AbdulRahman Ayyash
 

AbdelRahman Ayyash's Facebook profile

Saturday, 7 April 2007
من مؤتمر القاهرة الخامس 3 (رؤيتنا)
السلام عليكم ورحمة الله وبركاته
-------
انعقد مؤتمر القاهرة الخامس في الفترة من 29 مارس إلى 1 ابريل في ظل ظروف تكتنف محيطنا العربي والاسلامي فضلا عن محيطنا المصري
ظروف شهد العالم بأسره على كونها الأسوأ منذ قرون
ووسط تلك الأجواء ينعقد ذلك المؤتمر معلنا تضافر الجهود لمواجهة الصهيونية والامبريالية العالمية
وعلى هامشه تعقد الندوات وتقام الفعاليات من أجل الاعتراض على ظلم النظام وفضحه أمام الدنيا
وفي هذا المؤتمر سطع نجم شباب الإخوان المسلمين العاملين كما لم يسطع من قبل
سطع فهما شاملا في التعامل مع الاخر
سطع إخلاصا في وقت وجهد مبذول لله
سطع جهادا وأخوة بين الإخوان وبعضهم
نعم لقد سطع نجمهم
وكعادتنا نحن الإخوان المسلمين لا يمكن أن نخرج بتجربة بلا نقد أو إعادة تقييم
وانطلاقا من هذه النقطة فقد فكرنا في مدونة غريب أن نقيم استطلاعا بين بعض الاخوان المسلمين الذين حضروا المؤتمر
لن نسميهم
ولكننا سنقول آرائهم بكل شفافية ووضوح
المشاركون في غالبيتهم ركزوا على الإخوان المسلمين وكيفية الاستفادة من الاخطاء
وبعضهم قدم نقدا ذاتيا بناء في اغلب الاحوال
والبعض الاخر حاول أن ينتقد القوى الاخرى على غيابها عن المؤتمر

عموما .. أترككم مع تفريغ الاستطلاع
أسئلة الاستطلاع كانت تتمحور حول الاستفادة الشخصية من المؤتمر وسلبياته وإيجابياته من منظور شخصي للإخوان المسلمين
وبالطبع سأستعين ببعض ما كتب من خارج الاخوان
-----------
بدايتنا مع الاخ عمرو والذي يقول ان المؤتمر رغم ايجابياته الكثيرة الا ان الختام كان سيئا للغاية
وأقصد بالختام هنا ذلك البيان الختامي و فعاليات اليوم الاخير
ومن السلبيات التي ظهرت أيضا كانت المبالغة في بعض الأعمال بالنسبة للإخوان
,
أنا أرى أن عمرو محق فيما يقول بالنسبة للختام
فقد كان الختام - بغض النظر عن البيان الذي تلاه المشاركون ومنهم المهندس علي عبدالفتاح من الاخوان - كان ذلك الختام ضعيفا جدا بالنسبة للإخوان
وكان ختام الاشتراكيين والثوريين بلا منازع
وغاب عنه الاسلاميين بفعالياتهم .. بحفلاتهم .. بسمتهم الاسلامي الرائع
---------
الكلمة الثانية كانت مع الاخت شروق
والتي تعتبر نفسها لم تستفد على المستوى الصحفي الشخصي بقدر ما استفادت على المستوى السياسي
وترى شروق بعض السلبيات في مشاركة الاخوان المسلمين كفكرة وكأشخاص .. حيث تقول ان المشاركة كانت ضعيفة على مستوى الأشخاص
حيث لم يوفق الإخوان المسلمين في بعض الأحيان من اختيار ممثليهم في المؤتمر
كما تقول أن ذلك التمثيل لم يكن على مستوى الوعي المطلوب من معظم الإخوان
فلم يكونوا على مستوى الوعي بالاشتراكية والثورية و غيرها من الأفكار
ثم تشير إلى نقطة أخرى .. حيث تقول إن بعض الإخوة كانت لهم بعض التجاوزات
ولم تزد على هذا ولم أسأل
وتعليقي على ذلك أن الاستفادة بالفعل لعلنا لا نقيسها كلنا بمقياس واحد
فالاستفادة كونها صحفية او سياسية فهي مكسب في كل الحالات
أما بالنسبة لتجاوزات الإخوة .. بالطبع لا يمكن لنا أن نعمم ذلك .. ولا يمكن أن تتم التجربة بنسبة 100 %
بل يستحيل أن تتم التجربة كاملة
لابد أن تكون هناك أخطاء
ويرد على الاخت شروق في هذا الجانب الاخ محمود قائلا
ان تمثيل الإخوان كان رائعا في المؤتمر
تمثيلا وتحدثا وفعاليات
بالطبع لا يمكن الاعتماد على ما فهمه في المؤتمر
ولكن يمكن البناء على ذلك واعتباره قاعدة يمكن الانطلاق منها
فهو يرى ان هذا المؤتمر وإن كان هو شخصيا قد دخله وهو لا يعلم الكثير عن الاشتراكيين مثلا .. فقد خرج منه وقد فهم الكثير
أيضا يشيد محمود بتجربة الأخوات وتفاعلهم في المؤتمر مع القوى الأخرى ودورهم الإعلامي البارز
في حين يعتب على الإخوان عدم اهتمامهم بالاعلام الخارجي بشكل عام
فلم تكن التغطية العالمية للمؤتمر على مستوى الحدث
ولم تكن التغطية الاعلامية في اعلامنا العربي كاملة او واضحة الحديث عن الفعاليات
ولا يمكن أن نعتبر تقرير العاشرة مساء او تقرير للجزيرة هو تغطية للمؤتمر
وهذا خطأ يحسب على الإخوان وأجهزتهم الإعلامية
انتهى كلام محمود
على الجانب الآخر ترى الأخت آيه أن المؤتمر كان مفيدا بنسبة كبيرة للغاية على المستوى الشخصي
فهي كما تقول استفادت من صقل موهبتها الصحفية والتعامل مع الاخر

وأعتقد أنا أن هذه النقطة من أهم النقط التي ينبغي التركيز عليها
فكثير من الاخوان لم يتابعوا فعاليات المؤتمر المختلفة حيث كانوا مشاركين في اللجان
ومنهم من حاول ان يتابع ما يهمه او يخص اهتماماته
والكثيرون منهم نجحوا في أن يبنوا لأنفسهم مع الاخر قاعدة مشتركة للحوار والتفاهم
وهذه كلها ان لم تكن استفادة على المستوى الشخصي فهي استفادة للجماعة ككل وللحركة الاسلامية بشكل عام
فهي تفتح آفاقا جديدة للحوار ودارا أرحب في التعامل
نعود للآراء فنجد الأخت أسماء تقول أن المؤتمر كان مسرحا لعمل رائع وفعاليات كثيرة بالنسبة للاشتراكيين
ليس في الأفكار فحسب .. ولكن في الدعاية لانفسهم وللافكار والندوات
وعلى مستواها الشخصي تتحدث أسماء من منطلق كونها صحفية فهي تقول أن المؤتمر فتح لها آفاقا جديدة لعمل مواضيع صحفية مفيدة
وكذلك أفادها المؤتمر حيث تعرفت على أخوات جدد وشخصيات جدد من الممكن اعتبارها مصادر صحفية
وتشيد أسماء بدور الاشتراكيين في نيتهم التواصل بعد ذلك مع المشاركين من خلال توزيعهم أوراق تحمل طلب بيانات الاسم ورقم الهاتف والبريد الالكتروني
حيث أن ذلك سيجعلهم يبنون قاعدة بيانات في الامكان ان يجعلوها بداية لعمل اعلامي فاعل
كما تشيد الأخت اسماء بدور الأخوات في التواصل مع الغرب أثناء الؤتمر
وتشير إلى لفتة لطيفة من جانبهم حيث تؤكد أن تعليقهم " للدبوس الكوري " الذي ينادي بالحرية كان يعبر عن مشاركتهم كل العالم في مطالبهم
كما تؤكد أن الصور والملصقات التي صممها ووضعها الإخوان كانت رائعة وكانت أقوى من أي شيء آخر في المؤتمر
من هذا المنطلق نرى أن المؤتمر بعيوننا كان يحوي كل شيء
واستفاد منه الكثير
وهذا لا يمنع تواجد السلبيات
ولكنها تعد بداية رائعة في سنته الخامسة أن يكون المؤتمر منبعا لفكرنا الذي نريده أن يصل للعالم كله

وهنا سأضع تدوينات كتبها بعض الإخوان وغير الإخوان في التعليق على المؤتمر
التدوينة الأولى من عند ابن ناصر بعنوان
الأجانب ليهم الأولوية .. حتى عند الإخوان كمان
التدوينة الثانية من عند أسماء ياسر بعنوان
ثلاث أيام (1/2)
الثالثة من عند عبدالرحمن رشوان بعنوان
فعاليات مؤتمر القاهرة الخامس
التدوينة التالية من أسماء أنور وهي بعنوان
المؤتمر ..خواطر وذكريات اليوم الاول
ومقال عمرو مجدي الذي بعنوان
مؤتمر القاهرة الخامس .. تعددت التيارات والعدو واحد
التدوينةالسادسة عند آية علاء بعنوان
هذا طبعا بخلاف تغطية انسى عن المؤتمر
ولكن أنا أردت أن أنقل لكم الرؤى النقدية فقط
انتظر تعليقاتكم ونقدكم لما نقلته عن الاخوة والاخوات
وجزاكم الله خيرا
والسلام
أخوكم
عبدالرحمن

Labels: , ,

posted by AbdElRaHmaN Ayyash @ 14:22  
30 Comments:
  • At 8 April 2007 at 01:18:00 GMT, Blogger محمد العنانى said…

    حياك الله يا اخى
    التقيم هو خط النجاح
    تحياتى

     
  • At 8 April 2007 at 10:19:00 GMT, Blogger khaled said…

    مفيش تعليق
    هعلق على الاخوان واقول ايه
    دول معلمين كبار قوى فى الشغل والتنظيم
    ربنا يوفقهم

     
  • At 8 April 2007 at 13:36:00 GMT, Blogger عاشقة الرحمن said…

    شغل الاخوه والاخوات فى المؤتمر كان ملحوظ

    مع انى شايفه اننا كان عددنا كبير بالنسبه لنسبه الحضور

    اخد على المؤتمر عدم التجهيز الجيد ليه من قبل الاخوان وانا مع شروق ان فى سوء اختيار للشخصيات الى بتمثل الاخوان فى المؤتمر وان كانت مش بنسبه كبيره

    كان حضور الشخصيات العربيه قليل جدا امام الوفد الكورى والاوروبى

    ملحوظه جيده:ان فى اخوات مش منظمات او مشاركات فى المؤتمر شفتهم جايين من باب المشاركه الاستفاده الشخصيه ومنهم اخوات كبار فى السن فدى حاجه عجبتنى اوى

    لان الاخوات كان دورهم مهمش الى حد كبير قبل كده

    وشكرا

     
  • At 8 April 2007 at 13:47:00 GMT, Anonymous أنس الشامي said…

    بصراحة المؤتمر كان أكتر من رائع

    و السنة دي كان أفضل من السنة اللي

    فاتت بكتير ...

    و حسيت بفراغ رهيب بعد إنتهاءه ...

    إن شاء الله هكتب تدوينة قريب قوي عن

    المؤتمر ...

    تحيات صاحب الهوامش

    http://www.algam3a.com/hawamesh

     
  • At 8 April 2007 at 13:48:00 GMT, Blogger AbdElRaHmaN Ayyash said…

    محمد العناني
    جزاكم الله خيرا يا سيدي
    انتظر منك ان تعلق على المؤتمر
    تحياتي

     
  • At 8 April 2007 at 14:03:00 GMT, Blogger AbdElRaHmaN Ayyash said…

    خالد .. يا سيدي ربنا يكرمك
    بس المشكلة ان لازم في اي تجربة يكون في سلبيات وايجابيات
    ------
    عاشقة الرحمن
    و الله كان رائع فعلا
    انا مش مع حضرتك في نقطة ان الاخوات مهمشين قبل كده
    مش متفق اطلاقا
    انا مستغرب اصلا من طريقة تفكيركم دي اللي كانت واضحه فعلا في المؤتمر
    وفي تعليقات الاخوات في الختام
    ازاي نقول مهمشين وفي الاخت جيهان الحلفاوي
    ازاي نقول مهمشين وفي الدكتورة مكارم في مدينة نصر
    مهمشين ازاي وانتو اللي كنتو شايلين الاخوان وقت الانتخابات
    لو كان اللا تهميش عند اخواتنا يعني يكونو زي الاشتراكيات والثوريات في طريقتهم
    اذا .. بلا فخر .. احنا مهمشين الاخوات
    -----------
    عمنا انس
    ربنا يكرمك يا سيدي
    فعلا كلنا حسينا بالفراغ ده
    بس فعلا كان مؤتمر رائع
    تحياتي
    سلام

     
  • At 8 April 2007 at 18:56:00 GMT, Anonymous واتحنطر ..درجن درجن said…

    This comment has been removed by a blog administrator.

     
  • At 8 April 2007 at 20:26:00 GMT, Anonymous elfagreya said…

    قلت الحمد لله لما شفت التدوينة دى..

    لانى كان نفسى اجمع اراء الناس كلهم وارتبهم وكل المتابعات الشخصية بس كل يوم أقول بكره وميكنش فيه وقت..

    جزاكم الله خيرا أخى الكريم عبد الرحمن

     
  • At 8 April 2007 at 20:28:00 GMT, Anonymous elfagreya said…

    وسعيدة كمان باختلاف اراء الناس واختلاف اهتماماتهم..

    الى الان بكتب فى الجزء الثانى من 3 ايام وقريبا هينزل ان شاء الله

     
  • At 8 April 2007 at 22:12:00 GMT, Blogger عاشقة الرحمن said…

    حضرتك فهمتنى غلط

    انا اقصد ان اهتمام الاخوات قبل كده بالسياسه كان قليل اوى وده كان عيب الاخوات وليس للاخوه ذنب فى هذا

    يعنى الاخوات قبل كده مكنوش بينزلو فى حته الا بامر او تكليف لكن للاستفاده والاهتمام الشخصى مكنتش للاسف بشوفه

    اما فى المؤتمر لقيت الدنيا متغيره
    وشفت اخوات كتيره بداو ينزلو من حيث الاهتمام والاستفاده الشخصيه ودى حاجه فرحتنى وبس كده

     
  • At 9 April 2007 at 02:52:00 GMT, Blogger AbdElRaHmaN Ayyash said…

    This comment has been removed by the author.

     
  • At 9 April 2007 at 11:56:00 GMT, Blogger خالد أبوالفضل said…

    أحييك أخي عبدالرحمن علي هذه التغطية الرائعة
    أنا أحييك فعلا عليها وأكاد أقول إنها أفضل تغطية قرأتها عن المؤتمر لولا إيثارك الكتابة فيها بهذا الخط الصغير الذي أتعبني كثير
    أما أفضل ما في هذه التغطية فهو فعلا الجزء الخاص بالتقييم التي أتفق مع كثير منها
    والتي كنت أتمني أن تزيد مساحتها عن ذلك وتكثر عدد القييمات فيها أكثر من هذا ولكن أعذرك لانشغالك يا عم المشمهندس

    فقديما تعلمنا أن عوامل نجاح أي عمل هو
    التخطيط الجيد والمتابعة الفعالة والتقييم الصادق
    ولكن أقول أن المؤتمر في عمومه كان مؤتمرا ناجحا وزاد من صقل خبرتي الشخصية علي الأقل



    أدعوك لزيارة موضوعي
    طريق المجد .. طريق الشوك
    علي مدونتي
    وإمتاعنا بتعليقاتك البناءة

    وجزاكم الله خيرا
    أخوك
    خالد أبوالفضل
    el-aseef

     
  • At 9 April 2007 at 12:35:00 GMT, Blogger عاشقة الرحمن said…

    بجد مش عارفه ايه الغلط فى كلامى

    انا مع حضرتك ان فى جيهان الحلفاوى ومكارم ابو الفضل ودى كانت البدايه

    يعنى العناصر النسائيه لسه عددها صغير اوى وتتعد على الصوابع

    والحمد لله انا شايفه ان الاهتمام عند الاخوات زاد بالنقطه دى وبيزيد


    مش عارفه ايه وجه الاختلاف عند حضرتك

    ارجو الرد دون تريقه

    وشكرا

     
  • At 9 April 2007 at 13:25:00 GMT, Anonymous درجن درجن said…

    This comment has been removed by a blog administrator.

     
  • At 9 April 2007 at 16:43:00 GMT, Blogger ShAb 3AdY said…

    موضوع جميل

    ربنا يوفقك يا عبود و ابقى تعالى عندنا شوية بردة

     
  • At 9 April 2007 at 17:15:00 GMT, Blogger AbdElRaHmaN Ayyash said…

    عمر العادي :)
    ربنا يخلليك ياارب
    اعذرني يا سيدي
    ان شاء الله هقرفك :D
    بس اصبر عليا
    --------
    استاذه اسماء
    جزاكم الله خيرا على تعليقك
    وأنتظر الجزء الثاني بفارغ الصبر
    --------
    دكتور خالد حبيبي
    جزاكم الله خيرا يا سيدي
    و الله كنت عاوز اخد رأيك أكتبه بس انت اللي مش اونلاين ابدا نهائي ابسولوتلي
    بالنسبة للموضوع :) انا قرأته فعلا
    ما شاء الله جميل اوي
    تعليقي يوصلك لحد عندك ان شاء الله
    تحياتي
    سلام
    ---------
    أستاذه عاشقة الرحمن
    أعتذر فعلا لو كانت كلمتي الاخيرة ما وصلتش مظبوط
    انا حذفته عشان حضرتك متضايقيش
    لكن انا فعلا مكنتش فاهم ان ده قصد حضرتك
    واعتذر عن الصورة اللي وصلتك
    لكن انا فعلا مقصدتش
    الفكرة اللي انا فهمتها ان الاخوات مهمشين من قبل قيادة الاخوان
    ولما حضرتك وضحتي انا فعلا وصلتني الفكرة
    وده تقدم كبير جدا في طريقة تعامل الأخوات مع الواقع المعاصر خصوصا العمل العام
    فجزاكم الله خيراعلى اهتمامك والتعليق
    :) ما تقطعوش الزيارات
    سلام

     
  • At 9 April 2007 at 17:43:00 GMT, Anonymous مش أنا بجد said…

    This comment has been removed by a blog administrator.

     
  • At 9 April 2007 at 18:48:00 GMT, Blogger Arabian GiRl said…

    موضوع كويس

     
  • At 9 April 2007 at 18:48:00 GMT, Blogger belal said…

    هاهاههاهاهاهاهاهاها
    ...
    حطيت صورتك يا هندسة ..
    ..
    خدت الإذن ولا من ورا الحاج
    ....
    اقولهم انتا كنت نايم في محاضرة ايه ولا أعديها ..
    ...
    ابسولوتلي >>لأ ما شاء الله كبرت أهو
    ....
    شفت المدونيتين اللي أنا بعتهملك ..ايه رأيك أي خدمة ..
    ...
    ورب ساع لقاعد يا باشمهندس
    ...
    ربنا يرزقك ببنت الحلال
    ..
    يللا سلام يا حبي .
    .
    ربنا ينتعك بالسلامة

     
  • At 9 April 2007 at 18:50:00 GMT, Blogger belal said…

    ما تفهمنيش صح ..

     
  • At 9 April 2007 at 19:37:00 GMT, Anonymous ghost said…

    لاجل الالتباس

    اعلن عدم مسئوليتى عن اى تعليق مجهول هنا عشان عارف انك حاتظن كدا

    باعلق بجوست

    نرجع للموضوع الاصلى اللى انا مش عارف ايه هوه اصلا

    لكن خلينا نقول

    مدونتك تمثل حلقة فى سيل المدونات الاخوانيه التى ملأت البلوجسبوت

    لا يحضرنى شيء الان بهذا الخصوص تحديدا لكن نصيحتى الازليه

    شيل ام الصوره وخد اسم مستعار

    عارف ان نصيحتى دى جات متاخرة لان سعادتك زمانك شرفت هناك بملف قد الداهيه

    لكن نصيحتى دى باوجهها للاشبال والاجيال الصاعده

    الله

    الوطن

    مهدى عاكف

     
  • At 9 April 2007 at 19:44:00 GMT, Blogger AbdElRaHmaN Ayyash said…

    ايه التعليقات المجهولة دي
    يا عم انا عاجباني ام الصورة اللي مش عاجباك دي
    ممكن اشيلها في وقت لاحق
    ولو عندهم ملف لي
    فمفيش مشاكل نزوده
    وهي اخرتها ايه يعني
    ده الدستور اتعدل يا حبيبي
    ويشرفني اني اكون حلقة في عقد المدونات اللي اصحابها يحملون فكر الاخوان ..
    -----
    ههههههههه
    بلال
    شكرا على تعليقك البايظ
    سلام
    ---------
    فتاة عربية
    لك تحياتي وشرفت المدونة بمرورك
    سلام

     
  • At 9 April 2007 at 20:13:00 GMT, Blogger farota said…

    تعليق على الصورة

    ياسلام تحس انك شايف ملاك نايم
    او عصفور واقف على غصنه وهو صايم
    البراءه فى عينيه وكأنه فى الميه عايم
    ياعم اصحى وفوق ومتبقاش هايم

     
  • At 9 April 2007 at 20:41:00 GMT, Blogger مصراوي أوي said…

    دا شغل علي ميه بيضه
    معلمة
    هندسة
    مدون مدرسة

     
  • At 9 April 2007 at 22:26:00 GMT, Anonymous ghost said…

    This comment has been removed by a blog administrator.

     
  • At 9 April 2007 at 22:47:00 GMT, Blogger AbdElRaHmaN Ayyash said…

    هههههههههههههه
    ياه يا عم فاروتا
    ليه كده يعني :D
    ربنا يخلليك ياارب
    ------
    عم جوست :) .. بالله عليك اختار الفاظك
    ----------

    ربنا يكرمك يا عمي المصراوي
    احييك
    سلامو

     
  • At 9 April 2007 at 23:41:00 GMT, Anonymous ghost said…

    آدى عيبه

     
  • At 9 April 2007 at 23:52:00 GMT, Blogger عاشقة الرحمن said…

    مفيش حاجه حصلت يا استاذ عبد الرحمن تستاهل الاعتذار كله كان سوء تفاهم وخلص

    واشكر حضرتك عشان مسحت التعليق :)

     
  • At 10 April 2007 at 00:44:00 GMT, Blogger همسة قلم said…

    بداية أسلوبك الصحفي ممكن مع بعض التعديل يكون ممتاز ياعبد الرحمن :)
    لكن التقرير في مجمله وحمله وجهات النظر دي جميل جدا

    ربنا يعزك ويكرمك ويجعله في ميزان حسناتك

     
  • At 10 April 2007 at 01:20:00 GMT, Blogger AbdElRaHmaN Ayyash said…

    انا اسف يا جوست لو كنت ضايقتك
    بس انا مش عارف انت مين :)
    بس
    ------
    عاشقة الرحمن
    اكيد مفيش مشاكل
    ربنا يكرمك ويعزك
    --------
    استاذه اسماء
    جزااااااكم الله خيرا على التعليق
    :D وضحت الفكرة بالنسبة للأخطاء الشائعة في المقال
    ان شاء الله يتحسن المقال الجاي
    تحياتي
    سلام

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats