AbdulRahman Ayyash
 

AbdelRahman Ayyash's Facebook profile

Saturday, 16 June 2007
ده شغل وللا ؟؟؟؟
سلامو عليكم
ازيكم يا اخواننا
انا مخنوق اوي
تقدروا تقولوا اني عاوز اعيط
بجد بجد يعني حاجه تقرف
في البداية انا كنت مرتب معاكم اني هشتغل و هسافر وهزور وهعمل في البوست ده
بس اللي حصل كان غير ما توقعت تماما
الاول انا سافرت الزقازيق ماشي
و كنت عاوز اعمل شوية حاجات معرفتش اعمل اي حاجه
لا زرت أحمد ولا عمرو ولا أي حد
انا نزلت الزقازيق رحت قعدت في بيت خالي و نزلت نادي و تاني يوم كنت على بيجو اسكندرية
ااااااااااااااه
كرهتها و الله
اسكندرية دي كارثة بجد
طبعا هي قمر مصر
بس نيجي على الشغل بتاعي !! ونقف
بصوا .. انا بشتغل ازاي
من تسعة الصيح ولسة راجع حالا
الساعة دلوقتي اتنين و خمسة
و بكتب بسرعة جدا عشان لازم اروح انام واصحى الساعة 9 تاني
الشغل في مول سان ستيفانو و فندق فور سيزونز .. بوصل شبكات كمبيوتر وبعمل حاجات جميلة اوي
شغل راائع
بس وقته .. زفت
زفت
وزفت
ازاي ؟
أنا لا بعرف افتح نت !
ولا عارف اكلم حد من اصدقاء اسكندرية اشوفهم
ولا حتى عارف اكلم امي و ابويا غير مره في اخر اليوم زي من نص ساعه
لأن بسلامته موبايلي بايظ
حاولت اسافر القاهره .. قالولي انسى
قلتلهم ليه
قالولي انت جاي تشتغل مش تتفسح
قال يعني انا في القاهره هتفسح !
انا اتخنقت يا اخواننا
اتخنقت من الشغل
واتخنقت من كل حاجه و الله
صحيح يا بلال . انا بحبك في الله
رسالتك وصلت واول لما افوق هبعت لك و الله
عبد الله الشامي .. اعذرني و الله انا متبهدل
يا استاذ ياللي معرفتش اقابله :):) بحبك في الله وان شاء الله قريب هقدر اجيلك مخصوص اقابلك عشان الموضوع
( مش عارف اصلا بتقرا المدونة وللا لا.. بس اهه الكلمة ممكن توصل لك )
عموما يا اخواننا
دلوقتي الموضوع مش عارف اعمل فيه اي حاجه
لا نت ولا ملتقى ولا مدونة
بعتذر لاخواننا في كتيبة الصحوة في الملتقى
وبعتذر لاخواننا اللي انا مش عارف ارد على تعليقاتهم
بس و الله قراتها كلها
وزرت مدونة الاخت مسلمة كمان
بس انتو مش عارفين انا عامل ازاي فعلا
و الله هعيط :S:S
بيقولوا اني كده هسترجل
انا فعلا حسيت اني بناتي على الاخر :S
بس و الله ما ينفعش الاسلوب ده
يعني المفروض نوازن بين الشغل و التدريب و الكورسات و النت و الترفيه
انا مش عارف اعمل غير الشغل .. وطبعا مش قادر اعمله بيرفيكت عشان مش قادر اركز فيه
المشكلة التانية مش في كده
المشكلة الاكبر في اخواننا اللي معايا
انا اكتشفت ان اصغر واحد فيهم اكبر مني بتمان سنين
طبعا مش بيصلوا الحمد لله
بس واحد منهم محترم
و التاني رغم انه ما بيصليش الا انه قرأ سورة الكهف وهو اللي فكرني بيها امبارح الجمعة
أما التالت
ربنا يعافينا ويعافيكم
هو احنا كلنا طبعا في شقة واحده
التالت ده بقى يا حبايبي الحلوين .. بيشرب خمرة وحشيش بس
عشان يظبط دماغة
و المهندس المسؤول عارف
و الله انا اتخنقت اوي وانا بكتب الكلمتين دول
كنت فاكر اني هرتاح شوية
مش عارف اعمل اي حاجه
بالله عليكم ادعولي ان ربنا ييسر لي
لأن الموضوع غبي بشدة
انا ممكن الم هدومي وامشي
بس منظري و منظر خالي و منظر بابا اللي جابوني هنا .. طبعا مش هيكون لطيف مطلقا
و برضه عاوز اثبت نفسي
بس بعقل
مش بالغباء ده
عاوز اتفسح شوية
و الله انا في المول بتاع سان ستيفانو
طول النهار طالع نازل بس عينيا مش في راسي .. مش مركز ولا عارف الف في المول حتى
بس فعلا من الشغل ده اكتشفت حاجات كتير
عمري ما كنت هتعلم الحاجات اللي انا اتعلمتها في التلات ايام دول ولا في تلات سنين لو من غير شغل
هتدعولي يا اخواننا
صح ؟
الله يخلليكم ادعولي
عموما انا محتمل اعتذر عن الشغل من اول الاسبوع الجاي لو هيفضل بالشكل ده
لكن في نفس الوقت مش عاوز افوت فرصة زي دي هتتكتب في السي في بالبنط العريض :D
كان نفسي اكتب عن مراجعات فكرية المره دي
و كان نفسي انشر مقال كتبته عن انتخابات الشورى في طلخا
ان شاء الله ملحوقة
دعواتكم بس
سلامو عليكم
بحبكم في الله
أخوكم
أنا :)

Labels:

posted by AbdElRaHmaN Ayyash @ 22:45  
71 Comments:
  • At 16 June 2007 at 23:38:00 GMT, Blogger فاروتا المصرى said…

    يعنى انت نزلت اسكندريه من غير ما تقولى ماشى ياعم الله يكرمك
    خلاص هتلاقينى عندك اى ساعه
    انت حر

     
  • At 17 June 2007 at 08:59:00 GMT, Blogger إخوانى مخربش said…

    السلام عليكم
    ازيك ياعايش

    بس ياعايش انا هقولك حاجتين

    وقبل ما قول الحاجتين انا هدعيلك

    اللهم احفظه اللهم قوية اللهم يسر له

    1- لازم تعرف ياعبد الرحمن ان ده المجتمع فى منهم مابيصليش بس محترم جدا فوق ما تتخيل
    زى ما بنقول كده ناقص يصلى ويبقى اخ
    وفى منهم مابيصلوش بس بيقروا قران
    انت ياعبد الرحمن مش هتنقى مكان الشغل على مزاجك
    يعنى مش هتروح تشتغل فى شركة اخوه بيقفلوا وقت الصلاة وبيذكروا بعض بالطاعة وما الى ذلك
    لا انت هتشتغل مع المجتمع والمجتمع مش كله اخوان

    المهم دورك انت ايه يااخى

    هل هتادر تغير فى طبيعة شغلك بما يسمح لك اظهار وجهتك الاسلامية
    هل تستطيع ان تؤثر فى اقرانك فى العمل
    هو ده النقطة المفصلية

    2-انك لازم تحط فى دماغك ان اى مكان هتشتغل فيه هتلاقى فيه الكلام ده الا طبعا لو اشتغلن فى شركة اخوة
    النقطة كلها ان تهيأ نفسك ان الوضع ده اللى مش طبيعى اصبح هو الطبيعى الان
    ووقت ما تهيأ نفسك
    هتلاقيك بتفكر فى حجات تانية غير اللى بتفكر فيها الان
    ان تسيب الشغل
    هتبدأ تفكر ازاى تغير فى اللى حواليك

    بص لعشر الكوب المليان يا حاج

    ربنا معاك

     
  • At 17 June 2007 at 10:13:00 GMT, Blogger bedo said…

    بص ياعم عبدو

    ربنا يعينك والله

    وأكيد هندعيلك

    ولكن فكر ليه ربنا حطك في المكان ده ومع الناس دي بالذات
    وشوف دورك إيه

    وحاول حتى لو هتسيبهم تسيب حاجة جواهم عمرها متتنسي ولا تتمسح من جواهم

    وتذكر حديث الرسول عليه الصلاة والسلام

    إستعن بالله ولا تعجز

    أخوك

     
  • At 17 June 2007 at 15:36:00 GMT, Anonymous أحمد محمد مرسي said…

    السلام عليكم
    يا سيدي طبعا انت عارفني طياري
    بس انت عارف اني من الزقازيق
    يا اخي كنت اتصل و لا كلمني علي النت كنت استقبلك ما انت عارف الشراقوة اد ايه كرمة
    علي العموم انا مش هاطول عليك
    عشان انت وراك شغل و نوم وشغل
    عشان السي في بتاعك
    هههههههههههه
    مافيش وقت للرغي علي العموم الله يعينك و يباركللك في وقتك ويسهلك كل صعب
    شد حيلك و الله المستعان
    بعد اذنك طبعا هاضيفك عندي
    انا اعرف انك مش هتمانع بس لازم استاذن الاول
    سلاااااااااااام وربنا معااك

     
  • At 17 June 2007 at 15:49:00 GMT, Blogger belal said…

    هه
    ازيك يا بني

    ايه يا بني ماتلطم أحسن

    انت هاتستعبط ...يعني انت شغال في المجال اللي انتا بتحبه ..واللي انتا عاوز تشتغل فيه ..وبتقول فيه أشعار

    وكمان بتقول إنه مفيد جدا وهايتحط في السي في بتاعك ..وكمان في لااسكندرية

    يعني اماء والهواء والشغل والوجه الحسن

    عاوز ايه كمان

    عشر كوب ايه يا جدعان دا الكوب كله مليان بس عبرحمن ..بيبص بره الكوب خالص

    يللا بأه عشان ماتخانقش معاك

    سلام

     
  • At 17 June 2007 at 16:08:00 GMT, Blogger belal said…

    اه نسيت أقولك ...يا عبيط

    يعني عاوز تشتغل ازاي

    في البحر والشمس والأخت اللي بتحبها بتجري ورا ابنك وابنها ...وكباية العصير في ايدك
    .....
    وأختك بتقولك.. يقولون أن في بلادنا عبيط
    البت طلع مكشوف عنها الحجاب

    ...نعم في بلادنا عبيط اسمه عبد الرحمن عياش

     
  • At 17 June 2007 at 20:20:00 GMT, Blogger بهاء said…

    مبروك الشغل يا كابتن
    اصبر شوي واجمد وخليكي راجل
    وان شاء الله بالآخر نلاقيك بتشيش
    يلا استحمل
    كلها شوية وتهون

     
  • At 17 June 2007 at 20:39:00 GMT, Blogger فاروتا المصرى said…

    انت ياد كلمنى انا بحاول اكلمك تليفونك بايظ
    0127898210

    كلمنى ضرورى ارجوك علشان انزلك
    انت فين فى سان استيفانو فى اى مكان فى المول
    علشان منزلش ادور وامشى
    سمعت ياااد
    0127898210

     
  • At 17 June 2007 at 21:37:00 GMT, Blogger groslag said…

    أولا زعلان جدا لأنك فى اسكندرية وماقلتلناش بيجى نفسحك شوية ...ثانيا ربنا يصبرك ويقويك وتكمل الشغل لأخره عشان تثبت ان المحظورين بيشتغلو تحت أى ظرف من الظروف ..ثالثا انت فين فى سان ستيفانو يا شقى ..الله ..ده أخوان اسكندرية مش بيروحوا هناك جاى حضرتك من المنصورة و بتشتغل هناك...هىهىهىهىه والله حاجة تموت من الضحك..الله معك

     
  • At 17 June 2007 at 22:32:00 GMT, Blogger محمد الجغرافى said…

    سلام عليكم
    بس بقى كفايه يا عبدوه انا خلاص هعيط
    وبعدين انا عايزك تنشف بقى كده وتعرفهم
    مين هما رجالة المنصورة
    وبعدين المسلم بيثبت نفسه فى المكان اللى بيتحط فيه
    متقوليش حشيش ولا مخدرات ولا الكلام ده
    انا عايزك تفرجنا بقى على التطبيق العملى وترجع لينا بيهم ناس محترمة
    بس اوعى انت تشيش معاهم
    هههههه
    المهم ضحكنا شوية اهوه نيجى للجد
    ياريت اول لما ترجع المنصورة فى اقرب وقت تتصل بيا او بــ عبد الحى

    ضرورى فعلا جدًا خالص

    وان شاء الله مش هننساك من دعائنا
    استعن بالله كده وتوكل على الله
    ولم هدومك وتعالى
    ههههههه
    أعانك الله
    اخوك
    friday

     
  • At 18 June 2007 at 08:40:00 GMT, Blogger الحلم العربي said…

    ربنا معاك و يوفقك إن شاء الله

    ما تقلقش و خليك قوي ...معلش اتعب شوية دلوقتى ...اكيد و انت في طريقك علشان تحقق هدفك هتيجي شوية على حاجات تانية لكن في الآخر طعم النجاح حلو و يستاهل

    المهم
    موضوع الناس اللى معاك
    انا عارفة انها بتكون صعبة لما الواحد يلاقى كل اللى حواليه بالشكل ده...لكن امال الاختبار يكون ازاي
    مش لازم ربنا يمتحنك ...انت كويس علشان اللى حواليك كويسين و بس يعني لو اللى حواليك بقوا بالشكل ده هتثبت و لا ؟؟؟؟؟

    هو ده الامتحان الحقيقى ...أنا متأكدة انك هتطلع منه أقوى إن شاء الله ....و يمكن تاخد فيه امتياز بأنك تعرف ازاي تخلى الناس دي تحبك و تتمنى تكون زيك فتتكلم انت معاهم بالحكمة و الموعظة الحسنة بدون ما تحسسهم انك انت الواعظ و هما ناس ضالة ...زو مين عارف مش يمكن تكون انت سبب في هداية واحد فيهم و يكون لك خير من الدنيا و ما فيها


    ربنا يثبتك و يقويك
    تحياتي

     
  • At 18 June 2007 at 12:52:00 GMT, Blogger just-amuslim said…

    من أخبرك يوما ..أن للقمة سلم مصعد ؟؟؟


    لتعلم انه كاذب ..

    للقمة طريق واحد ..تصعده درجة درجة ..

    وان رفضت ..فلا قمة ولا نجاح ..

    ولك حرية الاختيار ..

     
  • At 18 June 2007 at 13:26:00 GMT, Blogger اسلام رفاعى said…

    ربنا يعينك ياعبدو وقلبى معاك وحاول تقابلنى انا اسكندرانى بس وأحب أقولك حاجة الانسان اللى يقدر يغير من حوله انسان ناجح واللى يقدر يصنع الفرصة مش ينتظرها ناجح

     
  • At 18 June 2007 at 13:41:00 GMT, Blogger fnan_geology said…

    وان عمال اقول الواد ده مبيردش على التليفون ليه



    طب قول التليفون بايز

    يلا خير

    ربنا معاك

    وشد حيلك


    وسلاااااااااام

     
  • At 18 June 2007 at 15:21:00 GMT, Blogger محمد السيد said…

    This comment has been removed by a blog administrator.

     
  • At 18 June 2007 at 15:22:00 GMT, Blogger محمد السيد said…

    This comment has been removed by a blog administrator.

     
  • At 18 June 2007 at 20:49:00 GMT, Blogger tamooh said…

    السلام عليكم..

    أخى ..بما انى فى هندسة هفيدك بحاجة صغيرة
    احسن تعب بنشوفه فى الدراسةواحسن صداع واحسن وقت هو اللى بنقضيه فى التدريب وبالذات لما يكون فى مجال احنا حبينه ..وانا على ثقة انك حابب المجال ده..ربنا يعينك..

     
  • At 19 June 2007 at 00:10:00 GMT, Anonymous عبدالرحمن عياش said…

    سلامو عليكم
    عم فاروتا
    ربنا يكرمك ويخلليك ياارب
    و الله انا تحت أمرك في اي وقت
    بس أفوق بس

     
  • At 19 June 2007 at 00:11:00 GMT, Anonymous عبدالرحمن عياش said…

    الاخواني المخربش اللي بحترمه من قلبي وبحبه في الله
    كلامك صح و الله في حاجات كتير
    بس انا صدقني مش عارف اعمل حاجه
    خايف شوية
    انا اصغر من اصغر واحد فيهم بتمان سنين
    عموما جزاكم الله خيرا على ردك الجميل اوي ده
    وسلام
    أخوك

     
  • At 19 June 2007 at 00:12:00 GMT, Anonymous عبدالرحمن عياش said…

    عم بيدو :D
    ربنا يكرمك ويعزك
    كلمتك دي اثرت فيا اكتر مما تتخيل و الله
    وحاول حتى لو هتسيبهم تسيب حاجة جواهم عمرها متتنسي ولا تتمسح من جواهم

    و ده اللي انا هعمله ان شاء الله
    ربنا يبارك لك
    وسلام

     
  • At 19 June 2007 at 00:14:00 GMT, Anonymous عبدالرحمن عياش said…

    دكتور أحمد
    و الله انا بحبك في الله من ساعة مكا عرفتك
    و انتو كرما من غير ما حد يتكلم و الله
    :D بس انا شكلي فعلا هسيب الشغل لأن الوضع غير طعقلاني بالمره
    ربنا ييسر ويكرم
    انت تؤمر يا سيدي في اي حاجه
    وسلام

     
  • At 19 June 2007 at 00:17:00 GMT, Anonymous عبدالرحمن عياش said…

    أخويا حبيبي أخويا الأكبر
    أقصد بلال الفظيع المفتري
    :D انا عاوز الطم بيني وبينك
    ده انت و حسن رحمه يا عم
    ايه ده
    ده انا هنا وسط شوية ناس .. الحمد لله اننا من الاخوان
    سلم على اللي عندك
    و لو هتنزل القاهره في المؤتمر ده قوللي
    اما بالنسبة للكوب
    فمفيش كوب اصلا
    :D وأختي الصغيرة لما تقول في بلادكم عبيطط فهي أكيد تقصدك :D
    يللا يا عم
    سلاامو كبير اوي

     
  • At 19 June 2007 at 00:19:00 GMT, Anonymous عبدالرحمن عياش said…

    عمو بهاااااااااااااااااااااااء
    ربنا يخلليك ياااااااارب
    :D و الله انت راجل عسل
    هستحمل و مكن اسافر القاهره
    اهه هناك افضل وبعيد عن الناس اللي بيشيشوا :D
    بس لو انت شفتهم .. وحشين اوي ربنا يعافينا
    بس غير اللي بيشيشوا باحترام :D
    واحتراف
    سلام يا حبي
    دعواتك

     
  • At 19 June 2007 at 00:20:00 GMT, Anonymous عبدالرحمن عياش said…

    عم فاروتا
    ربنا يخلليك يا سيدي
    رغم انك سيحت لنفسك وانا خايف عليك و الله
    بس يللا
    دعواتك
    سلااام :D

     
  • At 19 June 2007 at 00:26:00 GMT, Anonymous عبدالرحمن عياش said…

    groslag
    ربنا يخلليك ياارب
    و الله هحاول :D
    بس سان ستيفانو ده كارثة بطجد
    هو مين سان ستيفانو اصلا
    يخرب بيته
    ده مفتري و اللي عمله مفتري و اللي بيدخلو مفتريين D:
    ربنا يستر
    دعواتك يا عم

     
  • At 19 June 2007 at 00:33:00 GMT, Anonymous عبدالرحمن عياش said…

    محمد باشا الجغرافي
    :d بس و الله اتلمنصورة هتثبت بفضلي ان مفيهاش اي رجاله خالص :d
    ده انا وحش اوي يا عم
    ان شاء الله هتصل بيكم لازم
    دعواتك بس
    يللا سلامو عليكم
    و هعمل بنصيحتك قريب جدا
    سلام

     
  • At 19 June 2007 at 00:35:00 GMT, Anonymous عبدالرحمن عياش said…

    أختنا الحلم العربي
    ربنا يخلليكي ياارب
    و الله المشكلة مش في القعده في حد ذاتها
    المشكلة في اللي معايا
    المشكلة في نظرتي للمكان
    المشكلة في حاجات اكبر كتير من الجلوس بس
    طجزاكم الله خيرا على التعليق
    ربنا يكرمك ويعزك يارب
    دعواتكم
    سلام

     
  • At 19 June 2007 at 00:37:00 GMT, Anonymous عبدالرحمن عياش said…

    أخويا مسلم بس
    و الله انت كلامك صح
    وانا عارف ان البداية لازم تكون صعبه جدا
    بس ممكن احنا نختار بدايتنا ؟
    أكيد ممكن
    لك تحياتي
    سلام

     
  • At 19 June 2007 at 00:40:00 GMT, Anonymous عبدالرحمن عياش said…

    عم اسلام
    ربنا يكرمك ويعزك ياارب
    و الله لو اقدر كنت هقابلك
    بس ربنا ييسر ويستر
    دعواتك بس
    و الفرصة و الله لازم انتهزها بأسلوب افضل من ده
    سلاام

     
  • At 19 June 2007 at 00:42:00 GMT, Anonymous عبدالرحمن عياش said…

    صاصا الجيولوجي
    :D هو بايظ من دهر و الله
    لكن الحمد لله
    ياارب يكرمك على الرد
    وسلااام

     
  • At 19 June 2007 at 00:45:00 GMT, Anonymous عبدالرحمن عياش said…

    محمد يا سيد
    حرام عليك التسييح ده يا عم
    :D
    هبقى اتصل بيك ان شاء الله
    بس همسح تعليقك عشان الارقام المترمية دي
    مع العلم ان تعليقك شافه 255 واحد
    محتمل واحد منهم يكون امن دوله وجابك يا حلو
    سلام :D

     
  • At 19 June 2007 at 00:48:00 GMT, Anonymous عبدالرحمن عياش said…

    ربنا يكرمك أخت طموح
    فعلا الموضوع كبير شوية
    لكن ان شاء الله نتجاوزه بأقل الخسائر الممكنة
    دعواتكم
    سلام

     
  • At 19 June 2007 at 11:11:00 GMT, Blogger khadiga said…

    ربنا معاك
    بس أكيد كل ده خير لك أكيييد
    " وعسى أن تكرهوا شيئاً وهو خير لكم "

    بس أنا فوجئت بالتاج لأني كنت خايفة من التاج ده بالذات يتمررلي
    !!!

    عموماً إن شاء الله هجاوب عليه

    وعلى فكرة أنا مش ناسية موضوع البنر بتاع فخور لأني مدون إسلامي

    إن شاء الله هعمله قريب زي ماو عدت

     
  • At 19 June 2007 at 16:52:00 GMT, Blogger محمود سعيد said…

    انت فى الأسكندرية ولا إيه !!!!!

     
  • At 19 June 2007 at 18:14:00 GMT, Blogger الملتقى said…

    ندعوكم للمشاركة معنا فى
    ( الملتقى )
    ملتقى امدونين
    ملتقى الافكاروالاراء
    فى مدونة واحدة تجمع افكارنا
    تسعدنا مشاركاتكم معنا

     
  • At 19 June 2007 at 21:30:00 GMT, Blogger AbdElRaHmaN Ayyash said…

    أخت خديجة
    جزاكم الله خيرا على المرور
    و منتظر فعلا اجاباتك على التاج و التصميمم
    ربنا يكرمك ويوفقك
    سلام

     
  • At 19 June 2007 at 21:31:00 GMT, Blogger AbdElRaHmaN Ayyash said…

    عم محمود
    انت بتهزر وللا ايه ؟
    :D و الله انت غريب
    ده كله ومش عارف اني في اسكندرية
    اما نشوف
    سلامو يا عم

     
  • At 19 June 2007 at 21:33:00 GMT, Blogger AbdElRaHmaN Ayyash said…

    الملتقى
    جزاكم الله خيرا على الدعوه
    لن أنسى ان شاء الله
    وسلام

     
  • At 19 June 2007 at 22:05:00 GMT, Blogger م عبدالرحمن said…

    دعوة للمشاركة فى حملة مراسلون من الارض المحتلة


    من اجل كشف الحقيقة
    من اجل الاعذار امام الله سبحانه وتعالى
    انت مدعو للمشاركة فى حملة مراسلون من الارض المحتلة

     
  • At 20 June 2007 at 17:59:00 GMT, Blogger طالب اخوانى said…

    ماشى يا باشمهندس عبدالرحمن .. ربنا يباركلك فى وقتك بإذن الله . بس يا سيدى ذى مل ليك ناس فى الزقازيق عايز تشوفهم .. برده ليك ناس فى المنصورة وطلخا كمان بيحبوك ونفسهم يشفوك .. لما ترجعلنا بس بالسلامة .. هنوريك اللى عمرك ما شفته .. فى رعاية الله

     
  • At 20 June 2007 at 18:13:00 GMT, Blogger فن الحياة said…

    كان الله في عونك :P

    كنت ناوي اعمل زيك ... بس خلاص كده :D

    الواحد لازم يتعمل من تجارب الناس ا لتانية :P

    نراكم على خير قريبا (A)
    اخوك :)

     
  • At 20 June 2007 at 23:46:00 GMT, Blogger المجاهدة said…

    ماعرفتش اقرى كل التعليقات للاسف ولا حتى عديت عليها سريعاً.. ف معلش لو كلامي مكرر

    يا اخي ربنا بيقول>>>وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ

    حضرتك هناك لحكمة لا يعلمها إلا الله

    ف اما انك تحاول تستفيد من المكان اكبر استفادة ممكنة
    او تكون الايام دي من اسوأ الايام لأن الي اتعلمته قليل و الي حصلته من شغل قليل و مش مبسوط لأنك مش شايف غير جوانب متضايقة.. من بعدك عن اهلك و اصحابك و كترة الشغل


    حضرتك حاول تخلي صدرك رحب شوية... ممكن بيك ربنا يهدي اللي معاك:)
    ممكن ااه مش هتعرف تشوف اصحابك... بس هتشوف حاجات تانية احسن بكتير هتفيدك اكتر

    هتتعلم بجد حاجات كتيرة مش هتتعلمها و حضرتك في بيتك او في اي مكان تاني بعيد عن التدريب ده...


    حضرتك عارف اكيد الكلام ده :)
    بس هيا تذكرة :):)


    و اختم كلامي بكلمة بحبها اوى.. سمعتها في مرة اتقالت من اخ فاضل

    ان ممكن ربنا عاوزك تقول الحمد لله و انتا متضايق.. زي ما بتقول الحمد لله و انتا مبسوط
    :)
    توكل على الله و دور على النقاط الكويسة و هتفهم حكمة ربنا قريب
    :)
    ربنا يعزك و يكرمك

     
  • At 21 June 2007 at 08:53:00 GMT, Blogger النجمة الصامدة said…

    أعانكم الله اخي
    رغم هذا العناء
    إلا أنك اكتشفت الحكمة
    وهي اكتساب خبرات لم تكن لتحصلها في مكان اخر
    بارك الله فيك ونفعك ونفع بك

     
  • At 21 June 2007 at 09:30:00 GMT, Blogger محمد العنانى said…

    ربنا يعينك ويوفقك
    بس خلى بالك اى حاجه بتبقى فى اولها صعب اولها وبس
    وربنا يكرمك انا شاء الله
    تحياتى

     
  • At 21 June 2007 at 18:23:00 GMT, Blogger خالد أبوالفضل said…

    الله يعينك ويكرمك
    تذكر يا عم عبدو
    من طلب العلا بغير كد .... أضاع العمر في طلب المحال
    وتذكر أيضا
    لا تحسبن المجد تمرا أنت آكله ... لن تبلغ المجد حتي تلعق الصبرا

    أخوك
    خالد أبوالفضل
    el-aseef.blogspot.com

     
  • At 22 June 2007 at 09:35:00 GMT, Blogger hapasa said…

    الله يعينك ويقويك

     
  • At 22 June 2007 at 16:15:00 GMT, Blogger AbdElRaHmaN Ayyash said…

    مهندس عبدالرحمن
    جزاكم الله خيرا على الدعوه
    سلام

     
  • At 22 June 2007 at 16:20:00 GMT, Blogger AbdElRaHmaN Ayyash said…

    طالب اخواني
    :D يا سيدي انا تحت امرك
    بس انتو اطلبوني على موبايلي البايظ وملكوش دعوه
    نورت المدونة
    سلام

     
  • At 22 June 2007 at 16:22:00 GMT, Blogger AbdElRaHmaN Ayyash said…

    يا عمو فن الحياة
    انت بتهزر اصلا
    :D لازم تجرب يابني و يطلع عينك عشان تتعلم
    اتعلموها بقى
    :D سلام يا حبي

     
  • At 22 June 2007 at 16:56:00 GMT, Blogger AbdElRaHmaN Ayyash said…

    أختنا المجاهده
    و الله كلام حضرتك صح جدا و متفق معاه
    لكن الموضوع دلوقتي متعلق بكوني اقدر اتأقلم مع اللي معايا او لا
    صعوبة الشغل مش مشكلة
    المشكلة الاكبر منها هي بعدي عن كل ما يمت للاسلام بصلة
    لكن واضح اني هسافر ان شاء الله
    بارادتي او غصب عني
    بس هسافر
    دعواتكم بس
    وجزاكم الله خيرا على التعليق
    سلام

     
  • At 22 June 2007 at 16:57:00 GMT, Blogger AbdElRaHmaN Ayyash said…

    أختي النجمة الصامدة
    ربنا يكرمك ويعزك
    ان شاء الله كل خير هيحصل
    دعواتكم بس
    اما الحكمة فممكن تكون في مكان تاني
    انا مش عارف
    ربنا ييسر يااااارب

     
  • At 22 June 2007 at 17:05:00 GMT, Blogger AbdElRaHmaN Ayyash said…

    مستر محمد العناني
    بيقولوا فعلا ان اول اسبوع هو الاصعب على الاطلاق
    انا مش عارف
    بس ربنا يسهل في الباقي لو في باقي

     
  • At 22 June 2007 at 17:07:00 GMT, Blogger AbdElRaHmaN Ayyash said…

    دكتور خالد
    ربنا يكرمك ويعزك
    دعواتك بس
    لازم اتعب انا عارف و الله
    بس .. ربنا ييسر

     
  • At 22 June 2007 at 17:10:00 GMT, Blogger AbdElRaHmaN Ayyash said…

    حباصة
    ربنا يخلليك
    نورت المدونة

     
  • At 22 June 2007 at 17:31:00 GMT, Blogger mesh2dra said…

    السلام عليكم

    ربنا يعينك
    يااارب

    استخير ربنا
    ويقدر اللي فيه
    الخير
    ان شاء الله

     
  • At 22 June 2007 at 23:17:00 GMT, Blogger صاحب البوابــة said…

    تشرفت للغاية بمعرفتك السريعة في المؤتمر

    وارجو ان تطول المدة القادمة عندما نتقابل سوياً لكي اتعرف أكثر عليك يا اخي الحبيب

    تحياتي

     
  • At 23 June 2007 at 13:40:00 GMT, Blogger belal said…

    رافع الأثقال الحبيب :D :D :D :D

    رافع الأثقال تحياتي لك
    رافع الأثقال استمر

    ارفع أيها الرافع العظيم

    ارفع ارفع ارفع

    ارفع فإنما بكثرة الأثقال تزدد قوتك
    أو ربما تسقط منك على قدمك
    أو ربما تسقط على غيرك
    ربما تستطيع تحمل سقوط الأثقال على قدمك لكن الأثقال لن تستطيع تحمل سقوطها على قدمك

    ارفع لعلها تقع على قدمك أيها الرافع العظيم
    ارفع واحترس من ذلك أيها الرافع العظيم
    ....
    التعليق مش له دعوة بالتدوينة ولا بيا ولا بشغلك ولا بالمدونة ولا حتى مقابلتنا الأخيرة

     
  • At 23 June 2007 at 13:42:00 GMT, Blogger belal said…

    أو رأفة بالأثقال لا ترفع

     
  • At 24 June 2007 at 04:23:00 GMT, Blogger ض/خالد said…

    لقد خلقنا الإنسان في كبد

     
  • At 24 June 2007 at 06:38:00 GMT, Blogger mo'men mohamed said…

    يا عم براحة على نفسك شويه وهدى أعصابك
    رب ضرة نافعه
    وبعدين انت قلت انك اتعلمت فى التلات أيام دول حاجات عمرك ما كنت حتتعلمها فى تلات سنين
    على العموم انا هدعيلك

    اللهم يا مقلب القلوب ثبت أخى على الإيمان
    يا رب وفقه و خليك جانبه و ساعده وو فقه وأهديه و أوعى تضله

    أصل انا عارف سان ستيفانو فيها ايه
    ربنا يستر
    السلام عليكم

     
  • At 24 June 2007 at 08:21:00 GMT, Anonymous عبدالرحمن عياش said…

    مس بسمة
    جزااااكم الله خيرا على التعليق
    انا صابر اهه
    :Dبكلمكم من الاسكندرية
    سبت الشقة اللي انا كنت فيها ورحت مكان تاني
    وان شاء الله هستخير ربنا
    و ربنا ييسر

     
  • At 24 June 2007 at 08:25:00 GMT, Anonymous عبدالرحمن عياش said…

    الباشمهندس صاحب البوابة
    و الله انا اسعداني شفتك يا سيدي
    و ان شاء الله قريب هنتقابل أكتر
    دعواتك بس
    سلااام

     
  • At 24 June 2007 at 08:40:00 GMT, Blogger AbdElRaHmaN Ayyash said…

    :d واد يا بلال
    انا عملتلك ايه يابني
    و الله انا طيب و مؤدب و كل حاجه
    :D بس بصراحة مش فاهمحاجه
    لأني لا ارفع الاثقال
    ولاأشرب الحليب قبل النوم
    روح موت
    :Dوسلام

     
  • At 24 June 2007 at 08:40:00 GMT, Blogger AbdElRaHmaN Ayyash said…

    ض خالد
    صح و الله
    كلامك مظبوط
    ربنا ييسرويتقبل

     
  • At 24 June 2007 at 08:43:00 GMT, Blogger AbdElRaHmaN Ayyash said…

    يا مؤمن المشكلة مش في كده و الله
    المشكلة في اللي معايا
    بس بجدجزاكم الله خيرا على الدعاء
    و جزاكم الله خيرا على المرروووور
    سلااام
    أخوك

     
  • At 6 July 2007 at 23:50:00 GMT, Blogger ** white rose ** said…

    ahlaaaan 3bd el ra7man ana sara bnt 5alk lw fakro ya3ny lol
    ana mkontsh a3raf enak etbahdelt fe el sho3'l da keda isa ham w ynza7 bs 3shan ma akonsh nsaba w monafqa ana fr7ana feek hhhhhh
    w el wad bta3 el 7ashesh da enta momken t2ol l3amo 3lehw hwa hyb3dak 3n el nas de laken ra2ye enak tt3amel m3 kol el nas w kol el ashkal de 3shan t7a2a2 el hdaf elly enta esht3'alt 3shano tkooon ragel !! salam now

     
  • At 9 July 2007 at 15:48:00 GMT, Anonymous عبدالرحمن عياش said…

    ماشي يا ساره :D
    على فكره انا عرفت انه انتي من قبل ما أقرأ دي
    بس يللا
    :@ فرحانه فيا ده العادي بتاعك
    بس و الله كويس انك دخلتي المدونة
    ما تقطعيش بس
    و انا هكتب دلوقتي
    سلاامو

     
  • At 9 July 2007 at 16:54:00 GMT, Blogger ** white rose ** said…

    والله العادي بتاعي إني افرح فيك ؟ مكنتش أعرف إني طيبه كده !!

    اوك مش هقطع الزيارات بس انت اللي شكلك مهنج و مش بتفتح المدونة عشان الشغل ابقى اعمل ريستارت لنفسك بس مش لازم من كووك دوور و بالليل كمان يعني خلي الغدا العصر تاكل و تحرق الاكل في الشغل مش تاكل و تنام و تكبر ههههههههههه و ربنا يصبرك في الشغل سلام

     
  • At 9 July 2007 at 19:04:00 GMT, Anonymous عبدالرحمن عياش said…

    ههههههههههههههههه
    اه مفترية كمان
    :D بس النظام اللي حضرتك بتقولي عليه ده ينفع لو انتي في المدرسة ماشي
    بس في الشغل مش هينفع يا مس
    ربنا يستر

     
  • At 9 July 2007 at 19:04:00 GMT, Anonymous عبدالرحمن عياش said…

    ههههههههههههههههه
    اه مفترية كمان
    :D بس النظام اللي حضرتك بتقولي عليه ده ينفع لو انتي في المدرسة ماشي
    بس في الشغل مش هينفع يا مس
    ربنا يستر

     
  • At 10 July 2007 at 01:15:00 GMT, Blogger ** white rose ** said…

    ممكن سؤال .. هو مفترية دي مدح ولا ذم؟!! جاوب بإنها مدح أسلم لم مليون مرة و فكر قبل ما ترد ههههههههههه
    الغدا في نص اليوم ده نظام مدارس مكنت اعرف اصلى كنت بتغدى بعدمااخلص دروس تقريبا طب افطر كورن فليكس و لبن جهينه و اتعشى حاجه خفيفه احسن و مش لازم كووك دور


    اعتراف صغير ..
    أنا مش عايزاك تاكل كوك دور و خلاص
    رخااااااااااااامة من الآخر


    سلام

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats