AbdulRahman Ayyash
 

AbdelRahman Ayyash's Facebook profile

Thursday, 17 May 2007
هيييه .. دنيا !
سلام عليكم
كيفكم يا اخواننا :)
-=----=-
الفترة دي انا بذاكر لوحدي في بيت جدي و جدتي
هم مسافرين الفتره دي الزقازيق
المهم
يوم التلات بالليل
الساعة واحده بالليل
كنت عاوز اتعشى
عادي يعني
قلت أتعشى
بشوف الفلوس اللي معايا
خير ربنا كتير و الحمد لله
اتصلت بالرقم المعروف ده
دليفري عادي يعني
كلفني كتير اوي بالنسبة لحالتي المادية حاليا :D
حوالي 25 جنيه
أنا عارف ان الكومبو بييجي معاه بيبسي .. وانا مقاطع
فوانا بكلمه .. قلتله لو سمحت في بديل عن البيبسي
قاللي اه .. عندنا ميرندا وبيبسي ماكس هههههههههه
عجبني الراجل ده
المهم اخدت البيبسي الماكس وشربته لأنه من غير سكر
عادي يعني
نرجع تاني
يوم الاربع الساعه 2 بالليل
عاوز اتعشى
ببص في جيبي
لقيت جنيه وربع
:D اعمل ايه دلوقتي يااربي
نزلت انا
أشوف بتاع فول وطعمية
نو ون
أشوف اي حد
ولا حاجه
قلت خلاص عوضنا على الله
رحت جنبنا في مخبز
قلتله هات فطيرة ( هبنقول عليها فطيرة لكن هي لا تمت للفطير بصلة ) بنص جنيه
ورحت عن البقال
لو سمحت عاوز بخمسه وسبعين قرش جبنة قديمة
:D انا شكلي انا اللي قديم اوي
لقيته بيقوللي مفيش حاجه اسمها بخمسة وسبعين قرش
اه يا بلد .. ما احنا كنا امبارح بنتكلم في البيبسي ماكس وللا دايت
دلوقتي بنقول نجيب بخمسة وسبعين قرش جبنه
لقيته بيقول بس عشانك انت هديك
استجمعت ما بقى من كرامه وقلتله لا لا .. يا عم بلاش
:D لقيته راح
وجابلي اللي انا عاوزه
نستفيد من القصة دي ايه :D
ان الدنيا .. كده وكده
وان كوك دور معندوش بديل
وان البقال معادش بيبيع بخمسة وسبعين قرش جبنه
هييييه .. دنيا
--------------------
مرت علينا ذكرى النكبة خاطفة زي كل سنة
السنةى دي كان لها رونق مختلف
اخواننا في فلسطين احتفلوا بذكرى النكبة على طريقة لكل مقام مقال
والنكبة لازم نحتفل بها بنكبة تانية
10 من القسام يستشهدوا
و حصار مكتب الجزيرة والعاملين فيه
قصف و تمهيد لاجتياح
تهديد باغتيالات سياسية فلسطينية فلسطينية واسرائيلية فلسطينية
من سنة 48 واحنا بنهاتي في الناس
و ..
دنيا
------------
المحاكمات العسكرية اقروها قضاة النظام
البلد بتموت بالبطئ
كل الناس مش طايقة اللي بيحصل
عبدالمنعم كاتب تدوينة من سجنه
تدوينة بتقول ان الشعب ده معادش فيه راجل
بلفظ اخر مش عاوز اقوله
:#:@:#@\
بالفعل في مشكلة كبيره احنا فيها
لكن هنفضل نتفرج علينا واحنا بنموت
ونتنهد ونقول
هييييه .. دنيا
-----------
نرجع تاني لفلسطين
أقول ان اللي بيحصل ده ظاهرة صحية
انا اللي مزعلني ان الجانبين بيسقط منهم
لكن واحد زي سمير المشهراوي
واحد زي رشيد أبو شباك
واحد زي محمد دحلان
أعتقد انهم كانوا السبب الرئيس في كثير مما حدث للشهداء
في عام 96 .. عام نكبة اخواننا في حماس في فلسطين
على ايدي اخوانهم في فتح والسلطة
استشهد يحيي عياش على يد خونة فيهم ممن ذكرت اسماءهم الان
اعتقلوا على يد كل من ذكرت اسماءهم الان
والان .. يحاولون أن يعيدوا 96
وفقكم الله اخواننا في الكتائب
ولن تنتصر الأمة ما لم تنصب المشانق لخونتها
هؤلاء الخونة في الداخل
عملاء الخارج
قطاع الطرق وقتلة الشهداء
لعنهم الله
------------------
كان في كلام تاني عاوز اقوله
نسيته
هي الامتحانات بتعمل كده
اه الامتحانات
ادعولي الله يكرمكم يا اخواننا
انا امتحاني بعد بكره
:) بدايتها فيزيا
وربنا يستر على عيالنا اللي في الكلية
ربنا يسترها يا بلال
هتدعولي يا اخواننا .. صح ؟.؟
الله يكرمكم ادعولي
:) اما نشوف اخرتها معاكم
يللا سلام عليكم
نشوفكم ان شاء الله السبت بعد الامتحان
على الاقل يعني !
سلامو عليكم

Labels: , , ,

posted by AbdElRaHmaN Ayyash @ 14:44  
12 Comments:
  • At 17 May 2007 at 21:15:00 GMT, Blogger جمعاوى روش طحن said…

    إيه يا عبد الرجمن
    مالك يا عم بس ..شايل طاجن ستك كده ليه
    ع العموم كان نفسى أكمل التعليق بس أخوك مزنوق ف مادة الـ
    pure
    عندى إمتحان و بذااكر
    بس حبيت إن انا أمسى عليك
    دمتم بخيير

     
  • At 17 May 2007 at 22:41:00 GMT, Blogger علاء said…

    شد حيلك يا عبده كلنا لها
    و شده و تزول
    و متقلقش انا من السنة الجاية معاك ان شاء الله
    اصلي قررت ابدا التمهيدي
    و ذاكر كويس و سيبك من المدونة اليومين دول
    لاحسن في كلام جامد هيحصل لو مشدتش حيلك
    سلام عليكم

     
  • At 18 May 2007 at 02:14:00 GMT, Anonymous هويدا said…

    هو انتوا مش من الاخوان برضو
    امال مش ناشرين ليه عن الشيخ بتاعكم اللى عمالينلوا حملة افراج
    ولا اللي بيقع منكم بتتخلوا عنه
    بجد انا مبقتش فاهمة الاخوان المسلمين دول
    فيهم ناس زى الشيخ المجاهد العظيم ده
    وفيهم ناس تانية مستهترة

     
  • At 18 May 2007 at 14:08:00 GMT, Blogger علاء said…

    يا أخت هويدا بالرحاة علينا شوية :)
    اولا بس تقصدي مين بالشيخ المجاهد ده ؟
    و حضرتك بتقولي عاملينله حملة افراج
    يبقى منين مش بننشر عنه :)

     
  • At 18 May 2007 at 14:25:00 GMT, Blogger واحـــد مـــــن الـنـــاس said…

    اخت هويدا

    مين تقصدي بالشيخ المجاهد ؟؟

     
  • At 18 May 2007 at 15:22:00 GMT, Blogger اسلام رفاعى said…

    ماشى ياعم ربنا يعينك وعلى فكرة هىة الدنيا كده يوم معاك ويوم مش معاك يوم ليك ويوم عليك
    ........................
    هوايدا تقصد الشيخ ابو الفتوح شوشة معتقل حاليا وسنه 80 سنة تضامنوا معه فى حملة الافراج عنه (مدونة انسى ).ظ

     
  • At 18 May 2007 at 16:12:00 GMT, Blogger علاء said…

    طيب ماهي الحملة شغالة

    حملة الإفراج عن شيخ المجـاهدين

    في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

    أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

    أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

    أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

    أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

    أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

    أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

    أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

    أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

    أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

    أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...


    الروابط :

    مدونة انسى تعلن بدء حملة الافراج عن شيخ المجاهدين
    http://ensaa.blogspot.com/2007/05/blog-post_17.html

    مدونة انسى تذيع نبأ اعتقال شيخ المجاهدين
    http://ensaa.blogspot.com/2007/04/blog-post_9947.html

    مجلّة "فلسطين المسلمة" تذيع فقرات من جهاد شيخ المجاهدين
    http://www.fm-m.com/2003/aug2003/story24.htm

    تقرير صحيفة المصريون عن اعتقال قدامى رجال الاخوان المسلمين
    http://www.almesryoon.com/ShowDetails.asp?NewID=34088&Page=1

    عن جهاد شيخ المجاهدين المصريين في فلسطين pdf ملف
    http://www.fm-m.com/2003/aug2003/pdf/51.pdf

    لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
    http://freeaboalftouh.blogspot.com/

    رابط تقرير جريدة الدستور عن شيخ المجاهدين بتاريخ 13/5/2007
    http://www2.0zz0.com/2007/05/17/21/81829036.jpg

    جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

     
  • At 18 May 2007 at 21:59:00 GMT, Blogger مصراوي أوي said…

    غريبة اوي يا غريب اول حكاية دي

    دانتا ابو التخطيط والتنمية البشرية تقوم من البيبسي ماكس لجنية الا ربع جبنة ههههههههه الله يضحكك يا شيخ

    ياللا ربنا معاك

     
  • At 19 May 2007 at 02:21:00 GMT, Blogger وضـّاح said…

    عادي وكما قلت يوم فطيرة وجبنة ويوم من كوك دوور

    ويوم فتح تبيع وتدور على اللي يشتريها في يوم

    وحماس حماها الله كل يوم

     
  • At 19 May 2007 at 11:15:00 GMT, Blogger الشبل المشاغب said…

    السلام عليكم
    الحكاية حلوة جدا جدا
    وتعكس حال الشعب المصرى العبيط

     
  • At 19 May 2007 at 12:25:00 GMT, Blogger AbdElRaHmaN Ayyash said…

    جمعاوي
    باشمهندس علاء
    أخت هويدا
    أخ اسلام
    عم علي
    أستاذ وضاح
    كابتن مصراوي
    والحاج الشبل
    جزاكم الله خيرا على التعليق
    و الله هي الدنيا كده :)
    أعجبني تعليقك أخي وضاح
    نعم هذه هي الحقيقة
    جزاكم الله خيرا
    أخت هويدا
    لا أفهم كيف تقولين اننا لا نهتم بمجاهدينا في السجون والحملات يطلقها اخواننا
    كلنا يد واحده
    هل سيختلف الأمر بالنسبة لك لو وضعت بانر الشيخ
    سأضعه ان شاء الله
    الحملة كلنا فيها بنشرها
    وربنا ييسر
    جزاكم الله خيرا مرة تانية يا اخواننا
    دعواتكم
    سلام

     
  • At 19 May 2007 at 13:17:00 GMT, Blogger mazagat said…

    فعلا عنوانك جميل ومعبر


    هيييه ... دنيا


    يوك كوك دور

    ويوم بقال يقلك العب بعيد يا بني



    تحياتي يا عبد الرحمن




    ... مزاجات

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats