AbdulRahman Ayyash
 

AbdelRahman Ayyash's Facebook profile

Thursday, 30 November 2006
عم رفعت اتضرب يا جدعان
بسم الله الرحمن الرحيم
----
لا أدري عم أكتب الان ..
لم يعد في رأسي الكثير الذي أود ان أكتب عنه
اي اصلاح ..
بل أي شعب هذا الذي يريد الاصلاح
اليوم نزلت عند عم رفعت الحلاق
شعري طويل .. عاوز احلقه يا اخواننا
فيها ايه دي ؟
ألاقي الراجل هيعيط وهو بيحكيلي
شفت يا باشمهندس اللي حصل .. أنا اتبهدلت يا باشمهندس
دول خدوني القسم وكهربوني
انا طلع "..." في القسم

الظابط ابن ال... فضل يضرب ويكهرب فيا لحد لما تعب
--------
يومين فاتوا
-----

الساعه اتناشر الظهر .. وفضيلتي في الجامعه
الناس اياهم دخلوا على عم رفعت المحل بتهمة اغتصاب طفلة عندها اربع سنين
ياربي على الفتاكه
الراجل اللي معانا من تلاتاشر سنه هيغتصب طفله بنته عندها اللي في سنها
الراجل اللي مبيسيبش فرض في الجامع ..و
بعيدا عن وصف عم رفعت .. إلا أن ما حدث صدمني حقيقة
فكيف للأمن المصري أن يعتقل رجلا لا له في الطور ولا في الطحين ويعامله بهذه الطريقة لمجرد الاشتباه
بصراحه انا كنت اتصور ان التعذيب في أقسامنا المباركية لم يكن يحدث إلا للإخوان المسلمين أو المعارضين السياسيين فحسب
لكنني لم أكن أعتقد اطلاقا أن التعذيب يصل إلى كل طبقات المجتمع
من طبقة المعارضة والصفوة وأساتذة الجامعات .. إلى الطبقة الكادحة المطحونة
وفي أثناء حديث عم رفعت معي دخل علينا رجل شديد سواد الشعر شديد بياض الثياب لا يرى عليه أثر السفر ولا يعرفه من اللي بيحلقوا أحد
المهم دخل علينا واحد شكله محترم ..
عم رفعت شافه قام انتفض ويا باشا و سعادتك وهات ياض وجيب يا معلم
أتاري الراجل ده رئيس نيابة .. الراجل شكلة محترم .. اه وربنا محترم
المهم كلم الراجل وشوف اللي حصل وانا اتبهدلت من هيثم الدكروري .. هيثم ده له باع طويل في قسم اول المنصوره
و الصول بكار بهدلني وهو مشغل أفلام ".." أفلام بقى
وعسكري الترحيلات أمير خللاني أقلع كل هدومي طول السكه من المنصوره للسنبلاوين
ياربي عليك يا شعب مصر
الظابط والصول وعسكري الترحيلات والمخبرين والحكومة ورئيس الجمهورية و ميلودي و صفوت الشريف كلهم عليك ولساك عايش
عم رفعت عاوز يخللي قضيته رأي عام
عاوز يوصلها للوفد لأنها في نظره حامية الحمى في مصر المحروسة
انا طبعا ما صدقت
لكن عرفت ان الراجل طلع شجاع وعمل تظلم في الاسماء اللي قلتها من شويه دي .. لا لا مش مبارك والشريف يابا
في الدكروري وبكار .. اللي نقدر عليهم
اما نشوف هنعمل ايه
أنا بس بكتب التدوينه دي عشان اريح ضميري
أهه ممكن الرسالة توصل لحد من الوفد وللا الدستور .. يا عم توصل للوعي المصري بس توصل
وسلامو عليكم
عبدالرحمن عياش

Labels: ,

posted by AbdElRaHmaN Ayyash @ 17:34  
0 Comments:
Post a Comment
<< Home
 
My Name Is : AbdElRaHmaN Ayyash
I'm From : cairo, Egypt
And : I am just a guy, that wanna see his home "Egypt" in a great position in the civilized world , wanna talk to the other views' believers to hear from them and to make them listen to me , I'll try to show good model of a young Egyptian Muslim guy , who is believing in Islam as the only solution to all problems we face...... أنا مجرد شاب ، عاوز اشوف بلدي مصر ، في أحسن مكان وسط العالم المتحضر ، عاوز اتكلم مع أصحاب الرؤى المختلفة ، و عاوز اسمع منهم ، و عاوز اعمل من نفسي مثال كويس لشاب مصري ، مؤمن ان الاسلام هو الحل لكل مشاكلنا .
للفضوليين فقط

Free counter and web stats