AbdulRahman Ayyash
 

AbdelRahman Ayyash's Facebook profile

Thursday, 15 March 2007
محمد عادل .. كمان مره

كان لسه بيكلمني امبارح

بيقوللي انه كان بيمتحن وهو لابس البدله البيضا

وكان بيقول انه هيتاخد

بس في شهر اربعه او خمسه

ياه يا عم محمد
قبل ما تكمل كلامك
اربعه وعشرين ساعه
مع الصف الاول ان شاء الله دنيا واخره يا سيدي
و الله ربنا ينتقم منهم

هينتقم منهم كلهم


انت عمرك ما كنت ميت

الا لو كان فعلا ضمير كل واحد في البلد دي مات

يا محمد هترجع

ان شاء الله هترجع بسرعه اوي

سيبهم يعتقلوا فينا

وصدقني

مصر هترجع لنا تاني
------



Labels: ,

posted by AbdElRaHmaN Ayyash @ 20:48  
19 Comments:
  • At 15 March 2007 at 23:02:00 GMT, Blogger shams said…

    يارب مصر ترجع لنا تاني
    وعشان ترجع تاني محتاجة شباب زي اللي بيخطفوهم من وسطينا زي ما تكون دي مش بلدهم ومش خايفين عليها ومش عايزنها تتصلح

     
  • At 16 March 2007 at 00:05:00 GMT, Anonymous أحمد عبد الفتاح said…

    محمد انا شفته قبل ما يتقبض عليه بدقيقة او اتنين عالاكتر
    كنت اول مرة اشوفه
    بس عرفت انه اخوان
    بيبان علينا
    مكنتش اعرف مين هو
    ومرة واحده حصلت هيصة وكان فيه صحفية من الغد اسمها ياسمين تقريبا بتزعق وخرجنا في نص الشارع قدام مجمع التحرير وشوية قدرور يركبوهم العربية بتاعه الترحيلات كانوا حوالي 4 أو 5 منهم محمد وانا قدرت افك من الحصار ده
    كنت ناوي اتعرف عليه لاني حسيت انه شاب كويس بس القدر ما امهلنيش الفرصة بس ان شاء الله تعرف عليه لما يخرج لنا بالسلامه سالم غانم مع كل اخوانه من المعتقل
    ----------------------------
    ممكن تتابعوا اخر اخبار المظاهرة والاعتصام من علي الرابط التالي في مدونة يالالاللي
    http://a-ablog.maktoobblog.com/?post=246433

     
  • At 16 March 2007 at 04:14:00 GMT, Blogger جبهة التهييس الشعبية said…

    اتقبض على ناس في مظاهرة
    اظن التظاهرة التدوينية مش شغب ولا حاجة
    رجاء من كل المدونين وضع هذه الأغنية في مدونتهم:
    يا قبضتي دقي على الجدار
    لحد ليلنا ما يتولد له نهار
    يا قبضتي دقي على الحجر
    لحد ما تصحي جميع البشر
    مش فاهم اللي حاصل
    لكن بقلبي واصل
    واللي مش فاهمه عقلي
    بتشرحه السلاسل
    يا قلوب بتنزف دم في العتمة
    يا قلوب بتنزف دم وتغني
    سجنوكي والكلمة
    غصبن عنها وعني
    طلعت من القضبان وم الاسوار
    الاكواد بتاعة الاغنية اهه
    رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
    الاكواد بتاعتها في الموقع ده






    كنت اخدتها من غزالي
    تصحيح اللنك



    http://www.mp3asset.com/swf/mp3/minime.swf?myid=1575758&f=3

     
  • At 16 March 2007 at 08:12:00 GMT, Blogger belal said…

    خليهم ...يقعدوا يعتقلوا فينا ..مش هيورثوا ...إلا على جثتنا

     
  • At 16 March 2007 at 08:13:00 GMT, Blogger belal said…

    رجع صورتك يا بودي ..أحسنلك ..يعني

     
  • At 16 March 2007 at 14:42:00 GMT, Blogger أنس عماد الدين said…

    محمد عادل ...

    مليون صايع

    مليون بلطجي

    مليون مدمن

    من شباب الحزب الوثني

    انت أحسن منهم بكتييير

    ...

    أخذوك .. لانك احسن من كل شبابهم ...

     
  • At 16 March 2007 at 16:56:00 GMT, Blogger AbdElRaHmaN said…

    شمس ..
    للأسف هم بياخدو الناس دول لأنهم زي ما انتي بتقولس
    دي بلدهم
    خايفين عليها
    عاوزينها تتصلح
    ربنا يفرج عننا وعنهم

     
  • At 16 March 2007 at 17:17:00 GMT, Blogger AbdElRaHmaN said…

    أحمد عبدالفتاح
    لك مني تحية سيدي الفاضل
    شرفت المدونة
    لكن و الله اللي اقدر اقولهولك عن تجربه
    ان انت بتعرف اللي من الاخوان في وسط الالف
    زي ما واحد صاحبي بيقوللي
    سيماهم في وجوههم
    ودي عن تجربه و الله
    ان شاء الله تتعرف عليه يا سيدي
    جزاكم الله خيرا على التعليق
    سلام

     
  • At 16 March 2007 at 17:19:00 GMT, Blogger AbdElRaHmaN said…

    نوارة نجم .. جبهة التهييس الشعبية
    نورتي المدونة طبعا
    ويارب ما يعتبروش التدوين بعد كده تعكير للصفو العام والميه الحلوه في البلد دي
    اللينك بتاعك مش شغال
    مش عارف ليه
    تحياتي
    سلام

     
  • At 16 March 2007 at 17:22:00 GMT, Blogger AbdElRaHmaN said…

    بلال
    على جثثنا التوريث
    وعلى جثتك لو صورتي اتحطت تاني :):)

     
  • At 16 March 2007 at 17:24:00 GMT, Blogger AbdElRaHmaN said…

    اه و الله يا انس
    احسن منهم كلهم
    و الله احسن من ملايين غيرهم
    واحسن من كل الملايين اللي ساكته ونايمه

     
  • At 16 March 2007 at 18:56:00 GMT, Blogger belal said…

    مستعد انهم ييجو ياخدو البيت باللي فيه
    بس لسبب مقنع
    مش عشان كلمتين انا كتبتهم
    >>>>
    لو شايف إنك لما تتمسك عشان المدونة
    بتاعتك ورأيك ..وإن ده سبب تافه...يبقى تبطل تدوين أحسن..من قلبي الكلام ده يا عبدو

     
  • At 17 March 2007 at 00:45:00 GMT, Anonymous أحمد عبد الفتاح said…

    محمد عادل يا شباب بخير والحمد لله
    .اليوم حضرت معاه عرض النيابة وهو ذي الفل
    حاولت ادخل ليه مصحف بس مش لحقت
    اكبر مجموعه للصور هتلاقوها علي مدونة يالالاللي عن يوم المظاهرة وعرض النيابة
    http://a-ablog.maktoobblog.com/
    وكل الشباب خدوا اخلاء سبيل بس لسةه مخرجوش

     
  • At 17 March 2007 at 01:05:00 GMT, Blogger AbdElRaHmaN said…

    حمد الله على سلامتهم كلهم يا احمد
    الحمد لله
    ربنا يفرج عن مصر ويفرحها
    ----
    بلال
    مش كل الكلام اللي يتكتب يستاهل اننا نعتقل عشانه
    كريم يستاهل انه يتمسك بتهمة اهانة الرئيس
    لأنه مش اهانه وقال ظالم
    لا
    ده شتم في عيلته وعرضه
    دي لو مش اهانة للرئيس .. تبقى سب وقذف
    فلو حصل كده بالنسبة لنا
    يبقى فعلا نستحق الحبس بتهمة زي دي
    السب والقذف
    اما اني اتحبس لأني بقول انا اخوان
    فالوضع يختلف
    انا افخر بكده
    واهلي يفخروا بكده
    سلام

     
  • At 17 March 2007 at 13:45:00 GMT, Blogger omar مشروع بطل said…

    بنحب مصر
    مش هنبطل
    مش هنسافر
    مش هنسيب


    وربنا يستر

     
  • At 17 March 2007 at 14:01:00 GMT, Blogger belal said…

    المهم ما تزعلشي يا حبي...وانت وراحتك يا عبدو...أنا قلت رأيي وانت حر..وربنا عارف ان أنا قلت كده عشانك وعشان صداقتنا ....والدين النصيحة ...ورحم الله إمرءا أهدى إلي عيوبي......وأنا مستغرب إزاي انتا رديت عليا بهداوة مع إني لو حد كان قالللي كده كنت هاشيط فيه.......
    .......
    مفيش زعل ..ماشي
    ....
    يللا سلام

     
  • At 17 March 2007 at 16:18:00 GMT, Anonymous tasneem said…

    ربنا يفك أسره و أسر أخوانه وينتقم من كل ظالم غاشم اللهم أمين أنا أتفاجئت و حزنت جدا لأنى كنت متابعة مدونته بس للأسف الظلمة دول مكتفوش بألقاء القبض عليه و أعتقاله لأ ده هما كمان بيهكروا على اللينك بتاع مدونته ولذلك و للأسف الشديد مدونته من ساعة القبض عليه وهى مش راضية تتفتح خالص "ملحوظة" أولا أنا كنت كتبت رد على البوست إللى فات بس النت هنج و ضاع التعليق ومقدرتش أعيده لأنه كان عريضة و ثانيا أنا دورت على صور كبيرة لعمو عصام زى ما حضرتك طلبت منى وسألت أولاده بس للأسف كل الصور الموجودة صغيرة " زى الصور المنشورة على مدونة أنسى و إللى أنا بعتها لحضرتك " بس هما لو لقوا صور كبيرة هيبعتوها لحضرتك بس هما فى الغالب مش حيلاقوا والسلام عليكم و رحمة الله وبركاته

     
  • At 17 March 2007 at 18:20:00 GMT, Blogger AbdElRaHmaN said…

    عم عمر باشا
    جزاكم الله خيرا على التعليق
    ومش هنسافر مش هنبطل مش هنسيب
    ---------
    بلال الكبير
    مش انت اللي انا ازعل منه يا كابتن
    اعقل كده بدل ما اتنرفز عليك
    وحمد الله على سلامة محمد
    ----------
    الاخت تسنيم
    ان شاء الله نخرج حاجه كويسة تعجبكم
    جزاكم الله خيرا على المتابعه
    بالنسبة لمدونة ميت فهي شغاله حاليا
    ومحمد الحمد لله خرج

     
  • At 1 September 2015 at 10:12:00 GMT, Blogger 文章 said…

Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats