AbdulRahman Ayyash
 

AbdelRahman Ayyash's Facebook profile

Tuesday, 24 April 2007
أذوب حنينا

مش عارف ليه يا اخواننا مقفول أوي

مخنوق أوي

متضايق اوي

كنت ناوي أكتب عن الأخوات دلوقتي

وبعدها أبدأ في نشر بيان عبدالمنعم في المنظمات والسفارات اللي في القاهره

لكن واضح اني مش هقدر

أنا عارف انا مخنوق من ايه

بس أنا معملتش حاجه غلط

بالعكس .. دي ممكن تكون الحاجه الوحيدة الصح اللي عملتها من زمان اوي

بس برضه بتحاسب على الحاجه الصح

كنت بسأل امبارح دكتور حمزة

بقولله أخبارك ايه

بيرد بيقوللي لدي ما يكفيني من الحب

أنا قلت وانا كمان

بس أنا عارف

لا

أنا مشكلتي مش في اني مش بحب

ومشكلتي مش في اني مش بتحب

المشكلة في اني معنديش الثقة في نفسي اللي تخلليني اقبل بسهولة ان في حد يحبني

أنا شم بتكلم على ولاد وبنات لا سمح الله

انا بتكلم عموما

حتى على المستوى الاسري الضيق

أنا مش عارف ليه أنا بكتب الكلام ده

بس أنا مخنوق من حاجات كتير اوي

من بعض التجاهل مخنوق

من شوية عيال مخنوق

بس أنا الصح

مش لأني مش بغلط

بس لأني عارف ان دلوقتي .. أنا الصح

أنا أحسن منهم كلهم

هم منجحوش زيي

ولو كانت الظروف حطتهم في مكان أحسن مني فده لأنه قدرهم اللي أهلهم صنعوه لهم

أنا هصنع قدري اللي ربنا يستحيل يختار لي حاجه وحشه ليا

مؤمن ان كل الدنيا هتمشي ضدي لو انا مشيت صح

ومؤمن ان كل الدنيا هتكون معايا لو مشيت غلط .. والاخره .. مش هتنفعني كل الدنيا دي

يا كل اللي في بالي

اولعوا

اولعوا بجد

يعني انا مبقولش الكلمة دي كتير

بس اولعوا كمان مره


انا مش عاوز حاجه منكم

انا خسرتكم بعد اما كنت حبيتكم فعلا

وأنا زي ما أنا

وو الله انا عارف ان في شخص ما هيفهم انا عاوز اقول ايه .. بس و الله انا مقصدكش

لو كنت بتتابع مدونتي يعني .. انا مقصدكش

لكن انا اقصد ناس تانيين

ناس تانيين اوي جدا بشدة

وانا زي ما انا تاني

أذوب حنينا

لشخص لا أعرفه

كنت هقفل التعليقات

لكن قلت أسيب التعليقات

وحسب الردود .. اما أرد أنا .. أو لا أرد

سلامو عليكم

Labels:

posted by AbdElRaHmaN Ayyash @ 16:10  
38 Comments:
  • At 24 April 2007 at 17:37:00 GMT, Anonymous Anonymous said…

    ممممممم
    أولا يعني هذا شيء عادي
    طبيعة الناس بتتغير حسب الظروف وحسب الأوقات والمناسبو و و و وأشياء كثير
    يعني لما انت تشوف حد تغير من ناحيتك أولا افترض حسن نية يعني ممكن هو بمر في ظرف معين أو ممكن انت نفسك تغيرت من ناحية فحسيت ان هو تغير حاول دايما تفترض بالناس الخير وبنفسك شوية شك

    هذا أولا
    أما ثانيا
    يا سيدي البيت عندهم طريقة للحب يمكن انت تحسها ويمكن لك..شوي خفف حدة الهجوم اللي في كلامك على الكل
    قبل ما تكتب امسك نفسك وما تكتب أي حرف ابعد عن كل شيء مشجع للكتابة وامسح كل الأفكار اللي في راسك
    حاول استرخي أكتر وأكتر عشان لما تكتب تكتب كلمات من حجارة أو رصاص تضرب فيه يمين شمال وتصيب اللي غلطان واللي مش غلطان
    هذا ثانيا
    أما ثالثا
    لا تقرر نيابة عن الناس..يعني لا تقول أنا عارف ان في حد رح يفهم اني بقصده يا أخي هو له عقل يفكر به ويقدر الظروف اللي انت كتبت فيها وممكن انت تقصد مين وما تقصد مين
    وأخيرا
    خليك زي ما انت حب الناس وذوب حنينا لهم بس لا تذوب كثير حافظ على كيانك ووجودك مهما كان اللي انت بتحن له
    فاهمني يا باشا؟؟

    بهاء

     
  • At 24 April 2007 at 18:57:00 GMT, Blogger محمود سعيد said…

    يا بنى كلنا هذا الرجل

     
  • At 24 April 2007 at 21:05:00 GMT, Blogger بن توفيق said…

    عادى يا باشا

     
  • At 24 April 2007 at 22:26:00 GMT, Blogger اصرار أمل said…

    اذا أنت لم تشرب مرارا على القذى ؛؛؛ ظمئت وأى الناس تصفو مشاربه ؟!
    هذه الدنيا ؛ وأنت لازلت على أولى عتبات طريقك؛؛؛
    وهذا العمر هو العمر الذى تبدأ فيه الصدمات ....
    فهذه دنيا ؛ ولها من اسمها أكبر نصيب...
    لا تيأس ؛ ولا تعجز ؛ ولا تتأمل فى أشياء أكبر مما تتحمل ؛ لكى لاتأتيك الصدمات .........
    وأيضا ؛ كن على الحق ؛ واثبت عليه؛ ولا يضرك كلمة حاقد؛ أو نظرة حاسد؛؛؛
    وأخيراا
    أحبب حبيبك هونا ما ؛؛؛ عسى أن يكون بغيضك يوما ما ...
    لا تجعل الشيطان يتسلل الى قلبك ؛
    والجأ الى الله ؛ فهو ناصرك ؛ ومعينك.....
    فرج الله عنك...

     
  • At 24 April 2007 at 22:54:00 GMT, Blogger SAMT ~~ said…

    يا سلام

     
  • At 24 April 2007 at 23:57:00 GMT, Blogger فاروتا المصرى said…

    تعرف يا عم عبده انت بتفكرتى بايه بكلامك ده بس انت عارف لو مكنش الواد اساسا اكل حته الشيكولاته كان المعلم هناك ساعتها واخد منه لله حرام عليكم الكهربا شغاله مش بتون عندك بس لو الموضوع كبير يا احمد بيه ممكن اكلم موبينيل يبعتوا سباك يشوف التلاجه مالها ويجعله عامر وبنفسكم خامر وبينا تامر والسيد غتمر وماله مقامر واللى فاهم حاجه يفهمنى عبد عاييز ايه فى البوست ده واخيرا الساعه كام معاكم
    اخوكم السيد مرسى
    الاسم الحركى ليا حماده
    والشهرة فاروتا وانا اسمى


    اسمى ايه؟
    ااه افتكرت
    فاروتا المصرى

     
  • At 25 April 2007 at 01:06:00 GMT, Blogger محمد السيد said…

    أمال لو مكنتش ضارب بيك المثل وكاتب فيك قصيدة حب ... وطالب تاخدني تحت جناحك ..وعايز حد يقول عليك إنك مش الصح ???

    ياعم كفاية عليك الناس اللي هنا .... وأنا والله بحبك ياسيدي ... ومن الحالات النادرة اللي قعدت اتناقش معاها علي النت أساسا لأني مش باحب الكلام علي النت ....

    وكمان مرة والله نفسي أشوفك مرة ونقعد مع بعض ونحكي ونحكي ونحكي
    لغاية ما أزهق منك وأقول روح امشي يا ابني ............... أيوة حأقول لك كده طبعا .....مش أنا الكبير علي رأي محمود..؟؟


    بحبااااااااااااااااااااااااااااااك

     
  • At 25 April 2007 at 01:18:00 GMT, Blogger محمود سعيد said…

    محمد السيد يا عم زعق لى وقال لى ايه اللى انت بتقوله ده
    طيب قول كلمة حلوة يا تسكت

    بس اعمل ايه يا عبده نحن فى الكآبة سواء

     
  • At 25 April 2007 at 03:50:00 GMT, Blogger عبدالرحمن رشوان said…

    السلام عليكم
    أخى الحبيب عبود
    لما كلمتك على الماسنجر وجدت فيك أخا رقيقا إلى أقصى درجة
    وتحمل الكم الكبير من المشاعر الفياضة

    ولكن من وجهة نظرى يجب أن يكون الإنسان فى توازن ما بين ثلاث
    الجانب العاطفى والعقلى والبدنى
    فتتميز أنت أخى الحبيب بزيادة فى الجانب العاطفى ولكن حاول أن تكبحها بقوة عقلية
    أخيرا يقول المصطفى
    أحبب حبيبك هونا ما عسى أن يكون بغيضك يوما ما
    يعنى حب
    بس حب براحة
    ياحبى
    بحبك فى الله
    أخوك عبدالرحمن رشوان

     
  • At 25 April 2007 at 08:06:00 GMT, Anonymous أحبك في الله said…

    عبدوا
    :
    مين ده اللي زعلك..قول يابني..وانا اوريه شغله
    ..
    طب بص يا عبدو..هاقولك كلمة تزعلك
    طما تهزها شوية كده..كمان شوية
    هشتكها كمان شوية
    هتلاقي نفسك برضك غلطان
    ...
    ثم ماتجمد يا بني..اجمد أمال يا بودي
    جرى يا حج
    مش كده
    الدنيا مش هتمشي كده
    مش كل حاجة تاخدها على صدرك
    فيه كور تاخد عل القدم
    وكور عل الطاير
    مش لازم كل كورة توقفها على صدرك
    ..
    تحياتي
    بلال علاء
    ..
    أحبك في الله

     
  • At 25 April 2007 at 08:20:00 GMT, Blogger belal said…

    طي بص مادام خدتها على صدرك..شوطها.بأه
    على آخر عزمك ..بعيد بعيد خالص

     
  • At 25 April 2007 at 08:57:00 GMT, Blogger المـ(همس)ـشاعر said…

    تعرف يا عبد الرحمن ..

    مش كل الناس هتفضل زى ما هى .. و كتير الواحد بيكون فاكر غن الانسان دا كويس
    و بيطلع العكس

    بس أحسن حاجه و الله بجد .. اولا تتطنش

    تانيا صفى قلبك ..
    صفى قلبك فعلا و ما تخليش قلبك شيل من حد

    إعمل زى سيدنا عمر
    كل يوم باليل يعاهد ربنا
    يا رب الناس كلها من قلبى براء

    ربنا يكرمك يا رب

     
  • At 25 April 2007 at 08:59:00 GMT, Blogger المـ(همس)ـشاعر said…

    حاجه تانيه ..

    و طلاما انتا واثق انك صح خلاص
    كبر
    فى الاخر انت هتتحاسب على الى انت بتعمله

    و لا تزر وازرة وزر أخرى

    ربنا يوفقك :)

     
  • At 25 April 2007 at 09:04:00 GMT, Blogger عاشقة الرحمن said…

    انا مع اسماء انك لازم تصفى قلبك

    يعنى مينفعش تقاطعهم...ده فى رايى

    وان شاء الله ربنا يرزقك الصديق الى بدور عليه

    بس لازم تاخد بالك من حكايه التوازن دى

    لان ساعات الواحد يبقى منتظر حاجات معينه من الى قدامه وميلاقيهاش فبالتالى بيقفل منه ويتحول الى مشاعر سلبيه

    فاجعل حبك لله وحده ولا تغضب الا لله

    وساعتها هتلاقى نفسك مش منتظر من الى قدامك حاجه لانك بتعامل الله وحده

    وربنا يوفقك لما يحبه ويرضاه

     
  • At 25 April 2007 at 09:30:00 GMT, Blogger m_elmenofy said…

    الحقيقة انا لما قريت العنوان متوقعتش انك فعلا تكون مخنوق للدرجه ديه
    ربنا يهون عليك و يفرج همك و كربك و يشرح صدرك...اللهم امين

     
  • At 25 April 2007 at 10:27:00 GMT, Blogger Mohamed A. Ghaffar said…

    عليك بذكر الله

     
  • At 25 April 2007 at 11:20:00 GMT, Blogger Om 3omar said…

    وَمَن يَتَّقِ اللَّهَ يَجْعَل لَّهُ مَخْرَجاً{2} وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً

    الله الله في أرواحكم و أنفسكم و أجسادكم و قلوبكم و خواطركم ...

    هي أمانات أودعكم الله اياها

    فأحسنوا ضيافتها و اكرموها

    يا بني ...

    تمسكوا بما يرضي الله عنكم ..

    فقد قال الحبيب صلى الله عليه و سلم :

    (من أرضى الله بسخط الناس رضي عنه الله وأرضى عنه الناس، ومن أرضى الناس بسخط الله عاد حامده من الناس له ذاّمّاً).

    أما عن الحب بكل أنواعه ...

    فلا أملك لكم الا قول رب العزة :
    {الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ }

    و تفسيرها بأن الأصدقاء على معاصي الله في الدنيا يتبرأ بعضهم من بعض يوم القيامة, لكن الذين تصادقوا على تقوى الله, فإن صداقتهم دائمة في الدنيا والآخرة.

    فلا يهمك يا بني من أغضب الله فلن يأتي من خلاله الا كل خزي و ندمانة

    و آخر نصيحة يا بني ...
    قوله جل جلاله ..

    {وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطاً }الكهف28

    اللهم اجعلنا ممن يستمعون القول فيتبعون احسنه

    جماكم الله جميعا

    و رضي عنا و عنكم

    السلام عليكم

     
  • At 25 April 2007 at 11:49:00 GMT, Blogger AbdElRaHmaN Ayyash said…

    :) جزاكم الله خيرا يا اخواننا على تعليقاتكم
    و الله كتير منها فرحتني
    على الاقل اني حسيت ن في حد بيشاركني المحنة زي محمود سعيد
    وان في حد بينصحني باخلاص زيكم كلكم
    وان في حد عاوز يخفف عني زي محمد السيد وفاروتا
    جزاكم الله خيرا يا آيه
    جزاكم الله خيرا يا بلال أوي اوي اوي
    أستاذ محمد عبدالغفار
    ربنا يكرمك ويعزك
    باشمهندس عبدالرحمن رشوان :)
    أحبك في الله
    دكتورة أمل
    جزاكم الله خيرا بجد
    سمية العريان
    ربنا يخلليكي .. انا و الله كتبت ومسحت
    كتبت اني اكرههم في الله
    لكن لما عرضتها على قلبي .. لقيت اني مش بكرههم لله :(
    ايوة غلط مني
    بس أنا بشر
    جزاكم الله خيرا على التعليق
    عم بهاء
    آلمتني قليلا
    بس انت الصح
    بكل أسف انت الصح
    بن توفيق :)
    عادي
    فعلا عادي
    محمود يا منوفي
    ادعيلي الله يكرمك
    أم عمر :)
    أو أم عبدالرحمن أيهما أقرب :)
    و الله كلماتكم راقية جدا
    ربنا يحميكم ويعزكم
    ويصبرنا
    دعواتكم
    سلام

     
  • At 25 April 2007 at 14:18:00 GMT, Blogger حائر في دنيا الله said…

    حبيبي عبدالرحمن
    .
    .
    .
    .
    أحبك في الله

    هل عندك شك في كلمتي، ولو راجل قابلني ونا اعرفك بحلك اد ايه

    :)

     
  • At 25 April 2007 at 15:05:00 GMT, Blogger دعاء عادل said…

    عارف يا عبد الرحمن انا عجبتنى اوى ثقتك فى نفسك وده احسن حاجه بالرغم من كل شىء انشاء الله هاتحقق وتوصل لكل اللى بتحلم بيه وبتتمناة
    عارف فعلا فليذهب الجميع للجحيم
    يولع الجميع اعمل اللى انت عايزه وبس
    وربنا يوفقك
    وفعلا يا عبد الرحمن
    شىء مفقود
    مش عارفه هو ده شعار المرحله ولا ايه
    :)

     
  • At 25 April 2007 at 15:05:00 GMT, Blogger دعاء عادل said…

    عارف يا عبد الرحمن انا عجبتنى اوى ثقتك فى نفسك وده احسن حاجه بالرغم من كل شىء انشاء الله هاتحقق وتوصل لكل اللى بتحلم بيه وبتتمناة
    عارف فعلا فليذهب الجميع للجحيم
    يولع الجميع اعمل اللى انت عايزه وبس
    وربنا يوفقك
    وفعلا يا عبد الرحمن
    شىء مفقود
    مش عارفه هو ده شعار المرحله ولا ايه
    :)

     
  • At 25 April 2007 at 18:37:00 GMT, Blogger FadFadA said…

    عبدالرحمن

    زي ما عبدالرحمن رشوان ما قالك أحبب حبيبك هونا ما عسى أن يكون بغيضك يوما ما ( على فكرة أظنها مقولة لسيدنا علي بن أبي طالب )يعني مشاعرنا لازم نتحكم فيها على قد ما نقدر,و كذلك انفعالتنا
    بس أوقات بنحتاج نخرج اللي جوانا من غير تذويق و ترتيب ساعتها لازم نتكلم
    عبر عن مشاعرك بكل قوة و ما يهمكش
    حب زي ما انت عايز و ما تكسفش
    اكلم , قول , ما تترددش
    بس خللي بالك يا بطل الكلام ده لفترة معينة و ما يطولش

    من فوق هامتي الغلط
    وتحت رجلي الغلط
    و عن يميني الغلط
    و عن شمالي الغلط
    و من أمامي الغلط
    و من ورائي الغلط
    في عالم من الغلط
    يصبح منتهى الغلط
    أن أستقيم في الوسط
    ينهرني تفاؤلي
    رأيك يا هذا غلط
    أنت جميعا ثابت
    فاي ضير لو سقط
    كل بني الدنيا ... فقط ؟

    بقولك إيه انا نفسي اتعرف عليك , على فكرة انا عندي 27 سنة فهل تقبل صداقتي ؟

    محمد

     
  • At 25 April 2007 at 20:02:00 GMT, Blogger belal said…

    معاكش ربع جنيه يا عياش

     
  • At 25 April 2007 at 20:09:00 GMT, Blogger mazagat said…

    حبيبي عبد الرحمن ..

    تناقض لاحظته بين العنوان وبقية البيان ..

    لكن خير ..

    ترى لماذا شرع الله لنا سلامة الصدر والحلم والصفح الجميل ..؟؟

    قطعا لنستخدمهم في مثل هذه المواقف وليست لقرائتهم في رياض الصالحين وكفى ..

    كن واسع الصدر حليم الخلق عف اللسان
    وصدقني ستحيا حينها سعيدا ويموت من شاء بغيظه وحقده ..

    ( بيني وبينك عجبتني الكلمة دي قوي )

    أنا أحسن منهم كلهم


    هم منجحوش زيي



    ههههههه



    ماشي يا سيدي ربنا يديم نجاحك



    ... مزاجات

     
  • At 25 April 2007 at 21:29:00 GMT, Blogger وضـّاح said…

    فصبر جميل

     
  • At 26 April 2007 at 00:28:00 GMT, Blogger موسى موسى said…

    أنا أحسن منهم كلهم


    هم منجحوش زيي


    ولو كانت الظروف حطتهم في مكان أحسن

    مني فده لأنه قدرهم اللي أهلهم صنعوه

    لهم

    أنا هصنع قدري اللي ربنا يستحيل

    يختار لي حاجه وحشه ليا



    هكلمك بصراحة من اللي بتوجوع (معلش انا اسف)...مش عارف ليه حاسس في الكلام ده بدايات حقد او غل بدأت تتسرب لقلبك من غير ما تحس بيها

     
  • At 26 April 2007 at 17:20:00 GMT, Blogger أحباء فى الله said…

    انت تشبهنى كثير أخى فى شعورى
    وكويس إنك خرجت من همَّك بالكتابه
    بس أنت عارف ؟ أنا عندى بقى اللى يخرجك من همك اسرع
    قول معى :- لا إله إلا انت سبحانك إنى كنت من الظالمين
    لا إله إلا انت سبحانك إنى كنت من الظالمين
    لا إله إلا انت سبحانك إنى كنت من الظالمين
    لا إله إلا انت سبحانك إنى كنت من الظالمين
    لما سيدنا يونس رددها فى بطن الحوت بيها ربنا عمل حاجتين
    1 - شال من قلبه الهم ووضع فيه الطمانينه
    2 - أنقظه من الموت وفك عنه كربه
    رددها وأنت حتشوف النتيجه
    وصفه ربانيه

     
  • At 26 April 2007 at 19:17:00 GMT, Blogger أروى الطويل said…

    الله يسامحك أنا برضه عندي إكتئاب رهيب
    عندي امتحانات في كتب ومش عندي نفس أفتح حاجه أذاكرها
    ويوم الوقفة سد نفسي
    ودخلت انسي اتخنقت مووت ونفسي أعيط
    قرأت مدونتك دي حسييت بالكآبه
    مع إن البوست أكثر من رائع
    فك الله عنك وعن المسلميين أجمعين وأزال البلاء الجاثم علي نفوسنا منذ ولدنا
    ربنا يارب يهدينا

     
  • At 26 April 2007 at 20:29:00 GMT, Anonymous tasneem said…

    أحسن حاجة إن حضرتك تصفى قلبك من نحيتهم " و أنا عارفة كويس إن ده مش سهل بس ده راح يجى بنقتطين " : 1- إنك تبقى عارف من جواك و متأكد إنك أكبر من إللى هما بيقولوه ، 2- إنك أحسن منهم لأنك لم تجاريهم فى إسائتهم و إنك قابلت الأساءة دى بالعفو و لم تسئ لهم بالرغم مما فعلوه بك و هم قد أذوك نفسيا
    و كمان إحنا وقت أمتحانات فالمفروض نحاول نصفى ذهننا من كل المشكلات و الضغوطات النفسية دى
    هدانا الله لما يحبه و يرضاه و أبعد عنا جميعا الهم و الخزن اللهم آمين
    و السلام عليكم

     
  • At 27 April 2007 at 01:46:00 GMT, Blogger AbdElRaHmaN Ayyash said…

    حائر في دنيا الله
    و الله ما عندي شك
    وبحبك في الله يا سيدي
    أحبك الذي أحببتني فيه
    ربنا يكرمك ياارب
    -------
    دعاء عادل
    بجدأنسب شعار
    زي ما بتقولي
    شيء مفقود
    كان هنا وراح
    بس هل ياتري فعلا هم مايستاهلوش الحب ده اللي بنخرجه في صورة كره
    أعتقد انك هتفهميني :)
    ---------
    فضفضة باشا :)
    ردي عندك يا سيدي
    دعواتك
    --------
    بلال
    يا سيدي لما اقابلك اديهولك
    هتيجي على دي يعني
    --------
    عمي المرشد
    يا سيدي و الله انا هصفي نفسي من ناحيتهم
    بس المشكلة انك تحس انك بتحارب في شبح
    خيال
    انت متضايق من أفعال مش من أشخاص
    ممكن الافعال دي تتكرر
    بس الاشخاص هم هم
    دعواتك بس
    بالنسبة للنجاح :)
    مقصدتش المعنى الحرفي
    لكن انا بقول لنفسي اني احسن منهم
    وكلنا أحسن من غيره في حاجات
    وان شاء الله في المرحلة الجاية .. في اي مقارنة هكون انا الكسبان
    :) مش لأني مغرور لا و الله
    بس لأني مش هقارن في حاجه مش عندي
    بس
    ------
    وضاح
    و الله كلمتك دي رائعة
    نصبر ان شاء الله
    جزاكم الله خيرا
    ------
    موسى
    و الله ما هو حقد
    :) نفس ردي هو ردي على مزاجات المرشد
    -----
    أخي بيطري اسكندرية
    و الله يا سيدي هي دي
    ربنا ييسر ويستر ويوفقنا
    ويفرج عني وعنك ان شاء الله
    -------
    يا أروى و الله الموضوع ما هو اكتئاب وبس
    الموضوع حاجات كتير اوي والاكتئاب جزء
    بجد ربنا يفرج عننا
    دي بقت حاجه تخنق
    ------
    الاخت تسنيم
    :(
    الامتحانات
    الاكتئاب
    حرام كده بقى
    و الله حضرتك بكده فكرتيني اني متبهدل في كل حاجه
    ربنا يستر علينا السنة دي بجد
    ياارب
    دعواتكم
    بس
    سلام

     
  • At 27 April 2007 at 19:31:00 GMT, Blogger خالد أبوالفضل said…

    أخي الحبيب عبدالرحمن
    لولا حبي لك ما كنت كتبت لك
    علي كل حال

    أولا كده يعني وقبل ما نتكلم
    أنا أرجو رجاءا حارا وأتمني أن لا أكون هذا الذي تتكلم عنه
    وإلا هيجيلي حاجة كده بنسميها عندنا في البتاع اللي بيقولوا عليه طب ده حاجة يعني صدمة نفسية pysycogenic shock اسمها

    المهم يعني خلينا في الموضوع

    مش عارف ليه أنا مش بالع حتة إن :

    المشكلة في اني معنديش الثقة في نفسي اللي تخلليني اقبل بسهولة ان في حد يحبني

    وحتة :

    بس لأني عارف ان دلوقتي .. أنا الصح

    أنا أحسن منهم كلهم

    هم منجحوش زيي

    ولو كانت الظروف حطتهم في مكان أحسن مني فده لأنه قدرهم اللي أهلهم صنعوه لهم

    أنا هصنع قدري اللي ربنا يستحيل يختار لي حاجه وحشه ليا

    مؤمن ان كل الدنيا هتمشي ضدي لو انا مشيت صح
    ومؤمن ان كل الدنيا هتكون معايا لو مشيت غلط .. والاخره .. مش هتنفعني كل الدنيا دي

    صباح انعدام الثقة يعني
    هههههههههههههههههههههههه


    المهم يا صاحبي أنا عايز أقولك أنا تقريبا فهمت إنت عايز تقول إيه
    وأظن إن الكلمة الجوهرية اللي انت عايز توصلها هيا جملة :

    ولو كانت الظروف حطتهم في مكان أحسن مني فده لأنه قدرهم اللي أهلهم صنعوه لهم

    بص يا حبيبي :
    للأسف الشديد الناس دي موجودة في كل حتة .. في الجامعة .. الشغل .. المنطقة السكنية .. وحتي للأسف الشديد تجدهم أحيانا في عملك الدعوي
    فهو ابن فلان مسئول كذا وابن علان اللي ماسك كذا .. ويحسب بهذا أنه قد بلغ المنتهي .. فتجد في تعامله معك بعض ما يسمي بال........ تناكة

    أخي الحبيب : يكفينا شرفا وفخرا وتيها أننا ننتمي لدين قاعدته الأولي في هذا المجال

    " وكلكم يأتيه يوم القيامة فردا "
    وقوله صلي الله عليه وسلم لبنته فاطمة

    يا فاطمة اعملي فوالذي نفسي بيده لست أغني عنك من الله شيئا
    أو كما قال صلي الله عليه وسلم

    ويكفيك شرفا وفخرا وتيها قولك

    أنا هصنع قدري اللي ربنا يستحيل يختار لي حاجه وحشه ليا

    فقدرك صنعته أنت ولم يصنعه لك غيرك من البشر حتي لو كان أبوك (بإرادة الله طبعا)

    بس انت المهم كبر دماغك من التفاهات دي وخليك في نفسك ومن أقبل عليك فأقبل عليه ومن أدبر عنك فله القاعدة الأصيلة التي كتبتها أنت
    :

    يا كل اللي في بالي

    اولعوا

    اولعوا بجد

    يعني انا مبقولش الكلمة دي كتير

    بس اولعوا كمان مره


    انا مش عاوز حاجه منكم

    انا خسرتكم بعد اما كنت حبيتكم فعلا

    وأنا زي ما أنا

    أخيرا أخي الحبيب عبد الرحمن :
    مش عارف ليه تضايقت من لهجتك التي أعلم أنك لا تقصد مغزاها وأنه ما دفعك إليها إلا همك وغمك في قولك :

    أنا أحسن منهم كلهم

    هم منجحوش زيي

    يتهيألي أنك أول من تعلم أن إنكار الذات هو أول عوامل النجاح

    لو كنت زعلت من الحتة الأخيرة دي لك الحرية أن تمسحها .. ولكن لو لم تكن أنت أنت ما قلت لك هذا الكلام

    مع خالص حبي وتقديري العميق لك
    وأنتظر ردك

    أخوك
    خالد أبوالفضل
    el-aseef

     
  • At 27 April 2007 at 20:25:00 GMT, Blogger سفير الود said…

    عارف يا باشمهندس لما بعتلك البوست
    أو لما كتبتلك كلمات الأغنية إياها بتاعة الباشا؟
    عارف كيف كان شعوري وأحاسيسي من جوا؟
    أكيد عارف
    بس دايما خلي في بالك إن اللي بحبك يمكن يسببلك الألم
    خصوصا لو شافك بتغلط وحب يصحيك
    أحيانا بتكون خبطة جامدة على دماغك بس النية من وراها سليمة
    عشان دايما تظل متذكر خلي قلبك أبيض
    وتذكر إن فعلا في ناس ممكن تقرأ وتفهم زي ما تحب انها تفهم مش زي ما انت بتقصد
    والنتيجة انك ممكن تخسر ناس كثير بحبوك وبتحبهم عشان تفضفض عن نفسك وانت زعلان ومتضايق
    والقلوب يا سيدي مش سهل انت تعالجها
    إن القلوب إذا تنافر ودها...مثل الزجاجة كسرها لا يجبر
    وحقك علينا:)
    بهاء

     
  • At 28 April 2007 at 13:52:00 GMT, Blogger AbdElRaHmaN Ayyash said…

    دكتور خالد
    عم بهاء
    و الله بحبكم في الله :)
    أوي و الله
    وربنا يعلم
    جزاكم الله خيرا على التذكرة
    ان شاء الله مش هتتكرر يا اخواننا الطريقة دي
    :) ولو كتبت حاجه زي دي تاني هحطها في الدرافت
    ولو نشرتها هحدد انا اقصد مين بكلامي
    :) آسف على اللهجة
    آسف على الطريقة
    وسلام (F)

     
  • At 22 May 2007 at 07:42:00 GMT, Blogger groslag said…

    بص يا أخى والله حاسس بيك..وعارف انتا حاسس بأيه..بس مش عارف أقولك ايه..ربنا معاك وادعيلى معاك..أخوك من اسكندرية..محمد أنور

     
  • At 22 May 2007 at 11:01:00 GMT, Blogger AbdElRaHmaN Ayyash said…

    محمد
    ربنا يخلليك
    كتير منا بيحسوا باللي انا حاسس بيه
    بس المشكلة اننا مش بنقدر نعبر
    او بنخاف نعبر
    (F)
    سلام

     
  • At 30 May 2007 at 15:04:00 GMT, Anonymous Anonymous said…

    دي مدونتك اومفضحتك؟ ايه ده يا ابني؟ انت فاكر نفسك بتفضفض بالمسجد لاخ؟ دي نت يابا . .

     
  • At 2 June 2007 at 16:54:00 GMT, Blogger AbdElRaHmaN Ayyash said…

    يا أخ محمد في الحالتين بنفضفض
    دعواتك بس

     
  • At 1 September 2015 at 10:13:00 GMT, Blogger 文章 said…

Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats