AbdulRahman Ayyash
 

AbdelRahman Ayyash's Facebook profile

Sunday, 4 February 2007
علي .. تاني مره في يوم واحد



في وقت ما من ما بعد ظهر اليوم السابق





أتاني البشير - اللي هو علي- ليعلن أنه قد أرسل لي تاجين





أنا فرحت .. وقلت أخيرا الواحد هيغتنى





ورجعت البيت أدور ..





مفيش طرد يا اخواننا





طيب جواب وظرف مقفول





أي حاجه تدل ان في شيء ما وصلني من شخص ما في وقت ما





لكن من الواضح ان الموضوع غير كده





قلت أفتح ايميلي ألاقي فيزا فيها حساب بنك أروحه ألاقي هناك التاجين بتوع علي





لكن لا حس ولا خبر





ايميلي فيه رسالة جديده بتقول انه حان الوقت لتغيير الهوت ميل





مش موضوعنا





قلت افتح الماسنجر





لقيت علي اونلاين وفرحان





قلتله انت ياااض .. طبعا مش بالطريقة دي .. الواحد بيخاف على روحه





قلتله بمعنى اخر





بعد اذنك يا استاذ علي





فين التاجين دول





قاللي على مدونتي





طبعا انا استغربت جدا ..





وقلت ازاي هيبعت التاجين لي على بالشكل العام ده





وبعد مداولات عده على الماسنجر





انتهت باني قلتله .. يا علي حرام عليك





قول لي من ساعتها انك باعت لي استفتائين





أو سؤالين





- طبعا انا مقلتش كده بالظبط - لكن لزوم الحبكة





وذهبت لمدونة علي





وفتحت التدوينة





وقرأت الاسئلة





وجئت هنا لأضع الإجابات عن تلك الأسئلة الحيرى





---------





أما بعد ..





السؤال الأول





اية اللي حيحصل لايميلك لما تموت ؟





ايميلي هيحصل له اللي محصلش لايميل تاني





بص يا سيدي





رقم واحد هيتقفل





اتنين هيكون في مده معينه لاعادة التنشيط





تلاته هيقفلوا الاكاونت نهائي وييجي واحد يعمل ايميل بنفس الاسم ويفرح اوي من الاسم السهل اللي عمله لايميله .. وهو ميعرفش ان ده كان ايميل شخص بمثابة والده





رقم اربعه الشخص ده هيموت





خمسه هيستنوا شوية على ما يعمل تنشيط





.....


---







السؤال التاني





اديت الباس وورد لحد قبل كده؟





مممممم





أما سؤال محرج صحيح





بصراحه ايميلي الحالي لا يملك باسوورده الا انا وفقط





ولكن للعلم





فهو اسم موقع ما





او اسم قديم لموقع ما





كنت احبه





وما زلت





أما الباسووردات الاخرى





مثل باسوورد البلوج





واكاونتات الملتقى





والياهو





والجي ميل





فكلها لدى ربع العاملين على الشبكة





أعتقد أنني لم أكلم أحدا إلا ولمحت له عن باسووردي





ولم أثق في أحد الا واعطيته الباسوورد





وفرحت اوي اما لقيت ان ايميلي بيدخله عليه 6 غيري





طبعا بعدها غيرت الباسوورد





وفي النهاية





لازم ادي الباسوورد لواحد





عشان لما اموت





او اتاخد امن دوله





او اي حاجه من الحاجات الحلوه دي ..





لازم يكون في بديل .. وحد يكمل المشوار





والا ..





ايميلي هيتقفل





ويستنوا فتره لاعادة التنشيط





وفي النهايه يلغوا الاكاونت





وواحد تاني ييجي ياخده





------





لو اه كانت طبيعة علاقتك بيه اية؟





هههههههههههههههههههههههههههههههههههههه





طيب اجاوب دي ازاي





بص يا سيدي





انا اديته لأشخاص كتير





من جميع الاجناس البشرية





- الاتنين بس -





يعني اديته لبنات نعم





وولاد نعم





اما علاقتي ..





فمش عارف بصراحه





علاقة الاب بابنه ياخويا





أقوللك علاقة ايه يعني





بس جميلة اجابتك يا علي





" متجوزه عرفي "





هههههههههه





اللي بعده


---


السؤال الرابع





اســــــمك؟





عبدالرحمن م م ع ع





- الشاطر يفهمها -


---


ثم ؟





السؤال الخامس





اسم الدلع المشهور وسط اصحابك؟





اما حاجه من تلاته




بودي ودي أشهر كلمه
عبدو ودي قليله شوية
وعياش .. و الاسم ده ما زال تحت التجريب
--
بس أكتر كلمه بحب ان اصدقائي يقولوهالي .. هي بودي
بس
--


برجك؟

والله يا سيدي رغم عدم ايماني بالموضوع ده
الا اني برج الحوت
مواليد 3/3




وهذه الصورة لي لعلها تفيد

--

والسؤال اللي بعده

شخصيتك نوعها ايه؟

هههههههههههههههههه

سؤال جميل

شخصيتي آبل ما كنتوش بسيستم لينكس وعيني ديل سبعتاشر انش

يا سيدي شخصية ايه

هم بيقولوا علي هادئ لدرجة البرود

وبيقولوا عني اني تخين

وبيقولوا عني اني اجتماعي

أنا شايف نفسي انطوائي

وشايف نفسي مش محبوب بالدرجة المطلوبة

نجحت في حاجات على النت

وشايف ان السبب في ده ان الناس مش بيهمها الشكل على النت

ونجحت في حاجات على الارض .. وشايف ان السبب في ده ان الواحد اجتهد بنسبة معينه بعد ما ربنا وفقه

وفشلت في حاجات تانية .. وشايف ان السبب في ده هو انا

انا وبس

دي نوعية شخصيتي يا فذلوك

---

السفر بالنسبة لك؟

أكبر متعة في التاريخ

بهدلته متعة

البرد اللي فيه متعه

وحلاوته في الصحبة

---

المود بتاعك؟

غريب !!

وحاليا عندي برد شديد

ادعولي

---

وقت فراغك بتعمل فيه ايه؟

كمبيوتر

بصمم

ونت

ممكن أكلم أصحابي شوية
لكن مش بخرج كتير

ومش بلعب رياضة كتير
وده السبب في اللي انا فيه

---

الاكلة المفضلة؟

أكلتي هي أكلة باباي

السباااانخ

وأحب الفاصوليا

والسمك البوري

أحب البيتزا

هممممم

حرام عليك يا ابني

جوعتني والله

---

الصفات اللي خدتها من بابا؟

ممكن تقول الهدوء

شغل الاخوان

الشكل العام

الطبيعة الخجولة

---

الصفات اللي خدتها من ماما؟

القلق الكتير

طريقة الكلام

حب الناس

---

اكتر 6 حاجات بتكرهها؟

الحكام العرب وعيالهم

البيض

اللبن

اني اتحرق

اني ادخل امن الدوله ويتعمل فيا اللي ... بيتعمل في الناس ده .. متفكرونيش

اني اخرج من امن الدوله بعد اللي اتعمل فيا ده عايش .. أو .. وللا بلاش

---

اكتر 6 حاجات بتحبها؟

الكمبيوتر والنت

اصدقاء النت

(شخص معين مش عاوز حد يعرفه )

البلد دي

السفر
والملتقى

كنت كتبت كمان نقطة
قلت :
و ... بحبها هي
انسانة مش عارفها ... بس مكتوبه لي .. وأكيد هي هتحبني
لأني عارف ان الواحد على قد ما بيعطي .. على قد ما بياخد
---

الشغل بالنسة لك؟

ما أروع انك تكون بتشتغل في حاجه بتحبها

عشان هدف انت عاوزه

بدون منغصات في البلد اللي انت بتحبها

يعني من الاخر ..

شغل الهندسة بالنسبة لي .. حلم .. في انتظار التحقيق .. وهييجي

ان شاء الله

---

ايه الكمبيوتر والانترنت بالنسبة لك؟

كل حاجه

فاهمين يعني ايه كل حاجه

يعني اكلي وشربي

انا واصحابي

الدين

الحب

الدنيا بحالها
في الشاشة والكي بورد

- والسي بي يو والماوس والسماعات-

الموسيقى والاناشيد

الحلم والحقيقة

الماضي والحاضر والمستقبل

ده الكمبيوتر بالنسبة لي

--
خمس حاجات ماحدش يعرفهم عني خااالص

أوبس

دي وحشه اوي في حقي
لكن هقول

حاجتين اللي على النت ميعرفوهمش ... أو كتير من على النت ميعرفوهاش

اولا .. اني مش في هندسة المنصورة .. انا في هندسة خاص .. لكن والله بمجموع 92.5
يعني مظلووم يا بيه
ثانيا .. ان عندي 16 سنه وشوية

يعني من اصغر الناس في دفعتي

وتلات حاجات تانية

اني بحب الشيكولاته اوي

واني عارف ان بتوفيق ربنا هييجي عليا وقت واكون حققت كتير من اللي انا عاوزه

او كل اللي انا عاوزه

اخر حاجه .. ان صورتي هي اللي في الاخر دي

ومش هخاف والله

مش هتفرق كتير اني احط صورتي ولا لا

انا هحطها هنا

مش اسامه بن لادن انا

ومش مطلوب امن دوله برضه

فانا هحط صورتي هنا

وبعدها احطها على الديسبلاي بيكتشر

الصورة من تصوير عمرو مجدي
وبس

---
دول كانو التاجين على رأي علي

بس والله يا علي ذكرتني بالذي مضى

ماشي يا سيدي

شكرا يا كبير

ومستني تعليقاتكم يا جماعه
بدون شتيمه

وبدون صدمات

وسلامو عليكم

عبدالرحمن .. عياش

Labels:

posted by AbdElRaHmaN Ayyash @ 01:50  
9 Comments:
  • At 4 February 2007 at 09:10:00 GMT, Anonymous محمد مسعد said…

    أولا ماجبتش سيرة ال1.5 دولار اللي استلفتهم مني في الرحلة ثانيا أنا عارف الباس وورد القديم وأظنني عارف الجديد ثالثا أنت عسل يا بووووووووووووووووودي ونسيت تقول عبودي.................... وكفي.

     
  • At 4 February 2007 at 09:14:00 GMT, Blogger واحـــد مـــــن الـنـــاس said…

    يا شعب مصر الابي الكريم
    يا امتي العظيمة
    يا شباب مصر الكهرمائي
    انظرو
    انظروووو
    اقول لكم انظرو
    انظرو معي الى هذا الوجه الملائكي البرئ
    ذاك الوجه فاغر الثاه مبرق الباه
    ذاك الثغر المبتسم بعنفوان
    الناظر الى خيلاء الحياة
    اني اراه هو
    بل انه هو
    انه هو بالتأكيد
    اني اشم رائحة الحرب من هناك
    انه عبد الرحمن
    وما ادراك ما عبد الرحمن
    حبيب البتنجان
    قاهر الامريكان
    حبيب الرحمن
    انه عبد الرحمن
    وليس اي عبد الرحمن
    انه
    انه
    انه
    انه ايه ؟؟
    مش فاكر والله بس هوا اكيد انه


    --------
    ايه اللي انا قولته فوق ده !!
    اعذرني يا بودي
    انا منمتش بقالي سبعتاشر ساعة بقا
    بس ايه الحلاوة دي
    ايه الطعامة دي
    ايه الاجابات النموذجية دي
    يا اخي لو انا دكتور المادة اديك امتياز على هذا المجهود الجبار
    يا مدلعنا يا بودي
    يا مشخلعنا

    اما اروح انام بقا

     
  • At 4 February 2007 at 21:22:00 GMT, Anonymous عقيد عبد الفتاح مفتاح said…

    الو
    حول
    ايوة يا فندم
    الارهابي الخطير حط صورته في المدونة
    واتعرفنا عليه
    ايوة
    هبلغ جمال باشا اللوزي اليللة وامر الاعتقال هيتصدر بكرة

     
  • At 5 February 2007 at 00:27:00 GMT, Blogger AbdElRaHmaN AyYaSh said…

    هههههههههههههههههههههههههه
    اه يا محمد صح
    محمد ده يا اخواننا اللي بيتني عنده في المعرض
    أما علي
    ههههههههههههههههههههههههههههههههههه
    يا مفتري يا ظالم
    حرام عليك يا عم
    جمال اللوزي حبيبنا
    وعياله في مدارسنا
    ومتدخلش بين البتاع والبتاع يا عقيد
    والا مش هينوبك غير البتاع

     
  • At 5 February 2007 at 09:44:00 GMT, Blogger محمود سعيد said…

    حلوة الصورة

    وعلى فكرة عمرو مصورنى صورة حلوة برضه . الله ينور عليه

     
  • At 5 February 2007 at 14:41:00 GMT, Blogger nar said…

    فليحيا البطيخ مع الجبنهة القديمة والجديدة على حد سواء
    عاش نضال الصغار _يا بتاع 16 سنة
    عاشت هندسة السلاب عالية خفاقة بسطرمة جرجير موز محشي بتنجان
    عاش خيار الأمة العربية مع الخص
    مش هنخاف مش هنطاطي احنا كرهنا الصوا الواطي
    لا تخن مع الحياة ولا حياة لمن ننادي
    انتظروا الموت أيها التخناء أينما كنتم وأنا من هنا أبشر جميع الغمة العربية بقرب تطهير الأرض من التخناء العملاء الله أكبر المنخرطين المتزمتين الإرهابيين الأقحاح الله أكير سنحاربهم بالبيض باللبن هنحرقهم هنورث جمال هيههههه هنورث جمال الله أكبر انسحبوا من حياتنا أو استعدوا للقتال نحن نحب كل أطفال العالم ونكره التخناء في كل مكان لتحقيق أحلامكم ..اعملوا ريجيم
    لبن بيض استسلم لا مهرب هاجيبلك عشرين بقرة يعتصموا قدام البيت فإما الإستقلال التام أو الموت الزؤام واحد اتنين هنوريكو الويل.. أمن الدولة يا أمن الدولة فين الأمن والبسطرمة
    شخصيتك أبل تفاحة يعني أكلك منين يا بطة أكلك منين ..نصيحة أخوية يا عياش قولها صريحة ..أي تخين هيبقى دبيحة والله أكبر
    يا عياش بره بره عايزين مصر حرة حرة

    يا عياش فينك فينك أمن الدولة بيننا وبينك
    بالبطيخ بالتدويخ ..هنطلع عين البطاريخ
    والله أكبر
    الله أكبر
    الله أكبر

     
  • At 5 February 2007 at 16:11:00 GMT, Blogger AbdElRaHmaN AyYaSh said…

    هههههههههههههههههههههههههههههههههههههههههههههههههههههههه
    ايه يلا يا مسمرسع انت
    ولا يا بلال
    في ايه ؟
    هههههههههههههههههههههههه
    :D هههههههههههههههههههههههههه
    بجد مش ممكن
    حرام عليك والله
    (A)
    أحرجتنا قدام الناس
    ماشي يا خويا
    نشوفك قريبا (A)

     
  • At 5 February 2007 at 16:12:00 GMT, Blogger AbdElRaHmaN AyYaSh said…

    وأهلا يا حوده معانا
    :d اه والله عمرو بيعرف يصور فعلا
    ههههههههه
    نشوفك قريب انت كمان ان شاء الله
    على فكره انا كنت في الاسكندرية اول امبارح

     
  • At 20 May 2011 at 12:39:00 GMT, Anonymous Gambling Addiction said…

    I can look for the reference to a site on which there are many articles on this question.

     
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats