AbdulRahman Ayyash
 

AbdelRahman Ayyash's Facebook profile

Thursday, 12 July 2007
كذا حاجه
أنا أكره مجدي الدقاق
لماذا أكره مجدي الدقاق .. لأنه ليس حياديا
لا يحب الحرية ولا يدافع عنها
و لو في يوم ربنا سلطني عليه هعزله من مناصبه كلها و أحاكمه بتهمة اتهامات بدون دليل للإخوان المسلمين و لقادة الاخوان و لأعضاء الإخوان
و طالما هناك أمثال مجدي الدقاق من لاعقي أحذية كرسي الرئاسة و محاربي الشعب و حريته فلن نتقدم خطوة واحدة
و من أكبر الأدلة التي نراها على فساد هذا النظام هي ترك شخص مثل الدقاق في أي موقع صحفي في هذه الدولة او على دار الهلال
طبعا الدقاق ليس وحده
فكرم جبر و اسامة سرايا و رؤساء تحرير طائرة الرئاسة كلهم في تلك البوتقة
حمانا الله منهم و من أمثالهم

---------------
النقطة الاخرى كان بالنسبة للقاء المدونين في نقابة أطباء المنصورة
بالفعل كان لقاء رائعا
أحيي أخونا الفاضل علاء على الدعوة و الحضور الفاضل من اخواننا اللي كانو مكتوبين عند علاء
المفترض مني اني انزل البوست كاملة
و نحاول ندعو الكثيرين من المدونين للحضور يوم الحد الجاي في الهايكستب لحضور المحاكمات العسكرية لاخواننا المعتقلين
و هناك نتناقش أكثر عن موضوع تجمع المدونين
و الذي حاولنا أن نضع له شروط ما يسهل على الجميع تنفيذها بغض النظر عن انتماء الشخص الفكري او التنظيمي
ننتظركم هناك
كي نلتقي
نسمع الاراء
نشارك المصريين في طلب حريتهم
و ندعو على الظالمين
----------------
الكلمة التالية بخصوص موضوع عمر و سارة
أنا بشكر اخواننا الكرام اللي علقوا جميعا
و أنا آسف لأني لا أستطيع التعليق
لكن أريد أن أوجه كلمة لكل إخواننا الكرام
الإخوان المسلمين بشر
منهم السارق
منهم الكذاب
منهم الخائن
الإخوان المسلمين منهم بتاع البنات اللي بيضحك عليهم و يمشي معاهم
الإخوان المسلمين منهم الراجل اللي بينصب على اخواته و بيسرق فلوس اليتامى
ليه بنتضايق لما الناس تعرف اننا بشر ؟
انتو عاوزين توصلوا لهم اننا ملايكة ؟
يا اخواننا لازم تقربوا من الناس بالشكل اللي يخلليهم يتقبلوا الكلام مننا لأنه خارج من بشر بيغلطوا و بيتكلموا صح
استغربت من أخ بيكلمني بيقوللي ان انا كده ازاي هكلم الناس و اقول انا اخوان و انا وريت الناس و عرضت على مدونتي ان في أخطاء كبيره جدا في التعامل بين الولاد و البنات
انا كنت كلمت بلال مره في الموضوع ده
و قلتله المشكلة مشكلة تربية و ان الاخ لما يكبر بيكون مش عارف يتعامل مع الاخت او البنت عموما
فبيتخيل انه ما دام بيكلمها تبقى دي كارثة و الاخت تتخيل ان الاخ ما دام اتكلم معاها شوية يبقى هو بيموت عليها و فيها
مش قادر اقول المفروض الاشبال يتربوا مع الزهرات لأن ده مش صح
لكن المفروض ان كل عائلة و كل اسرة توصل لطفلها ان هو و البنت عادي جدا انهم يتعاملوا بحدود ربنا الي فرضها
وقتها هيخرج الولد لما يلاقي الدنيا بتتفتح قدامه مش هيخاف و يترعب او يصدم و بالتالي يعمل اللي عمره ما عمله
و أعتقد أننا لابد أن نظهر أننا لا نعمل ملايكة بعد الظهر على حد رأي بلال
و اننا لازم نشتغل و نغلط و نبقى صح و نعترف اننا غلطنا و نقول ده في الاخوان في الحرامي ولما يتعرف بيتفصل .. لكن لو لقينا كده منقولش اااه على الدعوة ورجالات الدعوه
الدعوة زي ما هي .. لكن الناس بيتغيروا .. و زي ما في السارق ( غير المعروف لإخوانه .. لأنه لو عرف لن يسكت الإخوان و يتركوه في الجماعه و كذلك النصاب و البايظ بين اخوانه ) كلهم موجودين .. يحاول الإخوان تطهير الصف من أمثالهم .. أما الأخطاء العابرة
فهي أخطاء بشر و كلنا بشر نخطئ
و من طلب بتطهير الصف من الأخ الذي يكلم بنات او وقع مرة و تاب ,, فهو يطالب بتدمير الصف و ليس تطهيره
هذا ما أردته أن يصل
أنا بشر .. انتم بشر .. كلنا بشر .. كلنا نخطئ .. و لكن من يوصم بالخطأ فمن الاستهانة بالاخوان أن يتركوه بينهم .
على كل حال جزاكم الله خيرا
--------------------
الكلمة التالية بخصوص الملتقى نت
فالملتقى حاليا يعقد حوارا مفتوحا للأعضاء مع أحد أعضاء المكتب السياسي لحركة حماس العراق , لم يسم الرجل
و أنا أهيب بكم أن تشاركوا في هذا الحوار على هذا الرابط
-----------------
الكلمة الاولى كانت كره
الكلمة الأخيرة أحب أن أجعلها حب
أنا أحب دكتور أحمد خالد توفيق
و أحب كتاباته كلها
أنا أعتبره قمة الثقافة في هذا البلد
طبعا عن طريقه تعرفت اسماء لامعة في عالم الادب لم أكن لأعرفها إن لم أقرأ له
طبعا الدكتور أحمد خالد ليس وحيدا
فلم أكن لأقرأ الدكتور أحمد خالد توفيق إلا عن طريق حبيب الملايين أدهم صبري و مبدعه الرائع شفاه الله دكتور نبيل فاروق
الدكتور أحمد خالد توفيق ناقد أدبي , سياسي واعي , معارض رائع , مثقف من تلك الطبقة التي لم تعد تجدها هنا
أما دكتور نبيل فاروق ,, الحكاية كلها .. ربنا يشفيه ويديله طول العمر في طاعة ربنا
كفاية انه مبدع أدهم صبري
كفاية انه مبدع نور و سلوى و محمود و رمزي و نشوى
بس بجد
حاليا أنا لم أعد أفضل أدهم صبري على رفعت اسماعيل .. أقصد دكتور رفعت اسماعيل بطل ما وراء الطبيعة لعمو أحمد خالد
بجد تحية لكل شرفاء الكتاب و النقاد و الأدباء و الروائيين أمثال فرسان المؤسسة العربية
دكتور نبيل
دكتور أحمد
دكتور محمد سليمان عبدالملك
و الصاعدون تامر و تامر
بجد .. للمؤسسة العربية منا ألف تحية
وسلااامو عليكم يا جماعه

Labels: , , ,

posted by AbdElRaHmaN Ayyash @ 10:49  
24 Comments:
  • At 12 July 2007 at 14:54:00 GMT, Blogger belal said…

    قلت أحجز أول تعليق وبعدين أكمل الموضوع
    ....

     
  • At 12 July 2007 at 15:21:00 GMT, Blogger belal said…

    مم ..ناخد حاجة حاجة
    كلنا نكره مجدي الدقاق يا هندسة ..اه النتيجة قربت يا بطل
    ....
    اه لقاء المدونين واضح إن كله كسل ينزل اللي اتفقنا عليه
    .....
    إن شاء الله يا عم عبده الصف يطهر من كل دول

    بس أشبال مين اللي يتربوا مع الزهرات يا عبيط

    ماشاء الله هو أنا بقول كلمات يتمثل بيها

    .....
    أنا مش بقرا لا للأستاذ احمد خالد ولا للأستاذ نبيل شفاه الله وعافاه
    ....

     
  • At 12 July 2007 at 15:30:00 GMT, Blogger ** white rose ** said…

    احم احم
    بسم الله الرحمن الرحيم
    السلااااام عليكم و رحمة الله و بركاته

    أول حاجه هسألك سؤال و بالله عليك ما انت متريق عليا يا عبدالرحمن .. السؤال هو .. مين مجدي الدقاق ده ؟ هو شكله تبع الصحافه و مش هلبخ اكتر من كده ..
    و تاني حاجه
    ردك على عمر و ساره صح اوي بجد ووجهة نظرك دي لازم تحترم
    و بعدين ممممم نسيت كنت هكتب ايه عاااااا !! ..
    لما افتكر هكمل رد إن شاء الله




    سلام

     
  • At 12 July 2007 at 15:33:00 GMT, Blogger ** white rose ** said…

    ايه ده مجدي الدقاق ده شكله مطلعش زي مخمنت شكله القاضي بتاع المحاكمه العسكرية ولا ايه ؟

    برضه بلاش تريقه لإني عارفاك مستفز و هتعد تزلني على الثقافه بتاعتي

     
  • At 12 July 2007 at 15:41:00 GMT, Blogger عصفور المدينة said…

    هيا بنا نقيم احتفالية بغض في الله على شرف مجدي الدقاق
    ولا على مجدي الدقاق فقط من دون شرف
    حسبنا الله ونعم الوكيل

     
  • At 12 July 2007 at 16:32:00 GMT, Blogger AbdElRaHmaN Ayyash said…

    عمو بلال
    :D نعم كلنا نكره مجدي الدقاق
    بس انت المفروض تقرا لهم فعلا
    لأنهم مبدعين
    بس انت اسلوبك اروع
    بجد والله
    -

     
  • At 12 July 2007 at 16:36:00 GMT, Blogger AbdElRaHmaN Ayyash said…

    انتي بتخطبي يا مس سارة ؟
    وللا بتتكلمي في مايكروفون
    المهم
    :D مش هتتريق لأن الراجل ميتعرفش اصلا
    مجدي الدقاق ده يابنتي يبقى رئيس تحرير مجلة الهلال
    بس هو بيكره كل ما هو اسلامي
    عشان كده انا بكرهه
    بيكره الحرية للناس المحترمه اللي اتحبست . مجموعة عمو ضياء و عمو خيرت :)
    و ده فيلم هو اتكلم فيه على الجزيره بالشكل اللي خللاني اكتب اني بكرهه

    http://www.youtube.com/watch?v=GrNOTh93rn4&eurl=http%3A%2F%2Fensaa%2Eblogspot%2Ecom%2F

    انقلي اللينك كله في البراوزر فوق وشوفيه
    ----
    اما بالنسبة للرد على موضوع عمر وسارة
    ده من ذوقك و الله
    بس هي الفكرة زي ما انا بقول
    اننا بشر
    و كله بيغلط
    و ما ينفعش اننا نقتل اللي بيغلط لأن بكده هنقتل كل الناس
    دي فكرتي
    :D بس مجدي الدقاق مش بتاع المحكمة العسكرية خالص

     
  • At 12 July 2007 at 16:37:00 GMT, Blogger AbdElRaHmaN Ayyash said…

    أستاذي عصفور المدينة
    جزاكم الله خيرا على متابعتك لمدونتي و التعليق
    لكن فعلا ... و الله أبغضه في الله الراجل ده
    اللي اذانا و اذا اخوانا لأنهم بس قالوا ربنا الله
    ربنا ينتقم منه و من أمثاله

     
  • At 12 July 2007 at 22:13:00 GMT, Blogger محمد السيد said…

    وانا كمان باكره مجدي الدقاق ....

    باكرهه أوي أوي أوي .. وعلي نفس واحد .. مخدوش يا بابا .. مخدوش يا بابا .. مخدوش يا بابا ..

    ومش هو بس؟ لأ ..كمان كرم جبر وعبد الله كمال وحمدي رزق ومكرم محمد أحمد وسمير رجب وأسامة سرايا وتامر أمين ومفيد فوزي و............ كفاية كده عشان الحبر :D ...

    دعوة المدونين ...... ياريت نتقابل بس بدري .. من تجربة سابقة احنا حيكون عندنا وقت طووووووووووويل ....

    بس لو فيها رزاله ؟؟؟ حد من بتوع القاهرة يعرف يجيب لنا مية معاه وبلاش أكل :D ؟ أحسن طلع عينا ....

    >>>>>>>>>>>>>>>>>>>>>>>>>>

    "لسنا ملائكة ولا تحاسبونا علي أنا كذلك .... "

    آخر تدوينة عندي .... نفس الخواطر يا أفندم

    http://mesh7askot.blogspot.com/2007/06/blog-post_30.html#comments

     
  • At 13 July 2007 at 02:12:00 GMT, Blogger معتزعادل said…

    ايه يا شباب محدش عرفنا ان كان في لقاء للمدونين وفي نادي الاطباء كل ده من ورايا

    مش عيب عليكم

    المهم طمنونا عملتوا ايه

     
  • At 13 July 2007 at 02:19:00 GMT, Blogger اصرار أمل said…

    فقدت التركيز من كثرة المواضيع التى قرأتها ؛
    لكن ما أتذكره اثنائك على الرائعين د . نبيل فاروق _ شفاه الله _ ود. أحمد خالد توفيق ؛
    وهما اثنان شكلا مساحة كبيرة من وجدانى ؛
    ودائما أشكرهما فى قلبى كثيرااا؛
    وأدعوا لهما كثيراااااااااا
    *****
    مجدى الدقاق ليس وحده ؛ أصبحت منظومة متكاملة تحتل منبعنا الذى كان صافيا ... أدعوا الله أن يعجل برحيلهم .
    أما عن عمر وسارة ؛
    فقد كتبت هناك ؛
    ولكن لا يمنع من أن أقول _ رغم ايمانى بوجود تجاوزات من بعض شبابنا لأننا بشر والانسان خطاء بطبيعته _
    لا يمنع هذا أن أذكركم ونفسى :
    وما كل الحلال لكم حلالا ....
    تقريبا ده اللى أنا فاكراه ...

     
  • At 14 July 2007 at 00:12:00 GMT, Blogger Medo Magdy said…

    كلنا بنكره مجدي الدقاق وامثاله...ده حتى بص في وشه تعرفه يا أخي
    ياللا ما علينا
    ربنا ياخده

     
  • At 14 July 2007 at 09:48:00 GMT, Blogger omar مشروع بطل said…

    هو زى ما قال بلال ما كلنا بنكره الناس دى وانا والله كنت لسة من شوية صغيرة بستغرب جدا على اللى اسمه اسامة سرايا .. الراجل ده خنقنيييي

    بالنسبة لموضوع عمر وسلمى ده فزى ما انت قلت الاخوان بشر وكلنا بشر ومحدش مننا مش بيغلط .. ومش نطهر الصف منهم .. كون انهم موجودين مع الاخوان فده معناه انهم كويسين وانهم محتاجين تربية واهتمام أكتر وربنا يتوب عليهم وعلينا

     
  • At 14 July 2007 at 12:56:00 GMT, Blogger إخوانية مصرية said…

    مجدي الدقاق دا اساسا
    لو حدبس سبني عليه
    لانه فعلا شخصية يستعاذ منها
    ونموذج من نماذج الصحافين غير النزهاء
    حسبي الله ونعم الوكيل

    المهم لقاء المدونين
    طبعا لان اول الناس الي مش بتحضر المحاكمات
    لظروف قانون حظر السفر عندنا
    المهم انكم تبلغونا بكل كلمة وان شاء الله نحاول المشاركة ق المستطاع
    وان شاء الله اذا كان في حاجة في المنصورة من المؤكد هنحضر ان شاء الله مع الاخوات

    نيجي للنقطة الثالثة
    انا قرات موضوع عمر وسلمي
    وعوزة اقول حاجة
    انا كنت في مدرسة خاصة تعتبر من الاساس مدرسة الاخوان
    ورايت نماذج عمر وسلمي كتير
    في اولاد الاخوة
    وداطبعا شيءانا مش بحبه
    ولكن دا اذا اثبت شيء يثبت اننا بشر
    بنحب ونكره
    بنغلط ونتوب
    احنا مش ملايكة
    مين فين لما كان مراهق
    مش اعجب بحد
    اي نعم احنا مختلفين مع غيرنا
    باننا في الاساس جوانا ثمرة خير
    مزروعة من البداية
    عشان كده دايما ضميرنا بيفوق بسرعة
    وبنرجع لربنا سبحانه وتعالي
    ولاننسي ان احد اصحاب الرسول
    ذهب اليه يساله الزنا
    مهوش بقي سارق
    ولامعجب بوحده
    دا رايخ يزني
    ولولا تقويم الرسول له وتوجيه لكان حدث غير هذا
    فنحن بشر
    فلاخوان ليسوا رسل منزلة من عن الله
    ولكنا بشر
    تضحك وتبكي
    تغضب وتكظم
    تحب وتكره
    تخطيء وتتوب
    وربنا يهدينا جميعا يارب
    وخيركم ياخواتي في الله الخطائيين التوابين

     
  • At 14 July 2007 at 12:58:00 GMT, Blogger AbdElRaHmaN Ayyash said…

    محمد باشا السيد
    كلامك مظبوط يا فندم .. كلنا نكرههم :)
    أما بالنسبة للقاء المدونين
    أعتقد أنه من الأفضل أن نلتقي جميعا قبل العاشرة صباحا
    هناك سنستطيع ترتيب ما يمكن أن نفعله :)
    قرأت لسنا ملائكة
    نفس نظريتي ..
    جزاكم الله خيرا على تعليقك يا فندم
    سلامو

     
  • At 14 July 2007 at 13:00:00 GMT, Blogger AbdElRaHmaN Ayyash said…

    يا عم معتز و الله لقاء المدونين جه فجأه كده و اهه عملنا فيه حاجه
    ان شاء الله لو في حاجه تانية هنرتب قبلها و نقول
    عموما نورت مدونتي
    سلام

     
  • At 14 July 2007 at 14:19:00 GMT, Blogger AbdElRaHmaN Ayyash said…

    استاذة أمل غنيم
    كلامك كله مظبوط
    بس نقطة و ما كل الحلال لكم حلالا دي بتضايق محمود سعيد
    و عنده حق
    جزاااااكم الله خيرا على التعليق

     
  • At 14 July 2007 at 14:20:00 GMT, Blogger AbdElRaHmaN Ayyash said…

    عم ميدو اللي انا محرج منه اوي اوي اوي
    جزاكم الله خيرا على تنوير المدونة بتعليقك
    و بالنسبة لمجدي الدقاق
    عليه من الله ما يستحق

     
  • At 14 July 2007 at 14:21:00 GMT, Blogger AbdElRaHmaN Ayyash said…

    عمر باشا
    كلامك كله صح بالاوي
    يعني انت لما بتقول ان الاخوان فعلا محتاجين جرعة زيادة من التربية خصوصا اللي بيغلطوا كده فده عين العقل و كل الصح
    جزاكم الله خيرا على التعليق
    سلام

     
  • At 14 July 2007 at 14:25:00 GMT, Blogger AbdElRaHmaN Ayyash said…

    جزاكم الله خيرا أختنا أسماء على التعليق
    على فكره انا كنت كمان في الهدى و النور
    و شفت حاجات من دي كتير
    بس الحمد لله خرجت منها قبل ما اشوف اللي بيتحكالي دلوقتي
    و موضوع عمر و سارة اللي انتم مصرين تسموه عمر و سلمى بيحصل كتيييير في كل مكان
    بس زي ما حضرتك بتقولي .. المهم نرجع
    و ما نتماداش في الموضوع
    جزاكم الله خيرا على تعليقك مرة تانية
    وسلام

     
  • At 14 July 2007 at 15:20:00 GMT, Blogger saad alshater said…

    ماجدي الدقاق
    و احمد موسي
    وكتييير

     
  • At 14 July 2007 at 15:39:00 GMT, Blogger Medo Magdy said…

    ولا تحرج ولا حاجة يا عبد الرحمن
    مش مشكلة
    انا اتصرفت
    ياجماعة مفيش حاجة خالص ....طلبت حاجة من عبده ونفضلي مش اكتر
    انا بعمللك سمعة بس مش اكتر
    :p
    عموما انا عايز اعرف رايك عن الحرية معناها ايه بالنسبة لك في الفيديو ده على اليوتيوب
    http://www.youtube.com/watch?v=ca1QpApnmoI

    ولو ملكش حساب على اليوتيوب قللي
    رايك في المدونة عندي في البوست ده

    http://medomagdy.blogspot.com/2007/07/what-does-freedom-mean-to-you.html

    نفضلي تاني بقة
    لما نشوف
    :)
    يلا سلاااااااااااام

     
  • At 15 July 2007 at 16:39:00 GMT, Blogger AbdElRaHmaN Ayyash said…

    عندك حق و الله يا سعد
    غيرهم كتير
    ربنا يحرمنا منهم و من أمثالهم

     
  • At 15 July 2007 at 16:41:00 GMT, Blogger AbdElRaHmaN Ayyash said…

    :d ماشي يا عم ميدو
    ربنا يكرمك ياارب
    ان شاء الله هرد عليه
    سلاام

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats