة بسعادتك
    و اهلا وسهلا بك معنا في منزلنا المتواضع
    و شوكرن على الاطراءات اللي ورا بعضها دي :D
    ربنا يخلليكي
    لو انتي عاوزه هاري بوتر و البتاعه المقدس ده ابقي قولي
    اصل في اتنين هيموتو في الاخر

     
  • At 24 July 2007 at 22:34:00 GMT, Blogger AbdElRaHmaN Ayyash said…

    يا عمي الحبيب بلال باشا علاء
    بطل التشاؤم ده
    انا شايف انها خطوة رائعة كبداية
    و ان شاء الله نتبعها بخطوات اكبر
    و كلها على الطريق
    وربنا يوصلنا للتمكين ان شاء الله
    سلاام يا حبي

     
  • At 25 July 2007 at 02:39:00 GMT, Blogger محمد النجار said…

    بعيدا شوية عن الموضوع


    اللى اعرفه ان حزب اردوغان انفصل عن اربكان والاخوان منذ فترة والسؤال اللى محيرنى الان هو فين اربكان والاخوان من اللى بيحصل


    ياريت اللى عنده معلومات يفيدنى وجزاكم الله خيرا

     
  • At 25 July 2007 at 06:33:00 GMT, Blogger جمعاوى روش طحن said…

    على فكرة أنا فكرت أبعت رسالة لأى حد تركى

    عنوانها

    " أخى التركى هل تقبلونى مواطنا عندكم "

    الإنتخابات حصلت و لا بلطجية و لا موت و لا جثث
    و لا كلام من ده


    ربنا يسترر

     
  • At 25 July 2007 at 12:56:00 GMT, Blogger ** white rose ** said…

    مغسي كتيير ابن عمتي لكد اخجلتم توادعنا
    هههههههههه
    انت تقصد ان انت ابو جهل بالنسبة للناس اللي انت عارفهم وى ايه ؟ اصل لو كده ف أنا مش هحصل أبو لهب
    عااااااااااااا


    اه بليز عايزه الجزء السابع و أكيد مترجم انا مش خبرة في الأنجليش يعني و ده لإن باب النجار مدشدش و متكسر مش بس مخلع

    مين الاتنين اللي عايزينه دول ؟؟

    سلاااااااااااام

     
  • At 26 July 2007 at 00:50:00 GMT, Blogger AbdElRaHmaN Ayyash said…

    دكتور محمد
    حزب أردوغان فعلا ابتعد نسبيا عن الاخوان
    و علاقة الاخوان بالحزب هي علاقة الاخوان بأي حركة أو حزب اسلامي اخر , علاقة موده كما يقول الدكتور عصام العريان
    الحزب ما زال يعتمد النهج الاسلامي المتدرج في الاصلاح
    أما حزب الرفاه فهو كما هو حاليا
    اختفي نسبيا من الساحة بعد أحداث فبراير 1997 في تركيا
    و لا أعلم حقيقة من رئيسه
    لكن ما أعرفه ان المهندس أربكان اعتزل العمل السياسي بأكمله بعد حل الحزب سابقا
    لا أدري ما هو الوضع الحالي
    بوركت دكتور
    وسلام

     
  • At 26 July 2007 at 07:06:00 GMT, Blogger خالد أبوالفضل said…

    ورغم كيد الأعادي وما زال المد الإسلامي ينتشر بقوة وغرابة منقطعة النظير ... وهذا يكفي لإعطائنا كل الأمل في إمكانية إصلاح ما تم إفساده
    من يصدق ؟؟؟!!!
    تركيا ؟؟؟؟!!!!!
    تلك البلد الإسلامي الذي كادت نسبة العلمانيين فيه تقارب ال90 %
    تلك البلد الذي منع الأذان ومنعت المحجبات فيه من دخول المدارس والمصالح الحكومية
    تلك البلد التي فصلت عضوة البرلمان بسبب حجابها منذ أعوام قليلة فقط
    والأن ستدخل المرأة المحجبة قصر الرئاسة نفسه قريبا إن شاء الله (كزوجة لا كحاكمة)
    الآن الحكومة في تركيا حكومة إسلامية .. سبحان مغير الأحوال
    اللهم اوعدنا بما حققت لتركيا
    إن الله لا يغير ما بقوم حتي يغيروا ما بأنفسهم
    الإيجابية أول طريق الإصلاح
    دروس يجب أن نستفيدها من التجربة التركية

    خالد أبوالفضل
    el-aseef.blogspot.com

     
  • At 27 July 2007 at 02:25:00 GMT, Anonymous عبدالرحمن عياش said…

    عم هيثم
    و الله هو ده الواقع المؤلم للأسف
    دلوقتي بنقول لو لم اكن مصريا لوددت ان اكون اي حاجه الا مصريا
    يارب مصر ترجع زي الاول و احسن
    دعواتك يا تركي :]
    سلام

     
  • At 27 July 2007 at 02:29:00 GMT, Anonymous عبدالرحمن عياش said…

    :D عاوزه الجزء السابع مترجم ياساره ؟
    طيب ماشي ان شاء الله
    شكرا

     
  • At 27 July 2007 at 02:30:00 GMT, Anonymous عبدالرحمن عياش said…

    دكتور خالد نورنا :)
    تعرف يا دكتور
    رغم ان تركيا كانت أسوأ مننا مليون مرة
    الا ان تركيا قدرت في وقت اقل مننا
    انها تثبت احقية الشعوب الاسلامية في اختيار من يحكمها
    ولا ايه ؟
    بحبك يا دكتور
    سلام

     
  • At 7 October 2012 at 14:15:00 GMT, Anonymous Räumung said…

    موفقيييييييييين .... اختيار موفق :)

    Räumung
    Räumung Wien
    entsorgung wien

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats