AbdulRahman Ayyash
 

AbdelRahman Ayyash's Facebook profile

Sunday, 24 June 2007
تاني مدونين اخوان ؟؟
سلام عليكم
ازيكم يا اخواننا
كنت بدأت اكتب في موضوع عن حماس بعنوان التكفيريون
لكن غيرت رأيي و كفاية الآية دي
" الذين قال لهم الناس ان الناس قد جمعوا لكم فاخشوهم فزادهم ايمانا و قالوا حسبنا الله و نعم الوكيل"
-----
الموضوع ده عاوزين نجمع فيه أكبر عدد من المدونات الخاصة بالاسلاميين
يعني مش اخوان بس
ولامش اخوان بس
عاوزين كل من يعبرنفسه مدون اسلامي
إلا طبعا من لم يرد ذلك
ليه ؟
عشان هنعمل محرك بحث خاص بالمدونين الاسلاميين
و هو هيكون نواة لرابطة ممكن تتعمل
غيراننا عاوزين نعرف عددنا الحقيقي و اللي بنمثله على البلوجر
عشان نقدر نحدد امتى ننشئ الرابطة و نحدد معايير تكون في الاعضاء
بالله عليكم.. لو هتتناقشوا في جدوى الرابطة من عدمها فبلاش دلوقتي
لكن احنا على الاقل عاوزين نجمع بعض
كلنا سوا..اسلاميين ..مش اخوان
منتظر تعليقات بلينكات المدونات كلها
و اللي يعرف مدونين اخوان يقول عليهم
كل المدونين
عاوزين نوصل لهم خلال الاسبوع ده الله يكرمكم
---------------------------
اكتشفت اننا منغلقين على انفسنا جداااااااا
يعني المدونين الاخوان بيعلقوا عند المدونين الاخوان
( الغالبية العظمى طبعا )
عن نفسي سأحاول أن أصل إلى خارج هذا المجتمع بكل الوسائل .. و عاوزكم تعملوا كده .. على الاقل عشان يكون في قاعدة نبني منها
علقوا عندالمدونين كلهم
و اخرجوا من البوتقة دي
بدل ما نبكي في الاخر اننا عزلنا نفسنا
-----------------------------
للمنسقة العامة : :)
كان لازم أعمل أي حاجه :)
وان شاء الله نتفق على التنسيق
-----------------------------
موبايلي اتصلح يا اخواننا
هو متصلحش اوي
فاللي عاوز يتصل اهلا و سهلا
و اللي عاوز الرقم من البشرية اللي نعرفها يبعت لي طلب مختوم و موقع باتنين موظفين قطاع عام
و لو حد عاوز يبعت اقتراحات للرابطة او لمحرك البحث
يبعت على الايميل
سلاااااااامو عليكم
---------------
أخويا المهندس الفاضل
طالب الهندسة اللي مش فاشل ابدا
صحيح ..بيقوللك النتيجة هتظهر كمان اسبوعين
م . بلال علاء
منية سمنود
أجا
دقهلية
قلبي مش مطاوعني اقولهالك
بس اعمل ايه
انت بتجبرني على كده
__...__
بحبك في الله
بجد و الله
رغم اللي انا فيه
بس كان لازم اقولها
اسكت بقى عشان بتكسف
سلام
----------------------------------------
بعد التعليقات الرائعة المتسائلة التي رأيتها
كان لابد أن أكتب هذا التعليق
و أن اضيفه للموضوع
لعله يفيد
---------------

يااااااااه
كل ده اعتراض
طيب بسم الله
نوضح الفكرة الحالية
--------------------------------
فكرتي الحالية ليست في انشاء رابطة لمدوني الإخوان المسلمين
و لكن الفكرة الحالية أن نجمع مدونات الاخوان المسلمين
لم تأت بعد مرحلة الرابطة
الآن أنا أريد أن أصنف مدوني الاخوان او مدوني الاسلاميين
و الاسلاميين هم كل من يحمل الفكر الاسلامي
يعني أنا مسلم نعم .. لكني اشتراكي .. لست اسلاميا !
أنا مسلم نعم لكني علماني .. بالتأكيد لست اسلاميا
مدونات الحلم العربي ... البلد بلدنا .. الفجرية .. شاب مصري .. مش أنا .. همسة قلم .. صمود نجمة .. عصفور المدينة .. بينو
هي مجرد أمثلة لمدونات أصحابها اسلاميون
لكنها مدونات عامة
اذا لنتفق أولا على معنى اسلامي .. الاسلامي .. هو من اقتنع أن الاسلام هو الحل .. بغض النظر عن التطبيق .. ان كان تطبيق الاخوان او تطبيق السلفية الجهادية او تطبيق انصار السنة ..
لكن البداية أن نوقن أن الاسلام هو الحل .. عندها نحن اسلاميون
أتمنى أن تكون قد وضحت تلك النقطة !
---
النقطة الاخرى
لماذا أريد أن أصنف المدونات الاسلامية او الاخوانية على حدة ؟
الاجابة ببساطة أنني أود أن أصمم قاعدة بيانات خاصة تحمل مدوني الاخوان و ملف آر إس إس لقراءة المدونات ببرامج مثل الديبو و غيره
المدونات الاخوانية و الاسلامية فقط !
و قبل أن أصمم قاعدة البيانات أود أن أنشئ محرك بحث يضم مدوني الاخوان فقط مثل محرك البحث الذي أخرجته أختنا صاحبة مدونة خمسة فضفضة لمجموعة المدونات النظيفة أي ضد البذاءات
هذه كانت الفكرة الحالية ..
-------
أما عن رابطة مدوني الاخوان
رغم ان معرض الحديث عنها لم يكن في البال ولا عالخاطر .. الا انه لابد من توضيح الفكرة
.....
نحن الان بتقديري ما يقرب من 150 مدون اخوان او منتمي لفكر اسلامي ...
نحن الان نمثل قوة كبيرة جدا على البلوج سبوت
وضح في حملة منعم جليا أن الجهود كانت متفرقة للغاية
فأنا و محمود عملنا حملة تواقيع
و انسى و محمود اشتغلوا في بلوج منعم
و عائلة الشاطر صمموا مدونة تحمل اسم الحرية لأنا اخوان
و نورا يونس و سامي بن غربية أنشأوا موقعهم من الامم المتحدة
كل هذا تم بلا تنسيق بل وبلا حتى التفكير في هذا التنسيق
و رغم ما أحدثته الحملة من صدى واسع على كل الاصعدة و المستويات الا انه لو تم التنسيق في هذه المدونات او الحملات و ضمها تحت راية واحدة لكان الهدف أعم وأشمل و أعمق تأثيرا و كذلك النتيجة المرجوة و بالتالي النتيجة المحققه
من هنا فاننا لو اسقطنا فكرة الحملة على مدوني الاخوان المسلمين .. فنحن نملك عشرات المدونات التي يصعب متابعتها جميعا ان لم يكن يستحيل
نملك مدونات تعبر عن افكارنا كأفراد
أفكارنا كشباب
أفكارنا كفتيات
نحب مصر
نلتزم بالحل الاسلامي
في وسط تنظيمي راقي اسمه الاخوان المسلمين
لذا فكروا معي
لو كانت هناك مدونة واحده تحمل اسم رابطة ما .. أو مدونة مشتركة او غيرها .. بهدف ايصال فكرة الاخوان المسلمين عن طريق شبابها
حملات مشتركة ..
أعمال جماعية
ندوات و دورات
لقاءات و مؤتمرات
عمل جماعي يحمل الصبغة الاسلامية التي نحمل فكرتها
بما لا يجاوز خطوطا قد نعتبرها حمرا في التعامل او في الحديث او في غير ذلك من امور التدوين الالكتروني و الكتابة الصحفية بل و العمل الدعوي الارضي
و لتتضح الصورة أكثر ننظر نظرة واحدة على مدونات ابناء المعتقلين
نجدها تقترب من عشرة مدونات
و نقترب أكثر فننظر لمدونة انسى
انظروا الفارق الشاسع بين العمل الفردي في مدونات ابناء المعتقلين و مدونة انسى
أعتقد أنني قد أوضحت الفكرة
و الله انا فرحت جدا من الردود الغاضبة المستنكرة المتسائلة
لذلك أردت أن أوضح هذا
جزاكم الله خيرا يا شباب و يا بنات
وسلام

Labels: , , ,

posted by AbdElRaHmaN Ayyash @ 08:49  
64 Comments:
  • At 24 June 2007 at 09:36:00 GMT, Blogger belal said…

    انتا مش فاتح الماسنجر ليه ...وفالح تكتب تعليقات ..بس ايه رأيك

     
  • At 24 June 2007 at 09:36:00 GMT, Blogger belal said…

    ييجي مني مش كده

     
  • At 24 June 2007 at 10:17:00 GMT, Blogger AbdElRaHmaN Ayyash said…

    مش فاتح ماسنجر لأني على جهاز بنتيم ثري لا بيودي ولا بيجيب
    روح موت يا عم
    :P
    انا بقيت بذيء بعد السفر
    و ردك هنا يعتبر اعتراف ضمني بانتماءك الحركي و الفكري و التنظيمي للمحظورة و مدونين المحظورة

     
  • At 24 June 2007 at 10:18:00 GMT, Blogger AbdElRaHmaN Ayyash said…

    ييجي منك اوي اوي ياخويا
    بس عاوز اقرا التدوينة التي سببت كل هذا القلق و الهم و القرف لك وللمعلقين
    :Dسلام

     
  • At 24 June 2007 at 10:28:00 GMT, Blogger الحلم العربي said…

    أنا مش فاهمة جملة مدون إسلامي شوية
    اعذرنى يعني أنا مش اخوان بس مسلمة و الحمد لله
    مدونتى عادية ...يعني بقول فيها آرائي في بعض الأشياء ...مش حاسة انها ترقى تكون مدونة دعوية ....طبعا بحاول التزم بالضوابط الشرعية فيها يعني الحمد لله مافيهاش كلام بذئ و لا مواضيع بعيدة عن إطار الأخلاقيات الاسلامية
    هل كده ممكن تكون من ضمن المدونات الإسلامية؟؟
    موضوع الجدوى ..أنا آسفة لكن عايزة أعرفه فعلا

    بالنسبة لرأيك ان مدونات الاخوان بعضها منغلق ..أنا شايفه كده بردو ...و أؤكد على كلمة البعض ...

    تحياتي للموضوع و نحتاج بعض التوضيحات

     
  • At 24 June 2007 at 10:50:00 GMT, Blogger Drabdo said…

    السرم عليكم
    طبعا إنت عارف إنى معاك فى الموضوع ده ياعبده

     
  • At 24 June 2007 at 11:17:00 GMT, Blogger واحدة بتحب البلد دي said…

    انا متابعة النقاش الدائر حول انشاء الرابطة من عدمه من فترة طويلة

    كنت اتمني قبل الاعلان عن انشاءها او تجميع اسماء بالمشتركين ان حضرتك تنزل رؤية او تصور لما يفترض ان تحققه الرابطة او خطة مبدئية لنشاط انترنتي لها
    يعني صورة مبدئية مش تفاصيل


    اما بخصوص نقطة الانغلاق لمدوني الاخوان اتفق مع حضرتك وكنت علقت عالنقطة دي عندي في المدونة
    الخوف ان يتحول الموضوع اننا بنتكلم ونرد علي بعض
    اعتقد الموضوع فعلا محتاج وقفة مننا

     
  • At 24 June 2007 at 11:21:00 GMT, Blogger عيلة و عايزة افهم said…

    أخويا الصغير عبد الرحمن

    أنا كنت داخلة اقول نفس الكلام بتاع الحلم العربي

    مش فاهمة الفكرة

    و برضة انا مدونتي زي بتاعة الحلم العربي ...
    بس اللي عايزة أسأل عليه

    الهدف من الموضوع ده ايه ؟؟ ان يبقى فيه تعارف يعني بين المدونين ؟؟
    منتظرة ردك

     
  • At 24 June 2007 at 11:28:00 GMT, Blogger belal said…

    كمان أسبوعين ياللطيمة
    ....
    عندي فكرة إحنا نقول إن الدكاترة دول إرهابيين منحرفين منجرفين منخرطين مربعين رجعيين متخلفين
    وظلمونا في النتيجة نحن طليعة التقدميين
    نحن المتنورين نحن المثقفين
    ...
    أو بص فكرة تانية إحنا ننضم للحزب الوطني ونزور النتيجة
    ونكسب بفرق مية وسبعين ألف درجة
    .......
    أو بص احنا نروح بشلة مجاهدين أنا وانت وحسن وهوب تاك توك طاق طررررررراخ بييييييييب بوف ونضرب نار في الهوا ونسيطر على مقر الأمن الوقائي في الكلية _مقر العميد؟
    ....
    أو نعلن إن إدارة الكلية إدارة غير شرعية بتاتا البتة وأنها اقلبت عل الشرعية التي جاءت وأن من يعترف بها فليسحمل المقاطعة الدولية والحصار
    .....

     
  • At 24 June 2007 at 11:29:00 GMT, Blogger ض/خالد said…

    انته تقصد ان الموضوع مجرد تجمعات للمدونين الاسلاميين...
    علشان يسهل البحث على اللي عايز يدور؟؟
    ألإتكر إذا كان الموضوع كده فده بسيطة ان كل مدون يدخل يقول انا مسلم وخلاص

    اصل موضوع المدونات الاسلامية ده -برأيي- مش هيكون له صدى قوي
    لان المدون اللي بيكتب..بيكتب في كل حاجة
    مواضيع دعوية ..قضايا ..اراء..شعر وادب...نقد وسياسة..وهكذا
    فالمقصود ان رؤيتك مش واضحة -بالنسبة ليا يعني-
    يعني غرضك من كلمة المدونات الاسلامية (هل هي المدونات الدعوية) ؟؟ ولا المدونات المختلطة -زي حالاتي كده-

    اذا كانت الاولى..فاعتقد ان العدد هيكون قليل جدا...
    واذا كانت التانية..فاعتقد انك تقصد دليل للمدونين المسلمين

    ده اللي انا قدرت افهمه
    ويارب اكون فهمت صح

    والسلام عليكم

     
  • At 24 June 2007 at 11:34:00 GMT, Blogger belal said…

    أو نعلن حملة الكترونية شعواء نطالب بحرية الدرجات وأن من حق كل طالب أن يختار الدرجة التي يحبها وأن يعبر عنها بكل حرية وليكن شعارنا ..حتى يكون الامتياز في متناول يد الجميع

     
  • At 24 June 2007 at 14:28:00 GMT, Blogger محمود سعيد said…

    أولاً من ناحية منغلقين فإحنا منغلقين جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً


    ولكن انا مشوفتكش للأسف ولا شوفت أى من مؤيدى الفكرة فى التدوينة اللى حمضت عندى ديه

    ومش قادر أفهم أزاى انت مصر عليها وبتتكلم دلوقتى فى الموضوع

    ورافض الكلام فى جدواها

    الطبيعى فى أطوار أى دعوة أنها
    بتكون فكرة
    ثم تتحول إلى عقيدة بعد الفكر فيها
    ثم إلى حركة

    أنت عاوز تنط على مرحلة العقيدة (مش عقيدة من بتاعة الشرع)
    العقيدة اللى بتيجى لما تدرس الفكرة
    اللى بتعطيك إقتناع بالفكرة لتحولها لحركة

    أنت بتقفز على المرحلة ديه ليه !!!

    ممكن أنت شخصياً تكون معتقد فيها
    لكن ليه حتى رافض توضح للى أنت بتدعوهم إيه فكرتك أصلاً ثم تناقشهم وتحاورهم ليعتقدوها

    الفكرة أصلاً نفسها مش واضحة (أظن أنها عندك كمان مش واضحة)

    لكن ليه عاوز تقفز بالناس على طول على مرحلة الحركة

    أنت عاوزهم بقى يمشوا ورا فكرتك زى البقر !!!!!
    ولا إيه

     
  • At 24 June 2007 at 15:21:00 GMT, Blogger khadiga said…

    معاكم
    بس الفكرة مش واضحة قوي
    !!!

     
  • At 24 June 2007 at 20:04:00 GMT, Anonymous عبدالرحمن عياش said…

    يااااااااه
    كل ده اعتراض
    طيب بسم الله
    نوضح الفكرة الحالية
    --------------------------------
    فكرتي الحالية ليست في انشاء رابطة لمدوني الإخوان المسلمين
    و لكن الفكرة الحالية أن نجمع مدونات الاخوان المسلمين
    لم تأت بعد مرحلة الرابطة
    الآن أنا أريد أن أصنف مدوني الاخوان او مدوني الاسلاميين
    و الاسلاميين هم كل من يحمل الفكر الاسلامي
    يعني أنا مسلم نعم .. لكني اشتراكي .. لست اسلاميا !
    أنا مسلم نعم لكني علماني .. بالتأكيد لست اسلاميا
    مدونات الحلم العربي ... البلد بلدنا .. الفجرية .. شاب مصري .. مش أنا .. همسة قلم .. صمود نجمة .. عصفور المدينة .. بينو
    هي مجرد أمثلة لمدونات أصحابها اسلاميون
    لكنها مدونات عامة
    اذا لنتفق أولا على معنى اسلامي .. الاسلامي .. هو من اقتنع أن الاسلام هو الحل .. بغض النظر عن التطبيق .. ان كان تطبيق الاخوان او تطبيق السلفية الجهادية او تطبيق انصار السنة ..
    لكن البداية أن نوقن أن الاسلام هو الحل .. عندها نحن اسلاميون
    أتمنى أن تكون قد وضحت تلك النقطة !
    ---
    النقطة الاخرى
    لماذا أريد أن أصنف المدونات الاسلامية او الاخوانية على حدة ؟
    الاجابة ببساطة أنني أود أن أصمم قاعدة بيانات خاصة تحمل مدوني الاخوان و ملف آر إس إس لقراءة المدونات ببرامج مثل الديبو و غيره
    المدونات الاخوانية و الاسلامية فقط !
    و قبل أن أصمم قاعدة البيانات أود أن أنشئ محرك بحث يضم مدوني الاخوان فقط مثل محرك البحث الذي أخرجته أختنا صاحبة مدونة خمسة فضفضة لمجموعة المدونات النظيفة أي ضد البذاءات
    هذه كانت الفكرة الحالية ..
    -------
    أما عن رابطة مدوني الاخوان
    رغم ان معرض الحديث عنها لم يكن في البال ولا عالخاطر .. الا انه لابد من توضيح الفكرة
    .....
    نحن الان بتقديري ما يقرب من 150 مدون اخوان او منتمي لفكر اسلامي ...
    نحن الان نمثل قوة كبيرة جدا على البلوج سبوت
    وضح في حملة منعم جليا أن الجهود كانت متفرقة للغاية
    فأنا و محمود عملنا حملة تواقيع
    و انسى و محمود اشتغلوا في بلوج منعم
    و عائلة الشاطر صمموا مدونة تحمل اسم الحرية لأنا اخوان
    و نورا يونس و سامي بن غربية أنشأوا موقعهم من الامم المتحدة
    كل هذا تم بلا تنسيق بل وبلا حتى التفكير في هذا التنسيق
    و رغم ما أحدثته الحملة من صدى واسع على كل الاصعدة و المستويات الا انه لو تم التنسيق في هذه المدونات او الحملات و ضمها تحت راية واحدة لكان الهدف أعم وأشمل و أعمق تأثيرا و كذلك النتيجة المرجوة و بالتالي النتيجة المحققه
    من هنا فاننا لو اسقطنا فكرة الحملة على مدوني الاخوان المسلمين .. فنحن نملك عشرات المدونات التي يصعب متابعتها جميعا ان لم يكن يستحيل
    نملك مدونات تعبر عن افكارنا كأفراد
    أفكارنا كشباب
    أفكارنا كفتيات
    نحب مصر
    نلتزم بالحل الاسلامي
    في وسط تنظيمي راقي اسمه الاخوان المسلمين
    لذا فكروا معي
    لو كانت هناك مدونة واحده تحمل اسم رابطة ما .. أو مدونة مشتركة او غيرها .. بهدف ايصال فكرة الاخوان المسلمين عن طريق شبابها
    حملات مشتركة ..
    أعمال جماعية
    ندوات و دورات
    لقاءات و مؤتمرات
    عمل جماعي يحمل الصبغة الاسلامية التي نحمل فكرتها
    بما لا يجاوز خطوطا قد نعتبرها حمرا في التعامل او في الحديث او في غير ذلك من امور التدوين الالكتروني و الكتابة الصحفية بل و العمل الدعوي الارضي
    و لتتضح الصورة أكثر ننظر نظرة واحدة على مدونات ابناء المعتقلين
    نجدها تقترب من عشرة مدونات
    و نقترب أكثر فننظر لمدونة انسى
    انظروا الفارق الشاسع بين العمل الفردي في مدونات ابناء المعتقلين و مدونة انسى
    أعتقد أنني قد أوضحت الفكرة
    و الله انا فرحت جدا من الردود الغاضبة المستنكرة المتسائلة
    لذلك أردت أن أوضح هذا
    جزاكم الله خيرا يا شباب و يا بنات
    وسلام

     
  • At 24 June 2007 at 20:21:00 GMT, Blogger AbdElRaHmaN Ayyash said…

    أختنا الحلم العربي
    يارب تكون فكرة الاسلاميين وصلت لحضرتك من الرد اللي فات
    و فعلا انا حاسس ان الغالبية مش البعض هو اللي منغلق
    و يارب اكون وضحت
    و أي اسئلة انا تحت امركم

     
  • At 24 June 2007 at 20:23:00 GMT, Blogger AbdElRaHmaN Ayyash said…

    دكتور عبدو
    سعادتك الملهم اللي جاب فكرة الموضوع اصلا
    تسلم يا سيدي
    سلاام

     
  • At 24 June 2007 at 20:25:00 GMT, Blogger AbdElRaHmaN Ayyash said…

    أختنا اللي بتحب البلد دي :)
    يارب يكون الكلام اللي قلته في التعليق وضح اللي حضرتك بتسألي عنه
    و بالنسبة للانغلاق
    للأسف ده هو الحاصل فعلا
    اخوان بيتكلموا
    اخوان بيردوا عليهم
    بس

     
  • At 24 June 2007 at 20:28:00 GMT, Blogger AbdElRaHmaN Ayyash said…

    أختي الكبيره اللي عاوزه تفهم
    الفكرة فعلا اننا عاوزين نجمع مدونات المؤمنين بالحل الاسلامي
    اللي لما نقول في مؤتمر اسلامي يحضروا ويدعوا له
    اللي لما نقول فلسطين يقولوا تبرع و دعاء و مقاطعة
    اللي لما نقول تدريج يكون واضح عندهم المعنى
    الهدف ممكن يكون تعارف .. أكيد ممكن
    ممكن يكون تكامل .. و تواصل أكتر و أكتر
    حملات مشتركة أكتر
    أكيد
    المهم اننا ناخد الخطوة الاولى

     
  • At 24 June 2007 at 20:29:00 GMT, Blogger AbdElRaHmaN Ayyash said…

    هههههههههههههههههههه
    ايه يابلال
    هو انا عشان قلت الكلمتين دول هتحرجني قدام البشر
    عيب يابني كده بدل ما الاخ عليوه يبهدل اللي .. وللا بلاش
    بس انا موافق اني انا و انت و حسن نقتحم مقر البتاع ده
    و اهه منه منظره .. و قدره .. و لفت نظر

     
  • At 24 June 2007 at 20:34:00 GMT, Blogger AbdElRaHmaN Ayyash said…

    ض خالد
    و الله لو احنا هنتعامل مع المدونين الاسلاميين على انهم كل مواضيعهم في الدين
    يبقى مفيش مدون اسلامي
    لكن احنا عاوزين مدون هدفه انه يرضي ربنا وان كتب عن فيلم
    أما مدونين مسلمين
    فهذا لا نحبذه كأفراد و كإخوان
    يعني اننا نفصل على اساس الدين خصوصا في مجتمع مفتوح زي النت
    لا .. انا بفصل على اساس الفكرة
    يعني انا يشرفني ان الدكتور رفيق حبيب يكون عضو معانا لو عمل مدونة
    لأنه على الاقل منصف في تعامله مع الحقائق و الوقائع
    ولا يشرفني واحد زي رفعت السعيد ولو عمل نفسه ايه
    يارب تكون فكرتي وصلت
    شرفتني زيارتك يا ض (F)
    salam

     
  • At 24 June 2007 at 20:35:00 GMT, Blogger AbdElRaHmaN Ayyash said…

    :d اعلنها انتفاضة ياخويا
    بس ما تودينيش في داهيه
    و خلليك اسمع نشيد الضفة اللي زهقتنا منه
    :D سلام

     
  • At 24 June 2007 at 20:38:00 GMT, Blogger AbdElRaHmaN Ayyash said…

    :D
    ولا يا محمود
    ما تبطل العصبية دي
    و الله اخبطك كده وانت مسافر
    :D ترجع بالسلامة ان شاء الله ياارب
    انا بكلمك من سموحة على فكرة
    اما نشوف اخرتها
    انا اسف اني مشفتش التدوينة اللي سعادتك بتقول عليها
    لكن اللي انا كتبته في التعليق ده هو فكرتي المبسطة بدون خطوات لعمل رابطة مدوني الاخوان لو تم انشاءها
    بطل عصبيتك دي و ناقش بهدوء
    :D لأن الواحد ميعرفش على الماسنجر ياخد منك لا حق ولا باطل
    سلام يا حبي
    أخوك

     
  • At 24 June 2007 at 20:38:00 GMT, Blogger AbdElRaHmaN Ayyash said…

    أخت خديجة
    جزاكم الله خيرا على التعليق
    و ان شاء الله انتي معانا
    و أتمنى ان انضمامك يكون عن اقتناع بعد اللي وضحته
    و أي استفسار مره تانية احنا تحت أمركم
    سلام

     
  • At 24 June 2007 at 21:11:00 GMT, Blogger النجمة الصامدة said…

    أكثر ما عجبني في الفكرة
    فكرة الخروج من اطار (اخوان) الى اسلاميين
    باختصار وبدون اطالة
    الفكرة الحمد لله اعتقد انها مفهومة
    معكم ان شاء الله
    إيه المطلوب مني بقى؟؟؟
    :D

    باين جدا اني فاهمة مش كده
    هههههههههههه
    لا بس عايزة واحد اتنين كده يعني

    عايزة نقاط مش كلام عايم على بعضه
    ماشي

    سلام

     
  • At 24 June 2007 at 22:06:00 GMT, Blogger محمود سعيد said…

    مين قال متعصب

    :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D :-D

    ثم شوف بقى النجمة الصامدة قالت إيه :-)

     
  • At 25 June 2007 at 06:24:00 GMT, Blogger حراس الحقيقة said…

    السلام عليكم
    سألت سؤال فى المدونه عندى ويهمنى جدا اعرف رأى المدونين و ازاى هيجوبوه
    عسى ان تعم الافاده
    .
    .
    .
    الدعوه عامه

     
  • At 25 June 2007 at 06:49:00 GMT, Blogger belal said…

    نعم من أجل الله ..والوطن..ولفت الانتباه

     
  • At 25 June 2007 at 12:40:00 GMT, Blogger طالب اخوانى said…

    اكيد معاك يا باشمهندس ...
    متنسناش من دعاءك .

     
  • At 25 June 2007 at 18:54:00 GMT, Blogger AbdElRaHmaN Ayyash said…

    :d أختي النجمة الصامدة
    و الله احنا مش عاوزين اي حاجهدلوقتي غير حصر لمدونات الاسلاميين او الاخوان
    عشان نقدر نجمعهم مع بعض
    بس
    اما دوركم فلسه جاي
    منستغناش :D
    سلام

     
  • At 25 June 2007 at 18:55:00 GMT, Blogger AbdElRaHmaN Ayyash said…

    :Dايوة يا حوده
    خلاص يا عم انا اللي متعصب ما تزعلش (A)
    بس و الله الاخت سألت عادي يعني
    زي ما كله بيسأل :D

     
  • At 25 June 2007 at 18:55:00 GMT, Blogger AbdElRaHmaN Ayyash said…

    جزاكم الله خيرا على المرور أخي حراس الحقيقة
    ان شاء الله هرد
    سلام

     
  • At 25 June 2007 at 18:56:00 GMT, Blogger AbdElRaHmaN Ayyash said…

    :dو الله اخرتنا على يدك يا بلال
    و انت بترن عليا كنت بكلم احمد السيد على فكره
    بيسلم عليك
    سلام

     
  • At 25 June 2007 at 18:57:00 GMT, Blogger AbdElRaHmaN Ayyash said…

    يا طالب يا اخواني انت تشرفناو الله
    سلااااام

     
  • At 26 June 2007 at 10:00:00 GMT, Blogger islam eladl said…

    السلام عليكم
    ازيك يا عبد الرحمن
    يارب تكون بخير

    انا بس ليا تعليق بسيط
    هي فكرة كويسة تجميع قائمة بمدونات الاسلاميين
    كأننا بنعمل قائمة فيفورتس وده في حد ذاته مش مشكلة

    لكن المشكلة الاساسية ان برده انت قفلت الموضوع علي الاسلاميين وخصوصا فكرة الاسلام هو الحل او حتمية الحل الاسلامي

    وبالتالي برده ماحصلش اندماج بين مدونات اصحابها ليهم مرجعية اسلامية ومدونات اصحابها ليهم اي مرجعية اخري

    وبالتالي برده قضيتك او رأيك الفكري
    وماتريد توضيحه للناس عن الاخوان او التيار الاسلامي
    هيظل محصور ولو جزئيا في اشخاص من نفس التيار

    ارجو ان الجزئية دي تكون وصلت في اطار اللي انا فهمته

    في نقط تانية هبقي اعلق عليها بعدين
    سلام

     
  • At 26 June 2007 at 12:25:00 GMT, Blogger عمرو المصري said…

    انا شايف ان في مدونات كتير مش اسلامي صرف حبة بتكتب اسلامي وحبة مش اسلامي وانا بايد الراي اللي قال انك تنزل تصور خاص او تحط شروط معينة للي نقدر نسميه مدون اسلامي

    تجياتي من ارض الحرب
    ارجو ان تشرفني بالزيارة

    \\\\\\\\\\\\\
    \\\\\\\\\\
    \\\\\\\



    الي اولئك الذين المهم صور اقتتال الاخوة الاشقاء في فلسطين


    الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


    الي كل من انجر وراء حملة التضليل الاعلامي التي ساقوها علينا

    الي كل ساع الي الحقيقة

    الي كل هؤلاء اهدي

    التبيان في اقتتال الاخوان

    تجدونه فقط

    في

    ارض الحرب

     
  • At 26 June 2007 at 15:24:00 GMT, Blogger belal said…

    معاكش نص بطيخة يا عبدو
    معلشي أصلي جعان شوية

     
  • At 26 June 2007 at 17:13:00 GMT, Blogger النجمة الصامدة said…

    هل أنت مسلم مهتم لأخواتك المسلمات؟
    هل تؤمن بدور المرأة في تربية وإصلاح المجتمع؟
    هل تحلم بجيل من الفتيات كالخنساء ورفيدة؟

    إذا شاركنا مقترحاتك وآرائك ورؤيتك
    على مدونة
    بـنـاتـيـت
    www.banateet.blogspot.com

     
  • At 27 June 2007 at 13:46:00 GMT, Blogger عمرو سلامة said…

    الفكرة فى حد ذاتها جميله اوى اوى اوى ... واتمنى انها تتعمل ويبقى لينا محرك بحث زى ما قال عبد الرحمن اخويا ... على العموم انا مدونتى اهيه
    http://lesa-3aish.blogspot.com/

     
  • At 27 June 2007 at 21:00:00 GMT, Blogger FloNa said…

    ربنا يكرم حضرتك يارب

    عجبني جدا حرص حضرتك وطريقة الحماسة بتاعتك :)


    بنفتقدها جدا يعني مممممم


    وبأكد على فكرة ان المفروض تنفتحوا على الغير :)

     
  • At 28 June 2007 at 01:38:00 GMT, Blogger علاء said…

    عبد الرحمن

    أحتاج لرأيك في هذا الموضوع
    http://msh-ana.blogspot.com/2007/06/blog-post_28.html

     
  • At 28 June 2007 at 07:06:00 GMT, Blogger فن الحياة said…

    :):):)

     
  • At 28 June 2007 at 20:30:00 GMT, Blogger mo'men mohamed said…

    أخى العزيز فكرة رائعة و مفيده للغاية وقد تتيح لنا أن نلم شمل أفكارنا المبعثرة
    وده شىء فى مصلحتنا
    لكنى أعترض معاك تماما فى ذكر اسما المدونات بالأعلى
    لان تلك المدونات مدونات لها قدرها مهما كان
    على العموم
    جزاك الله كل خير على الفكرة
    ويمكنك ضم مدونتى ان وجدتها تصلح لوصفك للإسلاميين
    السلام عليكم

     
  • At 29 June 2007 at 13:06:00 GMT, Blogger حمساوي said…

    أنا مدون اسلامي

     
  • At 29 June 2007 at 19:23:00 GMT, Blogger المجاهدة said…

    مممم

    هيا الفكرة مش واصلالي اوى او انا مش فاهمة اوى :d

    كل الي عاجبني زي فلونا... انكم فعلاً المفروض ماتنغلقوش على نفسكم

    شوفوا بقية الناس و تفاعلوا معاهم
    حتى لو تدينهم اقل شوية

    مين عارف... ممكن لما تروحوا اي مكان تاني و تسيبوا بصمة تاخدو بإيد حد و انتو مش عارفين
    :)


    بالنسبة لمكان بيجمع المدونات كلها
    كنت رديت على الاقتراح ده في مدونة اخونا ((مش انا ))
    لو هيا حاجة زي كتاب التليفونات فيها لينكات المدونات و وصف بسيط ليهم يسهل الوصول للمدونات... ماشى

    انما هتبتدوا تعملوا اجتماعات عشان ننسق شغل كلنا نتكلم في نفس الحاجة في نفس الوقت... اعتقد انى مش موافقة على الموضوع ده بدرجة قوية

    كده هنتحول لفريق عمل
    و المدونات اصلأً معمولة عشان الناس تتكلم و تعبر عن رأيها الشخصي...
    و لو حد عاوز يعمل حاجة كبيرة هيعرف يعمل مدونة مشتركة مش هيغلب يعني
    :)

    ده رايي عامة... حسب ما فهمت
    اعتذر ان كنت فهمت غلط...

    جزاكم الله خيراً عامة
    :)

     
  • At 29 June 2007 at 20:34:00 GMT, Blogger امام الجيل said…

    الله اكبر
    بس اهم حاجة فى كلامك واللى كنت فعلا عايز اتكلم فيه من زمان هو ان المودنين الاخوان خاصة منغلقين جدا جدا جدا وخصوصا اللى بقالهم مدة فى التدوين يعنى ظهر كام مدون اخ من كام شهر ما شاء الله متحركين فى كل المدونات فده شئ مضايقنى جدا جدا مع ان ده مش من طبع الاخوان الانغلاق ده وانا موافقك فى تجمع المدونين بس مش الاسلاميين بس لان هيكون ايه القضية اللى تجمعهم وهيتحركوا ازاى يعنى اذا قلنا كل المدونين يبقى من اجل الحرية اوقع بس الاسلاميين هيطبقول الاسلام من خلال مدوناتهم مش عارف بس اعتقد من اجل الحرية اوقع

     
  • At 1 July 2007 at 16:04:00 GMT, Blogger khadiga said…

    بنر بسيط جداً ومافيهوش حاجة

    بس علشان أنا كان عليا ديووون

    !!!

    علشان بس الواحد مش ناقص يبقى من الناس اللي هما

    إذا وعد أخلف .. ربنا يعافينا

    !!!!

    http://www.algam3a.com/bb/up//download.php?filename=a64d00c731.jpg

     
  • At 1 July 2007 at 17:04:00 GMT, Blogger AbdElRaHmaN Ayyash said…

    باشمهندس اسلام
    كلامك مظبوط جدا
    لذلك انا بجمع الافكار
    على الاقل عشان نتفق على صيغة نهائية
    باشمهندس علاء كتب موضوع جميل و التفاعل فيه اكتر كتير
    جزاكم الله خيرا على التعليق
    سلام

     
  • At 1 July 2007 at 17:07:00 GMT, Blogger AbdElRaHmaN Ayyash said…

    جزاكم الله خيرا أخي عمرو على تعليقك
    و ضحت رأيي عن المدون الاسلامي سابقا
    بوركت
    سلام

     
  • At 1 July 2007 at 17:16:00 GMT, Blogger AbdElRaHmaN Ayyash said…

    :D يا بلال و الله ما فايق لك
    بس مش معايا يا غلس
    :D سلام

     
  • At 1 July 2007 at 17:18:00 GMT, Blogger AbdElRaHmaN Ayyash said…

    دخلنا يا أختنا :)
    أما نشوف آخرتها معاكن
    سلاام

     
  • At 1 July 2007 at 17:18:00 GMT, Blogger AbdElRaHmaN Ayyash said…

    أختنا فلونا
    جزاااكم الله خيرا على التعليق
    :) و ان شاء الله هيتظبط الموضوع باقتراحاتكم

     
  • At 1 July 2007 at 17:21:00 GMT, Blogger AbdElRaHmaN Ayyash said…

    أخويا عمرو
    ان شاء الله محرك البحث هيتعمل
    دعواتك بس
    نورت المدونة يا سيدي
    سلاام

     
  • At 1 July 2007 at 17:22:00 GMT, Blogger AbdElRaHmaN Ayyash said…

    عم علاء
    دخلنا و كله تمام يا فندم
    سلاام

     
  • At 1 July 2007 at 17:23:00 GMT, Blogger AbdElRaHmaN Ayyash said…

    فن الحياة باشا
    مرورك يشرفنا
    و اسمك معنا

     
  • At 1 July 2007 at 17:25:00 GMT, Blogger AbdElRaHmaN Ayyash said…

    مؤمن أخي :)
    جزاكم الله خيرا على تعليقك
    شرف لنا أن تكون معنا
    أما بالنسبة لذكر اسماء المدونات !
    و الله و الله و الله ما قصدت اي تقليل من شأنها
    بل على العكس
    أنا أعتبر مدونة مثل الفجرية أو مثل مدونة سعد الشاطر من أفضل المدونات التي أقرأها على الاطلاق
    لكني أتحدث عن التأثير في مجال المحاكمات العسكرية
    عموما جزاكم الله خيرا على التعليق
    شرفتنا
    سلام

     
  • At 1 July 2007 at 17:26:00 GMT, Blogger AbdElRaHmaN Ayyash said…

    أخي حمساوي
    معنا ان شاء الله
    بوركت

     
  • At 1 July 2007 at 17:29:00 GMT, Blogger AbdElRaHmaN Ayyash said…

    أختنا المجاهده
    كلام جميل
    لكن الفكرة بتاعتي قريبة جدا لفكرة أخي علاء
    فكرة علاء تتلخص في انه الان ما زال يطور فكرة الرابطة بغض النظر عن توجه الاعضاء
    لو حدث و كانت رابطة علاء للاخوان او للاسلاميين فسأنسحب
    أما لو ضمت الجميع .. فسأحاول مرة أخرى أن أبادر في رابطة للاخوان
    الاجتماعات ليست شرطا لترتيب العمل العام
    لكن بالتأكيد قد تكون هناك ندوات او دورات او غير ذلك .. فقط لو استطعنا الاتفاق على هيكل الرابطة و شكلها العام و انتماء اعضائها
    و فقط
    لك سلام

     
  • At 1 July 2007 at 17:32:00 GMT, Blogger AbdElRaHmaN Ayyash said…

    عمي إمام الجيل
    كلامك رائع جدا
    بالنسبة للانغلاق .,. الان و قد علمنا جميعا ما لنا و ما علينا
    لننطلق خارج حدود مدوناتنا :)
    و اسم الرابطة لا يعنينا بالفعل الان
    قد تكون رابطة مدونين بتحب مصر
    او رابطة مدونين من اجل الحرية
    او رابطة مدوني الاصلاح و التغيير حتى :):)
    المهم من ينضم
    و الخط العام كيف يكون
    فقط لا غير :)
    بوركت عمي
    سلام

     
  • At 1 July 2007 at 18:01:00 GMT, Blogger AbdElRaHmaN Ayyash said…

    أختنا خديجة
    جزاااااااااااااكم الله خيرا جزيييييييلا على البانر
    ان شاء الله ننشره
    وان شاء الله مش هتكونوا من الناس دول
    ربنا يعافيكي و يحميكي
    و ان شاء الله ترجعي للتدوين
    سلام

     
  • At 9 July 2007 at 01:53:00 GMT, Blogger ** white rose ** said…

    ما شاء الله الفكرة حلوة و أنا موافقه بس في مشكلة صغنونة .... أنا معنديش مدونة ممكن أستلف بتاعتك لفه ..؟!!!

    لما أعمل مدونة إن شاء الله أبقى أدخل معاك في الرابطة دي

    سلام

     
  • At 9 July 2007 at 15:26:00 GMT, Anonymous عبدالرحمن عياش said…

    ياختي استلفيها
    ما هو ده اللي ناقص :D
    لما تيجي تعملي مدونة هديكي اسم حلو و الله
    بس قرري انتي وبس
    سلاام

     
  • At 9 July 2007 at 16:58:00 GMT, Blogger ** white rose ** said…

    مغسي ان شاء الله الجمعه اخد منك الباس وورد لول


    انا لو هعمل مدونة هيكون اسمها بمزاجي ان شاء الله و ممكن يكون اسمه هصطاد الورد لو فاكر حكايه صيد الورد دي ايام زمان اكييد لا المهم افكرك بعدين و اني اعمل مدونه ده اظن مش الوقتي لما ادخل ثانويه عامه و اخلص اعمل و لما اقنع العائلة الكريمه ده الاهم م انت عارفهم




    سلام

     
  • At 21 March 2008 at 00:22:00 GMT, Anonymous Anonymous said…

    الدليل الشامل للمدونات العربية
    سياسة ، اقتصاد ، ثقافة ، حوار ،
    أدب ، شعر ، فن والمزيد

    http://arab-blogs-guide.blogspot.com/

     
  • At 1 September 2015 at 10:08:00 GMT, Blogger 文章 said…

Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats