AbdulRahman Ayyash
 

AbdelRahman Ayyash's Facebook profile

Friday, 27 April 2007
:) اعتذار.. وتدوينة

السلام عليكم ورحمة الله

ازيكم يا اخواننا

يارب تكونوا بخير

:) أخوكم فجأه اكتشف ان امتحاناته يوم 19 مايو

واكتشف فجأه برضه انه مفتحش كتاب :)

فانا بعتذر لكل الناس اللي كانو منتظرين مني تدوينة او حاجه تانية

واعتذر عن الانقطاع الجزئي

في الفترة القادمة

يعني ان شاء الله هكتب وهتابع

لكن مش هيكون أبدا زي الاول

دي كانت الحاجه الاولى اللي عاوزكم تدعولي وتعذروني فيها

----------

الحاجه التانية هي تدوينة

انتم اللي هتكتبوها يا اخواننا

كل اللي بيتابعني من فترة او من اول ما بدأت

أنا هطلب منكم طلب :)

لو سمحتم .. ممكن تحددوا لي في الفتره اللي فاتت ايه اللي ضايقكم مني

ايه اللي مش عاجبكم في اسلوبي

ايه الايجابيات اللي ممكن ازودها عشان المدونة تقدر تستوعب اكتر واكتر

وايه السلبيات اللي لازم ابعد عنها

كل السلبيات

من اول التعامل المباشر مع الناس

لحد اسلوبي في كتابة اللينكات اللي في المفضلة

بجد انتو مش عارفين الموضوع ده هيفيدني اد ايه

يعني حتى نلتقي ان شاء الله

انا عاوز من كل الناس اللي بيتابعوني انهم يحددوا زي ما يحبوا

ايه الاخطاء اللي انا بقع فيها

وايه الحاجات الكويسة اللي ممكن ازودها في المدونة

أكرر .. ده هيفيدني جدا

:) ورحم الله امرء أهدى إلي عيوبي

الكلام ده لكل الناس اللي بتتابعنا

انا عاوز اعرف انا وحش في ايه

وعاوز اعرف انا كويس في ايه
وانا عارف ان ده هيكون محرج لبعض الناس اللي عندهم نقد لاذع
فلو سمحتم اللي عاوز يكتب باسمه يكتب
واللي مش عاوز يكتب باسم تاني او بانه غريب أو مجهول :)


:) وان شاء الله وعد مني ان التدوينة الجايه هتكون تكملة لموضوع المدونين

والسلام

إلى لقاء ان شاء الله

Labels:

posted by AbdElRaHmaN Ayyash @ 02:47  
11 Comments:
  • At 27 April 2007 at 03:02:00 GMT, Anonymous الفجرية said…

    الامتحانات

    ذلك الموسم المختلف

    لن أقول الكئيب حتى لا استبق الاحداث

    ربنا يعينك ويعيننا

    الاخلاص والتركيز و تظبيط الوقت
    أهم حاجات
    دعاءنا لك بالخير

     
  • At 27 April 2007 at 04:15:00 GMT, Blogger محمود سعيد said…

    يا عم روح ذاكر يا عم :-)

    هابقى امخمخ لك فى موضوع النقد ده

    ربنا يسهل


    مفروض اروح اذاكر انا كمان صح
    :-)

     
  • At 27 April 2007 at 14:20:00 GMT, Blogger david santos said…

    Thanks for you work and have a good weekend

     
  • At 27 April 2007 at 15:10:00 GMT, Blogger فاروتا المصرى said…

    الامتحانات
    اه منها بالذات
    ربنا ينجح الاخوة والاخوات
    اما انا فخلاص بقيت فى الامانات
    لانى الحمد لله بدور على شغلانه وجوزات
    لانى اتخرجت من 4 سنوات
    ولسه بدور ست البنات

    ربنا يوفقكم كلكم يا حضرات

    اخوكم فاروتا المصرى بتاع الكلمات

     
  • At 27 April 2007 at 18:48:00 GMT, Blogger امام الجيل said…

    ربنا يسهلك امورك وتذاكر وتنجح كده وتشرفنا خليك فى مذاكرتك اليومين دول ده واجب الوقت زى ما بيقولوا

     
  • At 28 April 2007 at 00:24:00 GMT, Blogger khaled said…

    اه فعلا زى ما قالك ديفيد سانتوس
    :]

    ربنا معانا يا عبدو كلنا ذاك الرجل
    بس هنبدأ بكرا انشاء الله بجد بجد يعنى
    خلاص كلنا نبدأ بكره
    :]

     
  • At 28 April 2007 at 09:30:00 GMT, Blogger FadFadA said…

    عبدالرحمن
    يسر الله لك و وفقك في امتحاناتك
    على فكرة , من أجمل الأيام اللي فاكرها بجد أيام الامتحانات لإني كنت بقرب قوي من ربنا لإني كنت بحس إننا محتاج لتوفيقه قوي
    ففرصة تقرب من ربنا
    ديه حاجة , أما الحاجة التانية فالامتحانات دايما بتفكرني بامتحان أصعب بكتير و هو امتحان الآخرة , ربنا يوفقنا فيه كلنا
    شد حيلك و ربنا يوفقك و أعانك الله
    أشوفك بعد الامتحانات
    محمد

     
  • At 28 April 2007 at 13:44:00 GMT, Blogger AbdElRaHmaN Ayyash said…

    :)
    اخواننا
    جزاكم الله خيرا على تعليقاتكم الجميلة
    ان شاء الله نركز في المذاكرة
    دعواتكم بجد
    الواحد و الله محتاج الدعوات اوي
    ربنا يكرمكم ويعزكم
    تعرفوا :)
    انا بحمد ربنا انكم انتم اللي معايا
    و الله بجد
    الحمد لله على نعمة الاخوان دول
    سلام يا حبايب (f)
    أخوكم

     
  • At 28 April 2007 at 15:30:00 GMT, Blogger sharkawoo said…

    عبدالرحمن الدحيح ...

    ماشي يا عم ذاكر يا عم وأوعي تنسانا :D


    ربنا يعينك يا حبي ونبقي نشوف تدوينة كل يوم في الصيف ...

    دا إذا لقيت وقت :)

     
  • At 29 April 2007 at 09:34:00 GMT, Blogger omar مشروع بطل said…

    بالنسبة للاعتذار /
    كلنا هذا الرجل يا مان

    بالنسبة للسلبيات/
    أنا أقل من انى اعدل عليك

    بس لو فيه حاجة افتكرتها على طول هقولهالك

     
  • At 5 May 2007 at 16:33:00 GMT, Blogger إخوانية مصرية said…

    كل الي بيحصل ده اساسا بسبب الإمتحانات
    ربنا يوفقك يارب ياعبدالرحمن ويسمعنا عنك كل الخير
    ويوفقك جميع الطلاب يارب
    اهم حاجة استعين بالله
    وركز ونظم والوقت بالتوفيق ان شاء الله

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats